Eka Padasana – ஏக பாதாசனம்

பயிற்சி செய்வதற்கு எளிமையான “Eka Padasana – ஏக பாதாசனம்” என்னும் ஆசனத்தைப் பற்றித்தான் இந்தப்பதிவில் நாம் பார்க்க இருக்கின்றோம்.

ஏக் (ஏக) என்றால் “ஒன்று” என்று பொருள். பாத என்றால் “பாதம்” என்று பொருள். ஏக பாதாசனம் என்றால் “ஒற்றை பாத ஆசனம்” என்று பொருள். ஒரு பாதத்தை மட்டும் தரையில் ஊன்றி இந்த ஆசனம் செய்யப்படுவதால் இதனை “ஒற்றை பாத ஆசனம்” (Eka Padasana – ஏக பாதாசனம்) என்கின்றோம்.

முழு உடலையும் ஒரு காலை மட்டும் பயன்படுத்தி சமநிலைப்படுத்துவது என்பது கொஞ்சம் கடினமான விஷயம்தான். தொடர்ந்து பயிற்சி செய்தால் மட்டுமே இது எளிதாக கைகூடும்.

பாதத்திலிருந்து இடுப்பு வரையிலும் உடல் நேராகவும்… இடுப்புக்கு மேல் உடல் கிடைமட்டமாகவும் இருக்கும்படி அமைப்பதே இந்த ஆசனத்தின் ஹைடெக் பொசிஷன் எனலாம். இந்த நிலையில் உடல் பார்ப்பதற்கு “T” வடிவில் அமைகின்றன.

Eka Padasana – அடிப்படைத் தகவல்கள்

பெயர் – Eka Padasana.

தமிழில் – ஏக பாதாசனம்.

சமஸ்கிருதம் – Eka Padasana.

ஆங்கிலம் – One Foot Pose.

வேறுபெயர்கள் – Eka Pada asana, One Leg Pose.

ஆசனத்தின் நிலை – Standing, One-Legged.

பயிற்சியின் கடின தன்மை – Intermediate.

உடல் கோணம் – Forward Bend, Balance, Stretch, Strength.

பயிற்சி செய்யும் முறை

ஒரு கெட்டியான விரிப்பின்மீது இரண்டு பாதங்களையும் ஒன்றாக சேர்த்து வைத்து நேராக நிமிர்ந்து நிற்கவும்.

உங்கள் இரு கைகளையும் தலைக்குமேல் உயர்த்துங்கள்.

உங்கள் இரு கைகளும் கும்பிட்ட நிலையில் வைத்துக்கொள்ளுங்கள். அல்லது இரு கைகளின் விரல்களையும் ஒன்றோடு ஒன்றாக கோர்த்துக்கொள்ளலாம்.

வலது பாதம் தரையில் உறுதியாக படிந்திருக்கும்படி செய்து இடது காலை படிப்படியாக பின்னோக்கி நீட்டும்போதே இடுப்பிற்கு மேலுள்ள உடலை முன்னோக்கி படிப்படியாக வளைக்கவும்.

உங்கள் இரு கைகளும் கும்பிட்ட நிலையில் முன்னோக்கி நீட்டப்பட்ட நிலையில் இருக்க வேண்டும்.

அதாவது கைகள் இரண்டும் முன்னோக்கி நீட்டப்பட்ட நிலையிலும் இடதுகால் பின்னோக்கி நீட்டப்பட்ட நிலையிலும் உடல் நேர்கோட்டில் கிடைமட்டமாக இருத்தல் வேண்டும்.

இதே நிலையில் இருந்துகொண்டு 5 முதல் 10 தடவை ஆழமாக சுவாசியுங்கள். அல்லது இயல்பாககூட சுவாசிக்கலாம்.

அதிகப்படியாக 1 நிமிடம்வரை ஆசன நிலையில் இருக்கலாம்.

பின்பு மூச்சை நிதானமாக வெளியே விட்டவாறே இடதுகாலை கீழே இறக்கும் அதே வேளையில் உடலை மேல்நோக்கி உயர்த்தி கைகளை கீழே தாழ்த்தி இரு கால்களையும் ஊன்றியவாறு நேராக நிற்கவும்.

சில வினாடிகள் ஓய்வுக்குப்பின் கால்களை மாற்றி செய்யவும்.

முன்புபோல் உங்கள் இரு கைகளையும் தலைக்குமேல் உயர்த்துங்கள்.

உங்கள் இரு கைகளும் கும்பிட்ட நிலையில் வைத்துக்கொள்ளுங்கள். அல்லது இரு கைகளின் விரல்களையும் ஒன்றோடு ஒன்றாக கோர்த்துக்கொள்ளலாம்.

இப்போது இடது பாதம் தரையில் உறுதியாக படிந்திருக்கும்படி செய்து வலது காலை படிப்படியாக பின்னோக்கி நீட்டும்போதே இடுப்பிற்கு மேலுள்ள உடலை முன்னோக்கி படிப்படியாக வளைக்கவும். உங்கள் இருகைகளும் கும்பிட்ட நிலையல் முன்னோக்கி நீட்டப்பட்ட நிலையில் முன்போலவே வைக்கவும்.

இவ்வாறு இருகால்களையும் மாற்றி மாற்றி 2 முதல் 3 தடவை இதனை பயிற்சி செய்யவும்.

Eka Padasana – ஏக பாதாசனம் பயிற்சின் பலன்கள்

கால்களிலுள்ள அனைத்து தசைகளும் வலிமையடைகின்றன. வயிற்று தசைகள் இடுப்பு தசைகள், முதுகு தசைகள் அனைத்தும் பலம் பெறுகின்றன.

முதுகெலும்புகள், தண்டுவடம் ஆகியன வலிமையடைகின்றன.

கைகளையும் தோள்களையும் வலுப்படுத்துகிறது. மூளையின் செயல்பாட்டையும் அதிகப்படுத்துகிறது.

குறிப்பு

இதயத்தில் பிரச்சனை, இரத்த அழுத்தம் உள்ளவர்கள் இந்த ஆசனத்தை செய்தல்கூடாது.

முதுகில் கடுமையான காயங்கள் உள்ளவர்கள் இந்த பயிற்சியை செய்தல் கூடாது.

கடுமையான முழங்கால், கணுக்கால், மூட்டுவலி உள்ளவர்கள் இப்பயிற்சியை தவிர்க்கவும்.

விருட்சாசனம் (Vrikshasana)

ஏக பாதாசனம் எவ்வாறு ஒரு காலில் பயிற்சி செய்யப்படுகிறதோ அது போல் ஒரு காலில் நின்று பயிற்சி செய்யக்கூடிய மற்றொரு அற்புதமான ஆசனமும் உள்ளது. அதன் பெயர் “விருட்சாசனம்” (Vrikshasana). இந்த விருட்சாசனத்தையும் சிலர் ஏக பாதாசனம் என குறிப்பிடுவதுண்டு.

இந்த விருட்சாசனமானது சிரசாசனத்திற்கு மாற்று ஆசனம். அதாவது “சிரசாசனம்” செய்தபின் அதற்கு அடுத்த ஆசனமாக செய்ய வேண்டிய மிக முக்கியமான ஆசனம்.

சிரசாசனத்தின் மாற்று ஆசனமான இந்த விருட்சாசனத்தைப் பற்றி தெரிந்து கொள்வதற்கு நீங்களும் ஆர்வமாக இருக்கின்றீர்கள் அல்லவா?!

விருட்சாசனத்தைப் பற்றி அறிந்துகொள்ள கீழே கொடுக்கப்பட்டுள்ள விஷீவல் லிங்க் ஐ கிளிக்குங்க…

>> Vrikshasana – விருட்சாசனம் <<

Vrikshasana – விருட்சாசனம் – Personality Fitting

விருட்சம் என்பது சமஸ்கிருத சொல். அதற்கு தமிழில் மரம் என்று பொருள். Vrikshasana – விருட்சாசனம் என்றால் மரம்போல் நிற்கும் ஆசனம் என்று பொருள்.

நோய்களை தெரிந்துகொள்வோம்

இந்த பயிற்சியின் மூலமாக நிவர்த்தியாகும் நோய்களாக

ஆகியவைகளை பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில்

ஆகிய பிரச்சனைகளை பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் என்னும் பிரச்சனையைப்பற்றி பார்க்கலாம் வாருங்கள்.