ஏக் (ஏக) என்றால் “ஒன்று” என்று பொருள். பாத என்றால் “பாதம்” என்று பொருள். ஏக பாதாசனம் என்றால் “ஒற்றை பாத ஆசனம்” என்று பொருள். ஒரு பாதத்தை மட்டும் தரையில் ஊன்றி இந்த ஆசனம் செய்யப்படுவதால் இதனை “ஒற்றை பாத ஆசனம்” (Eka Padasana – ஏக பாதாசனம்) என்கின்றோம்.

முழு உடலையும் ஒரு காலை மட்டும் பயன்படுத்தி சமநிலைப்படுத்துவது என்பது கொஞ்சம் கடினமான விஷயம்தான். தொடர்ந்து பயிற்சி செய்தால் மட்டுமே இது எளிதாக கைகூடும்.

பாதத்திலிருந்து இடுப்பு வரையிலும் உடல் நேராகவும்… இடுப்புக்கு மேல் உடல் கிடைமட்டமாகவும் இருக்கும்படி அமைப்பதே இந்த ஆசனத்தின் ஹைடெக் பொசிஷன் எனலாம். இந்த நிலையில் உடல் பார்ப்பதற்கு “T” வடிவில் அமைகின்றன.

Eka Padasana – அடிப்படைத் தகவல்கள்

பெயர் – Eka Padasana.

தமிழில் – ஏக பாதாசனம்.

சமஸ்கிருதம் – Eka Padasana.

ஆங்கிலம் – One Foot Pose.

வேறுபெயர்கள் – Eka Pada asana, One Leg Pose.

ஆசனத்தின் நிலை – Standing, One-Legged.

பயிற்சியின் கடின தன்மை – Intermediate.

உடல் கோணம் – Forward Bend, Balance, Stretch, Strength.

Eka Padasana – ஏக பாதாசனம் பயிற்சி செய்யும் முறை

ஒரு கெட்டியான விரிப்பின்மீது இரண்டு பாதங்களையும் ஒன்றாக சேர்த்து வைத்து நேராக நிமிர்ந்து நிற்கவும்.

உங்கள் இரு கைகளையும் தலைக்குமேல் உயர்த்துங்கள்.

உங்கள் இரு கைகளும் கும்பிட்ட நிலையில் வைத்துக்கொள்ளுங்கள். அல்லது இரு கைகளின் விரல்களையும் ஒன்றோடு ஒன்றாக கோர்த்துக்கொள்ளலாம்.

வலது பாதம் தரையில் உறுதியாக படிந்திருக்கும்படி செய்து இடது காலை படிப்படியாக பின்னோக்கி நீட்டும்போதே இடுப்பிற்கு மேலுள்ள உடலை முன்னோக்கி படிப்படியாக வளைக்கவும்.

உங்கள் இரு கைகளும் கும்பிட்ட நிலையில் முன்னோக்கி நீட்டப்பட்ட நிலையில் இருக்க வேண்டும்.

அதாவது கைகள் இரண்டும் முன்னோக்கி நீட்டப்பட்ட நிலையிலும் இடதுகால் பின்னோக்கி நீட்டப்பட்ட நிலையிலும் உடல் நேர்கோட்டில் கிடைமட்டமாக இருத்தல் வேண்டும்.

இதே நிலையில் இருந்துகொண்டு 5 முதல் 10 தடவை ஆழமாக சுவாசியுங்கள். அல்லது இயல்பாககூட சுவாசிக்கலாம்.

அதிகப்படியாக 1 நிமிடம்வரை ஆசன நிலையில் இருக்கலாம்.

பின்பு மூச்சை நிதானமாக வெளியே விட்டவாறே இடதுகாலை கீழே இறக்கும் அதே வேளையில் உடலை மேல்நோக்கி உயர்த்தி கைகளை கீழே தாழ்த்தி இரு கால்களையும் ஊன்றியவாறு நேராக நிற்கவும்.

சில வினாடிகள் ஓய்வுக்குப்பின் கால்களை மாற்றி செய்யவும்.

முன்புபோல் உங்கள் இரு கைகளையும் தலைக்குமேல் உயர்த்துங்கள்.

உங்கள் இரு கைகளும் கும்பிட்ட நிலையில் வைத்துக்கொள்ளுங்கள். அல்லது இரு கைகளின் விரல்களையும் ஒன்றோடு ஒன்றாக கோர்த்துக்கொள்ளலாம்.

இப்போது இடது பாதம் தரையில் உறுதியாக படிந்திருக்கும்படி செய்து வலது காலை படிப்படியாக பின்னோக்கி நீட்டும்போதே இடுப்பிற்கு மேலுள்ள உடலை முன்னோக்கி படிப்படியாக வளைக்கவும். உங்கள் இருகைகளும் கும்பிட்ட நிலையல் முன்னோக்கி நீட்டப்பட்ட நிலையில் முன்போலவே வைக்கவும்.

இவ்வாறு இருகால்களையும் மாற்றி மாற்றி 2 முதல் 3 தடவை இதனை பயிற்சி செய்யவும்.

Eka Padasana – ஏக பாதாசனம் பயிற்சின் பலன்கள்

கால்களிலுள்ள அனைத்து தசைகளும் வலிமையடைகின்றன. வயிற்று தசைகள் இடுப்பு தசைகள், முதுகு தசைகள் அனைத்தும் பலம் பெறுகின்றன.

முதுகெலும்புகள், தண்டுவடம் ஆகியன வலிமையடைகின்றன.

கைகளையும் தோள்களையும் வலுப்படுத்துகிறது. மூளையின் செயல்பாட்டையும் அதிகப்படுத்துகிறது.

குறிப்பு

இதயத்தில் பிரச்சனை, இரத்த அழுத்தம் உள்ளவர்கள் இந்த ஆசனத்தை செய்தல்கூடாது.

முதுகில் கடுமையான காயங்கள் உள்ளவர்கள் இந்த பயிற்சியை செய்தல் கூடாது.

கடுமையான முழங்கால், கணுக்கால், மூட்டுவலி உள்ளவர்கள் இப்பயிற்சியை தவிர்க்கவும்.

விருட்சாசனம் (Vrikshasana)

ஏக பாதாசனம் எவ்வாறு ஒரு காலில் பயிற்சி செய்யப்படுகிறதோ அது போல் ஒரு காலில் நின்று பயிற்சி செய்யக்கூடிய மற்றொரு அற்புதமான ஆசனமும் உள்ளது. அதன் பெயர் “விருட்சாசனம்” (Vrikshasana). இந்த விருட்சாசனத்தையும் சிலர் ஏக பாதாசனம் என குறிப்பிடுவதுண்டு.

இந்த விருட்சாசனமானது சிரசாசனத்திற்கு மாற்று ஆசனம். அதாவது “சிரசாசனம்” செய்தபின் அதற்கு அடுத்த ஆசனமாக செய்ய வேண்டிய மிக முக்கியமான ஆசனம்.

சிரசாசனத்தின் மாற்று ஆசனமான இந்த விருட்சாசனத்தைப் பற்றி தெரிந்து கொள்வதற்கு நீங்களும் ஆர்வமாக இருக்கின்றீர்கள் அல்லவா?!

விருட்சாசனத்தைப் பற்றி அறிந்துகொள்ள கீழே கொடுக்கப்பட்டுள்ள விஷீவல் லிங்க் ஐ கிளிக்குங்க…

>> Vrikshasana – விருட்சாசனம் <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக வயிற்று தசைகள், இடுப்பு தசைகள், முதுகு தசைகள் பலம் பெறுவதோடு முதுகெலும்புகள், தண்டுவடம் வலிமையடைகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இதயபிரச்சனை, இரத்த அழுத்தம், கடுமையான முழங்கால், கணுக்கால், மூட்டுவலிகள், முதுகில் கடுமையான காயங்கள் உள்ளவர்கள் இப்பயிற்சியை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “இரத்த அழுத்தம்” பற்றிய அடிப்படை விஷயங்களை பார்க்கலாம் வாருங்கள்.

இரத்த அழுத்தம் – Blood Pressure

உடலின் அனைத்து பாகங்களுக்கும் தேவையான இரத்தத்தை இரத்தக்குழாய்களின் வழியாக இதயமானது குருதியை பம்ப் செய்து அனுப்புகிறதல்லவா?.. அவ்வாறு அனுப்பும்போது இரத்தக்குழாய்களின் சுவர்களில் ஏற்படும் அழுத்தத்தைத்தான் “இரத்த அழுத்தம் (Blood Pressure) என்கிறோம்.

சாதாரணமாக இருக்கவேண்டிய இரத்த அழுத்தத்தின் அளவு 120/80 mmHg ற்கும் கீழே இருக்கவேண்டும்.

இதில் Forward Slash ன் மேற்பகுதியில் இருக்கும் 120 என்னும் அளவானது இதயம் சுருங்கும்போது ஏற்படும் அழுத்தத்தையும், Forward Slash ன் கீழ்பகுதியில் இருக்கும் 80 என்னும் அளவானது இதயம் விரியும்போது ஏற்படும் அழுத்தத்தையும் குறிக்கிறது.

உயர் இரத்த அழுத்தம் – Hypertension

இரத்த அழுத்தத்தின் அளவு 140/90 mmHg ம் அதற்கு மேலும் இருந்தால் அது உயர் இரத்த அழுத்தமாக குறிப்பிடப்படுகிறது.

உயர் இரத்த அழுத்தம் வருவதற்கான காரணங்கள்

உயர் இரத்த அழுத்தம் வருவதற்கான காரணங்கள் ஒவ்வொருவருக்கும் ஒவ்வொரு வகையில் மாறுபடலாம்.

உணவில் அதிகப்படியான உப்பு (சோடியம்) எடுத்துக்கொள்வதால் உயர் இரத்த அழுத்தம் வரலாம். சர்க்கரை நோய் (நீரழிவு) பிரச்சனை உள்ளவர்களுக்கு உயர் இரத்த அழுத்தம் வருவதற்கான வாய்ப்புகள் அதிகம் உள்ளன. எனவே சர்க்கரை நோய் உள்ளவர்கள் இரத்தத்தில் சர்க்கரையின் அளவை கட்டுப்பாட்டுக்குள் வைத்துகொள்ள வேண்டியது அவசியம்.

உயர் இரத்த அழுத்தப் பாதிப்புகள்

இயல்பான அளவைவிட இரத்த அழுத்தம் அதிகமாக இருப்பின் அது இதயம் மற்றும் சிறுநீரகத்தில் பாதிப்பை ஏற்படுத்தலாம்.

உயர் இரத்த அழுத்தத்திற்கான சிகிச்சைகள்

உணவில் உப்பு பயன்பாட்டை குறைத்துக்கொள்வது உயர் இரத்த அழுத்தத்திற்கான சிகிசையின் முதல் படி எனலாம்.

சர்க்கரை நோயை கட்டுப்பாட்டுக்குள் வைத்துக்கொள்வதோடு உடல் எடையை சீராக பராமரித்து வரவேண்டியதுவும் அவசியம்.

குறைந்த இரத்த அழுத்தம் – Hypotension

இரத்த அழுத்தத்தின் அளவு 90/60 mmHg ம் அதற்கு கீழும் இருந்தால் அது குறைந்த இரத்த அழுத்தமாக அளவிடப்படுகிறது.

குறைந்த இரத்த அழுத்தம் வருவதற்கான காரணங்கள்

உங்களுக்கு ஏற்கனவே இதயத்தில் எதாவது பிரச்சனை இருந்தால் அது குறைந்த இரத்த அழுத்த பிரச்சனைக்கு வழிவகுக்கலாம். ஹார்மோன்களில் ஏற்படும் மாற்றங்களாலும் குறைந்த இரத்த அழுத்தம் வருவதற்கான வாய்ப்புகள் அதிகரிக்கிறது.

குறைந்த இரத்த அழுத்தப் பாதிப்புகள்

இயல்பான அளவைவிட இரத்த அழுத்தம் குறைவாக இருப்பின் அது மூளை மற்றும் இதயம் போன்ற முக்கியமான உறுப்புகளுக்கு போதுமான இரத்தம் கிடைக்காமல் செய்துவிடும் ஆபத்து அதிகரிக்கிறது. இதனால் சோர்வு, மயக்கம், தலைசுற்று, தலைவலி முதலியவைகளை ஏற்படுத்துகிறது. மேலும் உடல்பலவீனம், தடுமாற்றம், எதிலும் கவனம் செலுத்த முடியாத நிலை, குமட்டல் உணர்வு மற்றும் உடல் குளிர்ச்சி அடைவதுடன் தோல் வெளிறிப்போவது போன்ற பிரச்சனைகளை ஏற்படுத்துகிறது.

மேற்குறிப்பிட்ட பிரச்சனைகள் தீவிரமாகும்போது மூளை மற்றும் இதர முக்கியமான உறுப்புகளுக்கு செல்லும் இரத்த ஓட்டம் பாதிப்படைவதால் மரணம்கூட ஏற்படலாம்.

குறைந்த இரத்த அழுத்தத்திற்கான சிகிச்சைகள்

இதயம் மற்றும் ஹார்மோன்களில் ஏற்படும் பிரச்சனைகளை ஆராய்ந்து அதற்கான சிகிச்சைகளை மேற்கொள்ளலாம்.

உடலில் நீரிழப்பு ஏற்பட்டாலும் அது குறைந்த இரத்த அழுத்தத்திற்கு வழிவகுக்கும் என்பதால் போதுமான தண்ணீர் குடிக்கவேண்டியது அவசியம்.

உடலில் சோடியம் சத்து குறைவுபட்டாலும் குறைந்த இரத்த அழுத்தம் ஏற்படலாம்.

இப்படியானவர்கள் உணவில் சிறிது உப்பை அதிகப்படுத்தி பார்க்கலாம். என்றாலும், இதய நோய் உள்ளவர்கள் மருத்துவர்களுடன் கலந்து ஆலோசித்த பின்பே உப்பை அதிகப்படுத்த வேண்டும். இல்லையென்றால் உப்பானது இதயநோய் பாதிப்பை அதிகப்படுத்திவிடும்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Eka Padasana – ஏக பாதாசனம் appeared first on Personality Fitting.

ஸ்வஸ்திகாசனத்தை பார்ப்பதற்கு முன்னால் முதலில் ”யோகா ஆசனம்’‘ என்றால் என்னவென்று பார்ப்போம்.

Yoga – யோகா

“யோகா” மற்றும் “யோகாசனம்” என்பது இந்தியாவில் நம் முன்னோர்களாகிய ஆன்றோர்கள் மற்றும் சான்றோர்களால் உருவாக்கப்பட்ட உடல் மற்றும் மனவளக்கலை பயிற்சியாகும்.

பண்டைய ரிஷிகளாலும், முனிவர்களாலும், யோகிகளாலும் உருவாக்கப்பட்ட இந்த பயிற்சி பிற வகையான உடற்பயிற்சிகளைவிட மேன்மையானது.

உடற்பயிற்சிக்கும் யோகாசனப் பயிற்சிக்கும் நிறையவே வித்தியாசங்கள் உள்ளன.

பொதுவாக யோகா என்றால் மக்களிடையே ஒரு தவறான கருத்து நிலவுகிறது. யோகா பயிற்சி என்பது ஒருவிதமான உடற்பயிற்சி என்ற வரையறைக்குள்ளாகவே அதை வைத்து பலர் பார்க்கின்றனர். அது உண்மைதான் என்றாலும்கூட யோகா என்பது வெறும் உடற்பயிற்சி மட்டுமல்ல அதில் மனதிற்கான பயிற்சியும் அடங்கியுள்ளன.

உடற்பயிற்சியானது உடலின் அனைத்து உறுப்புகளும் இரும்புபோல் வலிமையாவதற்கு மட்டுமே பயிற்சி அளிக்கிறது. அதனாலேயே அதன் பயிற்சிகள் யாவும் அதிகம் பளு உள்ள பயிற்சிகளாகவும், வேகமான அசைவுகளாகவும் அமைகின்றன.

உடலின் உள்ளே சில உறுப்புகள் மிருதுவான தன்மையுடன் இருந்தால்தான் அவைகளால் சிறப்பாக பணியாற்ற முடியும். ஆனால் அதைப்பற்றி கவலைகொள்ளாமல் மென்மையாக இருக்க வேண்டிய உள்ளுறுப்புகளையும் இறுக வைத்து விடுகின்றன இந்த உடற்பயிற்சிகள்.

மென்மையாகவும், துவளும் தன்மையுடனும் இருக்கவேண்டிய பல உள்ளுறுப்புகள் கடினமானப் பயிற்சியின் மூலம் இறுக்கப்பட்டு அதன் இயல்பான இயக்கங்கள் பாதிக்கப்படுவது குறித்து அது பெரிதும் கவலைப்படுவதில்லை.

எனவேதான் கடினமான உடற்பயிற்சியில் ஈடுபடுகிறவர்கள் முதுமைக்காலங்களில் பல ஆபத்தான நோய்களில் துன்புறுவதைக் காண்கிறோம்.

ஆனால் யோகாசனப்பயிற்சியானது உடற்பயிற்சியைப்போல் உடலை இறுக்குவதில்லை. மாறாக உடலை நன்கு துவளும் தன்மையுடன் வைக்கிறது.

சிறுகுழந்தைகளின் உடல் எவ்வாறு ரப்பர் போல் வளையும்தன்மை பெற்றுள்ளதோ அதே தன்மைக்கு உங்கள் உடலைக்கொண்டு வருகிறது. எனவே முதுமையிலும் உடல் இளமையும் சுறுசுறுப்பும் பெற்று திகழ்கிறது.

இன்று அதன் மேன்மை கருதி இந்தியாவில் மட்டுமல்ல உலகின் பட்டிதொட்டிகளுக்கு எல்லாம் வேகமாக பரவி வருகிறது. இன்று வெளிநாட்டினர் அதன் மேன்மை உணர்ந்து யோகாவை விரும்பி கற்கின்றனர்.

இன்று மன அழுத்தம், மனச்சோர்வு போன்ற பிரச்சனைகள்தான் பலபேர்களுடைய வாழ்க்கையில் நிம்மதியின்மையை தருகின்றன என்பதனை நாம் பார்க்கின்றோம். அவ்வாறானவர்கள் யோகாசனம் செய்வதை தம் வாழ்க்கையின் அன்றாட நிகழ்வாக கொண்டுவரும் பட்சத்தில் மன அழுத்தம் மற்றும் மன சோர்விலிருந்து எளிதில் விடுபட முடியும்.

அவ்வாறு உடலுக்கும் உள்ளத்திற்கும் பயிற்சியளிக்கக்கூடிய ஆசனங்களில் தியானம் செய்வதற்கும் மனதிற்கு அமைதியை தரக்கூடியதுமான ஆசனம் ஒன்றினைத்தான் நாம் இந்த பதிவில் பார்க்க இருக்கின்றோம்..

நாம் இப்போது பார்க்கப்போவது “ஸ்வஸ்திகாசனம்”. இது மூச்சு பயிற்சி என்னும் பிரணாயாமம் பயில்வதற்கும், தியானம் பயில்வதற்கும் ஏற்றதொரு ஆசனம். வாருங்கள் பார்க்கலாம்…

Swastikasana – ஸ்வஸ்திகாசனம் – அடிப்படை தகவல்கள்

பெயர் – Swastikasana.

தமிழில் – ஸ்வஸ்திகாசனம்.

சமஸ்கிருதம் – Swastikasana.

ஆங்கிலம் – Auspicious Pose.

வேறுபெயர்கள் – Svastikasana.

ஆசனத்தின் நிலை – Sitting.

பயிற்சியின் கடினத்தன்மை – Beginner.

உடல் கோணம் – Meditative, Stretch.

ஸ்வஸ்திகாசனம் – செய்முறை

பத்மாசனத்தில் உட்காருவது போல்தான் இதிலும் உட்காரவேண்டும். ஆனால் ஒரு வித்தியாசம் என்னவென்றால் பத்மாசனத்தில் இரண்டு பாதங்களும் தொடைகள் மீது மலர்ந்தபடி இருக்கும். ஆனால் ஸ்வஸ்திகாசனத்தில் இரு பாதங்களும் கெண்டைக்காலுக்கும் தொடைக்கும் இடைப்பட்ட இடைவெளியில் நுழைக்கப்பட்டிருக்கும்.

சரி, இனி இந்த ஆசனத்தை எவ்வாறு பயிற்சி செய்வது என்பதனைப் பார்ப்போம்…

முதலில் விரிப்பில் உட்கார்ந்து இரண்டு கால்களையும் நேராக நீட்டிக்கொள்ளுங்கள்.

வலது காலை மடித்து பாதங்களை இடது தொடை மீது வைக்காமல் தொடையின் பக்கவாட்டில் படும்படி வைக்கவும். அதேபோல் இடது காலை மடக்கி இரண்டு கைகளால் மெதுவாக பிடித்து தூக்கி பாதங்களை வலது கெண்டைக் கால்களுக்கும் தொடைக்கும் இடைப்பட்ட இடைவெளியில் நுழைக்கவும்.

கைகள் இரண்டையும் முழங்கால் மீது சின் முத்திரை பிடித்தபடி வைக்கவும்.

முதுகு கூன்விழாமல் நேராக நிமிர்ந்து உட்காரவும். கூன் விழுந்த நிலையில் உட்கார்ந்தால் அது கடுமையான பக்கவிளைவுகளை ஏற்படுத்தும்.

மூச்சை மெதுவாக நன்கு இழுத்து ஒரே சீராக சுவாசிக்கவும்.

5 நிமிடம் இந்த ஆசனத்தில் உட்காரவும். அதன்பின் கால்களை மாற்றி செய்யவும். இது தியானம் செய்வதற்கு ஏற்ற நல்லதொரு ஆசனம். தியானத்தில் அமரும் பட்சத்தில் 5 லிருந்து 20 நிமிடங்கள் வரை உட்காரலாம்.

பயிற்சியின் பயன்கள்

பத்மாசனத்திற்கான முழு பலன்களும் இந்த பயிற்சியிலும் கிடைப்பதோடு முழங்கால் நன்கு வலுப்பெற்று மூட்டு வலிகள் நீங்கும். கால்வலி நீங்கும். முதுகுவலி குணமாகும். முதுகெலும்பும் பலம் பெறும். நுரையீரல் வளம் பெறும். உடல் இறுக்கத்தை குறைத்து நெகிழ்வு தன்மையை அதிகரிக்கிறது.

தியானம் பயில மிக சிறந்த ஆசனம் இது. மனதை அமைதிப்படுத்தி மன அழுத்தத்தைக் குறைக்கிறது. நுரையீரலின் திறனை அதிகப்படுத்தி நரம்புமண்டலத்தை பலப்படுத்துகிறது. முதுகெலும்பை நேராக்க உதவுகிறது. உணவு செரிமானத்தையும் அதிகரிக்கிறது.

முக்கிய குறிப்புகள்

முழங்கால், இடுப்பு, முதுகு அல்லது கணுக்கால்களில் வலியோ அல்லது காயங்களோ உள்ளவர்கள் இந்த பயிற்சியை செய்தல் கூடாது.

கர்ப்பிணி பெண்கள் இந்த பயிற்சியை ஆரம்ப காலகட்டத்தில் ஓரிரு மாதங்கள் செய்யலாம். அதன்பின் தவிர்த்தல் வேண்டும். சில கர்ப்பிணி பெண்களுக்கு ஆரம்ப கட்டத்திலிருந்தே கால்களில் வீக்கம் காணப்படும். அப்படியானவர்கள் இந்த பயிற்சியை செய்தல் கூடாது.

இந்த ஆசனமானது மனதை அமைதிப்படுத்தி மன அழுத்தத்தை குறைத்து சிந்தனையை கூர்மைப்படுத்துவதால் பிரணாயாமம், தியானத்திற்கு ஏற்றது.

பிரணாயாமம், தியானப் பயிற்சிக்காக பத்மாசனம் (Padmasana – Kamalasana), சித்தாசனம் ஆகிய ஆசனங்களில் உட்காருபவர்கள் அதில் உட்காருவது சிரமம் என உணர்ந்தால் ஸ்வஸ்திகாசனத்தை தேர்ந்தெடுக்கலாம். இதுவும் சிரமமாக உள்ளதாக உணர்ந்தால் இருக்கவே இருக்கிறது சுகாசனம்.

ஆம்,… சுகாசனத்தில் ஜம்மென்று உட்கார்ந்துவிட வேண்டியதுதான்.

பத்மாசனம் – Padmasana

Swastikasana – ஸ்வஸ்திகாசனம் பற்றி தெரிந்துகொண்ட நீங்கள் “பத்மாசனம்” பற்றியும் தெரிந்துகொள்ள ஆசைப்படுகிறீர்கள்தானே!!!..

அனைவராலும் உச்சரிக்கப்படும் மிகவும் பிரபலமான ஆசனம்தான் இந்த பத்மாசனம்..

மூச்சு பயிற்சி என்னும் பிரணாயாமம் பயில்வதற்கும், தியானம் பயில்வதற்கும் ஏற்றதொரு பிரபலமான ஆசனம்.

நாம் இந்த பதிவில் பார்த்த ஸ்வஸ்திகாசனமும் பிரணாயாமம் பயில்வதற்கும், தியானம் பயில்வதற்கும் ஏற்றதொரு ஆசனம்தான்.

பார்ப்பதற்கு பத்மாசனமும், ஸ்வஸ்திகாசனமும் ஒன்றுபோலவே காணப்படும். ஆனால், ஒரு வித்தியாசம் என்னவென்றால் ஸ்வஸ்திகாசனத்தில் இரு பாதங்களும் கெண்டைக்காலுக்கும் தொடைக்கும் இடைப்பட்ட இடைவெளியில் நுழைக்கப்பட்டிருக்கும். ஆனால் பத்மாசனத்தில் இரண்டு பாதங்களும் தொடைகள் மீது மலர்ந்தபடி இருக்கும்.

ஸ்வஸ்திகாசனத்தில் உட்காருவதைவிட பத்மாசனத்தில் உட்காருவது கொஞ்சம் கடினம்தான் என்றாலும் பத்மாசனத்தையும் பழகி வைத்திருப்பது உங்களுக்கு பெருமையல்லவா!!…

பத்மாசனத்தைப்பற்றி தெரிந்துகொள்ள கீழே கொடுக்கப்பட்டுள்ள பேனர் (Banner) ஐ முரட்டுத்தனமாக அழுத்தாமல் ஒரு மலரை தொடுவதுபோல மெதுவாக வருடிக்கொடுங்கள்.. அடுத்த நொடியே உங்கள் கண்முன்னால் பத்மாசனமானது தாமரை மலரைப்போல மலருவதை நீங்களே பார்க்கலாம்.

>> பத்மாசனம் – Padmasana <<

ஸ்வஸ்திகாசனத்தோடு ஒப்பிடும்போது பத்மாசனம் செய்வது என்பது உண்மையிலேயே கடினமான விஷயம்தான். அவர்களின் உடல் அமைப்பும் அதற்கு ஒரு காரணமாக இருக்கலாம். எனவே பத்மாசனத்திற்கு உடல் ஒத்துழைக்கவில்லை என்றால் நீங்கள் தாராளமாக ஸ்வஸ்திகாசனத்தில் அமர்ந்துகொண்டு தியானப்பயிற்சியில் ஈடுபடலாம்.

தியானப் பயிற்சியோடு பிரம்மச்சரியமும் அனுஷ்டிக்கவேண்டும் என ஆசைப்படுகிறீர்களா? அப்படியென்றால் ஸ்வஸ்திகாசனத்திற்கு பதிலாக நீங்கள் சித்தாசனத்தை தேர்ந்தெடுக்கலாம்.

இந்த சித்தாசனமானது ஸ்வஸ்திகாசனத்தைப்போல் எளிமையானதுதான் என்றாலும் அதைவிட இது ஒருபடிமேல். ஏனெனில் இது உங்களை பிரம்மச்சரியத்தில் நிலைபெற்றிருக்கச் செய்யும்.

எனவே பிரமச்சரியம் கடைபிடிக்க வேண்டும் என்று விருப்பம் கொள்கிறவர்கள் சித்தாசனத்தில் உட்கார்ந்து தியானம் பயிலலாம்.

சரி, சித்தாசனம் பயிற்சி செய்வது எப்படி என கேட்கிறீர்களா?… கீழே கொடுக்கப்பட்டுள்ள விஷீவல் லிங்கை ஐ கிளிக்குங்க.. சித்தாசனத்தில் சித்தி பெறுங்கள்.

>> சித்தாசனம் – Siddhasana<<

எங்களுக்கு பிரம்மச்சரியமெல்லாம் தேவையில்லை. கஷ்டமே இல்லாமல் சுகமாக உட்கார்ந்தால் போதும் என நினைக்கிறீர்களா?!!.

கவலையை விடுங்கள் உங்களுக்காகவே உருவாக்கப்பட்டதுதான் “சுகாசனம்”.

சுகாசனம் என்பது வேறொன்றும் இல்லை… நாம் சாதாரணமாக சம்மணம் போட்டு உட்காருகிறோமல்லவா அதுதான் சுகாசனம்.

“சம்மணம்போட சங்கடம் இல்லை” என்று ஒரு பழமொழியும் உண்டு. எனவே, எளிமையான இந்த சுகாசனத்தை எப்படி பயிற்சி செய்வது என்பதனை அறிந்துகொள்ள கீழே கொடுக்கப்பட்டுள்ள விஷீவல் லிங்க் (visual link preview) என்னும் பேனர் (Banner) ஐ ஒரு தட்டு தட்டுங்க சுகாசனத்தில் ஜம்முன்னு உட்காருங்க…

>> சுகாசனம் – Sukhasana <<

சுகாசனம் பற்றிய குறிப்பு

சுகாசனத்தில் உட்கார்ந்து தியானம் பயிற்சி செய்வது ஒரு சுகமான அனுபவம்தான் என்றாலும் இந்த சுகாசனத்தில் ஒரு பிரச்சனை உள்ளது. அது என்ன பிரச்சனை என்றால்… இதில் உட்காரும்போது உடலுக்கு எந்தவிதமான கஷ்டமுமில்லாமல் சுகமான உணர்வை தருவதால் பலருக்கு தியானத்தின்போது தூக்கத்தை தருவித்துவிடும் என்பது ஒரு மைனஸ் பாயிண்ட்.

மற்றொரு பிரச்சனை என்னவென்றால் பத்மாசனத்தைப்போல இது உங்கள் உடலை அதாவது உட்காரும் இடத்தை தரைத்தளத்துடன் உறுதியாக இறுக்கி வைப்பதில்லை என்பதால் ஆரம்பத்தில் நீங்கள் நிமிர்த்து நேராக உட்கார்ந்து இருந்தாலும்கூட நேரம் செல்லச்செல்ல படிப்படியாக உங்கள் உடலை முன்னோக்கி சரிய செய்துவிடும் என்பது இரண்டாவது மைனஸ் பாயிண்ட்.

எனவே ஆரம்ப பயிற்சிக்கு மட்டும் சுகாசனத்தை பயிற்சி செய்துவிட்டு அதன்பின் ஸ்வஸ்திகாசனம், சித்தாசனம் அல்லது பத்மாசனத்திற்கு தாவிவிடுவது சிறப்பு.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக முழங்கால் நன்கு வலுப்பெற்று மூட்டு வலிகள் நீங்குகிறது. கால்வலி, முதுகுவலி குணமாகிறது. முதுகெலும்பும், நரம்புமண்டலமும் பலம் பெறுகிறது. நுரையீரலும் வளம் பெறுகிறது. உணவு செரிமானத்தையும் அதிகரிக்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் முழங்கால், இடுப்பு, முதுகு அல்லது கணுக்கால்களில் வலியோ அல்லது காயங்களோ உள்ளவர்கள் இந்த பயிற்சியை செய்தல் கூடாது.

கர்ப்பிணி பெண்கள் இந்த பயிற்சியை ஆரம்ப காலகட்டத்தில் ஓரிரு மாதங்கள் செய்யலாம். அதன்பின் தவிர்த்தல் வேண்டும். சில கர்ப்பிணி பெண்களுக்கு ஆரம்ப கட்டத்திலிருந்தே கால்களில் வீக்கம் காணப்படும். அப்படியானவர்கள் இந்த பயிற்சியை செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “மூட்டு வலிகள்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Swastikasana – ஸ்வஸ்திகாசனம் appeared first on Personality Fitting.

யோகாசனப் பயிற்சியானது அழகையும், ஆரோக்கியத்தையும் மட்டுமல்ல. உடலிலுள்ள நாடி, நரம்புகளையெல்லாம் சுத்தப்படுத்தும் வேலையையும் செய்வதால் மன அமைதியையும், நல்ல சிந்தனையையும் தரவல்லது.

இந்த பதிவில் மன அமைதியை தரக்கூடிய அதே  வேளையில் ஆரோக்கியத்தையும் தரக்கூடிய ”தித்லி” ஆசனம் என்னும் பத்ராசனத்தைப்பற்றியும் அதை பயிற்சி செய்யும் முறையை பற்றியும்தான் பார்க்க இருக்கின்றோம்.

Titli Asana – பத்ராசனம்

“Titli” என்றால் “வண்ணத்துப்பூச்சி” (Butterfly) என்று பொருள். வண்ணத்துப்பூச்சி என்றால் சாதாரண வண்ணத்துப்பூச்சி அல்ல “வண்ணமயமான வண்ணத்துப்பூச்சி” என்று பொருள்.

மேலே நீங்கள் பார்க்கும் படத்தில் உள்ளதுதான் Titli Asana – தித்லி ஆசனம்.

அந்த ஆசனத்தை கூர்ந்து கவனித்தீர்கள் என்றால் முழங்கால்கள் இரண்டும் தரையில் படியாமல் வண்ணத்துப்பூச்சியின் இறக்கைபோல சிறிது உயர்ந்து இருப்பதை பார்க்கலாம். இதனால்தான் இதனை “வண்ணத்துப்பூச்சி இருக்கை” என்று அழைக்கின்றனர்.

இதற்கு “செருப்பு தைப்பவரின் ஆசனம்” என்று மற்றொரு பெயரும் உள்ளது!.

செருப்பு தைப்பவர்களை பார்த்திருக்கிறீர்கள் அல்லவா?.. அவர்கள் செருப்பு தைக்கும்போது இந்த ஆசனத்தில்தான் அமர்ந்திருப்பார்கள்..

செருப்பு தைப்பவரை ஆங்கிலத்தில் “Cobbler” என்று குறிப்பிடுகின்றனர். எனவேதான் இந்த ஆசனத்தை “செருப்பு தைப்பவரின் ஆசனம்” என்ற அர்த்தத்தில் ஆங்கிலத்தில் “Cobbler Pose” என குறிப்பிடுகின்றனர்.

இதனை “பத்ராசனம்” எனவும் குறிப்பிடுகின்றனர்… “பத்ரா” என்றால் “அதிர்ஷ்டம்” அல்லது “மங்களகரமானது” என்று பொருள். பத்ராசனம் என்றால் “மங்களகரமான இருக்கை” என்று பொருள்.

சரி, இனி இந்த தித்லி ஆசனத்தை எப்படி பயிற்சி செய்வது என்பதனைப் பார்ப்போம்…

Titli Asana – தித்லி ஆசனம் – அடிப்படைத் தகவல்கள்

பெயர் – Titli Asana.

தமிழ் -தித்லி ஆசனம், பத்ராசனம்.

சமஸ்கிருதம் – Titli Asana – Bhadrasana.

ஆங்கிலம் – Butterfly Pose.

வேறுபெயர்கள்

• Cobbler Pose
• Bhadrasana

ஆசனத்தின் நிலை – Meditation Pose, Seated Pose.

பயிற்சியின் கடின தன்மை – Advanced.

உடல் கோணம் – Meditative, Stretch.

தித்லி ஆசனம் – செய்முறை

ஒரு கெட்டியான விரிப்பின் மீது இரண்டு கால்களையும் நீட்டியபடி உட்காரவும். அதன்பின் இரு உள்ளங்கால்களையும் ஒன்றாக சேர்த்து கும்பிட்டது போன்ற நிலையில் வைத்து இரண்டு முழங்கால்களையும் மடித்து உங்கள் இடுப்புக்கு அருகில் கொண்டு வாருங்கள். குதிகால்கள் பிறப்புறுப்பை தொட்ட நிலையில் இருக்கவும்.

இரண்டு கை விரல்களையும் ஒன்றாக கோர்த்து இரண்டு பாதங்களையும் ஒன்றாக இணைத்து பிடித்துக்கொள்ளவும். இந்த நிலையில் முழங்கால்கள் தரையில் படிந்தபடி இருக்கவேண்டும். இந்த நிலையில் உங்கள் முதுகு கூன் விழாமல் நேராக இருக்கும்படி பார்த்துக்கொள்ளுங்கள்.

இந்த பயிற்சி செய்யும்போது முழங்கால்கள் தரையில் படியாமல் வண்ணத்துப்பூச்சியின் இறக்கைபோல சிறிது உயர்ந்து இருப்பதை பார்க்கலாம். அதற்காக கவலைப்பட வேண்டாம்.

வண்ணத்துப்பூச்சி இறக்கைகளை மேலும் கீழும் மெதுவாக அசைக்கும் அல்லவா?!அதுபோல மெதுவாக இரு தொடைப்பகுதிகளை மேலும் கீழுமாக 10 முதல் 15 தடவை அசைத்து அசைத்து கொஞ்சம் கொஞ்சமாக தரையில் பதிக்க முயற்சி செய்துவர சில மாத பயிற்சிக்குப்பின் கால்கள் தரையில் படிய ஆரம்பிக்கும்.

கால்களை மேலும் கீழும் அசைக்கும் பயிற்சியின்போது பட்டாம்பூச்சிகள் அதன் இறக்கைகளை அசைப்பது போன்ற ஒரு தோற்றத்தை தருவதால்தான் இந்த ஆசனத்தை “வண்ணத்துபூச்சி இருக்கை” (Butterfly Pose) என அழைக்கின்றனர்.

சரி,… இனி பயிற்சியை தொடர்ந்து பார்ப்போம்…

பயிற்சியின் போது மூச்சை மெதுவாக நேர்த்தியாக ஒரே சீராக சுவாசிக்கவும். மனதையும் அமைதியாக வைத்திருங்கள். தோள்களையும் தளர்வாக வைத்திருங்கள்.

இந்த ஆசனத்தில் 2 நிமிடங்கள் இருக்கவும்.

இந்த பயிற்சியை திரும்ப திரும்ப 2 முதல் 5 தடவை செய்து வரவும்.

பயிற்சியின் பலன்கள்

இந்த பத்ராசனம் (Bhadrasana) என்னும் Titli Asana – தித்லி ஆசனம் தொடர்ந்து செய்வதால் என்ன பலன்களெல்லாம் கிடைக்கும் என கேட்கிறீர்களா?..

உங்கள் எதிர்பார்ப்புக்கும் அதிகமாகவே இதில் பலன்கள் கிடைக்கின்றன.

”சங்கடம் போக்க சம்மணம் இடுங்கள்” என்று ஒரு பழமொழி உண்டு.. உண்மைதான்… தித்லி ஆசனம் பயிற்சியால் சங்கடங்கள் அகலும். முக்கியமாக மனதிற்கு அமைதியை கொடுத்து மகிழ்ச்சியைப் பெருக்குகின்றன.

இடுப்பு மற்றும் கணுக்கால்களின் நெகிழ்வு தன்மையை மேம்படுத்துகின்றன. கால் தசைகள் மற்றும் முதுகு பகுதிகளை வலுப்படுத்துகிறது.

குதிகால், முழங்கால், தொடை பகுதிகள் நன்கு பலம் பெறும். கால் நரம்புகள் புத்துணர்வு பெறும். பலபேர் முழங்கால் மூட்டுவலியால் அவதியுறுகின்றனர். அவர்களுக்கு இது சிறந்த ஆசனம் எனலாம்.

இந்த ஆசனத்தில் உடலை நேராக நிமிர்த்தி மூச்சை இழுத்து ஒரே சீராக நேர்த்தியாக விடுவதால் நுரையீரல் வலுபெறுகின்றன. முதுகெலும்புகள் பலம் பெறுகின்றன. வயிற்றின் உள்ளுறுப்புகள் நன்கு வேலை செய்ய தூண்டுகின்றன.

ஆண், பெண்களின் மலட்டுத்தனம் நீங்கும்.

பெண்களுக்கு மாதவிடாய் காலத்தில் ஏற்படும் வலிகளை நிவர்த்தி செய்கிறது. வயிற்று வலிகளையும் தணிக்கிறது. அதிக இரத்தப்போக்கை கட்டுப்படுத்துகிறது. மேலும் பெண்களின் கர்ப்பப்பையின் ஆரோக்கியத்தையும், பிறப்புறுப்பின் ஆரோக்கியத்தையும் மேம்பட செய்கிறது. இயற்கையாக பிரசவம் நடப்பதற்கு வழியையும் ஏற்படுத்திக் கொடுக்கிறது.

ஆண்களின் புரோஸ்டேட் சுரப்பிகளை இது மசாஜ் செய்வதால் அவற்றின் ஆரோக்கியம் மேம்பட்டு செயல்பாடுகள் அதிகரித்து விந்தணுக்களை பெருக்குகிறது. இந்த ஆசனம் செய்யும்போது இதனுடன் “தனுராசனம்” (Dhanurasana) என்னும் ஆசனத்தையும் செய்துகொண்டுவர ஆண்மை பன்மடங்கு அதிகரிக்கும்.

முக்கிய குறிப்பு

மூட்டுவலி, முழங்கால் மூட்டுவலிகளை வராமல் தடுக்கும் திறன் இதற்கு உண்டு என்பது உண்மைதான் என்றாலும், கணுக்கால்கள், முழங்கால்கள், இடுப்பு ஆகியவைகளில் வலிகளோ, வீக்கங்களோ, காயங்களோ, தசைபிடிப்புகளோ இருக்கும் சமயங்களில் இந்த ஆசனத்தை செய்தல்கூடாது.

இந்த ஆசனம் பெண்களுக்கு இயற்கையாக பிரசவம் நடப்பதற்கு வழி ஏற்படுத்திக் கொடுக்கிறது என்பது உண்மைதான் என்றாலும் கர்ப்பம் தரித்த முதல் மூன்று மாதங்களுக்கு இந்த ஆசனத்தை செய்யவே கூடாது. அது கரு சிதைவுக்கு வழிவகுத்துவிடும்.

கருத்தரித்து நான்கைந்து மாதங்களுக்கு பின் இந்த பயிற்சியை செய்யலாம் என்றாலும் வயிறு, இடுப்பு, தொடைகள் மற்றும் கால்களுக்கு அதிக அழுத்தத்தை கொடுத்தல் கூடாது. தொடர்ந்தாற்போல அதிக நேரம் உடலை வருத்தி இதனை பயிற்சி செய்தலும் கூடாது. அது ஆபத்தில் முடியலாம்.

கர்ப்ப காலத்தில் அடிக்கடி தலைசுற்று, மயக்கம் உட்பட பல அசௌகரியங்களை சந்திக்கும் பெண்கள் இந்த ஆசனத்தை தவிர்க்கலாம்.

உங்களுக்கு சிறுநீரகத்தில் பிரச்னை உள்ளதா?… அப்படி என்றால் இந்த ஆசனம் செய்வதை தவிருங்கள்.

மூட்டுவலி அழற்சி, முடக்குவாதம் உள்ளதா?… அப்படி என்றால் இந்த ஆசனம் செய்வதை தவிருங்கள்.

நீங்கள் சமீபத்தில்தான் முழங்கால், இடுப்பு அல்லது முதுகெலும்பு அறுவை சிகிச்சை செய்து கொண்டீர்களா?… அப்படி என்றால் இந்த ஆசனம் உங்களுக்கானது அல்ல.

அதிகமான உடல்வலி மட்டுமல்லாமல் சிறிய காயங்களால் கூட உங்களின் பெருங்காயம் அதிக அளவில் கஷ்டப்பட்டு கொண்டிருக்கிறதா?!.. அப்படி என்றால் அது சரியாகும்வரை இந்த ஆசனத்தை கொஞ்சம் தள்ளிப் போடலாமே?…

அதுபோல இதய பிரச்சனை உள்ளவர்களும் தொடர்ந்தாற்போல நெடுநேரம் இந்த ஆசனத்தை செய்தல் கூடாது.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக குதிகால், முழங்கால், தொடை, இடுப்பு, முதுகு பகுதிகள் நன்கு பலம் பெறுகின்றன.

நுரையீரல் வலு பெறுகின்றன. ஆண், பெண்களின் மலட்டுத்தனத்தை நீக்குகின்றன.

பெண்களுக்கு மாதவிடாய் காலத்தில் ஏற்படும் வலிகளை நிவர்த்தி செய்கிறது. அதிக இரத்தப்போக்கை கட்டுப்படுத்துகிறது. மேலும் பெண்களின் கர்ப்பப்பையின் ஆரோக்கியத்தையும், பிறப்புறுப்பின் ஆரோக்கியத்தையும் மேம்பட செய்கிறது.

ஆண்களின் புரோஸ்டேட் சுரப்பிகளை இது மசாஜ் செய்வதால் அவற்றின் ஆரோக்கியம் மேம்பட்டு செயல்பாடுகள் அதிகரித்து விந்தணுக்களை பெருக்குகிறது என்பதை பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கணுக்கால்கள், முழங்கால்கள், இடுப்பு ஆகியவைகளில் வலிகளோ, வீக்கங்களோ, காயங்களோ, தசைபிடிப்புகளோ இருக்கும் சமயங்களில் இந்த ஆசனத்தை செய்தல்கூடாது.

மூட்டுவலி அழற்சி, முடக்குவாதம், இதய பிரச்சனை உள்ளவர்கள் செய்தல் கூடாது.

முழங்கால், இடுப்பு அல்லது முதுகெலும்பு அறுவை சிகிச்சை செய்து கொண்டவர்கள் செய்தல் கூடாது.

சிறுநீரகத்தில் பிரச்னைகள் உள்ளவர்களும் இந்த ஆசனத்தை செய்தல் கூடாது என்பதனை பார்த்தோம்.

எனவே, நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “ஆண்களின் புரோஸ்டேட் சுரப்பி” சார்ந்த பிரச்சனையைப்பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Titli Asana – தித்லி ஆசனம் appeared first on Personality Fitting.

இன்றைய தினம் “யோகா” (Yoga) என்று சொல்லப்படும் இந்த கலையானது இந்தியாவில் மட்டுமல்ல உலகின் பட்டிதொட்டிகளுக்கெல்லாம் வேகமாக பரவி வருகிறது. அதற்கு காரணம் இந்த பயிற்சியானது பிற உடற்பயிற்சிகளைப்போல உடலை கரடுமுரடாக்குவதில்லை. அதற்குப்பதிலாக உடலை மென்மையாக்குகின்றன. இளமையை தக்கவைத்துக் கொள்கின்றன. இதனாலேயே வெளிநாட்டினர் அதன் மேன்மை உணர்ந்து யோகாவை விரும்பி கற்கின்றனர்.

தொப்பைக் கணபதி போன்று உடல் கொண்டவர்களைக்கூட அவன் தம்பி பழனி ஆண்டியைப்போல் மாற்றும் திறன் இந்த ஆசனத்திற்கு உள்ளது என்றால் உங்களுக்கு ஆச்சரியமாக உள்ளது அல்லவா ?

ஆனால், அது உண்மைதான்.. யோகாசன வரிசையில் ”யோக முத்ரா ஆசனம்” (Yoga mudra Asana) என்று ஒரு பயிற்சி உள்ளது. எவ்வளவு பெரிய தொப்பை வயிற்றையும் கரைத்து விடும் திறன் கொண்டது.

அதுமட்டுமல்ல முதுகுவலி, தண்டுவடத்திலுள்ள பிரச்சனைகள், வயிறு சம்பந்தப்பட்ட கோளாறுகள் மற்றும் சிறுநீரக கோளாறுகள் அனைத்தையும் தவிடுபொடியாக்கும் திறன் இதற்கு உண்டு.

ஆகையால், இன்றைய பதிவில் பெருங்காயத்தைக்கூட வெங்காயமாக மாற்றும் சிறப்பு பெற்ற “யோக முத்ரா” ஆசனத்தைப்பற்றிதான் பார்க்க இருக்கின்றோம்.

வாருங்கள்… இந்த ஆசனத்தை பயிற்சி செய்யும் முறையைப்பற்றி பார்ப்போம்.

யோக முத்ரா – அடிப்படைத் தகவல்கள்

பெயர் – Yoga mudra Asana.

தமிழ் – யோக முத்ரா ஆசனம்.

சமஸ்கிருதம் – Yoga mudra Asana.

ஆங்கிலம் – Psychic Union Pose.

வேறுபெயர்கள் – Yoga mudra.

ஆசனத்தின் நிலை – Sitting, Binding.

பயிற்சியின் கடின தன்மை – Advanced.

உடல் கோணம் – Forward-Bend, Stretch.

Yoga Mudra – யோக முத்ரா – செய்முறை

முதலில் விரிப்பின் மேல் பத்மாசனத்தில் அமர்வது போல் கால்களை மடக்கி நன்கு நிமிர்ந்து உட்காரவும் .

பின் இருகைகளையும் முதுகுக்கு பின்னால் கொண்டு சென்று மடித்து இடது கையால் வலது காலின் பெருவிரலையும், வலது கையால்  இடது காலின் பெருவிரலையும் பிடித்துக்கொள்ளவும்.

இது சிரமமாக தோன்றினால் இரு கைகளையும் பின்னால் ஒன்றோடு ஒன்று பிடித்துக்கொள்ளவும். 

பின் மூச்சை மெதுவாக வெளியே விட்டவாறு மூக்கு அல்லது வாய்ப்பகுதி தரையில் படும்படி நிதானமாக குனியவும். அதன் பின் மூச்சை இயல்பாக விடலாம். 

இந்நிலையில் 30 வினாடிகள் அப்படியே இருக்கவும். அதன்பின் மூச்சை மெதுவாக உள்ளே இழுத்தபடி எழுந்து பழைய நிலைக்கு வரவும். 20 வினாடி கழித்து மீண்டும் மூச்சை மெதுவாக வெளியே விட்டபடி முன்போல் குனியவும். இவ்வாறு இப்பயிற்சியை 3 முதல் 5 தடவை செய்யவும்.

அதன்பிறகு சிறிது ஓய்வுக்குப்பின் வேறு வகையான ஆசனங்கள் செய்ய வேண்டுமெனில் செய்யலாம். அனைத்து ஆசனங்களையும் செய்த பின் கடைசி ஆசனமாக ”சவாசனம்” கண்டிப்பாக செய்ய வேண்டுமென்பதைக் கவனத்தில் கொள்ளவும்.

பயிற்சியின் பலன்கள்

இந்த ஆசனமானது எவ்வளவு பெரிய தொப்பை வயிற்றையும் கரைத்து விடும் திறன் கொண்டது.

தோள்பட்டை, முதுகெலும்பு தண்டுகளை வலுப்படுத்துகிறது. கைகள், கழுத்து, மார்பு, இடுப்பு, முழங்கால்கள் ஆகியவைகளை பலப்படுத்துகிறது.

மேலும் முதுகுவலி, தண்டுவடத்திலுள்ள பிரச்சினைகள், வயிறு சம்பந்தப்பட்ட அஜீரண கோளாறுகள் மற்றும் சிறுநீரக பிரச்சனை அனைத்தையும் ஓட ஓட விரட்டும் திறன் இப்பயிற்சிக்கு உண்டு. மேலும் மலச்சிக்கலும் நீங்கும். நீரழிவு நோயையும் கட்டுப்படுத்தும்.

முதுகு தண்டு நன்கு வளைந்து கொடுப்பதால் இளமை மேலிடுகிறது. நோய் எதிர்ப்பு சக்தியையும் அதிகரிக்கிறது.

மேலும், இப்பயிற்சியால் முகப்பொலிவும், வசீகர தோற்றமும் உண்டாகும்.

மன அழுத்தத்தைப் போக்கும் திறனும் இதற்கு உண்டு. யோக ஆசனங்களில் இது தனி முத்திரை பதிப்பதால் இதற்கு யோக முத்திரை என்று பெயர்.

முக்கிய குறிப்புகள்

கழுத்து, தோள்கள், முதுகு, இடுப்பு, முதலியவைகளில் காயங்களோ அல்லது வலிகளோ இருக்கும் பட்சத்தில் இந்த ஆசனம் செய்வதை முற்றிலுமாக தவிர்க்க வேண்டும்.

கணுக்கால், முழங்கால் மூட்டுகளில் வலிகள் இருக்கும் பட்சத்தில் இந்த ஆசனம் செய்வதை தவிர்க்கவேண்டும்.

சமீபத்தில் உள் உறுப்புகளில் அறுவை சிகிச்சை செய்திருந்தால் இந்த ஆசனம் செய்வதை தவிர்க்கவேண்டும்.

இதயத்தில் பிரச்சனை, இரத்த அழுத்தம் உள்ளவர்கள் இந்த ஆசனம் செய்வதை தவிர்த்தல் வேண்டும்.

பெண்கள் இந்த ஆசனத்தை மாதவிடாய் காலங்கள், கர்ப்பமாக இருக்கும் காலங்கள், பிரசவத்திற்கு பிந்தைய சில மாதங்கள் இந்த ஆசனம் செய்வதை தவிர்த்தல் வேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

யோக முத்திரை என்று சொல்லப்படும் இந்த பயிற்சியின் மூலமாக கிடைக்கும் பலன்களாக எவ்வளவு பெரிய தொப்பை வயிற்றையும் கரைத்து விடும் திறன் இதற்கு உண்டு என்பதனை அறிந்துகொண்டோம்.

மேலும் தோள்பட்டை, முதுகெலும்பு தண்டுகளை வலுப்படுத்துகிறது. கைகள், கழுத்து, மார்பு, இடுப்பு, முழங்கால்கள் ஆகியவைகளை பலப்படுத்துகிறது.

முதுகுவலி, தண்டுவடத்திலுள்ள பிரச்சினைகள், வயிறு சம்பந்தப்பட்ட அஜீரண கோளாறுகள் மற்றும் சிறுநீரக பிரச்சனைகளையும் கட்டுப்படுத்தும் என்பதனை அறிந்துகொண்டோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கழுத்து, தோள்கள், முதுகு, இடுப்பு, கணுக்கால், முழங்கால் மூட்டுகளில் காயங்களோ அல்லது வலிகளோ இருக்கும் பட்சத்தில் இந்த ஆசனம் செய்வதை முற்றிலுமாக தவிர்க்க வேண்டும்.

இதயத்தில் பிரச்சனை, இரத்த அழுத்தம் உள்ளவர்கள் மட்டுமல்லாது சமீபத்தில் உள் உறுப்புகளில் அறுவை சிகிச்சை செய்திருந்தால் இந்த ஆசனம் செய்வதை தவிர்க்கவேண்டும்.

பெண்கள் இந்த ஆசனத்தை மாதவிடாய் காலங்கள், கர்ப்பமாக இருக்கும் காலங்கள், பிரசவத்திற்கு பிந்தைய சில மாதங்கள் இந்த ஆசனம் செய்வதை தவிர்த்தல் வேண்டும். என்பதனையும் பார்த்தோம்.

சரி, இனி நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “தொப்பை வயிறு” என்னும் பிரச்சனையைப்பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Yoga Mudra – யோக முத்ரா appeared first on Personality Fitting.

யோகாசனப் பயிற்சியானது வெளி உறுப்புகளைவிட உள் உறுப்புகளிலேயே தன் ஆளுமையை அதிகம் செலுத்துவதால் குன்றாத இளமையையும் மங்காத ஆரோக்கியத்தையும் தருகிறது.

யோகாசனப் பயிற்சியை ஒருவர் தொடர்ந்து பயின்றுவர நீடித்த ஆயுளையும், ஆரோகியத்தையும் ஒருசேர பெறுவர் என்பது திண்ணம். அவ்வாறான அற்புத பலனை தரக்கூடிய ஒரு ஆசனத்தை பற்றி இப்போது இந்த பதிவில் பார்க்க இருக்கின்றோம்.

”மத்ஸ்யேந்திரர்” (Matsyendranath) என்பவர் ஒரு தலைசிறந்த யோகி. அவர் பலவித ஆசனங்களை கற்று தேர்ந்தவர். அவர் ஒரு குறிப்பிட்ட ஆசனத்தில் அதிக அளவு நன்மை இருப்பதாக உணர்ந்தார். அதனால் அந்த யோகாசனத்தின் சிறப்புக்கருதி தன் மாணவர்களுக்கு அதனை போதித்தார். தொடர்ந்து அதனை பயிற்சி செய்துவர மாணவர்களை பணித்தார்.

எனவே, பின்னாளில் அவருடைய பெயராலேயே அந்த ஆசனமானது “மத்ஸ்யேந்திராசனம்” (Matsyendrasana) என அழைக்கப்பட்டுவருகிறது.

மத்ஸ்யேந்திராசனத்தில் உடல் இதற்கு மேலும் திருக்க முடியாது என்ற அளவிற்கு அதிக அளவில் திருகிய நிலையில் காணப்படும். அதனாலேயே அது “பூரண மத்ஸ்யேந்திராசனம்” என அழைக்கப்படுகிறது. ஆனால் இந்த பதிவில் “பூரண மத்ஸ்யேந்திராசனம்” (Poorna Matsyendrasana) பற்றி பார்க்கப்போவதில்லை. அதற்கு பதிலாக பாதி அளவு திருகிய நிலையில் உட்காரும் “அர்த்த மத்ஸ்யேந்திராசனம்” (Ardha Matsyendrasana) பற்றியே பார்க்கப் போகிறோம்.

அர்த்த மத்ஸ்யேந்திராசனம் – அடிப்படைத் தகவல்கள்

பெயர் – Ardha Matsyendrasana.

தமிழ் – அர்த்த மத்ஸ்யேந்திராசனம்.

சமஸ்கிருதம் – Ardha Matsyendrasana.

ஆங்கிலம் – Half Lord of the Fishes Pose.

வேறுபெயர்கள்

• Bound Half Lord of the Fishes Pose
• Baddha Ardha Matsyendrasana

ஆசனத்தின் நிலை – Sitting, Binding.

பயிற்சியின் கடின தன்மை – Intermediate.

உடல் கோணம் – Twist, Stretch.

“அர்த்த” என்றால் “பாதி” என்று பொருள். “அர்த்த மத்ஸ்யேந்திராசனம்” என்றால் பாதி அளவு மட்டுமே திருக்கப்பட்ட நிலையில் உட்காரும் மத்ஸ்யேந்திராசனம் என்று பொருள்.

பாதி மத்ஸ்யேந்திராசனம் என்றாலும் பல நோய்களையும் பாழாக்கும் திறன் படைத்தது.

இவ்வாசனமானது இடுப்புவலி, முதுகுவலி மற்றும் நரம்புத் தளர்ச்சி (Nervous Breakdown) போன்ற பிரச்சனைகளை தீர்ப்பதில் சிறப்பு பெற்றது. இந்த ஆசனத்தை முறையாக பயிற்சி செய்வது எப்படி என்பதை இப்போது பார்ப்போம்.

Ardha Matsyendrasana – அர்த்த மத்ஸ்யேந்திராசனம் – செய்முறை

முதலில் விரிப்பில் நேராக உட்கார்ந்து இரு கால்களையும் முன்னோக்கி நேராக நீட்டிக்கொள்ளவும். பின் இடதுகாலை வலது காலின் தொடைப்பகுதிக்கு கீழ்வரும்படி மடக்கிக்கொள்ளவும். அதன் பின் வலது காலை இடதுகாலின் வெளிப்புறத்தில் கொண்டுவந்து முழங்கால் நேராக மேல் நோக்கி இருக்கும்படி மடக்கி ஊன்றவும்.

வலதுகால் பாதத்தை இடதுகையால் பிடித்துக்கொண்டு வலதுகையை பின்புறமாக ஊன்றிக் கொள்ளவும். பின் இடுப்பின் மேல் பாகத்தை வலது பக்கமாய் மெதுவாக திருக்கவும். முதுகு நேராக இருக்கவேண்டியது முக்கியம். மூச்சை இயல்பாக விடவும்.

10 முதல் 30 வினாடிகள் இதே நிலையில் அமர்ந்து இருக்கவும். பின் மெதுவாக இயல்பு நிலைக்கு வரவும். பின் சில வினாடி ஓய்வுக்குப்பின் கால்களை மாற்றி மறுபக்கம் இதுபோல் பயிற்சி செய்யவும்.

இதேபோல் கால்களை மாற்றி மாற்றி திரும்ப திரும்ப இப்பயிற்சியை இரண்டு மூன்று தடவை செய்யவும்.

பயிற்சியின் பலன்கள்

கழுத்து மற்றும் தோள்களுக்கு சிறந்ததொரு பயிற்சியை கொடுக்கிறது. மேலும் முதுகு, இடுப்பு, கால்களை வலுப்படுத்துகிறது. முதுகெலும்புகள் நன்கு நெகிழ்வு தன்மை பெறுவதோடு நல்ல பலத்தைப் பெறுகின்றன. 

வயிற்று தசைகளை வலு பெற செய்வதோடு அஜீரணத்தை நீக்கி ஜீரண சக்தியையும் அதிகப்படுத்துகின்றன.

நரம்பு தளர்ச்சியை குணமாக்குகின்றன.

இதயம், கல்லீரல், நுரையீரல், மண்ணீரல், சிறுநீரகம் முதலியன நன்கு பலம் பெறுகின்றன.

தொந்தி குறையும். குடல்கள் நன்கு இரத்த ஓட்டம் பெறுவதோடு ஜீரண மண்டலமும் நன்கு வலிமை பெறும். மலச்சிக்கல் நீங்கும். நீரழிவு குணமாகும்!

பெண்களுக்கு மாதவிடாய் அசௌகரியங்களை போக்குகின்றன. குறிப்பாக மாதவிடாய் சூழற்சியை ஒழுங்குபடுத்துகிறது. ஹார்மோன்களை சமநிலைப்படுத்துகிறது.

எல்லாவற்றிற்கும் மேலாக மன அமைதியை கொண்டுவரும் அற்புதமான ஆசனம்.

முக்கிய குறிப்புகள்

கடுமையான முதுகு அல்லது கழுத்துவலி உள்ளவர்கள் இந்த பயிற்சியை தவிர்க்க வேண்டும். உள்ளுறுப்புகளில் எதாவது வலி இருப்பதாக உணர்ந்தால் பயிற்சியை தவிர்க்கவும்.

மூட்டு வலி உள்ளவர்களும், பலவீனமான மூட்டுகளை கொண்டுள்ள முதியவர்களும் இந்த பயிற்சியை கைவிட்டு வேறு எளிமையான பயிற்சிகளை தேர்ந்தெடுத்து செய்துவரலாம்.

மூலநோய், குடலிறக்கம், வயிற்றுப்புண் (Stomach Ulcers) உள்ளவர்கள் இப்பயிற்சி செய்வதை தவிர்க்கவும்.

கர்பிணிப் பெண்கள் இந்த ஆசனத்தை கண்டிப்பாக கைவிட வேண்டும்.

வக்ராசனம் – Vakrasanam

சரி, இந்த பதிவில் “அர்த்த மத்ஸ்யேந்திராசனம்” (Ardha Matsyendrasana) பற்றி தெரிந்து கொண்டீர்கள்தானே?!.. ஆனால் இதே உடல் கோணத்தில் அதாவது பொசிஷனில் (Sitting Position) மற்றொரு ஆசனமும் உள்ளது. உடல் கோணங்களில் அதாவது அமரும் நிலையில் சில மாற்றங்களுடன்…

ஆம்… நாம் இப்போது பார்த்த “அர்த்த மத்ஸ்யேந்திராசனம்” என்னும் ஆசனத்தில் இடது மற்றும் வலது கால்களை வலது, இடது தொடைப்பகுதிக்கு கீழ்வரும்படி மடக்கிக்கொள்கிறீர்களல்லவா?!!… ஆனால் நான் இப்போது சொல்லப்போகும் ஆசனத்தில் அப்படி கால்களை மடக்க வேண்டியதில்லை. இந்த ஒன்றுமட்டும்தான் இரு ஆசனங்களுக்கும் உள்ள வேறுபாடு.

அது என்ன ஆசனம் தெரியுமா?…

அதுதான் “வக்ராசனம்”.

நீங்கள் இந்த “வக்ராசனம்” (Vakrasanam) என்னும் அற்புதமான ஆசனத்தைப்பற்றியும் தெரிந்துகொள்ள ஆவல் கொள்கிறீர்கள்தானே… கவலைவேண்டாம்… கீழே கொடுக்கப்பட்டுள்ள “பேனர்” (Banner) ஐ லேசாக தட்டினாலே போதும். உங்களை வக்ராசனம் இருக்கும் ஏரியாவுக்கே அழைத்து செல்லும்….

>> வக்ராசனம் – Vakrasanam <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கழுத்து, தோள்கள், முதுகு, இடுப்பு, கால்களை வலுப்படுத்துகிறது.  உள்ளுறுப்புகளான இதயம், கல்லீரல், நுரையீரல், மண்ணீரல், சிறுநீரகம் முதலியன நன்கு பலம் பெறுகின்றன.

ஜீரண சக்தியையும் அதிகப்படுத்துகின்றன. நரம்பு தளர்ச்சியை குணமாக்குகின்றன.

தொந்தி குறைந்து குடல்கள் நன்கு இரத்த ஓட்டம் பெற்று ஜீரண சக்தி பெருகும். மலச்சிக்கல் நீங்கும்.

நீரழிவு குணமாகின்றன.

பெண்களுக்கு மாதவிடாய் அசௌகரியங்களை போக்குகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கடுமையான முதுகுவலி, கழுத்துவலி, மூட்டு வலி உள்ளவர்கள் இந்த பயிற்சியை தவிர்க்க வேண்டும்.

மூலநோய், குடலிறக்கம், வயிற்றுப்புண் (Stomach Ulcers) உள்ளவர்கள் இப்பயிற்சி செய்வதை தவிர்க்கவும்.

கர்பிணிப் பெண்கள் இந்த ஆசனத்தை கண்டிப்பாக கைவிட வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “மூலநோய்” பற்றிய அடிப்படை விஷயங்களை பார்க்கலாம் வாருங்கள்..

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Ardha Matsyendrasana – அர்த்த மத்ஸ்யேந்திராசனம் appeared first on Personality Fitting.

இந்த மன்மதனைப்பற்றி அனைவருமே காமனாக தெரிந்து வைத்திருப்பீர்கள்.

மன்மதனின் ஆயுதம் எதுவென்று தெரியுமல்லவா?!… (மன்மதனின் ஆயுதம் என்ற உடனேயே “கத்திசண்டை”யை கற்பனை செய்துகொள்ளாதீர்கள்)

காமனின் ஆயுதம் “கரும்புவில்”…

(இப்போது கரும்புவில்லை தூக்கி கடாசிவிட்டு “வானவில்லை” வைத்திருப்பதாக கேள்வி)

அதில் தொடுப்பதற்காக வரிசையாக அடுக்கி வைக்கப்பட்டுள்ள சில மலர்க்கணைகள்.

இந்த இரண்டும்தான் மன்மதனுடைய ஆயுதங்கள்…

ஆனால்,… இந்த இரண்டையும் வைத்துக்கொண்டு இவன் பண்ணுகிற அட்ராசிட்டி வேலைகள் இருக்கிறதே… அப்பப்பா…

தனுராசனம்

பண்டைய காலங்களில் சிட்டிசன்களை காதல் வலையில் மட்டுமே சிக்க வைத்துக் கொண்டிருந்தவனுக்கு என்னாச்சோ தெரியவில்லை… தற்போது சில நூறு வருடங்களாகவே காதலர்களை ரோமியோக்களாக மாற்றி காம வலையில் வீழ்த்திக்கொண்டிருக்கின்றான்….

அதுகூட பரவாயில்லை… ஆனால், இப்போதோ அண்மைக்காலங்களில் அந்த ரோமியோக்களையும் காமியோக்களாக மாற்றி “போக்சோ”வில் (POCSO) உள்ளே தள்ளுவதையே வாடிக்கையாக வைத்திருக்கின்றான்…

அத்தோடு நிறுத்திக்கொள்ளாமல் “வானவில் சேட்டை”கள் வேறு… (செத்தாண்டா சேகரு) கரும்புவில் வைத்திருந்த கையில் இப்போது இருப்பதோ “வானவில்”…

அதுசரி,.. இரும்பு அடிக்கிற இடத்துல “ஈ”க்கு என்ன வேலை என்பது போல் யோகாசனம் படிக்கும் இடத்தில் மன்மதனின் சேட்டைகளை பற்றி பேச வேண்டிய அவசியம் என்ன?! என கேக்கிறீர்களா?

அவசியம் இருக்கிறது…

இந்த தனுராசனத்தை நீங்கள் பயிற்சி செய்து கொண்டிருக்கும்போதே மன்மத ராசா கரும்பு வில்லில் மலர்கணைகளை தொடுத்தப்படியே செய்யும் சேட்டைகளை நீங்களே அனுபவபூர்வமாக பார்க்கலாம்…

சரி… மன்மதனின் காதல் சேட்டைகளைப்பற்றி பயிற்சியின் போது நீங்களே நேரடியாக பார்த்து தெரிந்து கொள்ளுங்கள். இப்போது நாம் “தனுராசனம்” பற்றி மட்டும் பார்ப்போம்.

Dhanurasana – தனுராசனம் – அடிப்படைத் தகவல்கள்

பெயர் – Dhanurasana.

தமிழில் – தனுராசனம்.

சமஸ்கிருதம் – Dhanurasana.

ஆங்கிலம் – Bow Pose.

வேறுபெயர்கள் – Dhanur asana.

ஆசனத்தின் நிலை

• Prone
• Abdomen
• Hand-To-Feet

பயிற்சியின் கடின தன்மை – Biginner.

உடல் கோணம் – Back-Bend, Stretch.

தனுசு என்றால் ”வில்”. இந்த ஆசனத்தில் இருக்கும்போது நம்முடைய உடல் வில் போன்ற அமைப்பில் இருப்பதால் இது ”தனுராசனம்” (Dhanurasana) என பெயர் பெற்றது.

இது மிகவும் அற்புதமான ஆசனம். சந்தோஷங்களை அள்ளித்தரும் ஆசனம்.

வாருங்கள் தனுராசனத்தின் அற்புதங்களை அறிந்துகொள்வோம்.

பயிற்சிக்கு முன் தெரிந்து கொள்ள வேண்டியவை

இந்த பயிற்சியை நீங்கள் இன்றே பிள்ளையார் சுழி போட்டு தொடங்கிவிட்டால் போதும்… அடுத்த வினாடியே உங்களிடமிருந்து முதுமை முகம்காட்ட விரும்பாமல் தொங்க போட்டுக்கொண்டே வெளியேறிவிடும்… அந்த வெற்றிடத்தை நிரப்ப இளமை “தந்தனத்தோம்”…. “திந்தனத்தோம்” என பாடிக்கொண்டே புறவாசல் வழியாக உள்ளே புகுந்துவிடும்.

ஆம்,… இந்த பயிற்சியின் மூலம் உங்களின் முதுகுத்தண்டு நன்கு துவளும் தன்மையைப் பெறும். இதனால் இளமை மேலிடும். சுறுசுறுப்பு பெருகும். முதுகு கூன் விழுவதிலிருந்து தடுக்கப்படும். உடலின் உள்ளுறுப்புகளான இதயம், நுரையீரல் முதலியன வலுப்பெறும்.

இவ்வளவு நன்மைகளைக் கொண்டுள்ளதாலேயே இது எனக்கு மட்டுமல்ல ஆசன பயிற்சிகளில் ஈடுபடும் அனைவருக்கும் மிகவும் பிடித்தமான ஆசனமும் கூட.

ஆனால்,… சில ”துடிப்பான” இளைஞர்கள் இந்த ஆசனத்தை செய்து முடிக்கும் தருவாயில் அமைதியான காலைப்போழுதை “பிசுபிசுக்க” வைத்து ”வடை போச்சே” என்று பீல் பண்ண வேண்டிய சூழ்நிலையை ஏற்படுத்திவிடுகிறது…

ஏனென்றால்,… “சிவனே என்று எம்பாட்டுக்கு நான் தூங்கிக்கிட்டு இருந்தேன்… பயிற்சி செய்கிறேன்… முயற்சி செய்கிறேன்னு…. என்னை ஏண்டா தட்டி எழுப்புன” என்று எங்கிருந்தோ ஒரு குரல்வந்து உங்கள் காதில் ரீங்காரமிடுவதை உங்களால் உணர முடியும்… ஹி.. ஹிஹி…

இது ஆண்மையை அதிகரிக்கச் செய்யும் அற்புதமான ஆசனம் என்றாலும்கூட இதை பயிற்சி செய்து முடிக்கும் வரையில் கை, கால்களை வைத்துக்கொண்டு கொஞ்சம் கட்டுப்பாட்டுடன் இருக்க வேண்டியது அவசியம். இல்லை என்றால் “வடைபோச்சே” கதைதான்… கூடவே சேலம் “செல்வராஜ் சித்த வைத்திய சாலை”க்கு சென்று தாத்தாவின் ஆலோசனைகளைப் பெறவேண்டி இருக்கும்… அம்புட்டுதான் சொல்வேன்…

சரி… இனி தனுராசனத்திற்கு வருவோம்… தனுராசனத்தினால் மார்பு வலிமை பெறும். ஆண்மையை பலப்படுத்துவதுடன் பாலியல் சார்ந்த அனைத்து உறுப்புகளையும் வலுப்படுத்தும், கூன் முதுகை நிமிரச்செய்து இளமையைக் கொடுக்கும்.

தனித்துவம் வாய்ந்த இந்த தனுராசனத்தை எப்படி பயிற்சி செய்வது என்பதனைப் பார்ப்போம்.

தனுராசனம் – செய்முறை

விரிப்பின்மீது கவிழ்ந்த நிலையில் நேராக படுக்கவும். கைகள் இரண்டையும் உடலை ஒட்டினாற்போல் பக்கவாட்டில் வைத்துக் கொள்ளவும். அதன்பின் இரு கால்களையும் மடக்கி இடது கையால் இடது கணுக்காலையும், வலது கையால் வலது கணுக்காலையும் பிடித்துக்கொள்ளவும். மார்பு பகுதி, கழுத்து, தலை முதலியவற்றை மேல்நோக்கி தூக்கி முதுகை வில்போல் வளைக்கவும்.

குறிப்பாக வயிற்றுப்பகுதி, இடுப்பு தரையில் படும்படியும், வயிறு இடுப்பு தவிர்த்து உடலின் பிற உறுப்புகள் அப்படியே வில்போல் வளைந்து இருக்கும்படியும் உடலை அமைத்துக்கொள்ளுங்கள். இந்நிலையில் இருக்கும்போது மூச்சை அடக்குதல் கூடாது. இயல்பாக மூச்சு விடுங்கள்.

இந்நிலையில் 10 முதல் 30 வினாடிகள் இருக்கவும். பின் மெதுவாக சாதாரண நிலைக்கு வரவும். பின் 10 அல்லது 15 வினாடி ஓய்வுக்கு பின் மீண்டும் இப்பயிற்சியை மேற்கொள்ளவும்.

இதேபோல் திரும்ப திரும்ப 5 அல்லது 6 தடவை இந்த ஆசனத்தை பயிற்சி எடுக்கவும்.

பயிற்சியின் பலன்கள்

இந்த Dhanurasana – தனுராசனம் ஒரு அற்புதமான ஆசனம். இதனை தொடர்ந்து செய்துவர வயிறு சம்பந்தப்பட்ட அனைத்து நோய்களும் நீங்கும். அஜீரணமும், மலச்சிக்கலும் நீங்கும்.

மார்பு விரிந்து பலம் பெறும். கை, கால், இடுப்பு அத்தனையும் பலம் பெறும். முதுகு வலி வராமல் பாதுகாப்பு கொடுக்கும்.

மார்புச்சளி, சைனஸ், ஆஸ்துமா, ஈசினோபீலியா, இருமல் போன்ற பிரச்சனைகளை நீக்கும்.

சிறுநீரகம் சுறுசுறுப்பாக வேலை செய்யும். சிறுநீரக கோளாறு அகலும். முதுகுவலி நீங்கும். தொப்பை, ஊளைச்சதை முற்றிலும் குறையும். இளமையும், சுறுசுறுப்பும் உண்டாகும். வளர்ச்சிதை மாற்றத்தை மேம்படுத்தும். ஆண்மை பெருகும். குன்றாத அழகும், மங்காத அறிவும் உண்டாகும்.

மாற்று ஆசனம்

யோகாசனப் பயிற்சியில் “மாற்று ஆசனம்” என்னும் பதம் அடிக்கடி பயன்படுத்தப்பட்டு வருவதை நீங்கள் கேட்டிருக்கலாம்..

ஆசன பயிற்சியில் ஈடுபடும் ஒவ்வொருவரும் அதில் வரக்கூடிய “மாற்று ஆசனம்” என்றால் என்ன என்பதனை தெரிந்து வைத்துக்கொள்ளுதல் மிக மிக அவசியமாகும்.

“மாற்று ஆசனம்” என்றால் “மாறுபட்ட ஆசனம்” என்பது பொருள்.

அதாவது ஒரு ஆசனம் செய்யும்போது உடல் எந்த கோணத்தில் இருக்கின்றதோ அதற்கு மாறுபட்ட கோணத்தில் அதற்கு அடுத்து செய்யும் ஆசனம் இருக்கவேண்டும்.

அதாவது, தனுராசனத்தை எடுத்துக்கொண்டால் உடல் வெளிப்புறமாக வளைவதைக் காணலாம். அதாவது முதுகெலும்பானது வில் போல் வெளிப்பக்கமாக வளைகிறது.

இதற்கு அடுத்து செய்யும் ஆசனத்திலும் முதுகு வெளிப்புறமாக வளைக்கப்பட்டால் முதுகெலும்பு சோர்வடையலாம். தொடர்ந்து ஒவ்வொரு ஆசனத்திலும் முதுகெலும்பு வெளிப்புறமாகவே வளைக்கப்பட்டு கொண்டிருந்தால் எலும்பு தேய்மானம், நரம்பு சுளுக்கு, சதைகள் கன்றிப்போதல், பயிற்சியின் முடிவில் வலி, பயிற்சியில் ஆர்வமின்மை… இன்னும் பல பிரச்சனைகள், பக்கவிளைவுகள் ஏற்படலாம்.

எனவே, முதல் ஆசனத்தில் உடல் வெளிப்புறமாக வளைக்கப்பட்டால் அடுத்து செய்யும் இரண்டாவது ஆசனத்தில் உடல் உள்புறமாக வளைக்கப்பட வேண்டும். 3 வதாக செய்யப்படும் ஆசனத்தில் உடல் வலப்பக்கமாக மட்டும் திருகப்பட்டால் 4 வதாக செய்யப்படும் ஆசனத்தில் உடல் இடப்பக்கமாக திருகப்படவேண்டும். 5 வதாக செய்யப்படும் ஆசனமானது கால்கள் இரண்டும் மடிக்கப்பட்டு உட்கார்ந்து செய்யப்படும் ஆசனம் எனில் 6 வதாக செய்யப்படும் ஆசனம் கால்கள் இரண்டும் நீட்டப்பட்ட நிலையில் செய்யப்படும் ஆசனமாக இருத்தல் வேண்டும்.

அப்படி செய்யப்பட்டால்தான் அந்த பயிற்சி பக்கவிளைவுகள் எதுவும் ஏற்படுத்தாத ஆரோக்கியமான பயிற்சியாக அமையும். இதனையே “மாற்று ஆசனம்” என்பர்.

அந்த வகையில் இந்த தனுராசனத்திற்கு மாற்று ஆசனமாக (உடலை மாறுபட்ட கோணத்தில் வைக்கும்… அதாவது,… தனுராசனத்தில் உடல் அமைக்கப்பட்டதிற்கு நேர் எதிரிடையாக… அதாவது,… உட்பக்கமாக உடல் வளையும் வகையில்) அமைவது “ஹாலாசனம்” மற்றும் “பச்சிமோத்தாசனம்” ஆகும்.

தனுராசனத்தின் சிறந்த மாற்று ஆசனமான “ஹாலாசனம்” மற்றும் “பச்சிமோத்தாசனம்” பற்றி அறிந்துகொள்ள ஆசையா!!.. அப்படியென்றால் கீழே கொடுக்கப்பட்டுள்ள பேனர் (Banner) ஐ உங்கள் சுண்டுவிரல்களால் மெல்லமா தட்டுங்க…

>> பச்சிமோத்தாசனம் – Paschimottanasana <<

முக்கிய குறிப்புகள்

இந்த தனுராசனம் ஒரு அற்புதமான ஆசனம்தான் என்றாலும், அனைவருக்கும் பயிற்சி செய்வதற்கு ஏற்ற ஆசனம் அல்ல.

சமீபத்தில் வயிறு மற்றும் முதுகில் அறுவை சிகிச்சை செய்து கொண்டவர்கள் இந்த ஆசனத்தை செய்தல் கூடாது.

இதயநோயாளிகள் இதனை பயிற்சி செய்வதை தவிர்க்க வேண்டும்.

அடிக்கடி தலைசுற்றல், ஒற்றை தலைவலியால் அவதியுறுபவர்கள் இந்த ஆசனத்தை முயற்சி செய்ய வேண்டாம்.

முதுகெலும்பு, முழங்கால்கள், இடுப்பு இவைகளில் காயம் உள்ளவர்கள் இதனை பயிற்சி செய்தல் கூடாது.

உயர் அல்லது குறைந்த ரத்த அழுத்தம் உள்ளவர்கள், குடலிறக்கத்தால் அவதிப்படுபவர்கள், வயிற்றில் புண் உள்ளவர்கள் இந்த பயிற்சியை செய்தல் கூடாது.

இந்த பயிற்சியில் ஆணுறுப்பு மற்றும் விதைகள் தரையோடு தரையாக நன்றாக அழுத்தப்படும் என்பதால் விரைவாதம், விதைவீக்கம் உள்ளவர்கள் இப்பயிற்சியை தவிர்க்கவும்.

பெண்கள் மாதவிடாய் காலங்களில் இப்பயிற்சியை தவிர்க்கவும். கர்ப்பமான பெண்களும் இப்பயிற்சி செய்வதை தவிர்த்தல் வேண்டும். குழந்தை பெற்ற பின்பு 3 மாதங்கள் வரையில் இந்த ஆசனம் செய்வதை தவிர்க்க வேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக அஜீரணமும், மலச்சிக்கலும் நீங்குகின்றன.

மார்பு, கை, கால், இடுப்பு அத்தனையும் பலம் பெறும். முதுகு வலி வராமல் பாதுகாப்பு கொடுக்கும்.

மார்புச்சளி, சைனஸ், ஆஸ்துமா, ஈசினோபீலியா, இருமல் போன்ற பிரச்சனைகளை நீக்கும்.

சிறுநீரக கோளாறு அகலும். தொப்பை, ஊளைச்சதை முற்றிலும் குறையும். ஆண்மை பெருகும் எனவும் பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் அடிக்கடி தலைசுற்றல், ஒற்றை தலைவலியால் அவதியுறுபவர்கள், இதயநோயாளிகள், வயிறு மற்றும் முதுகில் அறுவை சிகிச்சை செய்து கொண்டவர்கள் இந்த ஆசனத்தை செய்தல் கூடாது.

முதுகெலும்பு, முழங்கால்கள், இடுப்பு இவைகளில் காயம் உள்ளவர்கள் இதனை பயிற்சி செய்தல் கூடாது.

உயர் அல்லது குறைந்த ரத்த அழுத்தம் உள்ளவர்கள், குடலிறக்கத்தால் அவதிப்படுபவர்கள், வயிற்றில் புண் உள்ளவர்கள் இந்த பயிற்சியை செய்தல் கூடாது என்பதனையும் பார்த்தோம்.

இந்த பயிற்சியில் ஆணுறுப்பு மற்றும் விதைகள் தரையோடு தரையாக நன்றாக அழுத்தப்படும் என்பதால் விரைவாதம், விதைவீக்கம் உள்ளவர்கள் இப்பயிற்சியை தவிர்க்கவும்.

பெண்கள் மாதவிடாய் காலங்களில் இப்பயிற்சியை தவிர்க்கவும். கர்ப்பமான பெண்களும் இப்பயிற்சி செய்வதை தவிர்த்தல் வேண்டும். குழந்தை பெற்ற பின்பு 3 மாதங்கள் வரையில் இந்த ஆசனம் செய்வதை தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “விதைவீக்கம்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Dhanurasana – தனுராசனம் appeared first on Personality Fitting.

நம் உடலில் சேரும் கழிவுப்பொருட்கள் மற்றும் இரத்தத்தில் தேக்கமடையும் கழிவுப் பொருட்களை அவ்வப்போது நீக்கப்பட வேண்டுமெனில் எளிமையான உடற்பயிற்சிகள் உடலுக்கு அவசியம்.

அப்படியான பயிற்சிகளில் யோகாசனப் பயிற்சியே சிறந்தது எனலாம். ஏனெனில் உடலை மென்மையாக மசாஜ் செய்வதின் மூலம் உடலை துவளும் தன்மைக்கு கொண்டு வருவதால் அனைத்து உறுப்புகளுக்கும் புதிய இரத்தம் பாய்ந்து அதன் இயக்கத்தை சீராக்கி உடலை ஒரு ஆரோக்கியமான சூழ்நிலைக்கு கொண்டு செல்கிறது.

இது உடலை பிற பயிற்சிகளைப் போல் இறுகச் செய்வதில்லை. எனவே அனைத்து உறுப்புகளுக்கும் தடையில்லாமல் இரத்தம் பாய்ந்து ஆரோக்கியத்திற்கு வழி ஏற்படுத்திக் கொடுக்கிறது.

நாம் இன்று இங்கு பார்க்கப்போவது மன அழுத்தத்தை போக்கும் ”பாலாசனம்” (Balasana) என்னும் பயிற்சியைப் பற்றித்தான். வாருங்கள் பார்க்கலாம்.

Balasana – பாலாசனம் – அடிப்படைத் தகவல்கள்

பெயர் – Balasana.

தமிழில் – பாலாசனம்.

சமஸ்கிருதம் – Balasana.

ஆங்கிலம் – Child pose.

வேறுபெயர்கள்

• Wide Child pose.
• Prasarita Balasana.
• Extended Child pose.
• Utthita Balasana.
• Tadpole Pose.
• Shishu Asana.

ஆசனத்தின் நிலை – Prone, Abdomen.

பயிற்சியின் கடின தன்மை – Beginner.

உடல் கோணம் – Forward-Bend, Stretch, Restorative.

பயிற்சிக்கு முன் தெரிந்து கொள்ள வேண்டியவை

ஒரு சிறு குழந்தை எப்படி தன் முதல் அரவணைப்பிற்காக ”அம்மா” என்னும் வார்த்தையை தேர்ந்தெடுக்கிறதோ அது போல தன் ஆரோக்கியத்திற்காகவும், மன அழுத்தத்தை போக்கிக் கொள்வதற்காகவும் இயற்கையாகவே அதன் உள்ளுணர்வின் கட்டளைக்கேற்ப அது முதலில் தேர்ந்தெடுக்கிற பயிற்சி எதுவென்றால் அது இனி நாம் பார்க்கப் போகும் பயிற்சியைத்தான்.

”பாலப் பருவம்” என்றால் குழந்தைப் பருவத்தைக் குறிக்கும். குழந்தை முதலில் அமர்வதற்கு தேர்தெடுக்கும் ஒரு ஆரோக்கியமான இருக்கை முறையை நம்முடைய ஆரோக்கியத்திற்கும் பயின்றுகொள்ள வலியுறுத்துவதால் இதற்கு Balasana – பாலாசனம் என்று பெயர்.

பாலாசனம் என்றால் குழந்தை முதன்முதலாக எப்படி உட்காருமோ அப்படி உட்காரும் முறை என்று பொருள். இந்த ஆசனத்தை செய்வது மிக எளிது. இது மன அழுத்தத்தை நீக்கும் அற்புத ஆசனம் எனலாம்.

இந்த ஆசனத்தை பயிற்சி செய்வதற்கு முன்னால் ஒன்றை கவனத்தில் கொள்ளவேண்டியது மிக மிக அவசியம். இந்த ஆசனம் வஜ்ராசனத்தில் அமர்ந்த நிலையில் பயிற்சி செய்யப்படுகிறது. எனவே, இந்த ஆசனத்தை கற்றுக்கொள்வதற்கு முன்னால் வஜ்ராசனத்தில் நன்கு தேர்ச்சி பெற்றிருக்கவேண்டியது அவசியம்.

எனவே, வஜ்ராசனம் செய்வது எப்படி என்பதனை அறிந்துகொள்ள கீழே கொடுக்கப்பட்டுள்ள விஷீவல் லிங்க் (visual link) ஐ தட்டுங்க… மொதல்ல வஜ்ராசனத்தைக் கற்றுக்கொள்ளுங்க…

>> Vajrasana – வஜ்ராசனம் <<

சரி, வஜ்ராசனத்தை கத்துக்கிட்டீங்களா?!!… இனி இந்த பாலாசனத்தை எவ்வாறு பயிற்சி செய்வது என்பதனைப் பார்ப்போம்….

பாலாசனம் – செய்முறை

இரண்டு கால்களையும் மடக்கி வஜ்ராசனத்தில் அமர்வது போல முழங்கால்கள் மீது அமரவும். அதன்பின் இரண்டு கைகளையும் முன்னோக்கி நீட்டி குழந்தைகள் படுப்பதுபோல நெற்றி தரையில் படும்படி குனியவும்.

மூச்சை சீராக விடவும். இதே நிலையில் 15 முதல் 20 வினாடிகள் அமரவும். பிறகு மெதுவாக நேராக நிமிர்ந்து உட்காராவும். சில வினாடிகள் ஓய்வுக்குப்பின் மீண்டும் முன்போல் பயிற்சி எடுக்கவும். 5 அல்லது 6 தடவை பயிற்சி செய்யலாம்.

Balasana – பாலாசனம் – பயிற்சியின் பலன்கள்

இது மன அழுத்தத்தை நீக்குகிறது. இதய துடிப்பு மற்றும் சுவாசத்தை சீராக்குகிறது. தண்டுவட நரம்புகளுக்கு வலிமை கொடுக்கிறது.

முதுகு வலியை குணப்படுத்துகிறது. முழங்கால் வலியை நீக்குகிறது.

உணவு செரிமானம் ஆகும் திறனை அதிகரிக்கிறது. தொப்பையை நீக்குகிறது. வயிற்றுக் கோளாறுகளை போக்குகிறது. கால் முட்டி முதல் பாதம் வரை பலத்தைக் கொடுக்கிறது.

உடலின் நெகிழ்வுத்தன்மையை அதிகரிக்கிறது. நரம்புமண்டலத்தை தூண்டி பதட்டம் மற்றும் மனச்சோர்வை குறைக்கிறது. உணர்சிகளை சமநிலைப்படுத்துகிறது.

முக்கிய குறிப்புகள்

முழங்கால், கணுக்கால், தோள்கள் மற்றும் மணிக்கட்டுகளில் காயங்கள் எதாவது ஏற்பட்டிருந்தால் இந்த பயிற்சியில் ஈடுபட வேண்டாம்.

கடுமையான மூட்டுவலி (Joint Pain) இருந்தாலும் இந்த பயிற்சியினை தவிர்க்கவும். இடுப்பு மற்றும் வயிறு பகுதிகளில் அறுவை சிகிச்சை செய்திருந்தாலும் இந்த யோகாசனத்தை தவிர்க்கவும்.

கர்ப்பிணிப் பெண்கள் இந்த ஆசனத்தை தவிர்க்க வேண்டும். குழந்தை பிரசவித்த பின்பும்கூட சில மாதங்கள் இந்த ஆசனத்தை பயிற்சி செய்தல் கூடாது.

சிசுபாலாசனம் – Shishupalasana

இந்த பாலாசனத்தைப்போலவே சிசுபாலாசனம் (Shishupalasana – Hindolasana) என்று ஒரு பயிற்சியும் உள்ளது. இதுவும் உடலுக்கு அதிக நன்மைகளை பெற்றுத்தரும் பயிற்சிதான்.

இப்பயிற்சியைப்பற்றி தெரிந்துகொள்ள அடுத்துள்ள விஷீவல் லிங்க் (visual link) ஐ உங்கள் விரல்களால் கிளிக் செய்யுங்கள்.

>> சிசுபாலாசனம் – Shishupalasana <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக தண்டுவட நரம்புகளுக்கு வலிமை கொடுப்பதாக பார்த்தோம்.

மேலும் முதுகு வலியை குணப்படுத்துகிறது. முழங்கால் வலியை நீக்குகிறது.

வயிற்றுக் கோளாறுகளை போக்குகிறது. கால் முட்டி முதல் பாதம் வரை பலத்தைக் கொடுக்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் முழங்கால், கணுக்கால், தோள்கள் மற்றும் மணிக்கட்டுகளில் காயங்கள் எதாவது ஏற்பட்டிருந்தால் இந்த பயிற்சியில் ஈடுபட வேண்டாம்.

கடுமையான மூட்டுவலி (Joint Pain) இருந்தாலும் இந்த பயிற்சியினை தவிர்க்கவும். இடுப்பு மற்றும் வயிறு பகுதிகளில் அறுவை சிகிச்சை செய்திருந்தாலும் இந்த யோகாசனத்தை தவிர்க்கவும்.

கர்ப்பிணிப் பெண்கள் இந்த ஆசனத்தை தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “முதுகு வலி” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல…. நன்றி!

*******

The post Balasana – பாலாசனம் appeared first on Personality Fitting.

“வஜ்ரம்” என்றால் ”வைரம்” என்று பொருள். இதனை தொடர்ந்து பயிற்சி செய்து வருவதினால் வைரம் போல் உடல் உறுதி பெறும் என்பதினால்… ??? … இதற்கு ”வஜ்ராசனம்” (Vajrasana – Thunderbolt Pose) என்று பெயர்.

எளிமைக்குப் பின்னால்தான் இனிமையும், வலிமையும் இருக்கும் என்பார்கள். அந்த கூற்று இந்த ஆசனத்திற்கு மிகவும் பொருந்தும்.

என்னய்யா கதை விடுற… சும்மா காலை மடக்கிக்கொண்டு உட்காருவதினாலேயே உடல் வைரம்போல் உறுதியாகிவிடுமா?!… யாரு காதுல பூ சுத்துற என்கிறீர்களா?…

உண்மைதான்… உங்கள் சந்தேகமும் நியாயமானதுதான்.

ஆனால், இந்த பயிற்சி எப்படி உங்கள் உடலை வைரம் பாய்ந்த தேக்குமரம் போல் மாற்றுகிறது என்னும் சூட்சுமத்தை அறிந்து கொண்டீர்கள் என்றால் ஒருகணம் ஆச்சரியப்பட்டு போவீர்கள்.

அந்த சூட்சுமம் வேறு எங்கும் இல்லை உங்கள் இதயத்தில்தான் உள்ளது…

ஆம் … உங்கள் உடலில் அமைந்துள்ள “இரண்டாவது” இதயத்தில்…

இன்னாது … “இரண்டாவது இதயமா”?..

ஆம்… இரண்டாவது இதயமேதான்… முதலாவது இதயம் இடுப்புக்கு மேலே நெஞ்சாங்குழியில் அமைந்துள்ளது என்றால் இந்த இரண்டாவது இதயமானது இடுப்புக்கு கீழே அமைந்துள்ளது.

Soleus muscle – Vajrasana – வஜ்ராசனம்

ஆம். இடுப்புக்கு கீழே மிக பருமனான வடிவில் “சோலியஸ் தசை” (Soleus) என்று ஒன்று உள்ளது அல்லவா?

இன்னாது.. சோலியஸ்.. ஸா (Soleus)…

இன்னாடா இது நைனா புதுசு புதுசா இங்கிலீஸ் எல்லாம் பேசுது… கொஞ்சம் தமிழிலும் செப்பண்டி என்கிறீர்களா…

அதாங்க… இடுப்புக்கு கீழே இரு கால்களின் முழங்கால் பகுதியில் “கணுக்கால் தசை” அல்லது “கெண்டைக்கால் தசை” என்று ஒன்று உள்ளது தெரியுமா? அதுதான் “இரண்டாவது இருதயம்”.

ஆம்,… இதுவும் இருதயம் போலத்தான் செயல்படுகிறது.

இன்னாது நைனா சொல்ற… கெண்டைக்கால் தசை இருதயம் போல் செயல்படுகிறதா?… எல்லா விலங்குகளுக்கும் அப்படித்தானா?..

ஆம்,… கெண்டைக்கால் தசை இருதயம்போல்தான் செயல்படுகிறது… ஆனால் எல்லா விலங்குகளுக்கும் அல்ல… மனிதனுக்கு மட்டும்தான்… மனிதனுக்கு மட்டும்தான் இந்த “கெண்டைக்கால் தசை” என்னும் அமைப்பே அமைந்துள்ளது … பிற விலங்குகளுக்கு இல்லை.

ஏன் பிற விலங்குகளுக்கு இல்லாத இந்த விஷேச அமைப்பு மனிதர்களுக்கு மட்டும் உள்ளது?

மனிதனை தவிர ஏனைய விலங்குகள் தரைக்கு கிடைமட்டமாக வளர்பவை. தலைமுதல் வால் வரையில் உள்ள உறுப்புகள் அனைத்தும் அதன் கால்கள் தவிர தலை, கழுத்து, வயிறு, இடுப்பு என அனைத்தும் இதயம் இருக்கும் அதே உயர அளவிலேயே அதே வரிசைக்கோட்டில் கிடைமட்டத்திலேயே அமைந்துள்ளன. எனவே, அனைத்து உறுப்புகளுக்கும் இரத்தத்தை பம்ப் செய்து அனுப்புவதில் இதயத்திற்கு பெரிய அளவில் சிரமம் எதுவும் இருப்பதில்லை.

ஆனால், மனிதனின் உடலானது பிற விலங்குகளைப்போல பூமிக்கு கிடைமட்டமாக இருப்பதில்லை. மாறாக பூமியிலிருந்து நேர் மேல்நோக்கிய வண்ணம் அமைந்துள்ளன.

மனித உடலின் அமைப்பின்படி இதயத்திற்கு நேர் மேலே கழுத்து, தலை மற்றும் அதைசார்ந்த மூளை போன்ற உறுப்புகள் அமைந்துள்ளன. மேற்கண்ட உறுப்புகளுக்கு தேவையான குருதிகளை பம்ப் செய்து அனுப்புவது இதயத்திற்கு சிரமமான விஷயம்தான் என்றாலும் எப்படியோ கொஞ்சம் சிரமப்பட்டு சமாளித்துவிடுகிறது.

ஆனால், இதயத்திற்கு கீழ்பகுதியில் அமைந்துள்ள வயிறு முதற்கொண்டு கால் பாதங்கள் வரையுள்ள உறுப்புகளுக்கு குருதியை பம்ப் செய்து அனுப்புவதுதான் இதயத்திற்கு இமாலய சிரமத்தை கொடுக்கிறது.

Gravity Force – புவிஈர்ப்பு விசை

மேலிருந்து சுத்திகரிக்கப்பட்ட இரத்தத்தை கீழே பம்ப் செய்து அனுப்புவதில் இருதயத்திற்கு சிரமம் எதுவும் இருப்பதில்லை. ஆனால் கீழே அனுப்பப்பட்ட இரத்தத்தை திரும்பவும் மேல்நோக்கி இழுப்பதில்தான் இதயத்திற்கு மிகப்பெரிய சிரமமே உள்ளது. காரணம் “புவிஈர்ப்பு விசை” (Gravity Force).

சிரமம் என்றால் சாதாரண சிரமம் இல்லை… யானையை கட்டி மேல்நோக்கி இழுத்தால் அது எவ்வளவு பெரிய கஷ்டத்தை தருமோ அதைவிட ஒருபடி அதிகமான கஷ்டத்தை இருதயத்திற்கு கொடுக்கிறது.

உடலிலுள்ள மொத்த இரத்தத்தையும் புவிஈர்ப்பு விசையானது கீழ்நோக்கி மிக வலுவாக இழுக்க,.. அந்த புவியீர்ப்பு விசையையும் எதிர்த்து இரத்தத்தை மேல்நோக்கி இழுப்பதென்பது இருதயத்திற்கு சாதாரண விசயமில்லை.

உடலிலுள்ள குருதியை புவிஈர்ப்பு விசையானது கீழ்நோக்கி இழுக்க… இதயம் அதே குருதியை புவிஈர்ப்புக்கு எதிராக மேல்நோக்கி இழுக்க… உண்மையிலேயே இது “லப்டப்” என்று அடிக்கும் இதயத்தை “பக்பக்” என்று பதறவைத்துவிடுகிறது…

ஆம்,… இது கொஞ்சம் இதயத்தை பதறவைக்கும் விஷயம்தான் என்றாலும்,… எப்படியோ சமாளித்துவிடுகிறது… உயிர் வாழவேண்டுமே… சமாளித்துதானே ஆகவேண்டும்.

உங்களிடம் இருப்பது வலிமையான இதயமாக இருந்தால் டபுள் O.K… ஆனால் கொஞ்சம் பலவீனமான இதயமாக இருந்தால்?!… இதயத்தின் நிலைமையானது “பெப்பே” என்று ஆகிவிடும் அல்லவா.

இங்குதான் இருதயத்திற்கு கைகொடுக்க வருகிறது “கணுக்கால் தசை” என்று சொல்லப்படும் “கெண்டைக்கால் தசை”.

ஆம்,… புவிஈர்ப்புவிசையை சமாளித்து குருதியை மேல்நோக்கி இழுக்க இதயம் தட்டுத்தடுமாறி… முக்கி முனகிக்கொண்டு இருக்க… இந்த நிலைமை இப்படியே ஒரு நாள் முழுக்க நீடித்தால் விரைவிலேயே இதயம் சோர்வடைவதோடு சில வருடங்களிலேயே செயலிழந்து விடும் அபாயமும் இருப்பதால்… அதை தவிர்க்கும் பொருட்டும்…. இதயத்திற்கு சப்போர்ட் செய்யும் விதமாகவும் இடுப்பிற்கு கீழே உள்ள இரத்தத்தை தோள்கொடுத்து மேலே உந்தித்தள்ளும் வேலையை “கெண்டைக்கால்தசை” செய்கிறது…

“தோள் கொடுப்பான் தோழன்” என்பது போல இரத்தத்தை மேல்நோக்கி உந்தித்தள்ளும் வேலையை இது செய்வதால் இதயத்திற்கு வேலைப்பளு குறைகிறது… இதனால் இதயம் கொஞ்சம் நிம்மதி பெருமூச்சு விடுகிறது. இதனால் அதன் ஆயுளும் கூடுகிறது. எனவேதான் இந்த கெண்டைக்கால்தசையை “இரண்டாவது இருதயம்” என்று குறிப்பிடுகின்றோம்.

அப்பாடா… இந்த செய்தியை கேட்டபிறகுதான் மனசுக்கு கொஞ்சம் நிம்மதியா இருக்கு. இனி இதயத்திற்கும் கவலையில்லை… எனக்கும் கவலை இல்லை என்று காலை நீட்டிப்போட்டுக்கொண்டு உட்கார்ந்து விட்டீர்களென்றால் இந்த இரண்டாவது இதயம் வேலை செய்யாது.

ஐயையோ அப்படியா… இந்த இரண்டாவது இதயம் வேலைசெய்ய என்ன செய்யவேண்டும் என்கிறீர்களா?…

வேலை செய்யவேண்டும்…

ஆம்… இரண்டாவது இதயம் வேலைசெய்ய வேண்டுமென்றால் முதலில் நீங்கள் வேலை செய்யவேண்டும். கை கால்களை ஆட்டி குனிந்து நிமிர்ந்து நன்கு வேலை செய்ய வேண்டும்…

இதயத்தசைகளைப்போல இதிலுள்ள தசைகள் சுயமாக துடிக்காது என்பதால் கால்களை நன்கு அசைப்பதின் மூலமாகத்தான் இதனை இயங்கச்செய்ய முடியும்.

கணுக்கால் தசை – கெண்டைக்கால் தசை

கெண்டைகால் தசை நன்கு அசைந்து கொடுத்தால்தான் குருதியை மேல்நோக்கி உந்தித்தள்ளும். முதல் இதயத்திற்கும் நல்லதொரு சப்போர்ட்டாக இருக்கும்… அதற்கு கைகால்களை நன்கு அசைத்து வேலை செய்ய வேண்டும்.

ஐயையோ… என்னால் குனிந்து நிமிர்ந்தெல்லாம் வேலை செய்ய முடியாதே…. ஹார்ட் பேசண்ட் வேற என்கிறீர்களா…. கவலை வேண்டாம்… தினந்தோறும் காலையும் மாலையும் நன்றாக கைகளை வீசி இரண்டு மூன்று கிலோமீட்டராவது வேகமாக நடந்து நடைபயிற்சி செய்யுங்கள். இரண்டாவது இதயம் வேலைசெய்ய ஆரம்பித்துவிடும். முதல் இதயமும் நிம்மதிப்பெருமூச்சு விடும். ஹார்ட் அட்டாக்கும் வராது…. ஆயுளும் கூடும்…

இப்போது புரிகிறதா?!… ஹார்ட் பேசண்ட் நபர்களை நம் டாக்டர்கள் ஏன் அதிகாலையிலேயே நடக்கச் சொல்கிறார்கள் என்று…

முதலில் வியர்வை சொட்ட சொட்ட உழைக்கச் சொல்லுவார்கள்… அதற்கு நீங்கள் சரிப்பட்டு வரமாட்டீர்களென்றால்….

வேகமாக நடக்கச் சொல்லுவார்கள்… அவ்வளவுதான்.

சரி… இன்றிலிருந்து வேகமாக நான் நடக்கப்போகிறேன்…. இனி எனக்கு ஹார்ட் அட்டாக் போன்ற இதயம் சம்பந்தமான வியாதிகள் எதுவும் வராதுதானே என்கிறீர்களா?… அங்குதான் ஒரு பிரச்சனை உள்ளது…

இன்னாது நைனா அது… என்கிறீர்களா?

“கெண்டைகால் தசை” இரண்டாவது இருதயம் என்பதெல்லாம் சரிதான். அது சரியாக இயங்கினால் இரத்தத்தை பம்ப் செய்து இதயத்திற்கு ஒத்தாசையாக இருக்கும் என்பதும் உண்மைதான்…. ஆனால் அந்த கெண்டைக்கால் தசையானது ஆரோக்கியமாக இருக்கிறதா என்பதனை பார்க்க வேண்டாமா?! அதிலுள்ள நரம்புகளெல்லாம் துடிப்பாக இருக்கிறதா என்பதை சோதிக்க வேண்டாமா?!…

கெண்டைகால் தசையிலுள்ள நரம்புகள் மற்றும் திசுக்கள் அனைத்தும் ஆரோக்கியமாகவும் வஜ்ரம் போல் வலிமையாகவும் இருந்தால்தானே இருதயத்தையும் வலிமையாக வைத்திருக்கும்… கூடவே உடலையும் வைரம் பாய்ந்த தேக்குமரம்… இல்லை… இல்லை… வைரம் பாய்ந்த வேங்கை மரம்போன்று வைத்திருக்கும்…

அதைத்தான் செய்கிறது இந்த “வஜ்ராசனம்”.

ஆம். கெண்டைக்கால் தசைகளை வலுப்படுத்துகிறது. அதிலுள்ள நரம்புகளை முறுக்கேற்றுகிறது… இரண்டாவது இருதயத்தை சீராக வேலைசெய்ய தூண்டுகிறது… அதனால் உங்களின் இதயமும் குதூகலமடைகிறது… விளைவு…. உடல் முழுவதும் சுத்தமான இரத்தம் பரவுகிறது… அதன் காரணமாக உடலும் வைரம் பாய்ந்த வேங்கையாக மாறுகிறது…

இப்போது சொல்லுங்கள்… இரண்டாவது இதயமான “கெண்டைக்கால் தசை”களை வலிமையாக்கும் இந்த ஆசனத்திற்கு “வஜ்ராசனம்” என்று பெயர் வைக்கப்பட்டுள்ளது சரிதானே?!!…

Vajrasana – வஜ்ராசனம் – அடிப்படைத் தகவல்கள்

பெயர் – Vajrasana.

தமிழில் – வஜ்ராசனம்.

சமஸ்கிருதம் – Vajrasana.

ஆங்கிலம் – Thunderbolt Pose.

வேறுபெயர்கள்

• Adamantine Pose.
• Diamond Pose.
• Blowing In Firm Pose.

ஆசனத்தின் நிலை – Sitting.

பயிற்சியின் கடின தன்மை – Beginner.

உடல் கோணம் – Stretch, Restorative.

இது உடலை உறுதி செய்வதற்கு மட்டுமல்ல மனதை திடம்கொள்ள செய்வதற்கும் ஏற்றது. அதனால் இது தியானம் பயில்வதற்கும், மூச்சு பயிற்சி என்று சொல்லப்படும் பிரணாயாமம் செய்வதற்கும் ஏற்ற ஆசனமாக பயன்படுத்தப்பட்டு வருகிறது.

உடலை வளைத்து செய்யப்படும் பிற கடினமான ஆசனங்களை செய்ய முடியாத வயதானவர்கள் இந்த ஆசனத்தை செய்துவரலாம். இதனால் முழங்கால்கள் நன்கு வலுப்பெறும். கால்கள் தரையில் உறுத்தாத அளவிற்கு கனமான ஜமுக்காள விரிப்பின் மீது அமர்ந்து இப்பயிற்சியை செய்யவேண்டும்.

சரி, இனி இந்த ஆசனத்தை எவ்வாறு பயிற்சி செய்வது என்பதனைப் பார்ப்போம்….

Vajrasana – வஜ்ராசனம் செய்முறை

Vajrasana – வஜ்ராசனம். முதலில் ஒரு கனமான ஜமுக்காளத்தை நான்காக மடித்து போட்டு அதன் மேல் இரு கால்களையும் முன்னால் நேராக நீட்டி உட்காருங்கள். அதன்பின் முதலில் இடது காலையும்  பின் வலது காலையும் மடக்கி கால்களின் மேல் உடலை நேராக நிமிர்த்தி கால்களில் வலி எதுவும் ஏற்படாத வகையிலும், உறுத்தாத வகையிலும் வசதியாக உட்காருங்கள்.

இரு கால்களின் உள்ளங்கால்கள் மேல்நோக்கியும் இரு கால்களின் பெருவிரலும் ஒன்றையொன்று தொட்டபடியும் இருக்க வேண்டும்.

இரு கைகளையும் இரு தொடைகளின் மீது சின்முத்திரை செய்தோ அல்லது சாதாரண நிலையிலோ வைத்து கொள்ளலாம். மூச்சை நிதானமாக ஆழமாக இழுத்து விடவும். 5 நிமிடம் இதே நிலையில் அமரலாம்.

பார்ப்பதற்கு எளிதான ஆசனமாக தெரிந்தாலும் உடலுக்கு அற்புத பலன் கொடுக்கும் ஆசனம் என்றே சொல்ல வேண்டும். பொதுவாக இது தியானம் செய்வதற்கும் பயன்படுத்தப்படுகிறது.

பயிற்சியின் பலன்கள்

ஒருவரின் ஆரோக்கியம் என்பது அவரின் ஜீரண சக்தியின் திறனைப் பொறுத்தே அமையும். இந்த ஆசனம் ஜீரணசக்தியின் ஆற்றலை மேம்படுத்தும் என்பதால் ஆரோக்கியமும் மேம்படும். உடல் உறுதி பெறும். முதுகுத்தண்டு வலிமை பெறும். தொடை, முழங்கால், கணுக்கால், இடுப்புப் பகுதிகள் வளம் பெறும்.

வயிற்றுப்பகுதியில் இரத்த ஓட்டம் அதிகரிப்பதால் மலச்சிக்கல், அஜீரணம் அண்டாது.

பெண்களுக்கு மாதவிடாய் பிரச்சனைகளை தீர்த்து வைக்கின்றது.

இவை எல்லாவற்றுக்கும் மேலாக இரண்டாவது இதயமான கெண்டைக்கால் தசைகளை வலுப்படுத்துகிறது.

மேலும்,… இதற்கு மனதை ஒருமுகப்படுத்தும் திறன் இருப்பதால் தியானப் பயிற்சி மற்றும் பிரணாயாமம் என்னும் மூச்சு பயிற்சி செய்வதற்கும் இது பயன்படுகிறது.

இந்த வஜ்ராசனத்தைப்போலவே சித்தாசனம், ஸ்வஸ்திகாசனம், கமலாசனம் என்று சொல்லப்படும் பத்மாசனம் முதலிய ஆசனங்களும் தியானப் பயிற்சி மற்றும் பிரணாயாமம் என்னும் மூச்சு பயிற்சி செய்வதற்கு ஏற்ற ஆசனங்களே.

முக்கியக் குறிப்புகள்

இந்த பயிற்சியில் முழங்கால்களே மொத்த உடல் எடைகளையும் தாங்குவதால் முட்டி வலி, முழங்கால் வலி, கணுக்கால் வலி, குதிகால் வலி, முதுகு வலி, இடுப்பு வலி, முட்டி தேய்மானம், பாதங்களில் வலிகள் இருப்பவர்கள் இப்பயிற்சியை தவிர்க்கவும்.

குடலிறக்கம், குடல் சார்ந்த பிரச்சனைகள் இருப்பவர்கள் இந்த ஆசனத்தை தவிர்க்கவும்.

கால்களில் அதிக வலி ஏற்படும்படி இப்பயிற்சியை செய்ய வேண்டாம்.

குறிப்பு :- ஆரம்பத்தில் சொன்னதுபோல இந்த Vajrasana – வஜ்ராசனம் தியானப் பயிற்சி மற்றும் பிரணாயாமம் என்னும் மூச்சு பயிற்சி செய்வதற்குக்கு மிகவும் ஏற்றது. வஜ்ராசனத்தை போலவே பத்மாசனம், சித்தாசனம், ஸ்வஸ்திகாசனம், கோமுகாசனம், சுகாசனம் ஆகியவைகளும் தியானப் பயிற்சி மற்றும் பிரணாயாமம் என்னும் மூச்சு பயிற்சி செய்ய அமருவதற்கான சிறந்த ஆசனங்களே!.

மேற்படி ஆசனங்களைப் பற்றி தெரிய வேண்டுமெனில் அந்தந்த ஆசனங்களுக்கான “விஷீவல் லிங்க்” (Visual Link) கீழே கொடுக்கப்படுள்ளது. அதன் மீது விரல்களால் சொடுக்கி (கிளிக் செய்து) தெரிந்து கொள்ளுங்கள்.

>> பத்மாசனம் – Padmasana <<

>> ஸ்வஸ்திகாசனம் – Swastikasana <<

>> சுகாசனம் – Sukhasana <<

>> சித்தாசனம் – Siddhasana <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக முதுகுத்தண்டு வலிமை பெறும். தொடை, முழங்கால், கணுக்கால், இடுப்புப் பகுதிகள் வளம் பெறும்.

வயிற்றுப்பகுதியில் இரத்த ஓட்டம் அதிகரிப்பதால் மலச்சிக்கல், அஜீரணம் அண்டாது.

பெண்களுக்கு மாதவிடாய் பிரச்சனைகளை தீர்த்து வைக்கின்றது.

இவை எல்லாவற்றுக்கும் மேலாக இரண்டாவது இதயமான கெண்டைக்கால் தசைகளை வலுப்படுத்துகிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இந்த பயிற்சியில் முழங்கால்களே மொத்த உடல் எடைகளையும் தாங்குவதால் முட்டி வலி, முழங்கால் வலி, கணுக்கால் வலி, குதிகால் வலி, முதுகு வலி, இடுப்பு வலி, முட்டி தேய்மானம், பாதங்களில் வலிகள் இருப்பவர்கள் இப்பயிற்சியை தவிர்க்க வேண்டும்.

குடலிறக்கம், குடல் சார்ந்த பிரச்சனைகள் இருப்பவர்கள் இந்த ஆசனத்தை தவிர்க்கவும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கணுக்கால் வலி” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Vajrasana – வஜ்ராசனம் appeared first on Personality Fitting.

உடல் என்ற ஒன்று இருந்தால் மட்டும் போதாது, அதில் உறுதியும், ஆரோக்கியமும், மகிழ்ச்சியும் நிலைத்திருக்க வேண்டும்

உடல் ஆரோக்கியமாக இருக்க வேண்டும் என்றால் உடலிலுள்ள அத்தனை நாடிநரம்புகளும் சுறுசுறுப்பாக இயங்க வேண்டும். உடலிலுள்ள அத்தனை நரம்பு மண்டலங்களும் சுறுசுறுப்பாக இயங்கினால் மட்டுமே அந்த உடலில் நிரந்தரமாக ஆரோக்கியமும் அமைதியும் குடி கொள்ளும். அதற்கு தேவை முறையான பயிற்சி. ஆம்,… மூச்சுப்பயிற்சியுடன் கூடிய யோகப்பயிற்சி.

நமக்கு நல்வழி காட்டிய தீர்க்கதரிசிகளான சித்தர்கள் நமக்களித்த வற்றாத இரு ஜீவநதிகளே மூச்சு பயிற்சியும், யோகாசனப் பயிற்சியும்.

மனித உடலும், உள்ளமும் உறுதியாகவும், அழகாகவும், ஆரோக்கியமாகவும் பன்னெடுங்காலம் நிலைத்திருக்க வேண்டும் என்ற நோக்கில் அவர்கள் நமக்களித்த அரும்பெரும் பொக்கிஷங்கள்தான் இந்த இரு பயிற்சிகள்.

இதில் மூச்சு பயிற்சியானது நீண்ட ஆயுளையும், யோகாசனப் பயிற்சியானது அற்பமாக இருக்கும் நம் உடலை சிற்பமாக செதுக்கும் திறனையும்கொண்டது.

இந்த பதிவில் உடலை என்றும் சுறுசுறுப்பாகவும், சுகமாகவும் இயங்கச் செய்யும் ”திரிகோணாசனம்” (Trikonasana) என்னும் பயிற்சியைப்பற்றிதான் பார்க்க இருக்கின்றோம்.

திரிகோணாசனம் – அடிப்படைத் தகவல்கள்

பெயர் – Trikonasana.

தமிழில் – திரிகோணாசனம்.

சமஸ்கிருதம் – Trikonasana.

ஆங்கிலம் – Triangle Pose.

வேறுபெயர்கள் –

ஆசனத்தின் நிலை – Standing.

பயிற்சியின் கடின தன்மை – Intermediate.

உடல் கோணம் – Side-Bend, Stretch.

“திரி கோணம்” என்றால் மூன்று மூலைகளைக் கொண்ட ஒரு கோண அமைப்பைக் குறிப்பது. சுருக்கமாக சொல்ல வேண்டுமென்றால் “திரி கோணம்” என்றால் “முக்கோணம்” என்று பொருள். “ஆசனம்” என்றால் “இருக்கை” என்று பொருள். இந்த ஆசனத்தில் நம் உடல் முக்கோணம் போன்று அமைவதால் இதற்கு “திரிகோணாசனம்” என்று பெயர்.

இந்த ஆசனத்தின் பெருமையை இரத்தின சுருக்கமாக சொல்ல வேண்டுமென்றால் ஒன்றே ஒன்றை சொல்லலாம்.

இளமை…

துள்ளும் இளமை…

அதுவும் அழகு ததும்பும் துள்ளும் இளமை…

ஆம்,… இந்த திரிகோணாசனம் உங்களை அழகு நிறைந்த மிடுக்குடனும், இளமை துள்ளும் நடைகளுடனும் எப்போதும் இளமையாகவே வைத்துக்கொள்ளும்.

இந்த அற்புதமான ஆசனத்தை எப்படி பயிற்சி செய்வது என்பதனை பார்ப்போம் வாருங்கள்…

Trikonasana – திரிகோணாசனம் – செய்முறை

உடலை வளைக்காமல் நேராக நிமிர்ந்து நில்லுங்கள்.

அதன் பின் இரு கால்களையும் இரண்டு அடி இடைவெளி விட்டு விரித்து வைக்கவும். பின் இரு கைகளையும் தோளுக்கு நேராக பக்கவாட்டில் நீட்டவும்.

அதன் பின் இடதுகை பக்கம் பக்கவாட்டில் இடுப்பை வளைத்து இடது கை விரல்களால் இடது பாதத்தின் அருகில் தரையை தொடவும். அதேவேளையில் உங்கள் வலது கை வளையாமல் மேல் நோக்கி இருக்க வேண்டும். உங்கள் பார்வையும் வலது கை விரல்களின் நுனியை பார்த்தபடி இருக்கவும்.

இதே நிலையில் 10 முதல் 20 வினாடிகள் நிற்கவும். பின் நேராக நிமிர்ந்து வலது பக்கமும் இதேபோல் செய்யவும்.

இப்பொழுது நீங்கள் ஒருதடவை இந்த ஆசனத்தை செய்து முடித்துள்ளீர்கள். சில விநாடிகள் ஓய்வுக்குப்பின் மீண்டும் இடது மற்றும் வலது பக்கம் முன்போல் செய்யவும். இந்த ஆசனத்தை 5 அல்லது 6 தடவை அவசரப்படாமல் நிதானமாக பயிற்சி செய்யவும்.

பயிற்சியின் பலன்கள்

இதை தொடர்ந்து பயிற்சி செய்துவர இடுப்புக்கு வலிமை கூடுகிறது. தொடை எலும்பு, முதுகெலும்புகளுக்கு வலிமை அதிகரிக்கிறது. தோள்கள், மார்பு, முழங்கால் மற்றும் கணுக்கால்களை வலுப்படுத்துகிறது.

அடிவயிற்றிலுள்ள அனைத்து உள்ளுறுப்புகளும் பலம் பெறுகிறது. அதோடு வாய்வுக் கோளாறுகளையும் நீக்குகிறது.

மேலும் இப்பயிற்சியால் முதுகுவலி, இடுப்புவலி, தோள்பட்டை வலி (Shoulder Pain) முதலியன நீங்கும். முதுகெலும்பிற்கு நெகிழும் தன்மையை கொடுத்து இளமையை மீட்டுத்தரும்.

விளையாட்டு வீரர்களுக்கும் ஓட்டப்பந்தய வீரர்களுக்கும் இந்த ஆசனம் ஒரு வரப்பிரசாதம் எனலாம். அந்த அளவிற்கு இது கால்களுக்கு புத்துணர்ச்சி கொடுப்பது.

தொந்தி கணபதியை நினைவில் கொண்டுவரும் உங்களின் பருத்த தொப்பையும் இது பழனியாண்டியை நினைவுபடுத்தும் அளவிற்கு குறைக்கிறது. அதோடு நின்றுவிடாமல் உங்கள் இடுப்பு சதையையும் கரைத்து உங்களை எப்போதும் ”ஸ்லிம்” மாகவே வைத்துக்கொள்கிறது..

முக்கிய குறிப்புகள்

கர்ப்பிணி பெண்கள் மற்றும் குழந்தை பெற்ற தாய்மார்கள் இதனை செய்ய வேண்டாம். குழந்தை பெற்றபின் 1 வருடம் வரையில் இந்த பயிற்சியை தாய்மார்கள் செய்யாமல் இருப்பது நல்லது.

கழுத்து, தோள்பட்டை, முழங்கால் மற்றும் கணுக்கால்களில் காயம் உள்ளவர்களும், இடுப்பு, முதுகு ஆகியவைகளில் அறுவை சிகிச்சை செய்துகொண்டவர்களும் இந்த பயிற்சியை செய்தல் கூடாது. தலைசுற்றல், ஒற்றை தலைவலி மற்றும் இரத்த அழுத்த பிரச்னை உள்ளவர்கள் இந்த ஆசனத்தை தவிர்த்தல் வேண்டும்.

மிகவும் மெலிந்த பலவீனமான உடல்வாகு உடையவர்கள் இந்த ஆசனத்தை செய்தல் கூடாது.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக இதை தொடர்ந்து பயிற்சி செய்துவர இடுப்புக்கு வலிமை கூடுகிறது. தொடை எலும்பு, முதுகெலும்புகளுக்கு வலிமை அதிகரிக்கிறது. தோள்கள், மார்பு, முழங்கால் மற்றும் கணுக்கால்களை வலுப்படுத்துகிறது.

வாய்வுக் கோளாறுகளையும் நீக்குகிறது.

மேலும் இப்பயிற்சியால் முதுகுவலி, இடுப்புவலி, தோள்பட்டை வலி (Shoulder Pain) முதலியன நீங்கும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கர்ப்பிணி பெண்களும் குழந்தை பெற்ற தாய்மார்களும் இதனை செய்தல்கூடாது.

கழுத்து, தோள்பட்டை, முழங்கால் மற்றும் கணுக்கால்களில் காயம் உள்ளவர்களும், இடுப்பு, முதுகு ஆகியவைகளில் அறுவை சிகிச்சை செய்துகொண்டவர்களும் இந்த பயிற்சியை செய்தல் கூடாது.

தலைசுற்றல், ஒற்றை தலைவலி மற்றும் இரத்த அழுத்த பிரச்னை உள்ளவர்கள் இந்த ஆசனத்தை தவிர்த்தல் வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “வாய்வுக் கோளாறு” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல…. நன்றி!

*******

The post Trikonasana – திரிகோணாசனம் appeared first on Personality Fitting.

உடற்பயிற்சியானது உடலுக்கு மட்டுமே பயிற்சியளிக்கக்கூடியது. உடலை கரடுமுரடாக்கி அதன் இயக்கத்தை சிக்கலாக்கும் தன்மை படைத்தது.

ஆனால், யோகாசனப் பயிற்சியானது உடலின் அத்தனை திசுக்களையும் இதமாக மசாஜ் செய்து தேகத்தை மென்மையாக்குகிறது. இதனால் தேகத்திற்கு வனப்பும் இளமையும் மேலிடுகிறது.

உடலுக்கு மட்டுமல்ல மனதிற்கும் சேர்த்தே பயிற்சி அளிக்கும் வண்ணம் யோகாசனப் பயிற்சியானது உருவாக்கப்பட்டுள்ளது குறிப்பிடத்தக்கது.

இதை புரிந்து கொள்ள வேண்டுமெனில் ஒன்றை சொல்லலாம். அதாவது குழந்தையின் தாய் குழந்தைக்கு வெறும் உணவு மட்டும் ஊட்டுவதில்லை. உணவோடு சேர்த்து ”தாய்ப்பாசம்” என்னும் அன்பையும் சேர்த்து ஊட்டியே வளர்க்கிறாள். அப்படி உணவையும் தாய்ப்பாசத்தையும் சேர்த்து கொடுத்து வளர்த்தால்தான் அந்த குழந்தை ஆரோக்கியமாகவும் மகிழ்ச்சியாகவும் வளரும் அல்லவா?!.

அதைப்போலவே ஆரோக்கியம் மேம்பட வேண்டுமெனில் உடலுக்கு மட்டும் பயிற்சியளித்தால் போதாது. உள்ளத்திற்கும் சேர்த்தே பயிற்சி அளித்தால்தான் அது ஒரு முழுமையான ஆரோக்கியமாக பயிற்சியாக இருக்க முடியும். இந்த உண்மையை உணர்ந்து கொண்ட நம் முனிவர்களும், யோகிகளும் உடலுக்கும் உள்ளத்திற்கும் ஒருசேர பயிற்சியளிக்க உருவாக்கித் தந்த கலையே ”யோகக்கலை” எனலாம்.

அவ்வாறு உடல், மனம் இரண்டையும் வளப்படுத்தும் ஆசனத்தில் ஒன்றை இந்த பதிவில் பார்க்க இருக்கிறோம். அதுதான் “வீரபத்திர ஆசனம் 1”. வாருங்கள் பார்க்கலாம்.

Virabhadrasana first type – அடிப்படைத் தகவல்கள்

பெயர் – Virabhadrasana first type.

தமிழில் – வீரபத்ராசனம் முதல் வகை.

சமஸ்கிருதம் – Virabhadrasana first type.

ஆங்கிலம் – Warrior Pose first type.

வேறுபெயர்கள் – Warrior 1 Pose, Warrior 1.

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – Stretch, Twist, Strength.

Virabhadrasana first type – வீரபத்ராசனம் – பெயர்காரணம்

ஆசனத்தை பயிற்சி செய்வது எப்படி என்று பார்ப்பதற்கு முன்னால் இதற்கு ஏன் “வீரபத்ராசனம்” என்று பெயர் வந்தது என்பதனை அறியவேண்டுமல்லவா? அதையும் கொஞ்சம் பார்ப்போம் வாருங்கள்…

உலகத்தையே கட்டிக் காப்பவர் சிவன். சிவபெருமானின் மனைவி தாட்சாயிணி. அந்த தாட்சாயிணியை பெற்றெடுத்தவர் தட்சன்… ஆதலால் தட்சன் இப்போது சிவபெருமானின் மாமனார்…

சின்ன வயதிலிருந்தே தட்சனுக்கு கர்வம் கொஞ்சம் ஜாஸ்தி. அது அவருடைய பிறவி புத்தி. இப்போது மருமகனாக சிவபெருமானே வந்துவிட்டார்… கர்வத்துக்கு சொல்லவா வேண்டும்?!. கர்வம் ஆணவமாக மாறி உச்சந்தலைக்கே ஏறி ஊழித்தாண்டவம் ஆடியது. மனுஷன் யாரையுமே மதிப்பதில்லை. (எதற்காக மதிக்க வேண்டும்… சிவபெருமானின் மாமனார்னா சும்மாவா?!)

யாரையும் மதிக்கக்கூடாது என்று முடிவெடுத்தபிறகு எதிரில் நிற்பவர் யாராக இருந்தா நமக்கென்ன… கடவுளாகத்தான் இருக்கட்டுமே… ஐ…. யாம்… டோண்ட்… கேர்….

தட்சன் ஒரு யாகம் நடத்தினார். யாக நிகழ்சிகளில் கலந்து கொள்வதற்காக மரியாதை நிமித்தமாக மருமகன் என்ற வகையில் சிவபெருமானை அழைக்கவேண்டும் அல்லவா?!…

அதானய்யா உலக வழக்கம்…

ஆனால் தட்சன் அழைக்கவில்லை.

அழைத்தால் சிவனுக்கு மரியாதை கொடுத்ததுபோல் ஆகிவிடுமே?… நாமதான் யாருக்குமே மரியாதை கொடுப்பதில்லை என்ற முடிவுக்கு வந்துவிட்டோமே… அப்புறம் எப்படி அழைப்பதாம்?!!

சரி,… போனால் போகட்டும் என்று ஒரு “பார்மாலிட்டி”க்கு அழைக்கிறோம் என்று வைத்துக்கொள்வோமே… அதுவே நம்முடைய கொள்கைக்கு முரணாக அமைந்துவிடாதா என்ன?…

மருமகனாவது மண்ணாங்கட்டியாவது… நமக்கு ஈகோதான் முக்கியம்… (அப்படி போடு அருவாள)

சிவபெருமானுக்கு அழைப்பில்லாமலேயே யாகம் ஸ்டார்ட் ஆகிவிட்டது.

இது தாட்சாயிணியின் காதுகளை எட்டியது. வெகுண்டெழுந்து விட்டார்.

மதியாதார் தலைவாசல் மிதிக்கவேண்டாம் என்று தடுத்த சிவனையும் மீறி நியாயம் கேட்க யாகம் நடக்கும் இடத்திற்கே சென்றுவிட்டார் தாட்சாயிணி.

தந்தையிடம் நியாயம் கேட்டு லபோதிபோ என்று கோபத்தைக் கொப்பளித்தார்.

சிவபெருமானுக்கே மரியாதையை கொடுப்பதில்லை என்று முடிவுகட்டிய பிறகு அவன் பொண்டாட்டி தாட்சாயிணிக்கு மட்டும் எப்படி மரியாதையை கொடுக்க முடியும்… அவள் சிவனின் பொண்டாட்டியா இருந்தா என்ன? அல்லது ஆயாக்கடை போண்டா, டீயா இருந்தா நமக்கென்ன? நமக்கு கொள்கைதானய்யா முக்கியம்.

எனவே, மகளென்றும் பாராமல் எகிறினார்… வார்த்தையால் குதறினார்…

“இறந்தவர்களின் மண்டையோட்டை திருவோடாக கொண்டு உடுக்கை அடித்து ஒருவாய் சோற்றுக்காக ஓடேந்தி திரியும் பிச்சைக்காரப்பயல்தானே உன் புருஷன். அந்த பிச்சைக்காரனின் மனைவியாகிய உனக்கு மரியாதையெல்லாம் இங்கு கொடுக்க முடியாது ஓடிவிடு”… என்று தட்சன் தாட்பூட் என்று எகிற…

அவமானத்தால் தாட்சாயிணி கூனிக்குறுக…

இவ்வளவு அவமானத்திற்குப் பிறக்கும் நாம் வாழ்வதில் அர்த்தமில்லை என்று முடிவெடுத்த தாட்சாயிணியோ யாகத்தீயில் தன்னை மாய்த்துக்கொள்ள முனைய…

இந்த களேபரத்தையெல்லாம் சிவலோகத்தில் இருந்தபடி நெற்றிக்கண் சிவக்க கோபத்தில் பார்த்துக் கொண்டிருந்தார் சிவன்.

குணமாக இருக்கும்போதே உடுக்கை கலைவதை பற்றியெல்லாம் யோசனை செய்யாமல் உடுக்கையை குலுக்கிக்கொண்டே காலை தூக்கியபடி மானம் போவதைப் பற்றிக்கூட கலைப்படாமல் தாண்டவம் ஆடுபவர்தான் அவர்… இப்போது கோபத்தில் வேறு இருக்கிறார்… மனுஷனுக்கு “பிளட் பிரஷர்” (Blood pressure) வேறு இருக்கிறது… கூடவே “லோ சுகரும்” (ஹைப்போகிளைசீமியா – Hypoglycemia) இருப்பதாக சொல்கிறார்கள்… சொல்லவா வேண்டும்…

கோபத்தில் நெஞ்சுவலியே வரும் அளவுக்கு “பிளட் பிரஷர்” தாறுமாறாக ஏற… ருத்ர தாண்டவமே ஆடிவிட்டார்.

ஓங்கி அடிச்சா ஒன்றரை டன் வெயிட்டுடா

ஆட்டத்தில் கலைந்த ஜடாமுடியை ஆவேசமாக தரையில் ஓங்கி அடிக்க…

ஓங்கி அடிச்சா அது ஒன்றரை டன் வெயிட் அல்லவா!!…

அடித்த வேகத்தில் அந்த ஒன்றரை டன் வெயிட்டும் இரண்டாக “ஸ்பிளிட்” ஆகிவிட…

அதில் ஒரு முக்கால் டன் எடை “பத்திரகாளி”யாக உருவெடுக்க அடுத்த முக்கால் டன் எடை வீரபத்திரனாக எழுந்து நின்றது…

எழுந்து நின்ற உடனேயே “வீரபத்திரன்” வீராவேசமாக கர்ஜிக்க… வீரபத்திரனின் வீரத்தை கண்டு பக்கத்தில் நின்ற பத்திரகாளியே பயத்தில் பதறிப்போக… அந்த கர்ஜிப் ஒலியால் களேபரமாகக் கிடந்த சிவலோகமே கணநேரத்தில் கப்சிப்பானது என்றால் வீரபத்திரனின் வீரத்தை பார்த்துக் கொள்ளுங்களேன்.

இவன்தான் தட்சனின் ஆணவத்தை அடக்க சரியான ஆள் என முடிவெடுத்த சிவன்… தட்சனின் யாகத்தையும், அவனின் ஆணவத்தையும் அழித்தொழித்து வெற்றியுடன் திரும்பி வா மகனே என கர்ஜித்து வெற்றித்திலகமிட்டு அனுப்பி வைத்தார்.

தந்தையின் உத்தரவை பெற்று ஆவேசமாக யாகசாலைக்கு சென்ற வீரபத்திரன் ஒரு காலை தரையில் ஊன்றி மற்றொரு காலை சிவபெருமானைப் போலவே மானம் போகுமளவிற்கு தலைக்கு மேல்வரை தூக்கி… (செத்தாண்டா சேகரு) யாகத்தீயை ஓங்கி ஒரு மிதி மிதிக்க…. மிதித்த வேகத்தில் இடுப்பில் கட்டியிருந்த அரைஞாண் கயிறு அறுந்து யாகத்தீயில் விழ…. யாகசாலை சோகசாலை ஆனது.

மேலேயுள்ள படத்தில் கோப ஆவேஷத்தில் வீரபத்திரன் நிற்கும் பொசிஷனை பார்த்தீர்களா?

அதே பொசிஷனில் நம்முடைய ஆசனமும் இருப்பதால் இதற்கு “வீரபத்திர ஆசனம்” என பெயர் வைத்துவிட்டார்கள். புரிஞ்சுதா..

சரி,.. இனி இந்த வீரபத்திராசனத்தைப் பற்றி பார்ப்போம்.

இந்த வீர பத்திராசனத்தில் 1,2,3 என மூன்று வகையான பொசிஷன்கள் (வகைகள்) உள்ளன். அதில் முதல் வகையான ”வீரபத்ராசனம் முதல் வகை” யைப்பற்றித்தான் (Virabhadrasana first type of pose) இந்த பதிவில் பார்க்க இருக்கின்றோம். மற்ற இரண்டு வகைகளான ”வீரபத்ராசனம் வகை 2”, ”வீரபத்ராசனம் வகை 3” ஆசனங்களை வேறொரு தனிப்பதிவில் பார்க்கலாம்.

சரி, இனி ”வீரபத்ராசனம் முதல் வகை” ஆசனத்தை எவ்வாறு பயிற்சி செய்வது என்பதனைப் பார்ப்போம்….

வீரபத்ராசனம் முதல் வகை – செய்முறை

Virabhadrasana first type – வீரபத்ராசனம். முதலில் இரு கால்களையும் சேர்த்து வைத்துக் கொண்டு நேராக நிற்கவும். அதன் பின் இரு கால்களையும் பக்கவாட்டில் மூன்று அல்லது மூன்றரை அடி இடைவெளி இருக்கும் அளவிற்கு அகட்டி வைக்கவும். இரு கைகளையும் மேல் நோக்கி குவித்து கும்பிட்டவாறு வைக்கவும்.

பின் வலது பாதத்தை வலது பக்கமாகத் திருப்பி உங்கள் உடலையும் வலது பக்கமாகத் திருப்பிக் கொள்ளுங்கள். மெல்ல வலது காலை படத்தில் உள்ளவாறு மடக்கி தொடைப்பகுதி தரைக்கு இணையாக இருக்குமாறு பார்த்துக்கொள்ளவும். இடது கால் நேராக அதே நேரம் சாய்வாக இருக்க வேண்டும்.

10 அல்லது 15 வினாடிகள் இதே நிலையில் இருந்துவிட்டு உடலை நேராக்கவும். கைகளை கீழே இறக்கவும்.

அடுத்து வலது பக்கம் செய்தது போல் இடது பக்கம் செய்யவும். இவ்வாறு மாற்றி மாற்றி 4 முதல் 8 தடவை செய்யவும்.

பயிற்சியின் பலன்கள்

பயிற்சி செய்வதற்கு மிக எளிதான இந்த ஆசனத்தை தினம்தோறும் பயிற்சி செய்து வர உடலின் விறைப்புத்தன்மையை மாற்றி நெகிழும் தன்மைக்கு கொண்டுவரும்.

மேலும் கால்கள் வலுப்பெறும், முழங்கால் சம்பந்தப்பட்ட அனைத்து பிரச்சனைகளும் தீரும். கழுத்து வலி, இடுப்பு வலி நீங்கும். கொழுப்பு கரைந்து தொந்தி மறையும். உடல் இறுக்கத்தை நீக்கி இளகிய தன்மையை நல்கும். மனது வளம் பெறும்.

இது உடலின் விறைப்புத் தன்மையை நீக்கி முதுகை நெகிழச்செய்து உடலை இளகிய தன்மையில் வைத்திருக்கும். முழங்கால் சம்பந்தப்பட்ட அனைத்து பிரச்சனைகளையும் சரி செய்வதோடு கால்களையும் நன்கு வலுப்படுத்தும்.

மானம் போனாலும் உங்களை வீரத்தோடு வலம்வர செய்யும் ஆசனம் இது.

முக்கிய குறிப்புகள்

முழங்கால் மூட்டுகளில் கடுமையான வலி, வீக்கம் அல்லது கீல்வாதம் (Arthritis) உள்ளவர்கள் இந்த ஆசனத்தை செய்தல்கூடாது.

இடுப்பு பகுதிகள் மற்றும் கணுக்கால்களில் காயம் உள்ளவர்கள் இந்த ஆசனத்தை தவிர்க்கவும்.

இதய நோயாளிகளும் இந்த பயிற்சியை தவிர்க்கலாம்.

வயிறு, இடுப்பு, முழங்கால் மற்றும் முதுகுப் பகுதிகளில் அறுவை சிகிச்சை செய்து கொண்டவர்கள் முழுமையாக குணமடையும்வரை காத்திருக்கவும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கால்கள் வலுப்பெறும், முழங்கால் சம்பந்தப்பட்ட அனைத்து பிரச்சனைகளும் தீரும். கழுத்து வலி, இடுப்பு வலி நீங்கும். கொழுப்பு கரைந்து தொந்தி மறையும்.

முழங்கால் சம்பந்தப்பட்ட அனைத்து பிரச்சனைகளையும் சரி செய்வதோடு கால்களையும் நன்கு வலுப்படுத்தும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் முழங்கால் மூட்டுகளில் கடுமையான வலி, வீக்கம் அல்லது கீல்வாதம் (Arthritis) உள்ளவர்கள் இந்த ஆசனத்தை செய்தல்கூடாது என பார்த்தோம்.

அதேபோல இடுப்பு பகுதிகள் மற்றும் கணுக்கால்களில் காயம் உள்ளவர்களும் இந்த ஆசனத்தை தவிர்க்க வேண்டும்.

இதய நோயாளிகளும் இந்த பயிற்சியை தவிர்க்கலாம்.

வயிறு, இடுப்பு, முழங்கால் மற்றும் முதுகுப் பகுதிகளில் அறுவை சிகிச்சை செய்து கொண்டவர்கள் முழுமையாக குணமடையும்வரை இப்பயிற்சியை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கீல்வாதம்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Virabhadrasana first type – வீரபத்ராசனம் appeared first on Personality Fitting.