ஏக் (ஏக) என்றால் “ஒன்று” என்று பொருள். பாத என்றால் “பாதம்” என்று பொருள். ஏக பாதாசனம் என்றால் “ஒற்றை பாத ஆசனம்” என்று பொருள். ஒரு பாதத்தை மட்டும் தரையில் ஊன்றி இந்த ஆசனம் செய்யப்படுவதால் இதனை “ஒற்றை பாத ஆசனம்” (Eka Padasana – ஏக பாதாசனம்) என்கின்றோம்.

முழு உடலையும் ஒரு காலை மட்டும் பயன்படுத்தி சமநிலைப்படுத்துவது என்பது கொஞ்சம் கடினமான விஷயம்தான். தொடர்ந்து பயிற்சி செய்தால் மட்டுமே இது எளிதாக கைகூடும்.

பாதத்திலிருந்து இடுப்பு வரையிலும் உடல் நேராகவும்… இடுப்புக்கு மேல் உடல் கிடைமட்டமாகவும் இருக்கும்படி அமைப்பதே இந்த ஆசனத்தின் ஹைடெக் பொசிஷன் எனலாம். இந்த நிலையில் உடல் பார்ப்பதற்கு “T” வடிவில் அமைகின்றன.

Eka Padasana – அடிப்படைத் தகவல்கள்

பெயர் – Eka Padasana.

தமிழில் – ஏக பாதாசனம்.

சமஸ்கிருதம் – Eka Padasana.

ஆங்கிலம் – One Foot Pose.

வேறுபெயர்கள் – Eka Pada asana, One Leg Pose.

ஆசனத்தின் நிலை – Standing, One-Legged.

பயிற்சியின் கடின தன்மை – Intermediate.

உடல் கோணம் – Forward Bend, Balance, Stretch, Strength.

பயிற்சி செய்யும் முறை

ஒரு கெட்டியான விரிப்பின்மீது இரண்டு பாதங்களையும் ஒன்றாக சேர்த்து வைத்து நேராக நிமிர்ந்து நிற்கவும்.

உங்கள் இரு கைகளையும் தலைக்குமேல் உயர்த்துங்கள்.

உங்கள் இரு கைகளும் கும்பிட்ட நிலையில் வைத்துக்கொள்ளுங்கள். அல்லது இரு கைகளின் விரல்களையும் ஒன்றோடு ஒன்றாக கோர்த்துக்கொள்ளலாம்.

வலது பாதம் தரையில் உறுதியாக படிந்திருக்கும்படி செய்து இடது காலை படிப்படியாக பின்னோக்கி நீட்டும்போதே இடுப்பிற்கு மேலுள்ள உடலை முன்னோக்கி படிப்படியாக வளைக்கவும்.

உங்கள் இரு கைகளும் கும்பிட்ட நிலையில் முன்னோக்கி நீட்டப்பட்ட நிலையில் இருக்க வேண்டும்.

அதாவது கைகள் இரண்டும் முன்னோக்கி நீட்டப்பட்ட நிலையிலும் இடதுகால் பின்னோக்கி நீட்டப்பட்ட நிலையிலும் உடல் நேர்கோட்டில் கிடைமட்டமாக இருத்தல் வேண்டும்.

இதே நிலையில் இருந்துகொண்டு 5 முதல் 10 தடவை ஆழமாக சுவாசியுங்கள். அல்லது இயல்பாககூட சுவாசிக்கலாம்.

அதிகப்படியாக 1 நிமிடம்வரை ஆசன நிலையில் இருக்கலாம்.

பின்பு மூச்சை நிதானமாக வெளியே விட்டவாறே இடதுகாலை கீழே இறக்கும் அதே வேளையில் உடலை மேல்நோக்கி உயர்த்தி கைகளை கீழே தாழ்த்தி இரு கால்களையும் ஊன்றியவாறு நேராக நிற்கவும்.

சில வினாடிகள் ஓய்வுக்குப்பின் கால்களை மாற்றி செய்யவும்.

முன்புபோல் உங்கள் இரு கைகளையும் தலைக்குமேல் உயர்த்துங்கள்.

உங்கள் இரு கைகளும் கும்பிட்ட நிலையில் வைத்துக்கொள்ளுங்கள். அல்லது இரு கைகளின் விரல்களையும் ஒன்றோடு ஒன்றாக கோர்த்துக்கொள்ளலாம்.

இப்போது இடது பாதம் தரையில் உறுதியாக படிந்திருக்கும்படி செய்து வலது காலை படிப்படியாக பின்னோக்கி நீட்டும்போதே இடுப்பிற்கு மேலுள்ள உடலை முன்னோக்கி படிப்படியாக வளைக்கவும். உங்கள் இருகைகளும் கும்பிட்ட நிலையல் முன்னோக்கி நீட்டப்பட்ட நிலையில் முன்போலவே வைக்கவும்.

இவ்வாறு இருகால்களையும் மாற்றி மாற்றி 2 முதல் 3 தடவை இதனை பயிற்சி செய்யவும்.

Eka Padasana – ஏக பாதாசனம் பயிற்சின் பலன்கள்

கால்களிலுள்ள அனைத்து தசைகளும் வலிமையடைகின்றன. வயிற்று தசைகள் இடுப்பு தசைகள், முதுகு தசைகள் அனைத்தும் பலம் பெறுகின்றன.

முதுகெலும்புகள், தண்டுவடம் ஆகியன வலிமையடைகின்றன.

கைகளையும் தோள்களையும் வலுப்படுத்துகிறது. மூளையின் செயல்பாட்டையும் அதிகப்படுத்துகிறது.

குறிப்பு

இதயத்தில் பிரச்சனை, இரத்த அழுத்தம் உள்ளவர்கள் இந்த ஆசனத்தை செய்தல்கூடாது.

முதுகில் கடுமையான காயங்கள் உள்ளவர்கள் இந்த பயிற்சியை செய்தல் கூடாது.

கடுமையான முழங்கால், கணுக்கால், மூட்டுவலி உள்ளவர்கள் இப்பயிற்சியை தவிர்க்கவும்.

விருட்சாசனம் (Vrikshasana)

ஏக பாதாசனம் எவ்வாறு ஒரு காலில் பயிற்சி செய்யப்படுகிறதோ அது போல் ஒரு காலில் நின்று பயிற்சி செய்யக்கூடிய மற்றொரு அற்புதமான ஆசனமும் உள்ளது. அதன் பெயர் “விருட்சாசனம்” (Vrikshasana). இந்த விருட்சாசனத்தையும் சிலர் ஏக பாதாசனம் என குறிப்பிடுவதுண்டு.

இந்த விருட்சாசனமானது சிரசாசனத்திற்கு மாற்று ஆசனம். அதாவது “சிரசாசனம்” செய்தபின் அதற்கு அடுத்த ஆசனமாக செய்ய வேண்டிய மிக முக்கியமான ஆசனம்.

சிரசாசனத்தின் மாற்று ஆசனமான இந்த விருட்சாசனத்தைப் பற்றி தெரிந்து கொள்வதற்கு நீங்களும் ஆர்வமாக இருக்கின்றீர்கள் அல்லவா?!

விருட்சாசனத்தைப் பற்றி அறிந்துகொள்ள கீழே கொடுக்கப்பட்டுள்ள விஷீவல் லிங்க் ஐ கிளிக்குங்க…

>> Vrikshasana – விருட்சாசனம் <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக வயிற்று தசைகள், இடுப்பு தசைகள், முதுகு தசைகள் பலம் பெறுவதோடு முதுகெலும்புகள், தண்டுவடம் வலிமையடைகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இதயபிரச்சனை, இரத்த அழுத்தம், கடுமையான முழங்கால், கணுக்கால், மூட்டுவலிகள், முதுகில் கடுமையான காயங்கள் உள்ளவர்கள் இப்பயிற்சியை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “இரத்த அழுத்தம்” பற்றிய அடிப்படை விஷயங்களை பார்க்கலாம் வாருங்கள்.

இரத்த அழுத்தம் – Blood Pressure

உடலின் அனைத்து பாகங்களுக்கும் தேவையான இரத்தத்தை இரத்தக்குழாய்களின் வழியாக இதயமானது குருதியை பம்ப் செய்து அனுப்புகிறதல்லவா?.. அவ்வாறு அனுப்பும்போது இரத்தக்குழாய்களின் சுவர்களில் ஏற்படும் அழுத்தத்தைத்தான் “இரத்த அழுத்தம் (Blood Pressure) என்கிறோம்.

சாதாரணமாக இருக்கவேண்டிய இரத்த அழுத்தத்தின் அளவு 120/80 mmHg ற்கும் கீழே இருக்கவேண்டும்.

இதில் Forward Slash ன் மேற்பகுதியில் இருக்கும் 120 என்னும் அளவானது இதயம் சுருங்கும்போது ஏற்படும் அழுத்தத்தையும், Forward Slash ன் கீழ்பகுதியில் இருக்கும் 80 என்னும் அளவானது இதயம் விரியும்போது ஏற்படும் அழுத்தத்தையும் குறிக்கிறது.

உயர் இரத்த அழுத்தம் – Hypertension

இரத்த அழுத்தத்தின் அளவு 140/90 mmHg ம் அதற்கு மேலும் இருந்தால் அது உயர் இரத்த அழுத்தமாக குறிப்பிடப்படுகிறது.

உயர் இரத்த அழுத்தம் வருவதற்கான காரணங்கள்

உயர் இரத்த அழுத்தம் வருவதற்கான காரணங்கள் ஒவ்வொருவருக்கும் ஒவ்வொரு வகையில் மாறுபடலாம்.

உணவில் அதிகப்படியான உப்பு (சோடியம்) எடுத்துக்கொள்வதால் உயர் இரத்த அழுத்தம் வரலாம். சர்க்கரை நோய் (நீரழிவு) பிரச்சனை உள்ளவர்களுக்கு உயர் இரத்த அழுத்தம் வருவதற்கான வாய்ப்புகள் அதிகம் உள்ளன. எனவே சர்க்கரை நோய் உள்ளவர்கள் இரத்தத்தில் சர்க்கரையின் அளவை கட்டுப்பாட்டுக்குள் வைத்துகொள்ள வேண்டியது அவசியம்.

உயர் இரத்த அழுத்தப் பாதிப்புகள்

இயல்பான அளவைவிட இரத்த அழுத்தம் அதிகமாக இருப்பின் அது இதயம் மற்றும் சிறுநீரகத்தில் பாதிப்பை ஏற்படுத்தலாம்.

உயர் இரத்த அழுத்தத்திற்கான சிகிச்சைகள்

உணவில் உப்பு பயன்பாட்டை குறைத்துக்கொள்வது உயர் இரத்த அழுத்தத்திற்கான சிகிசையின் முதல் படி எனலாம்.

சர்க்கரை நோயை கட்டுப்பாட்டுக்குள் வைத்துக்கொள்வதோடு உடல் எடையை சீராக பராமரித்து வரவேண்டியதுவும் அவசியம்.

குறைந்த இரத்த அழுத்தம் – Hypotension

இரத்த அழுத்தத்தின் அளவு 90/60 mmHg ம் அதற்கு கீழும் இருந்தால் அது குறைந்த இரத்த அழுத்தமாக அளவிடப்படுகிறது.

குறைந்த இரத்த அழுத்தம் வருவதற்கான காரணங்கள்

உங்களுக்கு ஏற்கனவே இதயத்தில் எதாவது பிரச்சனை இருந்தால் அது குறைந்த இரத்த அழுத்த பிரச்சனைக்கு வழிவகுக்கலாம். ஹார்மோன்களில் ஏற்படும் மாற்றங்களாலும் குறைந்த இரத்த அழுத்தம் வருவதற்கான வாய்ப்புகள் அதிகரிக்கிறது.

குறைந்த இரத்த அழுத்தப் பாதிப்புகள்

இயல்பான அளவைவிட இரத்த அழுத்தம் குறைவாக இருப்பின் அது மூளை மற்றும் இதயம் போன்ற முக்கியமான உறுப்புகளுக்கு போதுமான இரத்தம் கிடைக்காமல் செய்துவிடும் ஆபத்து அதிகரிக்கிறது. இதனால் சோர்வு, மயக்கம், தலைசுற்று, தலைவலி முதலியவைகளை ஏற்படுத்துகிறது. மேலும் உடல்பலவீனம், தடுமாற்றம், எதிலும் கவனம் செலுத்த முடியாத நிலை, குமட்டல் உணர்வு மற்றும் உடல் குளிர்ச்சி அடைவதுடன் தோல் வெளிறிப்போவது போன்ற பிரச்சனைகளை ஏற்படுத்துகிறது.

மேற்குறிப்பிட்ட பிரச்சனைகள் தீவிரமாகும்போது மூளை மற்றும் இதர முக்கியமான உறுப்புகளுக்கு செல்லும் இரத்த ஓட்டம் பாதிப்படைவதால் மரணம்கூட ஏற்படலாம்.

குறைந்த இரத்த அழுத்தத்திற்கான சிகிச்சைகள்

இதயம் மற்றும் ஹார்மோன்களில் ஏற்படும் பிரச்சனைகளை ஆராய்ந்து அதற்கான சிகிச்சைகளை மேற்கொள்ளலாம்.

உடலில் நீரிழப்பு ஏற்பட்டாலும் அது குறைந்த இரத்த அழுத்தத்திற்கு வழிவகுக்கும் என்பதால் போதுமான தண்ணீர் குடிக்கவேண்டியது அவசியம்.

உடலில் சோடியம் சத்து குறைவுபட்டாலும் குறைந்த இரத்த அழுத்தம் ஏற்படலாம்.

இப்படியானவர்கள் உணவில் சிறிது உப்பை அதிகப்படுத்தி பார்க்கலாம். என்றாலும், இதய நோய் உள்ளவர்கள் மருத்துவர்களுடன் கலந்து ஆலோசித்த பின்பே உப்பை அதிகப்படுத்த வேண்டும். இல்லையென்றால் உப்பானது இதயநோய் பாதிப்பை அதிகப்படுத்திவிடும்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Eka Padasana – ஏக பாதாசனம் appeared first on Personality Fitting.

தன் குழந்தை போதிய அளவு போஷாக்கு இல்லாமல் மிகவும் மெலிந்து காணப்படுவதாக அடிக்கடி குறைபட்டுக் கொள்வர்.

இங்கு ஒரு விஷயத்தை கவனமாக புரிந்துகொள்ள வேண்டும். நம்மில் பெரும்பாலானோர் வெறும் உணவு மட்டுமே வளர்ச்சியை ஊக்குவிக்கிறது என்றும், தன் குழந்தை சத்துள்ள ஆகாரங்களை சாப்பிடாததால்தான் மெலிந்து காணப்படுவதாகவும் நினைக்கின்றனர்.

இது தவறான கருத்து என்பதனை முதலில் புரிந்து கொள்ள வேண்டும்.

இங்கு கவனிக்க வேண்டியது என்னவெனில் பாதாம், பிஸ்தா, பாலாடைக்கட்டி என்று சாப்பிடும் குழந்தையை விட சாதாரண பழைய சோறும், பச்சை மிளகாயும் சாப்பிட்டு வளரும் குழந்தை நன்றாக செழுமையாகத்தான் இருக்கிறது.

எனவே, உங்கள் குழந்தை மெலிந்து காணப்பட்டாலோ அல்லது போதிய வளர்ச்சி இல்லாமல் இருந்தாலோ ஒழுங்காக சாப்பிடமாட்டேன் என்கிறது என்பதையே காரணமாக சொல்லிக்கொண்டு இருக்காதீர்கள்.

இதையும் தாண்டி அந்த குழந்தை மெலிந்திருப்பதற்கு காரணம் அதன் மனதில் ஏற்படும் மன அழுத்தம் அல்லது உடல் சார்ந்த பிரச்சனை அல்லது பரம்பரை காரணமாகக்கூட இருக்கலாம் என்பதனை புரிந்து கொள்ளுங்கள்.

வேண்டாம், வேண்டாம் என்று சொல்ல சொல்ல கேட்காமல் உங்கள் குழந்தைக்கு உணவை வலுக்கட்டாயமாக திணிப்பது…  உணவை மட்டுமல்ல அந்த குழந்தையின் வருங்காலத்திற்கு தேவையான வியாதிகளையும் சேர்த்தே திணிக்கிறீர்கள் என்பதனை புரிந்து கொள்ளுங்கள்.

வெறும் உணவு மட்டுமே வளர்ச்சியை கொடுப்பதில்லை.

நான் வளர்கிறேனா மம்மி

Childrens age and growth health. உடலின் வளர்ச்சி மற்றும் வளர்ச்சிதை மாற்றத்திற்கு மிக முக்கிய பங்காற்றுபவை நம் உடலிலுள்ள நாளமில்லா சுரப்பிகள்.

உங்கள் குழந்தை ஆரோக்கியமாக வளர இந்த நாளமில்லா சுரப்பிகளின் செயல்பாடு மிக மிக அவசியம் என்பதனையும் தெரிந்து கொள்ளுங்கள்.

நம்முடைய உடலின் முறையான வளர்ச்சிக்கும். உடலில் ஏற்படும் பலவித வளர்ச்சிதை மாற்றத்திற்கும் முக்கிய காரணியாக திகழ்வது “தைராய்டு சுரப்பி – Thyroid gland.” இந்த சுரப்பியில் ஏதாவது பிரச்சனை என்றாலும் உடல் வளர்ச்சி பாதிக்கப்படலாம்.

உங்கள் உடம்பிலுள்ள நாளமில்லா சுரப்பிகளில் மிக முக்கியமானது ”தைராய்டு – Thyroid gland”.

இந்த சுரப்பி ”தைராக்ஸின் – Thyroxine” என்னும் ஹார்மோனை தடையில்லாமல் சுரந்தால் மட்டுமே உடல் வளர்ச்சியும், மூளை வளர்ச்சியும் சாத்தியமாகும்.

குழந்தைகளின் மூளை வளர்ச்சிக்கும், உடல் வளர்ச்சிக்கும் தைராய்டின் பங்கு மிக முக்கியம் என்பதனை கவனத்தில் கொள்ளவும். 

தைராய்டு சுரப்பி சிறு மூளையிலுள்ள ”பிட்யூட்டரி – Pituitary gland” என்னும் தலைமை சுரப்பியின் கட்டுப்பாட்டிலேயே இயங்குகிறது. அந்த பிட்யூட்டரியை கன்ரோல் பண்ணுவது பெருமூளையிலுள்ள “ஹைப்போதலாமஸ் – Hypothalamus” என்னும் பகுதி.

எனவே, பிட்யூட்டரி மற்றும் கைபோதலாமஸ் இவைகளில் எதாவது பிரச்சனை என்றால் அது தைராய்டையும் கடுமையாகப் பாதிப்படையச் செய்யும்.

எனவே குழந்தையில் வளர்ச்சி சரியாக இல்லையென்றால் உணவை மட்டுமே குறை சொல்லாமல் மேற்கண்ட உறுப்புகள் சரியாக இயங்குகிறதா என்பதனையும், ஜீரணமண்டலம் சரியாக வேலை செய்கிறதா என்பதையும் மருத்துவரிடம் சென்று முதலில் பரிசோதித்து அறியவும்.

குழந்தைகளின் வயதிற்கு தகுந்த நிறை மற்றும் உயரம் இங்கு கொடுக்கப்பட்டுள்ளது. இதில் கூறியுள்ளபடி குழந்தையின் நிறையோ, உயரமோ இல்லையென்றால் உடனே பயந்து விடவேண்டாம்.

எடையும் வளர்ச்சியும் அவரவர் குடும்ப பரம்பரையைப் பொறுத்தும் அமையும்.

குட்டையான பெற்றோர்களுக்கு அல்லது அவர்கள் பரம்பரையில் தாத்தா, பாட்டி அல்லது பூட்டன், பூட்டி யாராவது குட்டையாக இருந்தால் பிறக்கும் குழந்தைகள் குட்டையாக இருப்பதற்கு வாய்ப்புகள் அதிகம். இதற்காக கவலைப்பட வேண்டியதில்லை.

உங்கள் குழந்தையின் வளர்ச்சியிலோ, எடையிலோ வித்தியாசத்தை உணர்ந்தால் அதற்கான சரியான காரணத்தை கண்டறிய மருத்துவரின் ஆலோசனையைப் பெறலாம். இங்கு குறிப்பிட்டுள்ள அளவு பொதுவான அளவு மட்டுமே.

Childrens age and growth health – குழந்தைகளின் வயதும் வளர்ச்சியும்

பிறந்த குழந்தை

நிறை (weight) – 3 கி .கி.

உயரம் (height) – 50.0 செ .மீ.

1 வயது

நிறை (weight) – 9 கி . கி.

உயரம் (height) – 74.5 செ . மீ .

 5 வயது

நிறை (weight) – 16.5 கி .கி.

உயரம் (height) – 103.5 செ . மீ.

10 வயது

நிறை (weight) – 26.5 கி.கி.

உயரம் (height) – 132.5 செ . மீ.

15 வயது

நிறை (weight) – 39 கி .கி.

உயரம் (height) – 149.5 செ . மீ.

20 வயது

நிறை (weight) – 43.5 கி . கி.

உயரம் (height) – 151.5 செ .மீ.

குழந்தைகளின் வயதுக்கு ஏற்றபடி அவர்களின் வளர்ச்சி உள்ளதா என்பதை இந்த பதிவின்மூலம் அறிந்துகொண்டீர்கள் அல்லவா?!..

அதுபோல, உங்களின் உடல் எடை சரியான அளவில் உள்ளதா என்பதையும் அறிந்துகொள்ள வேண்டுமல்லவா?!…

உங்களின் வாழ்க்கையை நீங்கள் ஆரோக்கியமாக அமைத்துக்கொள்ள வேண்டுமெனில் உங்களின் உடல் எடை உங்கள் உடலின் உயரத்திற்கு ஏற்றபடி (Your Height and Weight for a healthy life) சரியான விகிதத்தில் அமைந்துள்ளதா என்பதனை கவனத்தில் கொள்ள வேண்டியது மிக மிக அவசியம்தானே..

அதை அறிந்துகொள்ள கீழே கொடுக்கப்பட்டுள்ள விஷீவல் லிங்க் – ஐ கிளிக்குங்க….

>> Your Height and Weight <<

The post Childrens age and growth health appeared first on Personality Fitting.

“அர்த்த” என்றால் சமஸ்கிருதத்தில் “பாதி” அல்லது “அரை” என்று பொருள். இந்த அர்த்த சக்ராசனத்தை (Ardha Chakrasana) பயிற்சி செய்யும்போது உடல் பார்ப்பதற்கு முழு வட்டமாக இல்லாமல் “பாதி வட்டம்” அதாவது அரை வட்ட சக்கரம்போல் காட்சி தருவதால் இதற்கு “அர்த்த சக்ராசனம்” (Ardha Chakrasana) என்று பெயர். அதனாலேயே இதனை ஆங்கிலத்தில் “பாதி வீல் போஸ் – Half Wheel Pose” என அழைக்கின்றனர்.

அர்த்த சக்ராசனம் – Half Wheel Pose

மனம் மற்றும் உடலின் ஆரோக்கியத்திற்கு மிகவும் துணை நிற்பது இந்த “அர்த்த சக்ராசனம்” எனலாம்.

இது உடலுக்கு அதிக அளவில் நன்மை தரக்கூடிய ஆசனம்தான் என்றாலும் அதிவேகமாக இந்த ஆசனத்தை பயிற்சி செய்ய முற்பட வேண்டாம். நிதானமாகவும், மெதுவாகவும் இப்பயிற்சியை செய்யவும்.

வேகமாக செய்ய முற்பட்டால் வயிற்றுதசைகளும், முதுகு தசைகளும் பிடித்துக்கொள்ளும்.

இந்த பயிற்சியில் முதுகுப்பகுதி பின்பக்கமாக வட்டமாக வளைவதால் சிலருக்கு பயிற்சி செய்வது கடினமாக இருப்பதோடு பயிற்சியின் போது தலை கனமாக உணர்தல் அல்லது தலைசுற்றுதல் போன்ற அசௌகரியங்கள் ஏற்பட்டு நிதானம் தவறி ஒருபக்கமாக சாய்ந்து விழுந்துவிடவும் அதிக வாய்ப்புள்ளது.

எனவே, நிதானமாக பயிற்சியை மேற்கொள்ளவும்.

Half Wheel – அர்த்த சக்ராசனம் – அடிப்படைத் தகவல்கள்

பெயர் – Ardha Chakrasana.

தமிழில் – அர்த்த சக்ராசனம்.

சமஸ்கிருதம் – Ardha Chakrasana.

ஆங்கிலம் – Half Wheel Pose.

வேறு பெயர்கள் –

ஆசனத்தின் நிலை – Supine, Arm Balances.

பயிற்சியின் கடின தன்மை – Intermediate.

உடல் கோணம் – Back-Bend, Inversion, Strength, Balance.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்… வாருங்கள்.. அர்த்த சக்ராசனம் (Ardha Chakrasana) செய்து சக்தி பெறுவோம். உடலை வளைத்து உவகை கொள்வோம்…

அர்த்த சக்ராசனம் – செய்முறை

நான்காக மடித்து விரிக்கப்பட்டுள்ள ஜமுக்காளத்தின்மீது உடல் மற்றும் கால்களை தளர்வாக வைத்தபடி மல்லாந்து நேராக படுக்கவும்.

பின் இரு கால்களையும் மடக்கி இரு கால்களுக்கும் இடையில் ஒன்றரை அடி இடைவெளி இருக்கும்படி பிருஷ்டத்தின் பக்கத்தில் வைத்து உள்ளங்கைகளை முறையே இரு காதுகளின் பக்கவாட்டில் தரையில் ஊன்றவும். கைவிரல்களை பாதங்களை பார்த்திருக்கும்படி அமைக்கவும்.

பின் மெதுவாக மூச்சை உள்ளுக்கு இழுத்துக்கொண்டே இடுப்பு மற்றும் வயிற்றுப்பகுதியை மேலே மெதுவாக தூக்கி உடலை அரைகோள வடிவில் கொண்டுவரவும்.

இப்போது உங்கள் இரு உள்ளங்கைகள் மற்றும் கால்களின் பாதங்கள் மட்டுமே தரையில் படித்த நிலையில் இருக்கும். எனவே கைகளும் கால்களும் உங்கள் உடல் எடையை சரிசமமாக தாங்கும்படி பார்த்துக்கொள்ளவும். இந்நிலையில் தலை கீழே தொங்கிய நிலையில் இருத்தல் வேண்டும்.

இதே நிலையில் 10 லிருந்து 15 வினாடிகள் இருக்கவும். இயல்பாக சுவாசிக்கவும்.

பின் உடலை மெதுவாக கீழே இறக்கி பழைய நிலைக்கு கொண்டுவரவும். சில வினாடி ஓய்வுக்குப்பின் மீண்டும் இப்பயிற்சியை செய்யவும்.

திரும்ப திரும்ப மூன்றிலிருந்து ஐந்து தடவை இப்பயிற்சியை செய்யவும்.

பயிற்சியின் பலன்கள்

ஆரம்பத்தில் சொன்னதுபோல இது மனதையும் உடலையும் உறுதி செய்யும் (Half Wheel Pose – Ardha Chakrasana) சிறப்பான ஆசனம்.

இப்பயிற்சியால் கால்கள், கைகள், மணிக்கட்டுகளிலுள்ள கொழுப்புகள் கரைந்து மேற்கண்ட உறுப்புகள் விசேஷ பலத்தை பெறுகின்றன. தோள்களும் கவர்ச்சியான தோற்றத்தை பெறுகின்றன. இப்பயிற்சியால் எலும்புகளும் வலு பெறுகின்றன.

இடுப்பு தசைகள் நன்கு பலம் பெறுவதொடு நெடுநாட்களாக உங்களை வாட்டிவந்த அஜீரண கோளாறுகளும், மலச்சிக்கலும் ஒழிந்துபோகும்… அதுமட்டுமா,.. தொடர்ந்து பயிற்சி செய்துவர தொப்பையும் தொலைந்து போகும்.

அச்சச்சோ… “மணிபர்ஸ்” தொலைந்து போய்விட்டதே என்று தேடுவதைப்போல… அச்சச்சோ… “தொப்பை” தொலைந்து போய்விட்டதே என்று தேடவேண்டியதில்லை. சனியன் ஒழிந்தது என்று நிம்மதியாக இருக்கலாம் என்றால் பார்த்துக்கொள்ளுங்களேன்.

முதுகு தண்டிலுள்ள அத்தனை நரம்புகளும் தூண்டப்படுவதோடு முதுகெலும்பானது துவளும் தன்மையையும் பெறுவதால் நீடித்த இளமையைக் கொடுக்கும். முதுகு கூன் விழுந்திருந்தால் அதனையும் நிமிரச் செய்யும் திறன் படைத்தது.

இப்பயிற்சி வயிற்றுப்பகுதியில் சேரும் அதிகப்படியான சதை மற்றும் கொழுப்பு படிமத்தை கரைக்கிறது. உடலில் தங்கி நிற்கும் கெட்ட நீர்களை வெளியேற்றுகிறது. சிறுநீரகத்திற்கும் புத்துணர்வூட்டுகிறது.

இடுப்பு, வயிறு, பிருஷ்டம், தொடை ஆகியவற்றிலுள்ள தேவையற்ற சதைகளை கரைத்து உடலை அழகான வடிவத்திற்கு கொண்டுவருகிறது.

இதயம், நுரையீரல், மார்பு மற்றும் சுவாச சம்பந்தமான உறுப்புகள் அனைத்திற்கும் நன்கு பலம் சேர்ப்பதோடு சுவாசக்குழாய் பாதைகளை சுத்தப்படுத்தவும் இப்பயிற்சி பேருதவி புரிகிறது. இதனால் ஆஸ்துமா போன்ற மூச்சு சம்பந்தமான நோய்களுக்கு சிறந்த ஒரு தீர்வாக அமையும்.

பெண்களுக்கு கருப்பை கோளாறுகளை சரிசெய்வதோடு மாதவிலக்கு பிரச்சனைகளுக்கும் ஒரு நல்ல தீர்வை கொடுக்கிறது.

இப்பயிற்சியை தொடர்ந்து செய்துவருவதால் எதிர்காலத்தில் குடல் இறக்கம் வராமல் தடுக்கமுடியும்.

மொத்தத்தில் சொல்லப்போனால் தைராய்டு கோளாறுகளை நிவர்த்தி செய்து நோய் எதிர்ப்பு சக்தியை அதிகரித்து உடலுக்கு நல்லதொரு வளர்சியை கொடுக்கும் சிறப்பான பயிற்சி இது.

முக்கிய குறிப்புகள்

இப்பயிற்சியை கண்டிப்பாக கழுத்து, முதுகு மற்றும் வயிற்றுப்பகுதிகளில் அறுவை சிகிச்சை செய்துகொண்டவர்கள் செய்தல் கூடாது.

தலைவலி, தலைசுற்றல், குடலிறக்கம், உள்ளவர்கள் இப்பயிற்சியை செய்தல் கூடாது. கர்ப்பிணி பெண்களும் இதனை கண்டிப்பாக பயிற்சி செய்தல் கூடாது.

கண்நோய் உள்ளவர்கள் இப்பயிற்சியை தவிர்த்தல் வேண்டும். கண்புரை அறுவை சிகிச்சையை மேற்கொண்டவர்கள் கண்கள் சரியாகும் வரை இப்பயிற்சியை தவிர்த்தல் வேண்டும். கண் அழுத்த நோய் உள்ளவர்கள் இப்பயிற்சியை கண்டிப்பாக தவிர்த்தல் வேண்டும்.

இதயநோய், இரத்த அழுத்தம் உள்ளவர்கள் தகுந்த பயிற்சியாளரின் மேற்பார்வையில் பயிற்சியை மேற்கொள்ள வேண்டியது அவசியம்.

பிறையாசனம் – Pirai Asana

எடுத்த எடுப்பிலேயே இந்த ஆசனத்தை செய்வது என்பது பலருக்கு கடினமானது. ஏனெனில் பலருக்கு இது மயக்கம், தலைசுற்றல் முதலிய அசௌகரியங்களை ஏற்படுத்தலாம். அப்படியானவர்கள் “பிறையாசனம்” (Pirai Asana) என்று ஒன்று உள்ளது. அந்த பிறையாசனத்தில் நன்கு தேர்ச்சி பெற்ற பின்பு இந்த அர்த்த சிரசாசனத்தை செய்தால் மேற்குறிப்பிட்ட அசௌகரியங்களை தவிர்க்கலாம்.

பிறையாசனத்தைப்பற்றி தெரிந்துகொள்ள வேண்டுமல்லவா… தெரிந்துகொள்ள கீழே கொடுக்கப்பட்டுள்ள பேனர் (Banner) மீது ஒரு தட்டு தட்டுங்கள்… மூன்றாம் பிறையை மட்டுமல்ல… முழு சந்திரனையே பார்க்கலாம்.

>> பிறையாசனம் – Pirai Asana <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கால்கள், கைகள், மணிக்கட்டுகள், தோள்கள், இடுப்பு தசைகள், எலும்புகள் விசேஷ பலத்தை பெறுகின்றன. சிறுநீரகம், இதயம், நுரையீரல், மார்பு மற்றும் சுவாச சம்பந்தமான உறுப்புகள் அனைத்திற்கும் புத்துணர்வூட்டுகிறது. ஆஸ்துமா, தைராய்டு கோளாறுகள் நிவர்த்தியாகிறது. குடல் இறக்கம் வராமல் தடுக்க முடியும்.

அஜீரண கோளாறுகளும், மலச்சிக்கலும் தொப்பையும் தொலைந்துபோகும்.

முதுகு கூன் விழுந்திருந்தால் அதனையும் நிமிரச் செய்யும் திறன் படைத்தது.

இடுப்பு, வயிறு, பிருஷ்டம், தொடை ஆகியவற்றிலுள்ள தேவையற்ற சதைகளை கரைக்கிறது.

பெண்களுக்கு கருப்பை கோளாறுகளை சரிசெய்வதோடு மாதவிலக்கு பிரச்சனைகளுக்கும் ஒரு நல்ல தீர்வை கொடுக்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கழுத்து, முதுகு மற்றும் வயிற்றுப்பகுதிகளில் அறுவை சிகிச்சை செய்துகொண்டவர்களும், கண்புரை அறுவை சிகிச்சையை செய்துகொண்டவர்களும் செய்தல் கூடாது.

தலைவலி, தலைசுற்றல், கண்நோய், கண் அழுத்த நோய், இதயநோய், இரத்த அழுத்தம், குடலிறக்கம் உள்ளவர்களும் கர்ப்பிணி பெண்களும் இதனை கண்டிப்பாக பயிற்சி செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கண்நோய்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Half Wheel – அர்த்த சக்ராசனம் appeared first on Personality Fitting.

உடல் ஆரோக்கியமாக இருந்தால்தான் நீடித்து இவ்வுலகில் உயிர் வாழ முடியும் என்பதனை “திருமூலர்” தன்னுடைய திருமந்திரம் என்னும் நூலில்…

” உடம்பார்  அழியின்  உயிரார்  அழிவர்

திடம்பட மெய்ஞானம் சேரவும்  மாட்டார்

உடம்பை வளர்க்கும் உபாயம் அறிந்தேன்

உடம்பை வளர்த்தேன் உயிர் வளர்த்தேனே”

என்று உடலின் மேன்மையை அழகாக சொல்லிச் சென்றுள்ளார்.

உடல் வளமாக இருக்க பலவழிகளை நம் முன்னோர்கள் வகுத்து தந்தாலும் அதில் ”யோகா” என்னும் உடலையும், மனதையும் ஒரே நேரத்தில் வளப்படுத்தும் பயிற்சியே மிக முக்கியமானது எனலாம்.

வாழ்வுக்கு வளம் சேர்க்கும் நம்முடைய பதிவின் வாயிலாக ஆரோக்கியம் தரும் பல யோக ஆசனக்களைப்பற்றி கற்று வருகின்றோம். அந்த வகையில் இன்றைய யோகாசனப் பகுதியில் நோயற்ற வாழ்வுதனைத் தரக்கூடிய உன்னதப் பயிற்சியான அதே நேரத்தில் அனைவராலும் எளிதாகக் கற்றுக்கொள்ளக் கூடியதுமான ”தடாசனம்” என்னும் பயிற்சியைப்பற்றிதான் (Tadasana – Mountain pose) பார்க்க இருக்கின்றோம்.. வாருங்கள் பார்க்கலாம்.

ஆசனம் ஒன்று பெயர்கள் பல

“தடா” என்றால் “மலைக்குன்று“. மலைக்குன்றுபோல் உயர்ந்து நிற்பதால் இதற்கு Tadasana – தாடாசனம் என்று பெயர்.

இதனை “தாளாசனம்” என்று மற்றொரு பெயராலும் அழைக்கின்றனர். “தாள்” என்றால் பாதம். உடலின் முழு எடைகளையும் இரு பாதங்களிலும் தாங்கிக்கொண்டு உடலை நேராக அமைத்துக்கொள்ளும் ஆசனம் என்பதால் இந்த ஆசனம் “தாளாசனம்” (Talasana) என்றும் பெயர் பெற்றுள்ளது.

இந்த தடாசனத்திற்கு “சமஸ்திதி ஆசனம்” (Samasthiti Pose) என்று ஒரு பெயரும் உள்ளது. சமஸ்திதி என்றால் “சம நிலைப்பாடு” என்று பொருள். இது மன அமைதி, விழிப்புணர்வு, சமநிலை ஆகியவைகளை பேணிக்காப்பதால் “சமஸ்திதி ஆசனம்” என்று அழைக்கப்படுகிறது.

இதற்கு “ஊர்த்துவ ஹஸ்தாசனா” (Urdhva Hastasana) என்று ஒரு பெயரும் உண்டு.

சமஸ்கிருதத்தில் “ஊர்த்துவம்” என்றால் மேல், மேல்புறம், மேல்நோக்கி என்று பொருள்.

ஒரு பொருள் மேல்திசை நோக்கி இருக்குமானால் அதை குறிப்பிட ஊர்த்துவம் என்னும் பதத்தை உபயோகப்படுத்துவதுண்டு.

“ஹஸ்தா” என்றால் கைகளைக் குறிக்கும். பயிற்சி செய்பவரின் கைகள் மேல்நோக்கி இருப்பதால் இதனை “ஊர்த்துவ ஹஸ்தாசனா” (Urdhva Hastasana) எனவும் அழைக்கின்றனர்.

அதாவது, ஊர்த்துவ ஹஸ்தாசனா என்றால் “கைகளை மேல்நோக்கி உயர்த்திய ஆசனம்” என்று பொருள்.

சரி,… இந்த பதிவில் நாம் மலைபோன்று உடலுக்கு உறுதியை தருகின்ற பல பெயர்களில் அறியப்படுகின்ற தடாசனத்தைப்பற்றி பார்க்க இருக்கின்றோம். வாருங்கள் பார்க்கலாம்.

Tadasana – தாடாசனம் – அடிப்படைத் தகவல்கள்

பெயர் – Tadasana – Talasana

தமிழில் – தடாசனம் மற்றும் தாளாசனம்.

சமஸ்கிருதம் – Tadasana – Talasana

ஆங்கிலம் –

• Upward Hands Pose
• Upward Salute
• Volcano Pose
• Mountain pose.

வேறுபெயர்கள்

• Samasthiti
• Eqal Standing Pose
• Talasana
• Urdhva Hastotanasana
• Upward Hand Stretch Pose
• Raised Hand Pose
• Tadasana Urdhva Baddhanguliyasana

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – balance, Strength.

தடாசனம் – தாளாசனம் – செய்முறை

இது எளிதான அதே வேளையில் மிகச் சிறப்பான ஆசனம் எனலாம். அனைத்து வயதினருக்கும் ஏற்ற சிறப்பான ஆசனம். கணுக்கால், கெண்டைக்கால், இடுப்பு, கைகள், தோள்பட்டை முதலியவைகளுக்கு மிகச் சிறந்த பயிற்சி.

சரி, இதை எவ்வாறு பயிற்சி செய்வது என்பதை இப்பொழுது பார்ப்போம்.

தடாசனம் நின்றுகொண்டு பயிற்சி செய்யவேண்டிய ஆசனம் ஆகும்.

“ஊர்த்துவ ஹஸ்தாசனா” (Urdhva Hastasana), தாளாசனம் (Talasana) என்று பலபெயர்களில் அழைக்கப்படும் இந்த Tadasana – தாடாசனம் என்னும் பயிற்சியில் மொத்தம் மூன்று வகைகள் (There are a total of three types of this exercise called “Tadasana”) உள்ளன. அவைகளை ஒன்றையடுத்து ஒன்றாக வரிசையாக பயிற்சி செய்தல் அவசியம்.

First Type – முதல்வகை

நன்கு கெட்டியான விரிப்பின்மீது இரு கால்களையும் பக்கவாட்டில் 22 சென்டிமீட்டர் அகலத்தில் இருக்கும்படி வைத்து நேராக நிமிர்ந்து நிற்கவும். அதன் பின் மூச்சுக்காற்றை உள்ளுக்கு இழுத்தபடியே வலது கையை மட்டும் தலைக்கு மேலே தூக்கி காதுகளை ஒட்டியபடி வைக்கவும்.

உள்ளங்கையை உள்பக்கம் பார்த்து இருக்கும்படி பார்த்துகொள்ளவும். கையை மேலே தூக்கும்போது இரண்டு குதிகால்களையும் மேலே உயர்த்தி கால்விரல்களை பயன்படுத்தி நிற்கவும்.

இதேநிலையில் 5 முதல் 10 வினாடிகள் நின்றபின் கைகளை பின்னால்சுற்றி உடம்பின் பக்கவாட்டில் கொண்டுவரும் அதேவேளையில் மூச்சுக்காற்றையும் மெதுவாக வெளியேவிட்டு குதிகால்களையும் கீழே இறக்கி இயல்புநிலைக்கு வரவும்.

இது போன்று இடதுகைகளுக்கும் பயிற்சிகொடுக்கவும்.

இது முதல்வகை பயிற்சி.

முதல்வகை பயிற்சி முடிந்ததும் இரண்டாம்வகை பயிற்சி செய்தல் வேண்டும்.

Second Type – இரண்டாம் வகை

இதுவும் முதல்வகையைப்போல்தான் பயிற்சி செய்யவேண்டும் என்றாலும் ஒரு கையை மட்டும் உயர்த்தி பயிற்சி செய்வதற்கு பதிலாக இரண்டு கைகளையும் ஒருசேர மேலே தூக்கி உள்ளங்கைகளை இணைத்து கும்பிட்ட நிலையில் பயிற்சியில் ஈடுபடவேண்டும்.

மூச்சுக்காற்றை உள்ளுக்கு இழுத்தபடியே இரண்டு கைகளையும் தலைக்கு மேலே தூக்கி காதுகளை ஒட்டியபடி கும்பிட்ட நிலையில் வைக்கவும்.

கைகளை மேலே தூக்கும்போது இரண்டு குதிகால்களையும் மேலே உயர்த்தி கால்விரல்களை பயன்படுத்தி நிற்கவும்.

5 முதல் 10 வினாடிகள் நின்றபின் மூச்சை மெதுவாக வெளிவிட்டபடியே கைகளை மெதுவாக கீழே இறக்கவும். குதிகால்களையும் கீழே இறக்கி இயல்புநிலைக்கு வரவும்.

இதற்கு அடுத்து மூன்றாவது வகையை பயிற்சி செய்யவும்.

Third Type – மூன்றாவது வகை

இதுவும் இரண்டாவது வகையைப்போலவேதான் பயிற்சிசெய்ய வேண்டும் என்றாலும் மேலே தூக்கிய இரு கைகளின் விரல்களையும் ஒன்றோடு ஒன்றாக நன்கு பின்னி பிணைத்து உள்ளங்கைகள் மேல்நோக்கி இருக்கும்படி வைக்கவேண்டியது அவசியம்.

5 முதல் 10 வினாடிகள் நின்றபின் மூச்சை மெதுவாக வெளிவிட்டபடி கைகளை கீழே இறக்கவும். குதிகால்களையும் கீழே இறக்கி இயல்புநிலைக்கு வரவும்.

பயிற்சியின் பலன்கள்

இது செய்வதற்கு எளிமையான ஆசனம் என்பதால் ஆரம்ப பயிற்சியாளர்களுக்கு மிகவும் ஏற்றது.

நீங்கள் மிகவும் சோர்வடைந்திருப்பதாக உணர்கிறீர்களா? அப்படி என்றால் இந்த ஆசனத்தை செய்யுங்கள் சோர்வு நீங்கி சுறுசுறுப்படையலாம்.

இப்பயிற்சியை தொடர்ந்து செய்து வருவதன் மூலம் உடலின் அத்தனை தசைகள் மற்றும் நரம்புகள் இயக்கப்பட்டு உடல் வளர்ச்சி, உடல் வலிமை மற்றும் ஆரோக்கியம் மேம்படும்.

இந்த பயிற்சியை தொடர்ந்து செய்துவருவதால் கை, கால், முதுகெலும்புகள் நன்கு பலமடைகின்றன. இது தொடை எலும்புகளையும் பலப்படுத்துகின்றன.

கழுத்துவலி, கால்வலி நீங்குவதோடு நுரையீரலும் பலம் பெறும். கணுக்கால், கெண்டைக்கால், தொடைகள், இடுப்பு, கைகள், தோள்பட்டை வலிமை பெறும்.

இன்று பலருக்கும் “வெரிகோஸ்” (Varicose Veins) என்று ஒரு பிரச்சனை கால்களில் ஏற்படுகிறதல்லவா?…

அதாவது கால் நரம்புகளில் முடிச்சு ஏற்பட்டு நரம்புகளெல்லாம் வீங்கி கால்களை அவலட்சணமாக்குவது மட்டுமல்லாது கால்களில் சொல்லொண்ணா வலிகளையும் ஏற்படுத்துகிறதல்லவா?…

ஆண் பெண் வித்தியாசமின்றி இன்று பலரும் இந்நோயிலிருந்து விடுபடுவது எப்படி என்று தவியாய் தவிக்கிறார்களல்லவா?…

இனி கவலை வேண்டாம்.. முள்ளை முள்ளால்தான் எடுக்கவேண்டும்!.

இந்த “தாளாசனம்” (Talasana) பயிற்சி சொல்லொண்ணா துயரத்தை ஏற்படுத்தும் “வெரிகோஸ்” (Varicose Veins) நோய்க்கு சிறந்த தீர்வாக அமையும்.

தொடர்ந்து இந்த பயிற்சியை செய்து வாருங்கள்… “வெரிகோஸ்” (Varicose Veins) பிரச்னை போயே போச்சு. இனி ஊருக்குள் உங்களைப்பற்றிதான் ஒரே பேச்சு. இனி நீங்களும் விடலாம் நிம்மதி பெரு மூச்சு.

மேலும், பல நோய்களுக்கு இந்த பயிற்சி நல்ல தீர்வாக அமைகிறது. பாதம், கணுக்கால், கால் விரல்கள், கெண்டைக்கால் சதைகள் ஆகியன வலுப்பெறுவதால் பாதவலி, வீக்கம், குதிகால் வலி, மூட்டுவலி ஆகியன குணமாகின்றன.

ஆனால், மேற்கண்ட பாதவலி, வீக்கம், குதிகால் வலி, மூட்டுவலி இருக்கும்போது இந்த பயிற்சியினை செய்தல் கூடாது. மேற்கண்ட நோய்கள் வருவதற்கு முன்னால் இந்த பயிற்சியினை செய்துவந்தால் மேற்கண்ட நோய்கள் வராமல் வருமுன் காக்கலாம்.

மேலும், இந்த பயிற்சியால் நரம்பு மண்டலம் முழுவதும் பலம் பெறுகின்றன. உடல் முழுவதும் இரத்த ஓட்டம் சீரடைந்து புத்துணர்வு கிடைக்கின்றன.

இது கால் நரம்பு மற்றும் கால் தசைகளை மட்டுமல்லாது வயிற்று தசைகளையும் நன்கு வலுவடைய செய்வதோடு செரிமானத்தையும் மேம்படுத்துகிறது.

கல்லீரல், சிறுநீரகம், கணையம் ஆகியவைகளை மென்மையாக மசாஜ் செய்து அவற்றின் ஆரோக்கியத்தை மேம்படுத்துகின்றன.

நுரையீரல்களின் திறனை அதிகரிக்கின்றன.

முதுகெலும்பை நேராக்குகிறது. முதுகு வலியை நீக்குகிறது. நிமிர்ந்த தோற்றத்தை கொடுக்கிறது.

மன அழுத்தம், பதட்டம், சோர்வு முதலியவைகளை குறைக்கிறது.

உடலின் அத்தனை தசைகளுக்கும் சிறந்த பயிற்சியாக இது அமைவதால் இரத்த ஓட்டத்தை மேம்படுத்தி உடலுக்கு புத்துணர்ச்சியை கொடுக்கிறது. மனதிற்கு அமைதியை தருகிறது.

முக்கிய குறிப்புகள்

தலைவலி உள்ளவர்கள் இந்த தடாசன பயிற்சியை தவிர்க்க வேண்டும்.

இரத்த அழுத்தம் குறைவாக உள்ளவர்களும் இந்த பயிற்சியை தவிர்க்க வேண்டும்.

கர்ப்பமாக இருப்பவர்கள் கால்களை சேர்த்து வைத்து பயிற்சி செய்வதற்கு பதிலாக சிறிது அகட்டிவைத்துக் கொண்டு பயிற்சியில் ஈடுபட வேண்டும். இது உடல் தடுமாற்றம் அடைவதை தவிர்க்கும்.

இந்த ஆசனம் செய்யும்போது மயக்கம் ஏற்பட்டால் மெதுவாக கைகளை கீழே இறக்கி ஓய்வு எடுக்கவும்.

பாதவலி, கால்வலி, குதிகால் வலி, கால் வீக்கம், மூட்டுவலி, கால்விரல்களை வலி முதலியன இருக்கும்போது இந்த பயிற்சியினை செய்தல் கூடாது.

தலைவலி மற்றும் ஒற்றைத்தலைவலி (Migraine Headaches) உள்ளவர்களும் இந்த ஆசனம் செய்வதை தவிக்கவும்.

உயர் இரத்த அழுத்தம் உள்ளவர்கள் இதனை செய்வதை தவிர்க்கலாம்.

முதுகு, தோள்பட்டை மற்றும் கழுத்துகளில் வலி, காயங்கள் இருக்கும் பட்சத்தில் இந்த ஆசனம் செய்வதை தவிர்க்க வேண்டும்.

கர்ப்பிணி பெண்கள் முதல் மூன்று மாதங்கள்வரை இந்த ஆசனத்தை செய்துவரலாம். ஆசனம் செய்யும்போது கால்களை சேர்த்து வைப்பதற்கு பதிலாக கொஞ்சம் அகட்டி வைத்துக்கொண்டு பயிற்சி செய்வது உடல் தள்ளாடாமல் சமநிலையில் நிற்க உதவி செய்யும். மூன்றாவது மாதத்திற்கு பிறகு இந்த ஆசனத்தை செய்வதை தவிர்க்க வேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக இடுப்பு, தோள்பட்டை, கை, கால், முதுகெலும்புகள், தொடை எலும்புகள் நன்கு பலமடைகின்றன. நுரையீரலும் பலம் பெறுகின்றன.

மேலும் “வெரிகோஸ்” (Varicose Veins) நோய்க்கு சிறந்த தீர்வாக அமைகிறது எனவும் பார்த்தோம்.

கல்லீரல், சிறுநீரகம், கணையம் ஆகியவைகளை மென்மையாக மசாஜ் செய்து அவற்றின் ஆரோக்கியத்தையும் மேம்படுத்துகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கால்வலி, கால் வீக்கம், பாதவலி, குதிகால் வலி, கால்விரல்களை வலி, மூட்டுவலி, முதுகுவலி, கழுத்துவலி, தலைவலி, ஒற்றைத்தலைவலி (Migraine Headaches) உள்ளபோது இந்த பயிற்சியினை செய்தல் கூடாது.

உயர் இரத்த அழுத்தம் உள்ளவர்களும் தவிர்க்கவேண்டும் என்பதனையும் பார்த்தோம்.

எனவே நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “வெரிகோஸ்” (Varicose Veins) என்னும் பிரச்சனையைப்பற்றிய அடிப்படை விஷயங்களை தெரிந்துகொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Tadasana – தாடாசனம் appeared first on Personality Fitting.

நாம் இன்றைய பதிவில் “வெட்டுக்கிளி” ஆசனத்தைப் பற்றி பார்க்க இருக்கிறோம்.

இன்னாது வெட்டுக்கிளி (Grasshopper) ஆசனமா?!

ஆம்… “வெட்டுக்கிளி” ஆசனமேதான்… இன்னும் உங்களுக்கு புரியும் விதத்தில் சொல்ல வேண்டுமென்றால் “சலபாசனம்” என்று சொல்லலாம்.

“சலபம்” என்றால் வெட்டுக்கிளியைக் குறிக்கும். இவ்வாசனத்தில் அமரும்போது உடலானது வெட்டுக்கிளியின் தோற்றத்தை பெறுவதால் இதற்கு “சலபாசனம்” (Salaphasana) என பெயர் ஏற்பட்டது.

சலபாசனம் – அடிப்படைத் தகவல்கள்

பெயர் – Salaphasana.

தமிலழ் – சலபாசனம்.

சமஸ்கிருதம் – Salaphasana.

ஆங்கிலம் – Locust Pose.

வேறுபெயர்கள் –

ஆசனத்தின் நிலை – Prone, Abdomen.

பயிற்சியின் கடின தன்மை – Beginner.

உடல் கோணம் – Strength.

பொதுவாகவே யோகாசனப் பயிற்சியானது செல்களிலும், நரம்பு மண்டலங்களிலும் உயிர் மின்னாற்றலை தூண்டி முதுமையிலும் இளைஞர்களுக்கே உரித்தான உற்சாக மனநிலையை நல்குவது என்பது நிரூபிக்கப்பட்ட உண்மை.

மனதிற்கு உற்சாகத்தை தருவதோடு இளமையையும் தரும் பலவகையான யோகாசனங்களில் நாம் இப்போது பார்க்கப்போகும் சலபாசனமும் ஒன்று.

”சலபாசனம்” (Salaphasana) என்னும் இவ்வாசனமானது மூச்சு சம்பந்தப்பட்ட அனைத்து பிரச்சனைகளையும் தீர்த்துவைக்கும் திறன் படைத்தது.

இதை எவ்வாறு பயிற்சி செய்வது என்பதை காண்போம்..

Salaphasana – சலபாசனம் – செய்முறை

முதலில் ஒரு கெட்டியான தரைவிரிப்பின்மீது குப்புற படுக்கவும். கைகள் இரண்டும் உடலினை ஒட்டியபடி உள்ளங்கை இரு தொடைகளுக்கும் அடியில் தரையை அழுத்தியபடி வைத்துக்கொள்ளவும்.

இனி மெதுவாக மூச்சை உள்ளிழுத்துக்கொண்டே இருகால்களையும் மடங்காமல் நேராக நீட்டிவைத்தபடியே மெதுவாக மேலே உயர்த்தவும். முகவாய், மார்பு, வயிறு, இடுப்பு வரை உள்ள பகுதி தரையில் நன்கு அழுத்தியபடி இருக்கவும். கால்கள் மட்டும் சாய்வான நிலையில் மேலே தூக்கியபடி இருக்க வேண்டும்.

மூச்சை அடக்கியபடியே சில வினாடிகள் இதே நிலையில் இருந்த பின் மூச்சை மெதுவாக வெளியே விட்டபடி கால்களை மெதுவாக கீழே இறக்கி பழைய நிலைக்கு வரவும்.

மூச்சை அடக்கியபடி இருக்கவேண்டும் என்பதற்காக இதயமும், நுரையீரலும் ஆக்சிஜனுக்காக திக்குமுக்காடும் அளவுக்கு மூச்சை பல வினாடிகளுக்கு அடக்கிவிடாதீர்கள்… அப்புறம் உடல் கர்த்தருக்குள் நித்திரையாகிவிடும்..

எனவே,… உடல் மூச்சுக்காற்றுக்கு பரிதவிக்காத அளவுக்கு சில வினாடிகள் மட்டும் மூச்சை அடக்கினால் போதுமானது.

சில வினாடி ஓய்வுக்குப் பின் மீண்டும் முயற்சி செய்யவும். இப்பயிற்சியை 3 அல்லது 4 தடவை திரும்ப திரும்ப செய்யவும்.

பயிற்சியின் பலன்கள்

தினந்தோறும் இப்பயிற்சியை அதிகாலையில் பயின்று வருவது மிகுந்த நன்மையை உண்டு பண்ணும்.

ஆஸ்துமா மற்றும் நீரழிவு நோயாளிகளுக்கான அற்புதமான ஆசனம் இது.

இப்பயிற்சியானது நுரையீரலுக்கு மிகுந்த வலிமையைத் தருகிறது. இது மூச்சு சம்பந்தமான அனைத்து பிரச்சனைகளையும் குறிப்பாக ஆஸ்துமா முதலிய நோய்களை துரத்துவதற்கு சிறந்த ஆசனம்.

நுரையீரல், இருதயம் முதலிய உறுப்புகளுக்கு வலிமை தருவதோடு, கல்லீரல் மற்றும் மண்ணீரலையும் (Liver and Spleen) பலப்படுத்துகிறது. கணையத்தை பலப்படுத்துவதில் இவ்வாசனம் மிக சிறப்பாக செயல்படுகிறது.

குடல்புண், இரைப்பை புண், உதரவிதான இறக்கம் (diaphragmatic hernia), சிறுநீர் கடுப்பு முதலியவற்றை குணப்படுத்துகிறது. செரிமான சக்தியை அதிகப்படுத்துகிறது.

முதுகு தண்டுவடத்தை வலுவாக்கி முதுகு வலி மற்றும் இடுப்பு வலிகளை போக்குகிறது.

இடுப்பு, தொடை, பிட்டம் மற்றும் கைகளிலுள்ள தேவையற்ற கொழுப்பை நீக்குவதற்கு உதவுகிறது.

முக்கிய குறிப்புகள்

இதய நோய், உயர் ரத்த அழுத்தம் மற்றும் சிறுநீரக கோளாறுகள் உள்ளவர்கள் இப்பயிற்சியை மேற்கொள்ள வேண்டாம்.

கடுமையான முதுகு வலி, கழுத்து வலி உள்ளவர்கள் இந்த ஆசனத்தை தவிர்க்கவும்.

கர்ப்பிணி பெண்களும் இப்பயிற்சியை கண்டிப்பாக செய்தல் கூடாது.

சவாசனம் – Savasana

எந்த வகையான யோகாசனப்பயிற்சி செய்தாலும் அன்றைய தின யோகாசனப் பயிற்சியை முடிக்கும் போது கடைசி ஆசனமாக ”சவாசனம்” கண்டிப்பாக செய்யவேண்டும் என்பதை கவனத்தில் கொள்ளவும். கடைசி ஆசனமாக சவாசனம் செய்து அன்றைய ஆசனப் பயிற்சியை நிறைவு செய்தால்தான் ஆசனத்தினால் ஏற்படும் முழு பலன்களையும் பெறமுடியும். இல்லையெனில், பலவிதமான பக்கவிளைவுகளையே சந்திக்கவேண்டி இருக்கும்.

சவாசனம் செய்யும் முறை பற்றி அறிந்துகொள்ள கீழே உள்ள பேனர் (Banner) ஐ மொள்ளமா தட்டுங்க… நம்ம கைப்புள்ள மாதிரி காலை அகட்டிவச்சுக்கிட்டு விட்டத்த பாத்துக்கிட்டே தூங்குங்க… கொர்ர்…

>> Savasana – சவாசனம் <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக ஆஸ்துமா மற்றும் நீரழிவு நோயாளிகளுக்கான அற்புதமான ஆசனம் என்பதனை பார்த்தோம்.

நுரையீரல், இருதயம், கணையம், முதுகு தண்டுவடம் முதலிய உறுப்புகளுக்கு வலிமை தருவதோடு, கல்லீரல் மற்றும் மண்ணீரலையும் (Liver and Spleen) பலப்படுத்துகிறது.

முதுகு வலி, இடுப்பு வலி, குடல்புண், இரைப்பை புண், உதரவிதான இறக்கம் (diaphragmatic hernia), சிறுநீர் கடுப்பு முதலியவற்றை குணப்படுத்துகிறது. செரிமான சக்தியை அதிகப்படுத்துகிறது. என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கடுமையான முதுகு வலி, கழுத்து வலி, இதய நோய், உயர் ரத்த அழுத்தம் மற்றும் சிறுநீரக கோளாறுகள் உள்ளவர்கள் இப்பயிற்சியை செய்தல்கூடாது என்பதனையும் அறிந்தோம்.

கர்ப்பிணி பெண்களும் இப்பயிற்சியை கண்டிப்பாக செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “உதரவிதான இறக்கம் (diaphragmatic hernia)” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Salaphasana – சலபாசனம் appeared first on Personality Fitting.

உடற்பயிற்சியானது உடலுக்கு மட்டுமே பயிற்சியளிக்கக்கூடியது. உடலை கரடுமுரடாக்கி அதன் இயக்கத்தை சிக்கலாக்கும் தன்மை படைத்தது.

ஆனால், யோகாசனப் பயிற்சியானது உடலின் அத்தனை திசுக்களையும் இதமாக மசாஜ் செய்து தேகத்தை மென்மையாக்குகிறது. இதனால் தேகத்திற்கு வனப்பும் இளமையும் மேலிடுகிறது.

உடலுக்கு மட்டுமல்ல மனதிற்கும் சேர்த்தே பயிற்சி அளிக்கும் வண்ணம் யோகாசனப் பயிற்சியானது உருவாக்கப்பட்டுள்ளது குறிப்பிடத்தக்கது.

இதை புரிந்து கொள்ள வேண்டுமெனில் ஒன்றை சொல்லலாம். அதாவது குழந்தையின் தாய் குழந்தைக்கு வெறும் உணவு மட்டும் ஊட்டுவதில்லை. உணவோடு சேர்த்து ”தாய்ப்பாசம்” என்னும் அன்பையும் சேர்த்து ஊட்டியே வளர்க்கிறாள். அப்படி உணவையும் தாய்ப்பாசத்தையும் சேர்த்து கொடுத்து வளர்த்தால்தான் அந்த குழந்தை ஆரோக்கியமாகவும் மகிழ்ச்சியாகவும் வளரும் அல்லவா?!.

அதைப்போலவே ஆரோக்கியம் மேம்பட வேண்டுமெனில் உடலுக்கு மட்டும் பயிற்சியளித்தால் போதாது. உள்ளத்திற்கும் சேர்த்தே பயிற்சி அளித்தால்தான் அது ஒரு முழுமையான ஆரோக்கியமாக பயிற்சியாக இருக்க முடியும். இந்த உண்மையை உணர்ந்து கொண்ட நம் முனிவர்களும், யோகிகளும் உடலுக்கும் உள்ளத்திற்கும் ஒருசேர பயிற்சியளிக்க உருவாக்கித் தந்த கலையே ”யோகக்கலை” எனலாம்.

அவ்வாறு உடல், மனம் இரண்டையும் வளப்படுத்தும் ஆசனத்தில் ஒன்றை இந்த பதிவில் பார்க்க இருக்கிறோம். அதுதான் “வீரபத்திர ஆசனம் 1”. வாருங்கள் பார்க்கலாம்.

Virabhadrasana first type – அடிப்படைத் தகவல்கள்

பெயர் – Virabhadrasana first type.

தமிழில் – வீரபத்ராசனம் முதல் வகை.

சமஸ்கிருதம் – Virabhadrasana first type.

ஆங்கிலம் – Warrior Pose first type.

வேறுபெயர்கள் – Warrior 1 Pose, Warrior 1.

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – Stretch, Twist, Strength.

Virabhadrasana first type – வீரபத்ராசனம் – பெயர்காரணம்

ஆசனத்தை பயிற்சி செய்வது எப்படி என்று பார்ப்பதற்கு முன்னால் இதற்கு ஏன் “வீரபத்ராசனம்” என்று பெயர் வந்தது என்பதனை அறியவேண்டுமல்லவா? அதையும் கொஞ்சம் பார்ப்போம் வாருங்கள்…

உலகத்தையே கட்டிக் காப்பவர் சிவன். சிவபெருமானின் மனைவி தாட்சாயிணி. அந்த தாட்சாயிணியை பெற்றெடுத்தவர் தட்சன்… ஆதலால் தட்சன் இப்போது சிவபெருமானின் மாமனார்…

சின்ன வயதிலிருந்தே தட்சனுக்கு கர்வம் கொஞ்சம் ஜாஸ்தி. அது அவருடைய பிறவி புத்தி. இப்போது மருமகனாக சிவபெருமானே வந்துவிட்டார்… கர்வத்துக்கு சொல்லவா வேண்டும்?!. கர்வம் ஆணவமாக மாறி உச்சந்தலைக்கே ஏறி ஊழித்தாண்டவம் ஆடியது. மனுஷன் யாரையுமே மதிப்பதில்லை. (எதற்காக மதிக்க வேண்டும்… சிவபெருமானின் மாமனார்னா சும்மாவா?!)

யாரையும் மதிக்கக்கூடாது என்று முடிவெடுத்தபிறகு எதிரில் நிற்பவர் யாராக இருந்தா நமக்கென்ன… கடவுளாகத்தான் இருக்கட்டுமே… ஐ…. யாம்… டோண்ட்… கேர்….

தட்சன் ஒரு யாகம் நடத்தினார். யாக நிகழ்சிகளில் கலந்து கொள்வதற்காக மரியாதை நிமித்தமாக மருமகன் என்ற வகையில் சிவபெருமானை அழைக்கவேண்டும் அல்லவா?!…

அதானய்யா உலக வழக்கம்…

ஆனால் தட்சன் அழைக்கவில்லை.

அழைத்தால் சிவனுக்கு மரியாதை கொடுத்ததுபோல் ஆகிவிடுமே?… நாமதான் யாருக்குமே மரியாதை கொடுப்பதில்லை என்ற முடிவுக்கு வந்துவிட்டோமே… அப்புறம் எப்படி அழைப்பதாம்?!!

சரி,… போனால் போகட்டும் என்று ஒரு “பார்மாலிட்டி”க்கு அழைக்கிறோம் என்று வைத்துக்கொள்வோமே… அதுவே நம்முடைய கொள்கைக்கு முரணாக அமைந்துவிடாதா என்ன?…

மருமகனாவது மண்ணாங்கட்டியாவது… நமக்கு ஈகோதான் முக்கியம்… (அப்படி போடு அருவாள)

சிவபெருமானுக்கு அழைப்பில்லாமலேயே யாகம் ஸ்டார்ட் ஆகிவிட்டது.

இது தாட்சாயிணியின் காதுகளை எட்டியது. வெகுண்டெழுந்து விட்டார்.

மதியாதார் தலைவாசல் மிதிக்கவேண்டாம் என்று தடுத்த சிவனையும் மீறி நியாயம் கேட்க யாகம் நடக்கும் இடத்திற்கே சென்றுவிட்டார் தாட்சாயிணி.

தந்தையிடம் நியாயம் கேட்டு லபோதிபோ என்று கோபத்தைக் கொப்பளித்தார்.

சிவபெருமானுக்கே மரியாதையை கொடுப்பதில்லை என்று முடிவுகட்டிய பிறகு அவன் பொண்டாட்டி தாட்சாயிணிக்கு மட்டும் எப்படி மரியாதையை கொடுக்க முடியும்… அவள் சிவனின் பொண்டாட்டியா இருந்தா என்ன? அல்லது ஆயாக்கடை போண்டா, டீயா இருந்தா நமக்கென்ன? நமக்கு கொள்கைதானய்யா முக்கியம்.

எனவே, மகளென்றும் பாராமல் எகிறினார்… வார்த்தையால் குதறினார்…

“இறந்தவர்களின் மண்டையோட்டை திருவோடாக கொண்டு உடுக்கை அடித்து ஒருவாய் சோற்றுக்காக ஓடேந்தி திரியும் பிச்சைக்காரப்பயல்தானே உன் புருஷன். அந்த பிச்சைக்காரனின் மனைவியாகிய உனக்கு மரியாதையெல்லாம் இங்கு கொடுக்க முடியாது ஓடிவிடு”… என்று தட்சன் தாட்பூட் என்று எகிற…

அவமானத்தால் தாட்சாயிணி கூனிக்குறுக…

இவ்வளவு அவமானத்திற்குப் பிறக்கும் நாம் வாழ்வதில் அர்த்தமில்லை என்று முடிவெடுத்த தாட்சாயிணியோ யாகத்தீயில் தன்னை மாய்த்துக்கொள்ள முனைய…

இந்த களேபரத்தையெல்லாம் சிவலோகத்தில் இருந்தபடி நெற்றிக்கண் சிவக்க கோபத்தில் பார்த்துக் கொண்டிருந்தார் சிவன்.

குணமாக இருக்கும்போதே உடுக்கை கலைவதை பற்றியெல்லாம் யோசனை செய்யாமல் உடுக்கையை குலுக்கிக்கொண்டே காலை தூக்கியபடி மானம் போவதைப் பற்றிக்கூட கலைப்படாமல் தாண்டவம் ஆடுபவர்தான் அவர்… இப்போது கோபத்தில் வேறு இருக்கிறார்… மனுஷனுக்கு “பிளட் பிரஷர்” (Blood pressure) வேறு இருக்கிறது… கூடவே “லோ சுகரும்” (ஹைப்போகிளைசீமியா – Hypoglycemia) இருப்பதாக சொல்கிறார்கள்… சொல்லவா வேண்டும்…

கோபத்தில் நெஞ்சுவலியே வரும் அளவுக்கு “பிளட் பிரஷர்” தாறுமாறாக ஏற… ருத்ர தாண்டவமே ஆடிவிட்டார்.

ஓங்கி அடிச்சா ஒன்றரை டன் வெயிட்டுடா

ஆட்டத்தில் கலைந்த ஜடாமுடியை ஆவேசமாக தரையில் ஓங்கி அடிக்க…

ஓங்கி அடிச்சா அது ஒன்றரை டன் வெயிட் அல்லவா!!…

அடித்த வேகத்தில் அந்த ஒன்றரை டன் வெயிட்டும் இரண்டாக “ஸ்பிளிட்” ஆகிவிட…

அதில் ஒரு முக்கால் டன் எடை “பத்திரகாளி”யாக உருவெடுக்க அடுத்த முக்கால் டன் எடை வீரபத்திரனாக எழுந்து நின்றது…

எழுந்து நின்ற உடனேயே “வீரபத்திரன்” வீராவேசமாக கர்ஜிக்க… வீரபத்திரனின் வீரத்தை கண்டு பக்கத்தில் நின்ற பத்திரகாளியே பயத்தில் பதறிப்போக… அந்த கர்ஜிப் ஒலியால் களேபரமாகக் கிடந்த சிவலோகமே கணநேரத்தில் கப்சிப்பானது என்றால் வீரபத்திரனின் வீரத்தை பார்த்துக் கொள்ளுங்களேன்.

இவன்தான் தட்சனின் ஆணவத்தை அடக்க சரியான ஆள் என முடிவெடுத்த சிவன்… தட்சனின் யாகத்தையும், அவனின் ஆணவத்தையும் அழித்தொழித்து வெற்றியுடன் திரும்பி வா மகனே என கர்ஜித்து வெற்றித்திலகமிட்டு அனுப்பி வைத்தார்.

தந்தையின் உத்தரவை பெற்று ஆவேசமாக யாகசாலைக்கு சென்ற வீரபத்திரன் ஒரு காலை தரையில் ஊன்றி மற்றொரு காலை சிவபெருமானைப் போலவே மானம் போகுமளவிற்கு தலைக்கு மேல்வரை தூக்கி… (செத்தாண்டா சேகரு) யாகத்தீயை ஓங்கி ஒரு மிதி மிதிக்க…. மிதித்த வேகத்தில் இடுப்பில் கட்டியிருந்த அரைஞாண் கயிறு அறுந்து யாகத்தீயில் விழ…. யாகசாலை சோகசாலை ஆனது.

மேலேயுள்ள படத்தில் கோப ஆவேஷத்தில் வீரபத்திரன் நிற்கும் பொசிஷனை பார்த்தீர்களா?

அதே பொசிஷனில் நம்முடைய ஆசனமும் இருப்பதால் இதற்கு “வீரபத்திர ஆசனம்” என பெயர் வைத்துவிட்டார்கள். புரிஞ்சுதா..

சரி,.. இனி இந்த வீரபத்திராசனத்தைப் பற்றி பார்ப்போம்.

இந்த வீர பத்திராசனத்தில் 1,2,3 என மூன்று வகையான பொசிஷன்கள் (வகைகள்) உள்ளன். அதில் முதல் வகையான ”வீரபத்ராசனம் முதல் வகை” யைப்பற்றித்தான் (Virabhadrasana first type of pose) இந்த பதிவில் பார்க்க இருக்கின்றோம். மற்ற இரண்டு வகைகளான ”வீரபத்ராசனம் வகை 2”, ”வீரபத்ராசனம் வகை 3” ஆசனங்களை வேறொரு தனிப்பதிவில் பார்க்கலாம்.

சரி, இனி ”வீரபத்ராசனம் முதல் வகை” ஆசனத்தை எவ்வாறு பயிற்சி செய்வது என்பதனைப் பார்ப்போம்….

வீரபத்ராசனம் முதல் வகை – செய்முறை

Virabhadrasana first type – வீரபத்ராசனம். முதலில் இரு கால்களையும் சேர்த்து வைத்துக் கொண்டு நேராக நிற்கவும். அதன் பின் இரு கால்களையும் பக்கவாட்டில் மூன்று அல்லது மூன்றரை அடி இடைவெளி இருக்கும் அளவிற்கு அகட்டி வைக்கவும். இரு கைகளையும் மேல் நோக்கி குவித்து கும்பிட்டவாறு வைக்கவும்.

பின் வலது பாதத்தை வலது பக்கமாகத் திருப்பி உங்கள் உடலையும் வலது பக்கமாகத் திருப்பிக் கொள்ளுங்கள். மெல்ல வலது காலை படத்தில் உள்ளவாறு மடக்கி தொடைப்பகுதி தரைக்கு இணையாக இருக்குமாறு பார்த்துக்கொள்ளவும். இடது கால் நேராக அதே நேரம் சாய்வாக இருக்க வேண்டும்.

10 அல்லது 15 வினாடிகள் இதே நிலையில் இருந்துவிட்டு உடலை நேராக்கவும். கைகளை கீழே இறக்கவும்.

அடுத்து வலது பக்கம் செய்தது போல் இடது பக்கம் செய்யவும். இவ்வாறு மாற்றி மாற்றி 4 முதல் 8 தடவை செய்யவும்.

பயிற்சியின் பலன்கள்

பயிற்சி செய்வதற்கு மிக எளிதான இந்த ஆசனத்தை தினம்தோறும் பயிற்சி செய்து வர உடலின் விறைப்புத்தன்மையை மாற்றி நெகிழும் தன்மைக்கு கொண்டுவரும்.

மேலும் கால்கள் வலுப்பெறும், முழங்கால் சம்பந்தப்பட்ட அனைத்து பிரச்சனைகளும் தீரும். கழுத்து வலி, இடுப்பு வலி நீங்கும். கொழுப்பு கரைந்து தொந்தி மறையும். உடல் இறுக்கத்தை நீக்கி இளகிய தன்மையை நல்கும். மனது வளம் பெறும்.

இது உடலின் விறைப்புத் தன்மையை நீக்கி முதுகை நெகிழச்செய்து உடலை இளகிய தன்மையில் வைத்திருக்கும். முழங்கால் சம்பந்தப்பட்ட அனைத்து பிரச்சனைகளையும் சரி செய்வதோடு கால்களையும் நன்கு வலுப்படுத்தும்.

மானம் போனாலும் உங்களை வீரத்தோடு வலம்வர செய்யும் ஆசனம் இது.

முக்கிய குறிப்புகள்

முழங்கால் மூட்டுகளில் கடுமையான வலி, வீக்கம் அல்லது கீல்வாதம் (Arthritis) உள்ளவர்கள் இந்த ஆசனத்தை செய்தல்கூடாது.

இடுப்பு பகுதிகள் மற்றும் கணுக்கால்களில் காயம் உள்ளவர்கள் இந்த ஆசனத்தை தவிர்க்கவும்.

இதய நோயாளிகளும் இந்த பயிற்சியை தவிர்க்கலாம்.

வயிறு, இடுப்பு, முழங்கால் மற்றும் முதுகுப் பகுதிகளில் அறுவை சிகிச்சை செய்து கொண்டவர்கள் முழுமையாக குணமடையும்வரை காத்திருக்கவும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கால்கள் வலுப்பெறும், முழங்கால் சம்பந்தப்பட்ட அனைத்து பிரச்சனைகளும் தீரும். கழுத்து வலி, இடுப்பு வலி நீங்கும். கொழுப்பு கரைந்து தொந்தி மறையும்.

முழங்கால் சம்பந்தப்பட்ட அனைத்து பிரச்சனைகளையும் சரி செய்வதோடு கால்களையும் நன்கு வலுப்படுத்தும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் முழங்கால் மூட்டுகளில் கடுமையான வலி, வீக்கம் அல்லது கீல்வாதம் (Arthritis) உள்ளவர்கள் இந்த ஆசனத்தை செய்தல்கூடாது என பார்த்தோம்.

அதேபோல இடுப்பு பகுதிகள் மற்றும் கணுக்கால்களில் காயம் உள்ளவர்களும் இந்த ஆசனத்தை தவிர்க்க வேண்டும்.

இதய நோயாளிகளும் இந்த பயிற்சியை தவிர்க்கலாம்.

வயிறு, இடுப்பு, முழங்கால் மற்றும் முதுகுப் பகுதிகளில் அறுவை சிகிச்சை செய்து கொண்டவர்கள் முழுமையாக குணமடையும்வரை இப்பயிற்சியை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கீல்வாதம்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Virabhadrasana first type – வீரபத்ராசனம் appeared first on Personality Fitting.

அதிகாலை 4 அல்லது 5 மணிக்கு எழுந்து (முறைக்காதீர்கள் இன்று ஒருநாள் மட்டும் சூரிய உதயத்தை பார்ப்பதற்காவது எழுந்து உட்காருங்கள்)  சாலையை எட்டிப் பார்த்தீர்கள் என்றால் வயது வித்தியாசம் இல்லாமல் பலபேர் அரைக்கால் டவுசர் போட்டுக்கொண்டு காதில் எதையோ மாட்டிக்கொண்டு எங்கோ அவசரமாக நடந்து சென்று கொண்டிருப்பார்கள்.

அவர்களை தடுத்து நிறுத்தி எங்கே இவ்வளவு அவசரமாக சென்று கொண்டிருக்கிறீர்கள் என்று கேட்டால் தெரியவில்லை என்பார்கள். கொஞ்சம் வற்புறுத்தி கேட்டால் டாக்டர்தான் இப்படி நடக்க சொன்னதாகவும், நடந்தால் ”ஹார்ட் அட்டாக்” வராது என்று அறிவுறுத்தியதாகவும் சொல்வார்கள்.

சரி..  உங்கள் டாக்டர் எத்தனை நாள் இப்படி ”பை பாஸ்” ரோட்டில்  நடக்க சொன்னார் என்றால் பதில்கூற தெரியாது.

டாக்டரிடமே கேட்டோம் என்றால் ”பைபாஸ் சர்ஜரி” செய்யும் வரை ”பைபாஸ் ரோட்” டில் நடக்க வேண்டும் என்பார். (போங்கடா நீங்களும் உங்க ”அட்வைஸ்”ம்).

சிறிது காலத்திற்கு பிறகு அதிகமாக நடந்ததால் மூட்டு எலும்பு தேய்ந்து விட்டதாக கூறி அதற்கு தனியாக ஒரு கால் மூட்டு பெல்ட்டும்.. மூட்டுவலி தீர வலிநிவாரண மாத்திரையும் எக்ஸ்ட்ராவாக லிஸ்ட்டில் ஏறும் என்பது வேறு கதை.

பைபாஸ் ரோட்டில் நடப்பதால் இன்னும் ஒரு பிரச்சனை இருக்கிறது. பிரேக் பிடிக்காமல் பின்னால் வரும் ஆட்டோ, மினி பஸ் முதலியன இப்பவே நம்மை பைபாஸ் சர்ஜரிக்கு அனுப்பி வைத்து விடுமோ என்று பயம் வேறு.

இதற்கு வேறு தீர்வே இல்லையா?

கண்டிப்பாக இருக்கிறது.

இரண்டாவது இருதயம் – சோலியஸ்

அதெல்லாம் இருக்கட்டும்… அதற்கும் இந்த ஆசனத்திற்கும் என்ன சம்பந்தம் என கேட்கிறீர்களா? இந்த ஆசனமானது அந்த இரண்டாவது இருதயத்தைப் பலப்படுத்துகிறது. அதிலுள்ள தசைகள், நரம்புகள் மற்றும் திசுக்கள் அனைத்தையும் வலிமையாக்குகிறது. இதனால் நீங்கள் குறைந்த தூரம் நடந்தாலே அதிக பலனை பெறமுடியும்.

எனவேதான் நடைபயிற்சி செய்யும் அனைத்து அன்பர்களுக்கும் இந்த “உட்கட்டாசனம்” பயிற்சி மிகவும் அவசியம் என இங்கு வலியுறுத்தப்படுகிறது.

இதோ நான் சொல்லப்போகும் பயிற்சியை உங்கள் வீட்டிற்குள்ளேயே தினம் காலை, மாலை 5 நிமிட நேரம் பயிற்சி செய்யுங்கள். அதன்பின் பூங்காவில் அல்லது தெருக்களில் நடந்து பாருங்கள். உங்களுக்கே வித்தியாசம் தெரியும். ஆம்,… 2 Km நடந்தாலே 5 km நடந்ததற்கான பலன் கிடைப்பதை நீங்கள் காணலாம்.

அதுசரி, அதென்ன “இரண்டாவது இருதயம்” என கேட்கத்தோன்றுகிறது அல்லவா?…

அந்த இரண்டாவது இருதயத்தைப்பற்றி ”வஜ்ராசனம்” (Vajrasana – Thunderbolt Pose) என்னும் யோகப் பயிற்சியில் விரிவாகக் கொடுத்துள்ளேன். ஏனென்றால், இந்த உட்கட்டாசனத்தைப்போல் வஜ்ராசனமும் இரண்டாவது இருதயமான “சோலியஸ் தசை” (Soleus) யை வலுப்படுத்தும் திறனைக்கொண்டுள்ளது.

எனவே, இந்த இரண்டாவது இருதயமான “சோலியஸ் தசை” (Soleus) யைப்பற்றி தெரிந்துகொள்ள இங்கிருந்தபடியே வஜ்ரானத்திற்குள் செல்ல.. நீங்கள் தினமும் நடந்து போகும் பைபாஸ் ரோட்டின் இடையே குறுக்கிடும் “ஷார்ட்கட் ரோடு”போன்று “ஷார்ட்கட் லிங்க்” கொடுத்துள்ளேன்…

கீழே கொடுக்கப்பட்டுள்ள விஷீவல் லிங்க் (visual link) தான் ஷார்ட் கட் லிங்க். நீங்கள் உங்கள் விரல்களால் அதன்மேல் சட்டுன்னு தட்டி… பட்டுன்னு போங்க….

நாம் இப்போது இந்த பதிவில் இங்கே பார்க்கப்போவது “உட்கட்டாசனம்” – Utkatasana என்னும் நாற்காலி ஆசனம் (Chair pose).

இது கால்கள், இடுப்பு, தோள்கள் மற்றும் இரண்டாவது இருதயம் எனப்படும் “சோலியஸ் தசை”யையும் பலப்படுத்த உதவுகிறது. அதுமட்டுமல்லாது முதுகெலும்பை பலப்படுத்தவும் உதவுகிறது.

வாருங்கள் பார்க்கலாம்…

Utkatasana – உட்கட்டாசனம் – அடிப்படைத் தகவல்கள்

பெயர் – Utkatasana.

தமிழில் – நாற்காலி ஆசனம்.

சமஸ்கிருதம் – Utkatasana.

ஆங்கிலம் – Chair pose.

வேறுபெயர்கள் – Fierce Pose, Awkward Pose.

ஆசனத்தின் நிலை – Standing.

பயிற்சியின் கடின தன்மை – Intermediate.

உடல் கோணம் – Forward-Bend, Stretch, strength, Balance.

ஒரு நாற்காலியில் உட்காருவதுபோல் பாவனை செய்வதுதான் இந்த ஆசனத்தின் நிலை.

இந்த ஆசனம் (Utkatasana) பார்ப்பதற்கு எளிதானது போல் உங்களுக்கு காட்சி தரலாம். ஆனால் நிஜம் அப்படியல்ல… நாற்காலியில் உட்காருவது எளிதுதான். ஆனால் இல்லாத நாற்காலியில் உட்காருவது என்பது அவ்வளவு சுலபமானது அல்ல.

யாருமே இல்லாத டீ கடையில் யாருக்கு டீ ஆற்றுகிறோம் என்று தெரியாமலேயே டீ ஆற்றுவது எவ்வளவு வலி தரும் நிகழ்வோ அப்படியானதுதான் இதுவும்.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்….

உட்கட்டாசனம் – செய்முறை

முதலில் நேராக நிமிர்ந்து நிற்கவும். பின் இரு கால்களுக்கும் இடையில் 1 அடி இடை வெளி இருக்கும்படி கால்களை விரித்து வைக்கவும். இரு கைகளையும் கிடைமட்டமாக முன்னோக்கி நேராக நீட்டவும்.

பின் உடலை மெதுவாக கிழிறக்கி நாற்காலியில் உட்காருவது போல் உட்காரவும். முன்பக்கமாக உடலை வளைக்கக் கூடாது. முதுகு நேராக மேல்நோக்கி இருக்க வேண்டும். இயல்பாக மூச்சு விடவும்.

இதே நிலையில் 10 முதல் 30 வினாடிகள் இருக்கவும். பின் மெதுவாக நேராக நிமிர்ந்து நிற்கவும். சில வினாடிகள் ஓய்வு எடுத்தபின் மீண்டும் முன்போல செய்யவும்.

இதேபோல் 4 அல்லது 5 தடவை இப்பயிற்சியை மேற்கொள்ளலாம்.

பயிற்சியின் பலன்கள்

இந்த ஆசனத்தை தொடர்ந்து செய்துகொண்டு வந்தீர்களானால் உங்கள் உடலின் உள்கட்டமைப்பு அத்தனையும் பலம் பெறும் என்பதில் சந்தேகமில்லை.

இந்த பயிற்சியானது உங்கள் தசைகளை அற்புதமாக வலுப்படுத்துகிறது. கால் மூட்டுகளையும் பலப்படுத்துகிறது. இடுப்பு, முதுகெலும்பு, தோள்பட்டைகளை பலப்படுத்துகிறது.

கால்வலி, முழங்கால் வலி, குதிகால் வலிகளை நீக்குகிறது.

வயிற்றுப்பகுதிகளில் உள்ள நாளமில்லா சுரப்பிகளை தூண்டும்.

5 நிமிடம் இப்பயிற்சியை செய்தபின் வெறும் 2 Km மட்டுமே நடைபயிற்சி செய்யுங்கள். 5km நடைப்பயிற்சி செய்ததற்கான பலனை பெறுவீர்கள். இன்னும் கூடுதலான நன்மைகளையும் பெறமுடியும்.

இதனுடன் இதயத்திற்கு வலிமை சேர்க்கும் சில எளிய யோக பயிற்சிகளையும் மருத்துவரின் ஆலோசனை பெற்று செய்துவர இரண்டு விதமான ”பைபாஸ்” ம் தேவைப்படாததோடு அனைத்து விதமான இதய நோய்களையும் தவிர்த்து விட முடியும்.

இந்த பயிற்சியால் படிப்படியாக தொப்பையையும் குறைக்க முடியும்.

விளையாட்டு வீரர்களுக்கு அதுவும் குறிப்பாக ஓட்டப்பந்தய வீரர்களுக்கு இந்த பயிற்சி ஒரு வரப்பிரசாதம் என்றால் அது மிகையில்லை.

முக்கிய குறிப்புகள்

வயதானவர்கள் மற்றும் கர்ப்பிணி பெண்கள் இந்த ஆசனம் செய்வதை தவிர்த்தல் வேண்டும்.

உயர் இரத்த அழுத்தம், தலைசுற்றல் போன்ற உடல் நல பிரச்சனைகள் உள்ளவர்களும் இந்த ஆசனத்தை தவிர்த்தல் வேண்டும். உடலில் காயங்களால் பதிக்கப்பட்டுள்ளவர்களும் இந்த ஆசனத்தை தவிர்த்தல் நலம்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக உங்கள் தசைகளை அற்புதமாக வலுப்படுத்துகிறது. கால் மூட்டுகளையும் பலப்படுத்துகிறது. இடுப்பு, முதுகெலும்பு, தோள்பட்டைகளை பலப்படுத்துகிறது.

கால்வலி, குதிகால்வலி மற்றும் முழங்கால் வலிகளை நீக்குகிறது.

வயிற்றுப்பகுதிகளில் உள்ள நாளமில்லா சுரப்பிகளையும் தூண்டுகிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கர்ப்பிணி பெண்கள் இந்த ஆசனம் செய்வதை தவிர்த்தல் வேண்டும்.

உயர் இரத்த அழுத்தம், தலைசுற்றல் மற்றும் உடலில் காயம் உள்ளவர்கள் இந்த ஆசனத்தை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “குதிகால்வலி” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Utkatasana – உட்கட்டாசனம் appeared first on Personality Fitting.

”உத்தித” என்றால் சமஸ்கிருதத்தில் “உயர்த்துதல்” அல்லது “தூக்குதல்” என்று பொருள்.

பத்மாசன நிலையில் இருந்தபடியே உடலை தரையில் இருந்து மேலே உயர்த்துவதால் இந்த ஆசனம் “உத்தித பத்மாசனம்” (Utthita Padmasana) என அழைக்கப்படுகிறது.

தரையில் உட்கார்ந்தபடி செய்வது பத்மாசனம் என்றால் அதே பத்மாசனத்தை அந்தரத்தில் செய்தால் அதுவே ”உத்தித பத்மாசனம்” ஆகும்.

“Elevated” என்றால் ஆங்கிலத்தில் “உயர்த்தப்பட்ட” என்று அர்த்தம். எனவேதான் ஆங்கிலத்தில் இது “உயர்த்தப்பட்ட தாமரை ஆசனம்” என்று பொருள்படும்படி “Elevated lotus Pose” என அழைக்கப்படுகிறது.

இதனை சமஸ்கிருதத்தில் “துலாசனம்” (துலாம் +ஆசனம்) எனவும் அழைக்கின்றனர். “துலாம்” என்பது தராசை குறிக்கும். இந்த ஆசனத்தில் இருக்கும்போது உடலின் அமைப்பு பார்ப்பதற்கு பொருள்களை எடை போடும் “தராசு” போல் இருப்பதால் இதனை சமஸ்கிருதத்தில் “துலாசனம்” எனவும். தமிழில் “தராசு ஆசனம்” எனவும் அழைக்கின்றனர். “தராசு” ஆங்கிலத்தில் “ஸ்கேல்” (Scale) என்று அழைக்கப்படுகிறதல்லவா அதனால் இந்த ஆசனம் ஆங்கிலத்தில் “Scale Pose” என குறிப்பிடப்படுகிறது.

இதற்கு சமஸ்கிருதத்தில் இன்னும் ஒரு பெயரும் இருக்கிறது. அதுதான் “Utpluthih asana” (உட்ப்ளுதிஹ் ஆசனம்). “உட்ப்ளுதிஹ்” என்றால் சமஸ்கிருதத்தில் “தூக்குதல்” அல்லது “வேரோடு பிடுங்குதல்” என்று பொருள். இந்த ஆசனத்தில் மொத்த உடலும் இரு கைகள் மூலம் மேலே தூக்கப்படுவதால் இதற்கு “உட்ப்ளுதிஹ் ஆசனம்” (Utpluthih asana) என்று பெயர்.

உத்தித பத்மாசனம் – அடிப்படைத் தகவல்கள்

பெயர் – Utthita Padmasana.

தமிழ் – உத்தித பத்மாசனம்.

சமஸ்கிருதம் – Tulasana. (துலாசனம்), Utpluthih asana (உட்ப்ளுதிஹ் ஆசனம்).

ஆங்கிலம் – Scale Pose.

வேறுபெயர்கள் – Elevated lotus Pose.

ஆசனத்தின் நிலை – Sitting.

பயிற்சியின் கடின தன்மை – Intermediate.

உடல் கோணம் – Strength, Balance.

இந்த ஆசனம் பழகுவது கொஞ்சம் கடினம் என்றாலும் இந்த ஆசனத்தை முறையாகப் பயிற்சி செய்வதால் உடல் தேக்கு போல் வலிமையாகும் என்பது உறுதி. பத்மாசனத்தில் நன்கு பயிற்சி பெற்ற பின்பே இந்த ஆசனத்தை செய்ய முயற்சி மேற்கொள்ள வேண்டும்.

மேலும் இந்த ஆசனம் பத்மாசன நிலையில் உட்காருவதால் இடுப்பு, தொடைகள், மூட்டு, முழங்கால்கள் அனைத்தும் பலமாகும். இந்த ஆசனம் செய்வது ஆரம்பத்தில் கொஞ்சம் கடினம் என்றாலும் முறையாகப் பயிற்சி செய்வதால் அடையும் பலனோ ஏராளம்.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்….

Utthita Padmasana – உத்தித பத்மாசனம் – செய்முறை

முதலில் பத்மாசனத்தில் முதுகு வளையாமல் நேராக நிமிர்ந்து உட்காரவும்.

[“பத்மாசனம்” செய்வது எப்படி என்பதனை ”பத்மாசனம்” என்ற தலைப்பின் கீழ் காண்க. அல்லது, இந்த கட்டுரையின் முடிவில் தரப்பட்டுள்ள சுட்டியை சுட்டி (visual link preview) இங்கிருந்தே நேராக பத்மாசனத்திற்கு செல்லுங்கள்].

பத்மாசனத்தில் நேராக அமர்ந்த பின் இரு கைகளையும் இரு கால்களின் பக்கவாட்டில் விரல்கள் முன்பக்கம் இருக்குமாறு ஊன்றவும்.

பின் பத்மாசன நிலையில் இருந்தபடியே கைகளை ஊன்றிய நிலையில் மூச்சை உள்ளிழுத்தபடி உடலை மெதுவாக மேலே தூக்கவும். உடல் நிமிர்ந்த நிலையில் இருக்கும்படி பார்த்துக்கொள்ளவும். சிறிது நேரம் இதே நிலையில் இருக்கவும். மூச்சை ஆழமாக இழுத்து சுவாசிக்கவும்.

அதன் பின் மெதுவாக உடலை கீழே இறக்கவும். சில விநாடி ஓய்வுக்குப்பின் மீண்டும் பயிற்சி எடுக்கவும். இந்த ஆசனத்தை 3 அல்லது 5 தடவை செய்யலாம்.

ஆரம்பத்தில் 5 விநாடி நேரம் இதே நிலையில் இருக்கப் பழகி அதன்பின் 30 முதல் 40 விநாடி நேரம் இருக்க பயிற்சி எடுக்கவும்.

பயிற்சியின் பலன்கள்

உத்தித பத்மாசனம் செய்வதால் மணிக்கட்டு, இரு கைகள், கை விரல்கள், உள்ளங்கை, தோள்பட்டை, மூட்டு பகுதிகள், முதுகெலும்பு, இடுப்பு, பிட்டம், தொடைகள், முழங்கால்கள், வயிறு, வயிற்று தசைகள் பலம் அடைகின்றன.

ஜீரண உறுப்புகள் வளம் பெறுவதோடு வாயு தொல்லையும் நீங்குகின்றன.

இப்பயிற்சிமூலம் ஜீரணமண்டலம் அதிகம் அழுத்தப்பட்டு இரத்த ஒட்டம் அதிகரிப்பதால் ஜீரண சக்தி அதிகரிக்கும். குடலிறக்கம் தடுக்கப்படும். கைகளின் தசைகளுக்கும் எலும்புகளுக்கும் அதிக வலுவைத்தரும். வயிற்று தசைகள் இறுக்கப்பட்டு தொந்தி மறையும்.

அதுமட்டுமல்ல ஜீரண உறுப்புகள் மற்றும் இதயம், சுவாசம் சம்பந்தப்பட்ட அனைத்து உள்ளுறுப்புகளும் வலிமைபெறும்.

முக்கிய குறிப்புகள்

கைகள், தோள்கள், மணிகட்டுகளில் சுளுக்கு, தசைபிடிப்பு மற்றும் காயங்கள் எதாவது இருந்தால் இந்த ஆசனத்தை பயிற்சி செய்ய வேண்டாம்.

முதுகு, இடுப்பு, மார்பு பகுதிகளில் சமீபத்தில் அறுவை சிகிச்சை செய்திருந்தால் இந்த ஆசனத்தை தவிர்க்கவும்.

உயர் இரத்த அழுத்தம் உள்ளவர்கள் இந்த ஆசனத்தை தவிர்க்கவும்.

உடலின் மொத்த எடையையும் கைகளே தாங்குவதால் பலவீனமான கைகள் மற்றும் எலும்புகளை கொண்டவர்கள் தயவு செய்து இதனை செய்ய முயற்சிக்க வேண்டாம்.

தூக்கமின்மையால் அவதியுறுபவர்கள், எப்போதும் பதட்டமாகவே இருப்பவர்கள் இந்த ஆசனத்தை செய்யும்போது மிகவும் கவனமுடன் இருக்கவேண்டும். ஏனென்றால் இந்த ஆசனம் செய்யும்போது விரைவான சுவாசம் ஏற்படலாம். அந்த சமயத்தில் மனம் அமைதியாக இல்லாவிட்டால் எதிர்மறையான பலன்களை உண்டாக்கலாம்.

ஆரம்பத்தில் சொன்னதுபோல பத்மாசனத்தில் நன்கு தேர்ச்சி பெற்ற பின்பு உத்தித பட்மாசனத்தை பயிற்சி செய்ய முன்வரவும்.

பத்மாசனம் – Padmasana

பத்மாசனத்தைப்பற்றி தெரிந்துகொள்ள வேண்டுமா?!… கீழேயுள்ள “விஷீவல் லிங்கை” (visual link preview) அதாவது பேனர் (Banner) மீது லேசாக தட்டுங்கள். நீங்கள் தட்டுகிற அந்த தட்டு இங்கிருந்தே கமலாசனம் என்று அழைக்கப்படும் பத்மாசனத்திற்கு உங்களை அழைத்துச் செல்லும்… எஞ்ஜாய்…

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக மணிக்கட்டு, இரு கைகள், கை விரல்கள், உள்ளங்கை, தோள்பட்டை, மூட்டு பகுதிகள், முதுகெலும்பு, இடுப்பு, பிட்டம், தொடைகள், முழங்கால்கள், வயிறு, வயிற்று தசைகள் பலம் அடைகின்றன.

அதுமட்டுமல்ல சுவாசம் சம்பந்தப்பட்ட அனைத்து உள்ளுறுப்புகளும் வலிமைபெறுகின்றன. இதயம் இதம் பெறுகின்றன.

ஜீரண உறுப்புகள் வளம் பெறுவதோடு வாயு தொல்லையும் நீங்குகின்றன. குடலிறக்கமும் தடுக்கப்படுகின்றன.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கைகள், தோள்கள், மணிகட்டுகளில் சுளுக்கு, தசைபிடிப்பு மற்றும் காயங்கள் எதாவது இருந்தால் இந்த ஆசனத்தை பயிற்சி செய்ய வேண்டாம்.

முதுகு, இடுப்பு, மார்பு பகுதிகளில் சமீபத்தில் அறுவை சிகிச்சை செய்திருந்தால் இந்த ஆசனத்தை தவிர்க்கவும்.

உயர் இரத்த அழுத்தம் உள்ளவர்கள் இந்த ஆசனத்தை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “மணிகட்டு சுளுக்கு” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Utthita Padmasana – உத்தித பத்மாசனம் appeared first on Personality Fitting.

உடற்பயிற்சியானது உடலுக்கு மட்டும் பலம் சேர்த்தால் போதாது மனதிற்கும் வளம் சேர்ப்பதாக இருக்கவேண்டும். அதுவே சிறந்த பயிற்சியாக இருக்க முடியும். அப்படியான பயிற்சிகளில் முதன்மையானது நம்முடைய யோகாசனப்பயிற்சி.

ஏனெனில் இது வெளி உறுப்புகளுக்கு மட்டுமல்ல உள்ளுறுப்புகளுக்கும் பயிற்சியளிப்பது. கூடவே மனதிற்கும்கூட.

யோகாசன பயிற்சிகளில் நூற்றுக்கும் மேற்பட்ட பயிற்சிகள் உள்ளது என்றாலும் அவை எல்லாவற்றிலும் தலையாய பயிற்சியாக விளங்குவது “சிரசாசனமே” (Sirasasanam) ஆகும்.

ஆம்… உண்மையிலேயே இது தலையாய பயிற்சிதான்… தலையின் உதவியால் செய்யப்படுவதால் இது  தலையாய பயிற்சி என்னும் சிறப்பை பெறுகிறது. இது அனைத்து ஆசனங்களின் ராஜா என்று அழைக்கப்படுகிறது.

Sirasasanam – சிரசாசனம் – அடிப்படைத் தகவல்கள்

பெயர் – Sirasasanam.

தமிழில் – சிரசாசனம்.

சமஸ்கிருதம் – Sirasasana.

ஆங்கிலம் – Headstand Pose.

வேறுபெயர்கள் – Salamba Sirasasana, Sirasana.

ஆசனத்தின் நிலை – Forearms, Head and Shoulders, Arm Balances.

பயிற்சியின் கடின தன்மை – advanced.

உடல் கோணம் – Inversion, Stretch, Strength, Balance.

பயிற்சிக்கு முன் தெரிந்து கொள்ள வேண்டியவை

தலைக்கு “சிரசு” என்று ஒரு பெயருமுண்டு. “எண்ஜாண் உடம்புக்கு சிரசே பிரதானம்” என்பது ஔவை மொழி.

தலையை தரையில் ஊன்றி செய்யப்படும் பயிற்சி இதுவென்பதால் இப்பயிற்சிக்கு “சிரசாசனம்” என்று பெயர். இது மிகுந்த எச்சரிக்கையுடனும், விழிப்புணர்வுடனும் செய்யப்பட வேண்டிய ஒரு மேம்பட்ட தலைகீழ் பயிற்சியாகும்.

இந்த சிரசாசனத்திலுள்ள சிறப்பு என்னவென்றால் இது மற்ற அனைத்து ஆசனங்களையும் விட உடலுக்கு அதிக அளவில் நன்மை சேர்ப்பது.

இதன் நன்மைகளைப்பற்றி தெரிந்துகொள்ள வேண்டுமென்றால் நீங்கள் முதலில் நம்முடைய “தலைமையகத்தை”ப்பற்றி நன்கு தெரிந்துகொள்ளவேண்டும்.

தலைமையகத்தை பற்றியும் அதற்குள்ளிருந்து செயல்படும் ஆளுநரைப்பற்றியும் தெரிந்துகொள்ள வேண்டியது அவசியம். நம்முடைய ஆளுநரைபற்றி ஓரளவாவது தெரிந்துகொண்டால்தான் சிரசாசனம் நம் உடலில் ஏற்படுத்தும் நன்மைகளைப்பற்றியும் உங்களால் முழுமையாக புரிந்துகொள்ள முடியும். 

“ஆளுநர்” என்ற உடன் திரு. “ராஜேந்திர விஸ்வநாத் அர்லேகர்” (Rajendra Vishwanath Arlekar) அவர்களை கற்பனை செய்துகொள்ளாதீர்கள். அவர் தமிழ் நாட்டை ஆள்பவர்.

ஆனால் நான் சொல்லும் ஆளுநரோ வீட்டை ஆளுபவர். அதாவது உடல் என்னும் கூட்டை ஆளுபவர்.

ஆம்… நான் குறிப்பிடும் ஆளுநர் வேறுயாருமல்ல உடலின் மொத்த ஆரோக்கியத்திற்கும் காரணமாகவுள்ள “பிட்யூட்டரி” (Pituitary) என்னும் நாளமில்லா சுரப்பி.

இந்த “பிட்யூட்டரி”யானது ஆளுநர் என்றால் அவருக்கு பக்கத்தில் ஒரு துணை ஆளுநரும் இருக்கவேண்டுமல்லவா?

இருக்கிறார்…

அவர் பெயர் பினியல் (Pineal).

இவர்கள் இருவரும் இணைந்து நம் உடலில் நல்லதொரு ஆட்சியை கொடுக்கவில்லை என்றால் அவ்வளவுதான்.. மொத்த உடலும் வீழ்ச்சியை கண்டுவிடும்.

வீழ்ச்சியை சந்திக்கும் அளவிற்கு அப்படி என்னதான்   இருக்கிறது பிட்யூட்டரியில் என்கிறீர்களா?… எல்லாமே இருக்கிறது!!.. வாருங்கள் முதலில் பிட்யூட்டரி என்றால் என்ன என்பது பற்றியும், அதன்பின் Sirasasanam – சிரசாசனம் பற்றியும், இறுதியாக அது நம் உடலுக்கு ஏற்படுத்தும் நன்மைகளைப் பற்றியும் விரிவாக பார்ப்போம்.

Pituitary gland – பிட்யூட்டரி

”எண்சாண் உடம்புக்கு சிரசே பிரதானம்” என்றார் மூதறிஞரான நம் ஔவைப்பாட்டி. அத்துணை சிறப்பு பெற்றது நம் மூளை. ஏனெனில் நம்முடைய உடலின் ஒவ்வொரு அசைவையும் கட்டுப்படுத்துவது மூளையே.

இவ்வுடல் தொடர்ந்து இயங்குவதற்கான அத்தனை கட்டளைகளும் மூளையிலிருந்தே பிறப்பிக்கப்படுகின்றன. கட்டளைகள் மூளையிலிருந்து பிறப்பிக்கப்பட்டாலும் அக்கட்டளைகளை பொறுப்பேற்று செயல்படுத்துவதில் முக்கிய பங்காற்றுபவை உடலிலுள்ள சுரப்பிகள்தான்.

எனவே உடலின் உறுப்புகள் அனைத்தும் ஆரோக்கியமாக சுறுசுறுப்பாக இயங்க வேண்டுமெனில் அதில் சுரப்பிகளின் பங்கும் மிகமிக முக்கியமானது.

சுரப்பிகளில் நாளமுள்ள சுரப்பிகள் (endocrine glands), நாளமில்லா சுரப்பிகள் என இருவகையான சுரப்பிகள் இருந்தாலும் உடலின் வளர்ச்சிதை மாற்றத்திற்கு நாளமில்லா சுரப்பிகளின் பங்களிப்பே அதிக அளவில் உள்ளன.

அதுமட்டுமல்லாது உயிரினங்களின் இனப்பெருக்கம், பாலியல் தூண்டல் முதலியவற்றிற்கும் இதனுடைய பங்களிப்பு மிகமிக அவசியம்.

நம் உடலில் பல நாளமில்லா சுரப்பிகள் உள்ளன. அவையாவன –

• பிட்யூட்டரி (ஹைப்போபைஸிஸ்)
• பினியல் (Pineal)
• தைராய்டு
• பாரா தைராய்டு
• தைமஸ்
• கணையத்திலுள்ள பான்கிரியாஸ் (லாங்கர் ஹான் திட்டுகள்)
• இனப்பெருக்க சுரப்பிகள் (விந்தகம் மற்றும் அண்டச் சுரப்பிகள்)
• அட்ரீனல் சுரப்பி (கார்டெக்ஸ் மற்றும் மெடுல்லா)

இந்த சுரப்பிகள் ஒவ்வொன்றும் உடலில் பலவிதமான இயக்கங்களுக்கு இன்றியமையாதவை என்றாலும் பிட்யூட்டரி (ஹைப்போபைஸிஸ்) சுரப்பிக்கே ”தலைமை சுரப்பி” என்கிற கவுரவ டாக்டர் பட்டம் வழங்கி கவுரவிக்கப்பட்டுள்ளது.

Pituitary

“பிட்யூட்டரி சுரப்பி” (Pituitary Gland) அல்லது “ஹைப்போபைசிஸ்” என்பது நம் மூளையின் அடிப்பகுதியில் பட்டாணி போன்ற வடிவத்தை கொண்டுள்ள ஒரு சிறிய நாளமில்லா சுரப்பி. இதன் எடை வெறும் 0.5 கிராம் (சுமார் அரை கிராம்) மட்டுமே.

வெறும் அளவை வைத்து இதனை குறைவாக எடைபோட்டுவிடாதீர்கள்… கடுகு சிறுத்தாலும் காரம் குறைவதில்லை என்பதுபோல மூர்த்தி சிறியது என்றாலும் கீர்த்தியோ பெரியது.

ஏனெனில் உடலிலுள்ள அத்தனை நாளமில்லா சுரப்பிகளையும் கட்டுப்படுத்துவதும் இயக்குவதும் இதுதான். இதில் எதாவது பாதிப்பு ஏற்பட்டால் பிற அனைத்து நாளமில்லா சுரப்பிகளும் கடுமையாக பாதிக்கப்படும். எனவேதான் இந்த சுரப்பி “பிரதம சுரப்பி” அல்லது  ”தலைமை சுரப்பி” (Master gland) என்று அழைக்கப்படுகிறது.

பிட்யூட்டரி சுரப்பி பாதிப்படைந்தால் உடலிலுள்ள அனைத்து நாளமில்லா சுரப்பிகளின் இயக்கங்களும் பாதிப்புக்குள்ளாவதோடு உடலின் மொத்த இயக்கமும், ஆரோக்கியமும் பாதிப்புக்குள்ளாகும்.

ஏனெனில் இது உடலின் சமநிலையை ஒழுங்குபடுத்தும் ”ஹோமியோஸ்டாஸிஸ்” (Homeostasis) என்னும் ஹார்மோனை உற்பத்தி செய்வதோடு உடலிலுள்ள பிற அனைத்து நாளமில்லா சுரப்பிகளையும் தூண்டக்கூடிய ”டிரோபிக்” வகை ஹார்மோன்களையும் உற்பத்தி செய்கிறது. எனவேதான் இதற்கு நாம் “ஆளுநர்” அந்தஸ்த்தையும் அள்ளி கொடுத்துள்ளோம்.

உடலிலுள்ள அனைத்து நாளமில்லா சுரப்பிகளும் செயல்பட இதுவே தூண்டுதலாக இருப்பதால் இது ”சுரப்பிகளின் தலைவன்” (Master gland) என அழைக்கப்படுகிறது.

பிட்யூட்டரி சுரப்பி ஹார்மோனை குறைவாக சுரந்தால் பசியின்மை, உடலில் சர்க்கரை மற்றும் ரத்த அழுத்த குறைவு, பெண்களுக்கு பூப்படைதல் தள்ளிப்போதல், மாதவிடாய் சுழற்சியில் பாதிப்பு முதற்கொண்டு இன்னும் ஏரளாமான பிரச்சனைகளை சந்திக்க வேண்டியிருக்கும். 

அதேவேளையில் ஹார்மோனை அதிகமாக சுரந்தாலோ இரத்த அழுத்தம், தலைவலி அதிகரிப்பதோடு பார்வைக் குறைபாடும் ஏற்படும். உடல் எடை அதிகரிக்கும். இன்னும் கணக்கிலடங்காத பலவித பாதிப்புகளையும் ஏற்படுத்தும்.

Pineal

Sirasasanam – சிரசாசனம். அதெல்லாம் சரிதான் அதன் பக்கத்திலேயே “துணை ஆளுநர்” போஸ்ட்டில் உட்கார்ந்து இருக்கிறாரே மிஸ்டர் “பினியல்” (Pineal gland). அதனுடைய பணி இன்னா என்கிறீர்களா?

இந்த பினியல் சுரப்பிக்கும் முக்கியமான பொறுப்புகள் ஒதுக்கப்பட்டுள்ளன. எமர்ஜென்ஸி காலங்களில் சில முக்கியமான முடிவுகளை எடுக்கும் அதிகாரம் இதற்கு உள்ளது என்றாலும் இதன் முக்கியமான பணி காலநேரம் அறிந்து ”மெலட்டோனின்” என்னும் ஹார்மோனை சுரக்க செய்வதே.

இந்த ஹார்மோனின் உதவியால்தான் நமக்கு அன்றாடம் தேவைப்படும் தூக்கத்தின் கால அளவு கட்டுப்படுத்தப்படுகிறது.

தூக்கம் இல்லையென்றால் அது நம் ஆரோக்கியத்தில் மிகப்பெரிய தாக்கத்தை ஏற்படுத்துமல்லவா? எனவே இந்த துணை ஆளுநராக “பினியல்” சுரப்பியும் ஆரோக்கியத்தை கட்டிக்காப்பதில் இரவுபகல் பாராமல் கடுமையாக உழைக்கிறார்.

ஆஹா.. கேக்கும்போதே பிரமிப்பாக இருக்கிறதே என்கிறீர்களா? ஆம் இந்த பிரமிப்பை இன்னும் அதிகப்படுத்துவதுதான் நாம் இனி பார்க்கப்போகும் சிரசாசனம்!!

வாவ்… பிரமிப்பை அதிகப்படுத்தும் அளவிற்கு சிரசாசனத்தில் அப்படி என்ன சிறப்பு  இருக்கிறது என்கிறீர்களா?

இருக்கிறது… மேற்குறிப்பிட்டுள்ள பிட்யூட்டரி மற்றும் பினியல் சுரப்பிகளை தொய்வில்லாமல் சிறப்பாக செயலாற்ற தூண்டுவதே இதனுடைய மாபெரும் சிறப்பு.

இன்னாது சிரசாசமானது ஆளுநரையும், துணை ஆளுநரையும் சிறப்பாக செயல்பட தூண்டுகிறதா? அது எப்படி?

அது எப்படி என்பதை அறியவேண்டுமென்றால்.. சிரசாசனம் என்றால் என்ன?.. அதனை எப்படி பயிற்சி செய்வது? என்பதனை முதலில் அறிய வேண்டும்.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்….

சிரசாசனம் – செய்முறை

“ஆசனம்” என்றால் இருக்கை. “சிரசு” என்றால் தலை. தலையை தரையில் ஊன்றி சிறிதுநேரம் இருப்பதால் இதற்கு “Sirasasanam – சிரசாசனம்” என்று பெயர்.

இப்பயிற்சியால் தலை, கழுத்து முதலிய அவயங்களுக்கும் அதனை சார்ந்த அனைத்து உறுப்புகளுக்கும் அழுத்தம் மற்றும் புதிய ரத்தங்கள் பாய்ச்சப்படுகின்றன.

இப்பயிற்சியால் சோர்ந்து போயிருக்கும் தலையிலுள்ள சுரப்பிகளான “பிட்யூட்டரி” மற்றும் “பினியல்” சுரப்பிகள் இரண்டிற்கும் அழுத்தத்துடன் கூடிய புதிய ரத்தங்கள் பாய்ச்சப்படுவதால் சுறுசுறுப்பாக மாறுகின்றன.

இந்த பயிற்சி  செய்யும்போது வயிறு காலியாக இருக்க வேண்டியது அவசியம்.

ஒரு விரிப்பின் மீது ஜமுக்காளத்தை நான்காக மடித்து வைக்கவும்.

அதன் முன்னால் முழங்காலிட்டு அமர்ந்து கொண்டு இரு கைகளின் விரல்களையும் பிணைத்து உள்ளங்கைகள் உங்களை நோக்கி இருக்கும் படி தரையில் அமைக்கவும்.

தலையை அந்த இரு உள்ளங்கைகளுக்கும் இடையில் தரையில் ஊன்றி இரு கைகளையும் தலையின் இருபக்கங்களிலும் முட்டுக்கொடுத்து மூச்சை உள்ளுக்கு இழுத்து நிறுத்திக்கொண்டே இடுப்பு, கால்களை மெதுவாக மேல்நோக்கி தூக்கி உடலை நேராக தலைகீழாக நிறுத்தவும்.

உங்களின் உடல் எடையின் பெரும்பகுதியை தலை சுமக்காமல் உங்களின் இரு கைகளுமே தாங்கும்படி பார்த்துக்கொள்ளுங்கள்.

ஆரம்பகட்டத்தில் நீங்கள் எந்த பிடிமானமும் இல்லாமல் இந்த பயிற்சியை மேற்கொண்டீர்கள் என்றால் “பில்டிங் ஸ்ட்ராங்கு ஆனா பேஸ்மெண்ட் கொஞ்சம் வீக்கு” என்பதுபோல உடல் மொத்தமும் ஒரு பக்கமாக சாய்ந்துவிடும்.

எனவே சரியாக செய்ய பழகும்வரை சுவரின் அருகில் அதாவது இரு சுவர்கள் இணையும் முக்குச்சந்தில் நின்று பயிற்சி மேற்கொள்ள வேண்டியது அவசியம். சில வாரங்கள் தொடர்ந்து பழகிவர அதன்பின் சுவரின் துணையில்லாமலேயே தனியாக நின்று பழகும் திறன் வந்துவிடும்.

இந்த ஆசனத்தில் இருக்கும்போது மூச்சை இயல்பாக விடவும். 3 நிமிடம் முதல் 5 நிமிடம்வரை இந்த ஆசனத்தில் இருந்தால் போதுமானது.

3 அல்லது 5 நிமிடம் கடந்த பின்பு ஒவ்வொரு கால்களாக மெதுவாக கீழே இறக்கி சகஜ நிலைக்கு வரவும்.

இந்த சிரசாசனத்தில் ஈடுபடும்போது கழுத்து, இடுப்பு, கால்கள் என எந்த இடத்தையும் வளைக்காமல் உடல் நேர்கோட்டில் இருக்கவேண்டியது அவசியம். ஆரம்பத்தில் கால்களை மேலே தூக்குவதற்கு கடினமாக இருந்தால் ஒரு நம்பிக்கையான மனிதரின் உதவியை நாடலாம். சில நாட்களில் யாருடைய துணையும் இல்லாமல் தனியாவே பயிற்சி செய்யும் வலிமையை உடல் பெற்றுவிடும்.

Sirasasanam – சிரசாசனம் – பயிற்சியின் பலன்கள்

இந்த Sirasasanam – சிரசாசனம் பயிற்சியினால் நாம் முன்பு பார்த்த பிட்யூட்டரி மற்றும் பினியல் சுரப்பிகள் நன்கு அழுத்தப்படுவதோடு நல்ல இரத்த ஒட்டத்தையும் பெறுமாதலால் பிட்யூட்டரி குறைபாட்டால் ஏற்படும் அனைத்து நோய்களையும் வரவிடாமல் தடுக்கும் ஆற்றல் இந்த ஆசனத்திற்கு உண்டு. இதுவே இதன் சிறப்பு.

மேலும் இப்பயிற்சியால் கழுத்து, தலைகளிலுள்ள அத்தனை உறுப்புகளுமே பலமாகும். முதுகு, முதுகெலும்புகளும் பலம்பெறும்.

தலைவலி, காதுவலி மற்றும் கண் சம்பந்தமான பிரச்சனைகளும் நீங்கும். 

இப்பயிற்சியானது மூளைக்கு இரத்த ஓட்டத்தை அதிகரிப்பதுடன் முதுகு தசைகளை உறுதியாக்கி முதுகு தண்டையும் பலப்படுத்துகிறது.

நரம்பு மண்டலத்தை பலப்படுத்தி, ஹார்மோன் இயக்கத்தை மேம்படுத்தி, நோயெதிர்ப்பு திறனையும் அதிகப்படுத்துகிறது.

நுரைஈரலையும் வளப்படுத்தி மூச்சு சம்பந்தமான பிரச்சனைகள் வராமல் பாதுகாக்கிறது.

அதுமட்டுமல்லாமல் பெண்களுக்கு மாதவிடாய் கோளாறுகளையும் சீர்செய்கிறது.

மாற்று ஆசனம்

யோகாசனம் பயில்பவர்கள் “மாற்று ஆசனம்” என்னும் ஒரு சொற்றொடரை அடிக்கடி கேள்விப்பட்டிருக்கலாம். இப்போது இந்த “மாற்று ஆசனம்” என்பது என்ன என்பதனை பார்ப்போம்….

நீங்கள் யோகாசனங்கள் பயிலும்போது ஒரு குறிப்பிட்ட பயிற்சியில் உங்கள் உடல் ஒரு பக்கமாக வளைக்கப்படுவதாக வைத்துக்கொள்வோம். அல்லது திருகப்படுவதாக வைத்துக்கொள்வோம். அதற்கு அடுத்து செய்யப்படும் ஆசனமானது அதற்கு எதிர்பக்கமாக வளைக்கப்படுவதாக அல்லது திருகப்படுவதாக இருக்கும்படி பார்த்துக்கொள்ள வேண்டும்.

இவ்வாறு செய்தால்தான் அனைத்து உறுப்புகளுக்கும் சரிசமமாக பயிற்சி கொடுத்ததாக அமையும். நரம்பு சுளுக்கு, வலி, தசைப்பிடிப்பு முதலிய பிரச்சனைகள் தலைதூக்காமலும் இருக்கும்.

பொதுவாக யோகாசனங்களில் பெரும்பாலான ஆசனங்கள் இரு பக்கங்களிலும் மாறிமாறி பயிற்சி கொடுப்பதாகவே இருக்கும். ஆனால் சில ஆசனங்களுக்கு மட்டும் அப்படி பயிற்சி செய்வதற்கான வாய்ப்பு அமைவதில்லை.

அப்படியான ஆசனங்களை பயிற்சி செய்து முடித்தவுடன் அதற்கு எதிரிடையான வகையில் உடலை வளைத்து செய்யக்கூடிய ஆசனத்தை தேர்ந்தெடுத்து பயிற்சி செய்வது மிகமிக முக்கியம். அவ்வாறான ஆசனத்தையே “மாற்று ஆசனம்” என்பர்.

மாற்று ஆசனம் என்றால் முந்தைய ஆசனத்திற்கு நேர் எதிரிடையாக, மாற்றாக அதாவது மாறுபட்ட கோணத்தில் உடலை அமைத்து செய்யப்படும் ஆசனம் என்று பொருள்.

அந்த வகையில் இந்த சிரசாசனத்திற்கு மாற்று ஆசனமாக விளங்குவது “விருட்சாசனம்“.

சிரசாசனத்தில் உடல் தலைகீழாக்கப்பட்டு தலை மற்றும் கழுத்துக்கு அழுத்தம் கொடுக்கப்படுவதால் உடலிலுள்ள பெரும்பாலான இரத்தமானது தலை, கழுத்துகளை நோக்கி பாயும். அதற்கு அடுத்த ஆசனமாக விருட்சாசனம் செய்யும்போது சிரசாசனத்துக்கு நேர் எதிராக இரு கால்களுக்கும் மாறிமாறி அதிக அளவு அழுத்தம் கொடுக்கப்படுவதால் சிரசாசனத்தின் மூலமாக தலைக்கு செலுத்தப்பட்டு அங்கு தேங்கி நிற்கும் இரத்தம் மீண்டும் கால்களைநோக்கி இழுக்கப்படும். இதனால் பயிற்சியினால் ஏற்படக்கூடிய சில பக்கவிளைவுகள் தடுக்கப்படும். இதுதான் மாற்று ஆசனத்திற்கான கான்செப்ட்டுங்க.

அதனாலதான் சொல்லுறேன் “சிரசாசனம்” செய்து முடித்தவுடன் அதற்கு அடுத்த ஆசனமாக “விருட்சாசனம்” (Vrikshasana – Tree Pose) செய்யுங்க… அப்படி செய்தால்தான் சிரசாசனத்தின் முழுபலன்களும் உங்களுக்கு கிடைக்கும். சிலவிதமான பக்கவிளைவுகளிலிருந்தும் தப்ப முடியும்.

இதனை கேட்டவுடன் உங்களுக்கு விருட்சாசனத்தை பற்றி அறிந்துகொள்ள ஆர்வம் மேலோங்குகிறதல்லவா…

எனக்கும் உங்களுக்கு சொல்லித்தரவேண்டும் என்னும் ஆர்வம் கொஞ்சம் ஜாஸ்தியாத்தான் இருக்கு.

யாமிருக்க பயமேன்…

அடுத்து கொடுக்கப்பட்டுள்ள “விஷீவல் லிங்க்” (visual link preview) உங்களுக்காகத்தான்… ஜோரா கைதட்டிக்கிட்டு அப்படியே விஷீவல் லிங்க் பேனரிலும் ஒரு தட்டு தட்டுங்க….

இதேபோல வேறு சில ஆசனங்களுக்கும் மாற்று ஆசனங்கள் உள்ளன. அவைகள் எவையென்பதனை அறிந்து அதற்கான விதிமுறைகளை தவறாது கடைப்பிடித்து பயனடையுங்கள்.

எச்சரிக்கை

இப்போதுதான் நீங்கள் யோகா பயிற்சியை ஆரம்பிக்கிறீர்கள் என்றால் எடுத்த எடுப்பிலேயே சிரசாசன பயிற்சியில் ஈடுபட வேண்டாம். வேறு பலவிதமான யோக பயிற்சிகளில் ஈடுபட்டு உடலை நன்கு பண்படுத்தியபின் சிரசாசன பயிற்சியில் ஈடுபடலாம்.

சிரசாசன பயிற்சியில் ஈடுபடுவதற்கு முன்னால் ஓரிரு மாதங்கள் “அர்த்த சிரசாசனம்” என்னும் பயிற்சியில் நன்கு தேர்ச்சிபெற்று அதன்பின் இப்பயிற்சியை மேற்கொள்ளவும்.

“அர்த்த சிரசானம்” பயிற்சியைப்பற்றி அறிய அடுத்து கொடுக்கப்பட்டுள்ள “விஷீவல் லிங்க்” (visual link preview) ஐ தட்டுங்க…. அடுத்த வினாடியே உங்கள் கண்முன்னால் அர்த்த சிரசாசனத்தை நீங்கள் காணலாம்.

சரி,… இனி யார்யாரெல்லாம் இந்த Sirasasanam – சிரசாசனம் பயிற்சி செய்ய கூடாது என்பதனை பார்க்கலாம்.

இரத்த அழுத்த நோய் உள்ளவர்கள் கண்டிப்பாக இந்த பயிற்சியை மேற்கொள்ளக்கூடாது.

உணவு உண்டவுடனோ அல்லது வயிற்றில் உணவு நிரம்பியிருக்கும் சமயத்திலோ இந்த பயிற்சியை செய்யக்கூடாது. இப்பயிற்சியில் ஈடுபடும்போது வயிறு காலியாக இருக்கும்படி பார்த்துக்கொள்ளவும். 

கழுத்துவலி, முதுகுத்தண்டு மற்றும் இடுப்பு சம்பந்தமான கோளாறுகள் உள்ளவர்கள் கண்டிப்பாக சிரசாசன பயிற்சியில் ஈடுபட கூடாது.

முழங்கைகள், தோள்கள், விலா எலும்புகள், மூட்டுகளில் காயம் உள்ளவர்கள் இந்த ஆசனத்தை தவிர்க்க வேண்டும். அறுவை சிகிச்சை செய்துகொண்டவர்களும் இந்த பயிற்சியை தவிர்க்க வேண்டும்.

இரத்த அழுத்தம் மற்றும் கண் அழுத்த நோய்களுடன் பல்வலி, மூட்டுவலி, இதயம், சிறுநீரக கோளாறு மற்றும் குடலிறக்க பிரச்னை உள்ளவர்கள் சிரசாசனம் செய்தல் கூடாது.

ஆஸ்துமா, மூச்சு சம்பந்தமான பிரச்சனையுள்ளவர்கள் இந்த பயிற்சியை கைவிட வேண்டும்.

தலைசுற்றல், தலைவலி, கடுமையான ஒற்றை தலைவலி உள்ளவர்கள் கண்டிப்பாக இந்த ஆசனத்தை செய்தல் கூடாது.

ஏழு வயதுக்குட்பட்ட குழந்தைகளின் மண்டை ஓடுகள் முழுமையாக இணைக்கப்படாமலும், போதுமான அளவு இன்னும் வளர்ச்சி அடையாமலும் இருக்குமாதலால் இந்த ஆசனத்தின்மூலம் பாதிப்படைய அதிகம் வாய்ப்புள்ளதால் 7 வயதுக்கு உட்பட்ட குழந்தைகள் இந்த ஆசனத்தை கண்டிப்பாக செய்தல் கூடாது.

மேலும் அதிக உடல் எடை கொண்டவர்கள் இப்பயிற்சி செய்வதை முற்றிலுமாக தவிர்க்க வேண்டும். கர்ப்பிணி பெண்களும் இப்பயிற்சியில் ஈடுபடுவதை முற்றிலுமாக தவிர்க்க வேண்டும்.

இந்த ஆசனத்தை பயிற்சி செய்யும்போது கழுத்தில் வலி தோன்றினால் உடனடியாக ஆசனம் செய்வதை நிறுத்திவிடவும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கழுத்து, தலைகளிலுள்ள அத்தனை உறுப்புகளுமே பலமாகின்றன. முதுகு, முதுகெலும்புகளும்கூட பலம் பெறுகின்றன.

தலைவலி, காதுவலி மற்றும் கண் சம்பந்தமான பிரச்சனைகளும் நீங்கும். 

இப்பயிற்சியானது மூளைக்கு இரத்த ஓட்டத்தை அதிகரிப்பதுடன் முதுகு தசைகளை உறுதியாக்கி முதுகு தண்டையும் பலப்படுத்துகிறது.

நரம்பு மண்டலத்தை பலப்படுத்தி, ஹார்மோன் இயக்கத்தை மேம்படுத்தி, நோயெதிர்ப்பு திறனையும் அதிகப்படுத்துகிறது.

நுரைஈரலையும் வளப்படுத்தி மூச்சு சம்பந்தமான பிரச்சனைகள் வராமல் பாதுகாக்கிறது.

அதுமட்டுமல்லாமல் பெண்களுக்கு மாதவிடாய் கோளாறுகளையும் சீர்செய்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இரத்த அழுத்த நோய், கழுத்துவலி, முதுகுத்தண்டு மற்றும் இடுப்பு சம்பந்தமான கோளாறுகள் உள்ளவர்கள் கண்டிப்பாக சிரசாசன பயிற்சியில் ஈடுபட கூடாது என்பதனை பார்த்தோம்.

முழங்கைகள், தோள்கள், விலா எலும்புகள், மூட்டுகளில் காயம் உள்ளவர்கள் இந்த ஆசனத்தை தவிர்க்க வேண்டும். அறுவை சிகிச்சை செய்துகொண்டவர்களும் இந்த பயிற்சியை தவிர்க்க வேண்டும்.

கண் அழுத்த நோய்களுடன் பல்வலி, மூட்டுவலி, இதயம், சிறுநீரக கோளாறு மற்றும் குடலிறக்க பிரச்னை உள்ளவர்கள் சிரசாசனம் செய்தல் கூடாது.

ஆஸ்துமா, மூச்சு சம்பந்தமான பிரச்சனையுள்ளவர்கள் இந்த பயிற்சியை கைவிட வேண்டும்.

தலைசுற்றல், தலைவலி, கடுமையான ஒற்றை தலைவலி உள்ளவர்கள் கண்டிப்பாக இந்த ஆசனத்தை செய்தல் கூடாது.

கர்ப்பிணி பெண்களும் இப்பயிற்சியில் ஈடுபடுவதை முற்றிலுமாக தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “ஒற்றை தலைவலி” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Sirasasanam – சிரசாசனம் appeared first on Personality Fitting.

ஆசன பயிற்சியில் பலவருடம் தொடர்ந்து தேர்ச்சி பெற்றவர்களாலேயே சிரசாசனத்தை பிழையின்றி பயில முடியும்.

ஆனால், நாம் இப்போது பார்க்கப்போகும் ஆசனமானது அனைவராலும் எளிதாக பயிற்சி செய்யக்கூடியதாகவே அமைந்துள்ளது.

சிரசாசனம் பயிற்சி செய்ய விருப்பமுள்ளவர்கள் ஆரம்பத்தில் நாம் இப்போது பார்க்கப்போகும் ஆசனத்தில் நன்கு தேர்ச்சிபெற்றபின் சிரசாசனம் செய்ய தொடங்கலாம். இதுவும் சிரசாசனம் போலவேதான் என்றாலும் அதில் பாதி.

நாம் இப்போது பயிற்சி செய்யப்போகும் ஆசனத்தின் பெயர் “அர்த்த சிரசாசனம்” (Half Headstand).

அர்த்த சிரசாசனம் – அடிப்படைத் தகவல்கள்.

பெயர் – Artha sirsasana.

தமிழில் – அர்த்த சிரசாசனம்.

சமஸ்கிருதம் – Artha sirsasana.

ஆங்கிலம் – Half Headstand pose on forearms.

வேறுபெயர்கள் – Artha sirsasana on forearms, Upward Facing Staff Pose.

ஆசனத்தின் நிலை – Prone, Forearms, Head and shoulders, Toe Balances, Arm Balances.

பயிற்சியின் கடின தன்மை – Intermediate.

உடல் கோணம் – Inversion, Stretch, Strength, Forward-Bend.

“அர்த்த” என்பது வடமொழிச்சொல். இதற்கு பாதி என்று பொருள். “சிரசு” என்றால் தலை என்று பொருள். எனவே அர்த்த சிரசாசனம் (Artha Sirsasana) என்றால் “பாதி சிரசாசனம்” என்று பொருள்படும்.

சிரசாசனத்தில் முழு உடலும் மேல்நோக்கியபடி அமைந்திருக்கும். ஆனால் இந்த அர்த்த சிரசாசனத்தில் தலையிலிருந்து இடுப்புவரை மட்டுமே மேல்நோக்கி இருக்கும் எனவேதான் இது பாதி சிரசாசனம் என்னும் பொருள்படும்படி “அர்த்த சிரசாசனம்” என அழைக்கப்படுகிறது.

சரி,.. இனி இதை எவ்வாறு பயிற்சி செய்வது என்பதை பார்ப்போம்.

Artha Sirsasana – அர்த்த சிரசாசனம் – பயிற்சி முறை

கெட்டியான ஜமுக்காளத்தை நான்காக மடித்துப்போட்டு அதன்மேல் மண்டியிட்டு உட்காரவும்.

இரு கைகளின் விரல்களையும் பிணைத்து உள்ளங்கைகள் உங்களை நோக்கியிருக்கும் படி விரிப்பின்மீது அமைக்கவும்.

தலையை அந்த இரு உள்ளங்கைகளுக்கும் இடையில் தரையில் ஊன்றி இரு கைகளையும் தலையின் இரு பக்கங்களிலும் முட்டுக்கொடுத்து மூச்சை உள்ளுக்கு இழுத்து நிறுத்திக்கொண்டே இடுப்பை மேல்நோக்கி உயர்த்தவும்.

இரு கால்களையும் ஒருசேர வைக்கவும். இப்போது உங்கள் உடல் பார்ப்பதற்கு முக்கோண வடிவில் இருக்கும். உங்கள் உடலின் முழு பளுவும் இரு கைகளும், இரு கால்களும் தாங்கியபடி இருக்கவேண்டும். கண்களை மூடிக்கொண்டு மூச்சை சீராக விடவும்.

30 வினாடிகள் இதே நிலையில் இருந்து அதன்பின் கால்களை மடக்கி இயல்புநிலைக்கு வந்து முன்புபோல் மண்டியிட்டு உட்காரவும்.

தரையிலிருந்து தலையை தூக்கும் போது மெதுவாக தூக்கவும். வேகமாக தூக்கினால் சிலருக்கு தலைச்சுற்று ஏற்படலாம்.

சில வினாடிகள் ஓய்வுக்குப்பின் மீண்டும் முன்போல் இதே பயிற்சியை செய்யவும்.

இப்பயிற்சியை திரும்ப திரும்ப 3 முதல் 7 தடவைகள்வரை செய்துவரலாம்.

பயிற்சியின் பலன்கள்

இப்பயிற்சியால் தலைப்பகுதிக்கு இரத்த ஓட்டம் அதிகரிப்பதால் மூளை சுறுசுறுப்பு பெற்று ஞாபகசக்தி அதிகரிக்கிறது. எனவே இது மாணவர்களுக்கான ஒரு சிறந்த பயிற்சியாக கருதப்படுகிறது.

தலைசார்ந்த அனைத்து நோய்களும் நீங்குவதுடன் கண், காது, மூக்கு சார்ந்த பிரச்சனைகள் நீங்குவதுடன் கண்களும் கூர்மையடைகின்றன.

தலை, கழுத்து பகுதிகளில் அமைந்துள்ள பிட்யூட்டரி (Pituitary gland) மற்றும் தைராய்டு (Thyroid gland) சுரப்பிகளுக்கு செல்லும் இரத்தத்தின் அளவு அதிகரிப்பதால் உடலிலுள்ள பிரச்சனைகள் அனைத்தும் அகலுவதுடன் உடலும் சுறுசுறுப்படைகின்றன.

இப்பயிற்சியால் மூளையின் செயல்பாடு அதிகரிப்பதோடு கழுத்து, கை, கால், தோள் மற்றும் முதுகெலும்புகள் வலிமையடைகின்றன.

இருதயம் மற்றும் நுரையீரல்களின் செயல்பாடுகளும் அதிகரிக்கின்றன.

கூந்தல் வளர்ச்சியை அதிகரிப்பதுடன் முடி உதிர்தலை தடுத்து நிறுத்துகின்றன.

முக்கிய குறிப்புகள்

ஆண், பெண் இருபாலரும் இப்பயிற்சியை செய்துவரலாம் என்றாலும் தலையில் அறுவை சிகிச்சை செய்து கொண்டவர்கள், அதிக உடல் எடை உள்ளவர்கள், இரத்த அழுத்த கோளாறு உள்ளவர்கள், கண்நோய், காதுவலி, பல்வலி முதலியவைகளால் அவதியுறுபவர்கள், படபடப்பாக உணர்பவர்கள், கழுத்து மற்றும் முதுகுத்தண்டில் பிரச்சனை உள்ளவர்கள் இப்பயிற்சி செய்வதை தவிர்க்க வேண்டும்.

மேலும் இதய நோய் உள்ளவர்களும் இந்த பயிற்சியை கவனமாக கையாளவேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக தலை, கழுத்து, கண், காது, மூக்கு, கை, கால், தோள் மற்றும் முதுகெலும்புகள் வலிமையடைகின்றன.

தலை, கழுத்து பகுதிகளில் அமைந்துள்ள பிட்யூட்டரி (Pituitary gland) மற்றும் தைராய்டு (Thyroid gland) சுரப்பிகளுக்கு செல்லும் இரத்தத்தின் அளவு அதிகரிப்பதால் உடலிலுள்ள பிரச்சனைகள் அனைத்தும் அகலுவதுடன் உடலும் சுறுசுறுப்படைகின்றன.

இப்பயிற்சியால் மூளையின் செயல்பாடு அதிகரிப்பதோடு, வலிமையடைகின்றன.

இருதயம் மற்றும் நுரையீரல்களின் செயல்பாடுகளும் அதிகரிக்கின்றன.

கூந்தல் வளர்ச்சியை அதிகரிப்பதுடன் முடி உதிர்தலை தடுத்து நிறுத்துகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் தலையில் அறுவை சிகிச்சை செய்து கொண்டவர்கள், அதிக உடல் எடை உள்ளவர்கள், இரத்த அழுத்தம், கண்நோய், இதய நோய், காதுவலி, பல்வலி, கழுத்து மற்றும் முதுகுத்தண்டில் பிரச்சனை உள்ளவர்கள் இப்பயிற்சி செய்வதை தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “முடி உதிர்தல்” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Artha Sirsasana – அர்த்த சிரசாசனம் appeared first on Personality Fitting.