Aardha Bhujangasana அர்த்த புஜங்காசனம் Aardha Bhujangasana. யோகாசனங்களில் அனைத்து வயதினரும் எளிதாக கற்றுக்கொள்ள முடியாத, பயிற்சி செய்வதற்கு மிகவும் கடினமாக உள்ள ஆசனங்கள் பல இருக்கின்றன. பலருடைய உடல் கடினமான ஆசனங்களை செய்வதற்கு வளைந்து கொடுப்பதில்லை. ஆனால், அதே வேளையில் அனைவராலும், அனைத்து வயதினராலும் எளிதாக செய்யக்கூடிய ஆசனங்களும் நிறைய இருக்கின்றன. எனவே வயதானவர்கள் மற்றும் உடல் நெகிழ்ந்து கொடுக்கும் தன்மை குறைவாக இருப்பவர்கள் கடின ஆசனங்களை பயில முயற்சி செய்து பல உடல் பிரச்சனைகளை வருவித்துக் கொள்வதை விட மிக எளிதாக இருக்கும் யோகாசனங்களை தேர்ந்தெடுத்து பயிற்சி செய்து வருவதே சிறப்பு. நோயற்ற ஆரோக்கிய வாழ்க்கையை விரும்புபவர்கள் தினந்தோறும் காலை அல்லது மாலை அல்லது இரு வேளைகளும் சில எளிய வகையான ஆசனங்களை தேர்ந்தெடுத்து அவற்றை தொடர்ந்து பயிற்சி செய்து வரலாம். அப்படியான ஒரு எளிய ஆசனத்தைப் பற்றித்தான் இந்த பதிவில் பார்க்க இருக்கின்றோம். அர்த்த புஜங்காசனம்... ஆம்,... நாம் இப்போது குழந்தைகள், பெண்கள், வயதானவர்கள் என அனைவராலும் எளிதில் பயிற்சி செய்யும் விதமாக அமைந்துள்ள எளிய ஆசனமான ”அர்த்த புஜங்காசனம்” (Aardha Bhujangasana) பற்றிதான் இப்பதிவில் பார்க்க இருக்கின்றோம்... வாருங்கள் பார்க்கலாம்... Aardha Bhujangasana - Basic information அர்த்த புஜங்காசனம் - அடிப்படைத் தகவல்கள் பெயர் - Aardha Bhujangasana. தமிழில் - அர்த்த புஜங்காசனம். சமஸ்கிருதம் - Aardha Bhujangasana. ஆங்கிலம் - Half Cobra Pose. வேறுபெயர்கள் Salamba Bhujangasana. Sphinx Pose. Baby Cobra Pose. Niravalasana. Yin yoga Sphinx Pose. ஆசனத்தின் நிலை - Prone, Forearms, Abdomen. பயிற்சியின் கடின தன்மை - Beginner. உடல் கோணம் - Back-Bend. “புஜம்” என்றால் தோள்பட்டையை சுற்றியுள்ள பகுதிகளைக் குறிக்கும் சொல். ஆசனம் செய்யும்போது இடுப்புக்கு மேல் உள்ள உடலின் பளு முழுமையையும் புஜமே தாங்குவதால் அதற்கு "புஜங்காசனம்" என்று பெயர். ஆனால்,.. இங்கு நாம் பார்த்துக் கொண்டிருப்பது புஜங்காசனம் அல்ல. மாறாக "அர்த்த புஜங்காசனம்" பற்றி பார்த்துக் கொண்டிருக்கின்றோம். "அர்த்த" என்றால் "பாதி" என்று பொருள். புஜங்காசனத்தைப்போல உடலின் பளு முழுவதையும் புஜம் தாங்குவதில்லை. பாதியைத்தான் புஜம் தாங்குகின்றன. மீதி பாதியை வயிறு தாங்குகின்றன. எனவே பாதி பளுவை மட்டுமே புஜம் தாங்குவதால் இதற்கு பாதி புஜங்காசனம் அதாவது “அர்த்த புஜங்காசனம்” (Aardha Bhujangasana) என பெயர் பெறுகிறது. ஆனால், இந்த "அர்த்த புஜங்காசனம்" என்னும் பெயருக்கு வேறு ஒரு கதையும் சொல்லப்படுகிறது. வடமொழியில் “புஜங்கம்” என்பது ஊர்ந்து செல்லும் பாம்பைக் குறிக்கிறது என்றும் இந்த ஆசனத்தில் அமரும்போது நம் கழுத்து, தலை முதலியனவற்றின் அமைப்பு பார்ப்பதற்கு நல்லபாம்பு படம் எடுப்பதுபோல தோற்றமளிப்பதால் இதற்கு “அர்த்த புஜங்காசனம்” என்று பெயர் வந்ததாகவும் சொல்லப்படுகிறது. ஆனால் இந்த பாம்பு கதைகளெல்லாம் சரியானதாகப்படவில்லை. இது பின்னாளில் நம்மவர்கள் ஏற்படுத்திய புனைவு கதைகளாக இருக்கலாம். ஏனெனில் கடவுள்களின் தோள்மீது (புஜம் மீது) படம் எடுத்து நிற்பதால் அந்த பாம்பை மட்டும்தான் வடமொழியில் "புஜங்கன்" என அழைக்கிறார்களாம். புதருக்குள் செல்லும் பாம்புகளுக்கெல்லாம் புஜங்கன் என்று பெயரில்லையாம். எனவே புதருக்குள் செல்லும் பாம்பு மட்டுமே நிஜம் என்பதாலும். புஜத்திற்கு மேல் படம் எடுத்து நிற்கும் பாம்புகளெல்லாம் வெறும் கற்பனை கதாபத்திரங்கள் என்பதால்... கற்பனை கதைகளை புறந்தள்ளி நாம் நிஜத்தை மட்டுமே இங்கு பார்க்க இருப்பதால் "அர்த்த புஜங்காசனம்" பெயருக்கு கூறப்படும் கற்பனை புனைவு பாம்பு கதையை புறம்தள்ளி விடுவோம். Practice of Aardha Bhujangasana அர்த்த புஜங்காசனம் - செய்முறை முதலில் ஒரு விரிப்பில் இரு கால்களையும் ஒன்று சேர்ந்தாற்போல நேராக நீட்டி குப்புற படுக்கவும். இரு கைகளையும் தோள்பட்டைக்கு இணையாக கிடைமட்டமாக வைக்கவும். பின் இரு கைகளின் உள்ளங்கைகளையும் தலையின் அருகில் இரு பக்கங்களிலும் வைத்து கழுத்தை நிமிர்த்தி தலையை மெதுவாக மேலே தூக்கவும். வயிற்றிலிருந்து தலைவரை உடல் மேலெழும்பியபடி இருக்கவேண்டும். முழங்கை மற்றும் உள்ளங்கைகள் தரையில் படிந்தபடி இரு கைகளும் ” ட” வடிவத்தில் இருக்க வேண்டும். இரு கால்களின் மேல் பாதங்களும் தரையில் படர்ந்தபடி இருக்க வேண்டும். இந்த ஆசனத்தில் 15 முதல் 20 வினாடிகள் இருந்து பழைய நிலைக்கு திரும்பவும். இந்த ஆசனத்தை 5 அல்லது 6 தடவை பயிற்சி செய்யவும். Benefits of Training பயிற்சியின் பலன்கள் ”அர்த்த புஜங்காசனம்” (Aardha Bhujangasana) என்னும் இந்த ஆசனமானது சுவாசக்கோளாறு உட்பட மார்பு சம்பந்தப்பட்ட அனைத்து பிரச்சனைகளையும் சீர் செய்வதோடு மலச்சிக்கலையும் நிவர்த்தி செய்யும் வல்லமை கொண்டது. இது முதுகெலும்பையும், தோள்பட்டையையும் வலுவாக்கும். மார்பு மற்றும் வயிறு பலம் பெறும். சுவாசக்கோளாறுகளை சரி செய்யும். மலச்சிக்கல் விலகும். https://youtu.be/De6jlpHQS8I பெண்களுக்கு மாதவிடாய் கோளாறுகள் நீங்கும். சிறிய இடையை விரும்பும் பெண்கள் அவசியம் செய்ய வேண்டிய ஆசனம் இது. ஏனென்றால் எவ்வளவு பெரிய "தடி" இடையாக இருந்தாலும் அதை "பிடி" இடையாக மாற்றும் திறன் இதற்கு உண்டு. இதனுடன் எளிமையான வேறு சில ஆசனங்களையும் சேர்த்து பயிற்சி செய்து வர "பிடி" இடையும் "கொடி" இடையாக மாற அதிக வாய்ப்பு உண்டு. எது எப்படியோ... ஒவ்வொரு தடவையும் ஆசனப் பயிற்சியை நிறைவு செய்யும்போது கடைசி ஆசனமாக ”சவாசனம்” கண்டிப்பாக செய்ய வேண்டும் என்பதனை கவனத்தில் கொள்ளவும்.
Aardha Bhujangasana அர்த்த புஜங்காசனம் Aardha Bhujangasana. யோகாசனங்களில் அனைத்து வயதினரும் எளிதாக கற்றுக்கொள்ள முடியாத, பயிற்சி செய்வதற்கு மிகவும் கடினமாக உள்ள ஆசனங்கள் பல இருக்கின்றன. பலருடைய உடல் கடினமான ஆசனங்களை செய்வதற்கு வளைந்து கொடுப்பதில்லை. ஆனால், அதே வேளையில் அனைவராலும், அனைத்து வயதினராலும் எளிதாக செய்யக்கூடிய ஆசனங்களும் நிறைய இருக்கின்றன. எனவே வயதானவர்கள் மற்றும் உடல் நெகிழ்ந்து கொடுக்கும் தன்மை குறைவாக இருப்பவர்கள் கடின ஆசனங்களை பயில முயற்சி செய்து பல உடல் பிரச்சனைகளை வருவித்துக் கொள்வதை விட மிக எளிதாக இருக்கும் யோகாசனங்களை தேர்ந்தெடுத்து பயிற்சி செய்து வருவதே சிறப்பு. நோயற்ற ஆரோக்கிய வாழ்க்கையை விரும்புபவர்கள் தினந்தோறும் காலை அல்லது மாலை அல்லது இரு வேளைகளும் சில எளிய வகையான ஆசனங்களை தேர்ந்தெடுத்து அவற்றை தொடர்ந்து பயிற்சி செய்து வரலாம். அப்படியான ஒரு எளிய ஆசனத்தைப் பற்றித்தான் இந்த பதிவில் பார்க்க இருக்கின்றோம். அர்த்த புஜங்காசனம்... ஆம்,... நாம் இப்போது குழந்தைகள், பெண்கள், வயதானவர்கள் என அனைவராலும் எளிதில் பயிற்சி செய்யும் விதமாக அமைந்துள்ள எளிய ஆசனமான ”அர்த்த புஜங்காசனம்” (Aardha Bhujangasana) பற்றிதான் இப்பதிவில் பார்க்க இருக்கின்றோம்... வாருங்கள் பார்க்கலாம்... Aardha Bhujangasana - Basic information அர்த்த புஜங்காசனம் - அடிப்படைத் தகவல்கள் பெயர் - Aardha Bhujangasana. தமிழில் - அர்த்த புஜங்காசனம். சமஸ்கிருதம் - Aardha Bhujangasana. ஆங்கிலம் - Half Cobra Pose. வேறுபெயர்கள் Salamba Bhujangasana. Sphinx Pose. Baby Cobra Pose. Niravalasana. Yin yoga Sphinx Pose. ஆசனத்தின் நிலை - Prone, Forearms, Abdomen. பயிற்சியின் கடின தன்மை - Beginner. உடல் கோணம் - Back-Bend. “புஜம்” என்றால் தோள்பட்டையை சுற்றியுள்ள பகுதிகளைக் குறிக்கும் சொல். ஆசனம் செய்யும்போது இடுப்புக்கு மேல் உள்ள உடலின் பளு முழுமையையும் புஜமே தாங்குவதால் அதற்கு "புஜங்காசனம்" என்று பெயர். ஆனால்,.. இங்கு நாம் பார்த்துக் கொண்டிருப்பது புஜங்காசனம் அல்ல. மாறாக "அர்த்த புஜங்காசனம்" பற்றி பார்த்துக் கொண்டிருக்கின்றோம். "அர்த்த" என்றால் "பாதி" என்று பொருள். புஜங்காசனத்தைப்போல உடலின் பளு முழுவதையும் புஜம் தாங்குவதில்லை. பாதியைத்தான் புஜம் தாங்குகின்றன. மீதி பாதியை வயிறு தாங்குகின்றன. எனவே பாதி பளுவை மட்டுமே புஜம் தாங்குவதால் இதற்கு பாதி புஜங்காசனம் அதாவது “அர்த்த புஜங்காசனம்” (Aardha Bhujangasana) என பெயர் பெறுகிறது. ஆனால், இந்த "அர்த்த புஜங்காசனம்" என்னும் பெயருக்கு வேறு ஒரு கதையும் சொல்லப்படுகிறது. வடமொழியில் “புஜங்கம்” என்பது ஊர்ந்து செல்லும் பாம்பைக் குறிக்கிறது என்றும் இந்த ஆசனத்தில் அமரும்போது நம் கழுத்து, தலை முதலியனவற்றின் அமைப்பு பார்ப்பதற்கு நல்லபாம்பு படம் எடுப்பதுபோல தோற்றமளிப்பதால் இதற்கு “அர்த்த புஜங்காசனம்” என்று பெயர் வந்ததாகவும் சொல்லப்படுகிறது. ஆனால் இந்த பாம்பு கதைகளெல்லாம் சரியானதாகப்படவில்லை. இது பின்னாளில் நம்மவர்கள் ஏற்படுத்திய புனைவு கதைகளாக இருக்கலாம். ஏனெனில் கடவுள்களின் தோள்மீது (புஜம் மீது) படம் எடுத்து நிற்பதால் அந்த பாம்பை மட்டும்தான் வடமொழியில் "புஜங்கன்" என அழைக்கிறார்களாம். புதருக்குள் செல்லும் பாம்புகளுக்கெல்லாம் புஜங்கன் என்று பெயரில்லையாம். எனவே புதருக்குள் செல்லும் பாம்பு மட்டுமே நிஜம் என்பதாலும். புஜத்திற்கு மேல் படம் எடுத்து நிற்கும் பாம்புகளெல்லாம் வெறும் கற்பனை கதாபத்திரங்கள் என்பதால்... கற்பனை கதைகளை புறந்தள்ளி நாம் நிஜத்தை மட்டுமே இங்கு பார்க்க இருப்பதால் "அர்த்த புஜங்காசனம்" பெயருக்கு கூறப்படும் கற்பனை புனைவு பாம்பு கதையை புறம்தள்ளி விடுவோம். Practice of Aardha Bhujangasana அர்த்த புஜங்காசனம் - செய்முறை முதலில் ஒரு விரிப்பில் இரு கால்களையும் ஒன்று சேர்ந்தாற்போல நேராக நீட்டி குப்புற படுக்கவும். இரு கைகளையும் தோள்பட்டைக்கு இணையாக கிடைமட்டமாக வைக்கவும். பின் இரு கைகளின் உள்ளங்கைகளையும் தலையின் அருகில் இரு பக்கங்களிலும் வைத்து கழுத்தை நிமிர்த்தி தலையை மெதுவாக மேலே தூக்கவும். வயிற்றிலிருந்து தலைவரை உடல் மேலெழும்பியபடி இருக்கவேண்டும். முழங்கை மற்றும் உள்ளங்கைகள் தரையில் படிந்தபடி இரு கைகளும் ” ட” வடிவத்தில் இருக்க வேண்டும். இரு கால்களின் மேல் பாதங்களும் தரையில் படர்ந்தபடி இருக்க வேண்டும். இந்த ஆசனத்தில் 15 முதல் 20 வினாடிகள் இருந்து பழைய நிலைக்கு திரும்பவும். இந்த ஆசனத்தை 5 அல்லது 6 தடவை பயிற்சி செய்யவும். Benefits of Training பயிற்சியின் பலன்கள் ”அர்த்த புஜங்காசனம்” (Aardha Bhujangasana) என்னும் இந்த ஆசனமானது சுவாசக்கோளாறு உட்பட மார்பு சம்பந்தப்பட்ட அனைத்து பிரச்சனைகளையும் சீர் செய்வதோடு மலச்சிக்கலையும் நிவர்த்தி செய்யும் வல்லமை கொண்டது. இது முதுகெலும்பையும், தோள்பட்டையையும் வலுவாக்கும். மார்பு மற்றும் வயிறு பலம் பெறும். சுவாசக்கோளாறுகளை சரி செய்யும். மலச்சிக்கல் விலகும். https://youtu.be/De6jlpHQS8I பெண்களுக்கு மாதவிடாய் கோளாறுகள் நீங்கும். சிறிய இடையை விரும்பும் பெண்கள் அவசியம் செய்ய வேண்டிய ஆசனம் இது. ஏனென்றால் எவ்வளவு பெரிய "தடி" இடையாக இருந்தாலும் அதை "பிடி" இடையாக மாற்றும் திறன் இதற்கு உண்டு. இதனுடன் எளிமையான வேறு சில ஆசனங்களையும் சேர்த்து பயிற்சி செய்து வர "பிடி" இடையும் "கொடி" இடையாக மாற அதிக வாய்ப்பு உண்டு. எது எப்படியோ... ஒவ்வொரு தடவையும் ஆசனப் பயிற்சியை நிறைவு செய்யும்போது கடைசி ஆசனமாக ”சவாசனம்” கண்டிப்பாக செய்ய வேண்டும் என்பதனை கவனத்தில் கொள்ளவும்.