“அர்த்த” என்றால் சமஸ்கிருதத்தில் “பாதி” அல்லது “அரை” என்று பொருள். இந்த அர்த்த சக்ராசனத்தை (Ardha Chakrasana) பயிற்சி செய்யும்போது உடல் பார்ப்பதற்கு முழு வட்டமாக இல்லாமல் “பாதி வட்டம்” அதாவது அரை வட்ட சக்கரம்போல் காட்சி தருவதால் இதற்கு “அர்த்த சக்ராசனம்” (Ardha Chakrasana) என்று பெயர். அதனாலேயே இதனை ஆங்கிலத்தில் “பாதி வீல் போஸ் – Half Wheel Pose” என அழைக்கின்றனர்.

அர்த்த சக்ராசனம் – Half Wheel Pose

மனம் மற்றும் உடலின் ஆரோக்கியத்திற்கு மிகவும் துணை நிற்பது இந்த “அர்த்த சக்ராசனம்” எனலாம்.

இது உடலுக்கு அதிக அளவில் நன்மை தரக்கூடிய ஆசனம்தான் என்றாலும் அதிவேகமாக இந்த ஆசனத்தை பயிற்சி செய்ய முற்பட வேண்டாம். நிதானமாகவும், மெதுவாகவும் இப்பயிற்சியை செய்யவும்.

வேகமாக செய்ய முற்பட்டால் வயிற்றுதசைகளும், முதுகு தசைகளும் பிடித்துக்கொள்ளும்.

இந்த பயிற்சியில் முதுகுப்பகுதி பின்பக்கமாக வட்டமாக வளைவதால் சிலருக்கு பயிற்சி செய்வது கடினமாக இருப்பதோடு பயிற்சியின் போது தலை கனமாக உணர்தல் அல்லது தலைசுற்றுதல் போன்ற அசௌகரியங்கள் ஏற்பட்டு நிதானம் தவறி ஒருபக்கமாக சாய்ந்து விழுந்துவிடவும் அதிக வாய்ப்புள்ளது.

எனவே, நிதானமாக பயிற்சியை மேற்கொள்ளவும்.

Half Wheel – அர்த்த சக்ராசனம் – அடிப்படைத் தகவல்கள்

பெயர் – Ardha Chakrasana.

தமிழில் – அர்த்த சக்ராசனம்.

சமஸ்கிருதம் – Ardha Chakrasana.

ஆங்கிலம் – Half Wheel Pose.

வேறு பெயர்கள் –

ஆசனத்தின் நிலை – Supine, Arm Balances.

பயிற்சியின் கடின தன்மை – Intermediate.

உடல் கோணம் – Back-Bend, Inversion, Strength, Balance.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்… வாருங்கள்.. அர்த்த சக்ராசனம் (Ardha Chakrasana) செய்து சக்தி பெறுவோம். உடலை வளைத்து உவகை கொள்வோம்…

அர்த்த சக்ராசனம் – செய்முறை

நான்காக மடித்து விரிக்கப்பட்டுள்ள ஜமுக்காளத்தின்மீது உடல் மற்றும் கால்களை தளர்வாக வைத்தபடி மல்லாந்து நேராக படுக்கவும்.

பின் இரு கால்களையும் மடக்கி இரு கால்களுக்கும் இடையில் ஒன்றரை அடி இடைவெளி இருக்கும்படி பிருஷ்டத்தின் பக்கத்தில் வைத்து உள்ளங்கைகளை முறையே இரு காதுகளின் பக்கவாட்டில் தரையில் ஊன்றவும். கைவிரல்களை பாதங்களை பார்த்திருக்கும்படி அமைக்கவும்.

பின் மெதுவாக மூச்சை உள்ளுக்கு இழுத்துக்கொண்டே இடுப்பு மற்றும் வயிற்றுப்பகுதியை மேலே மெதுவாக தூக்கி உடலை அரைகோள வடிவில் கொண்டுவரவும்.

இப்போது உங்கள் இரு உள்ளங்கைகள் மற்றும் கால்களின் பாதங்கள் மட்டுமே தரையில் படித்த நிலையில் இருக்கும். எனவே கைகளும் கால்களும் உங்கள் உடல் எடையை சரிசமமாக தாங்கும்படி பார்த்துக்கொள்ளவும். இந்நிலையில் தலை கீழே தொங்கிய நிலையில் இருத்தல் வேண்டும்.

இதே நிலையில் 10 லிருந்து 15 வினாடிகள் இருக்கவும். இயல்பாக சுவாசிக்கவும்.

பின் உடலை மெதுவாக கீழே இறக்கி பழைய நிலைக்கு கொண்டுவரவும். சில வினாடி ஓய்வுக்குப்பின் மீண்டும் இப்பயிற்சியை செய்யவும்.

திரும்ப திரும்ப மூன்றிலிருந்து ஐந்து தடவை இப்பயிற்சியை செய்யவும்.

பயிற்சியின் பலன்கள்

ஆரம்பத்தில் சொன்னதுபோல இது மனதையும் உடலையும் உறுதி செய்யும் (Half Wheel Pose – Ardha Chakrasana) சிறப்பான ஆசனம்.

இப்பயிற்சியால் கால்கள், கைகள், மணிக்கட்டுகளிலுள்ள கொழுப்புகள் கரைந்து மேற்கண்ட உறுப்புகள் விசேஷ பலத்தை பெறுகின்றன. தோள்களும் கவர்ச்சியான தோற்றத்தை பெறுகின்றன. இப்பயிற்சியால் எலும்புகளும் வலு பெறுகின்றன.

இடுப்பு தசைகள் நன்கு பலம் பெறுவதொடு நெடுநாட்களாக உங்களை வாட்டிவந்த அஜீரண கோளாறுகளும், மலச்சிக்கலும் ஒழிந்துபோகும்… அதுமட்டுமா,.. தொடர்ந்து பயிற்சி செய்துவர தொப்பையும் தொலைந்து போகும்.

அச்சச்சோ… “மணிபர்ஸ்” தொலைந்து போய்விட்டதே என்று தேடுவதைப்போல… அச்சச்சோ… “தொப்பை” தொலைந்து போய்விட்டதே என்று தேடவேண்டியதில்லை. சனியன் ஒழிந்தது என்று நிம்மதியாக இருக்கலாம் என்றால் பார்த்துக்கொள்ளுங்களேன்.

முதுகு தண்டிலுள்ள அத்தனை நரம்புகளும் தூண்டப்படுவதோடு முதுகெலும்பானது துவளும் தன்மையையும் பெறுவதால் நீடித்த இளமையைக் கொடுக்கும். முதுகு கூன் விழுந்திருந்தால் அதனையும் நிமிரச் செய்யும் திறன் படைத்தது.

இப்பயிற்சி வயிற்றுப்பகுதியில் சேரும் அதிகப்படியான சதை மற்றும் கொழுப்பு படிமத்தை கரைக்கிறது. உடலில் தங்கி நிற்கும் கெட்ட நீர்களை வெளியேற்றுகிறது. சிறுநீரகத்திற்கும் புத்துணர்வூட்டுகிறது.

இடுப்பு, வயிறு, பிருஷ்டம், தொடை ஆகியவற்றிலுள்ள தேவையற்ற சதைகளை கரைத்து உடலை அழகான வடிவத்திற்கு கொண்டுவருகிறது.

இதயம், நுரையீரல், மார்பு மற்றும் சுவாச சம்பந்தமான உறுப்புகள் அனைத்திற்கும் நன்கு பலம் சேர்ப்பதோடு சுவாசக்குழாய் பாதைகளை சுத்தப்படுத்தவும் இப்பயிற்சி பேருதவி புரிகிறது. இதனால் ஆஸ்துமா போன்ற மூச்சு சம்பந்தமான நோய்களுக்கு சிறந்த ஒரு தீர்வாக அமையும்.

பெண்களுக்கு கருப்பை கோளாறுகளை சரிசெய்வதோடு மாதவிலக்கு பிரச்சனைகளுக்கும் ஒரு நல்ல தீர்வை கொடுக்கிறது.

இப்பயிற்சியை தொடர்ந்து செய்துவருவதால் எதிர்காலத்தில் குடல் இறக்கம் வராமல் தடுக்கமுடியும்.

மொத்தத்தில் சொல்லப்போனால் தைராய்டு கோளாறுகளை நிவர்த்தி செய்து நோய் எதிர்ப்பு சக்தியை அதிகரித்து உடலுக்கு நல்லதொரு வளர்சியை கொடுக்கும் சிறப்பான பயிற்சி இது.

முக்கிய குறிப்புகள்

இப்பயிற்சியை கண்டிப்பாக கழுத்து, முதுகு மற்றும் வயிற்றுப்பகுதிகளில் அறுவை சிகிச்சை செய்துகொண்டவர்கள் செய்தல் கூடாது.

தலைவலி, தலைசுற்றல், குடலிறக்கம், உள்ளவர்கள் இப்பயிற்சியை செய்தல் கூடாது. கர்ப்பிணி பெண்களும் இதனை கண்டிப்பாக பயிற்சி செய்தல் கூடாது.

கண்நோய் உள்ளவர்கள் இப்பயிற்சியை தவிர்த்தல் வேண்டும். கண்புரை அறுவை சிகிச்சையை மேற்கொண்டவர்கள் கண்கள் சரியாகும் வரை இப்பயிற்சியை தவிர்த்தல் வேண்டும். கண் அழுத்த நோய் உள்ளவர்கள் இப்பயிற்சியை கண்டிப்பாக தவிர்த்தல் வேண்டும்.

இதயநோய், இரத்த அழுத்தம் உள்ளவர்கள் தகுந்த பயிற்சியாளரின் மேற்பார்வையில் பயிற்சியை மேற்கொள்ள வேண்டியது அவசியம்.

பிறையாசனம் – Pirai Asana

எடுத்த எடுப்பிலேயே இந்த ஆசனத்தை செய்வது என்பது பலருக்கு கடினமானது. ஏனெனில் பலருக்கு இது மயக்கம், தலைசுற்றல் முதலிய அசௌகரியங்களை ஏற்படுத்தலாம். அப்படியானவர்கள் “பிறையாசனம்” (Pirai Asana) என்று ஒன்று உள்ளது. அந்த பிறையாசனத்தில் நன்கு தேர்ச்சி பெற்ற பின்பு இந்த அர்த்த சிரசாசனத்தை செய்தால் மேற்குறிப்பிட்ட அசௌகரியங்களை தவிர்க்கலாம்.

பிறையாசனத்தைப்பற்றி தெரிந்துகொள்ள வேண்டுமல்லவா… தெரிந்துகொள்ள கீழே கொடுக்கப்பட்டுள்ள பேனர் (Banner) மீது ஒரு தட்டு தட்டுங்கள்… மூன்றாம் பிறையை மட்டுமல்ல… முழு சந்திரனையே பார்க்கலாம்.

>> பிறையாசனம் – Pirai Asana <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கால்கள், கைகள், மணிக்கட்டுகள், தோள்கள், இடுப்பு தசைகள், எலும்புகள் விசேஷ பலத்தை பெறுகின்றன. சிறுநீரகம், இதயம், நுரையீரல், மார்பு மற்றும் சுவாச சம்பந்தமான உறுப்புகள் அனைத்திற்கும் புத்துணர்வூட்டுகிறது. ஆஸ்துமா, தைராய்டு கோளாறுகள் நிவர்த்தியாகிறது. குடல் இறக்கம் வராமல் தடுக்க முடியும்.

அஜீரண கோளாறுகளும், மலச்சிக்கலும் தொப்பையும் தொலைந்துபோகும்.

முதுகு கூன் விழுந்திருந்தால் அதனையும் நிமிரச் செய்யும் திறன் படைத்தது.

இடுப்பு, வயிறு, பிருஷ்டம், தொடை ஆகியவற்றிலுள்ள தேவையற்ற சதைகளை கரைக்கிறது.

பெண்களுக்கு கருப்பை கோளாறுகளை சரிசெய்வதோடு மாதவிலக்கு பிரச்சனைகளுக்கும் ஒரு நல்ல தீர்வை கொடுக்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கழுத்து, முதுகு மற்றும் வயிற்றுப்பகுதிகளில் அறுவை சிகிச்சை செய்துகொண்டவர்களும், கண்புரை அறுவை சிகிச்சையை செய்துகொண்டவர்களும் செய்தல் கூடாது.

தலைவலி, தலைசுற்றல், கண்நோய், கண் அழுத்த நோய், இதயநோய், இரத்த அழுத்தம், குடலிறக்கம் உள்ளவர்களும் கர்ப்பிணி பெண்களும் இதனை கண்டிப்பாக பயிற்சி செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கண்நோய்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Half Wheel – அர்த்த சக்ராசனம் appeared first on Personality Fitting.

சுவர் இருந்தால்தான் சித்திரம் வரையமுடியும். அதுபோல் உடல் என்ற ஒன்று இருந்தால்தான் வாழ்க்கை என்னும் ஓவியத்தை அழகாக தீட்டிப்பார்க்க முடியும்.

வாழ்வியல் ஓவியத்தை தீட்டிப்பார்க்க உடல் என்ற ஒன்று இருந்தால் மட்டும் போதாது அதில் உறுதியும், ஆரோக்கியமும் நிலைத்திருக்க வேண்டியது அவசியம்.

உடலுக்கு உறுதியையும், ஆரோக்கியத்தையும் உறுதிப்படுத்த பலவகையான யோக ஆசன பயிற்சிகள் இருந்தாலும் அவைகளில் நாம் இப்போது பார்க்கப்போகும் “உத்தனாசனம்” (Uttanasana) மிக முக்கியமானது.

இந்த பயிற்சியானது முன்பு பார்த்த “பாத ஹஸ்தாசனம்” (Patha Hastasana – Hand to Foot Pose) போன்றதுதான் என்றாலும் அதிலிருந்து கொஞ்சம் வித்தியாசப்பட்டது மட்டுமல்லாமல் கொஞ்சம் கடினமானதும் கூட.

ஏனெனில் பாத ஹஸ்தாசனத்தில் உடலை முன்னோக்கி வளைத்து கை விரல்களால் கால் பெருவிரலை அல்லது தரையை தொட்டால் போதுமானது. ஆனால் இந்த உத்தனாசனத்தில் உடலை இன்னும் அதிகமாக முன்னோக்கி மடித்து உள்ளங்கைகளை தரையில் ஊன்றவேண்டும். எனவே பாத ஹஸ்தாசனத்தில் நன்கு தேர்ச்சி பெற்றபின்பு இந்த உத்தனாசனத்தை பயிற்சி செய்வது சிறப்பு.

பாத ஹஸ்தாசனத்தைப்பற்றி தெரிந்துகொள்ள கீழே கொடுக்கப்பட்டுள்ள இணைப்புக்கான பேனர் ( Banner) ஐ உங்கள் விரல்களால் மெல்ல தட்டுங்கள்…. திறக்கப்படும்…

Uttanasana – உத்தனாசனம் – அடிப்படைத் தகவல்கள்

பெயர் – Uttanasana.

தமிழ் – உத்தனாசனம்.

சமஸ்கிருதம் – Uttanasana.

ஆங்கிலம் – Standing Forward Fold Pose.

வேறுபெயர்கள் – Standing Forward Bend Pose, Intense Stretch Pose, Intense Forward Stretch, Hand To Leg Pose.

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – Forward Bend, Stretch, Inversion.

சரி, இனி இந்த உத்தனாசனத்தை பயிற்சி செய்வது எப்படி என்பதனை பார்ப்போம்.

Uttanasana – உத்தனாசனம் – செய்முறை

இரண்டு கால்களையும் சேர்த்து வைத்துக்கொண்டு விரிப்பின்மீது நேராக நிமிர்ந்து நிற்கவும்.

இரண்டு கைகளையும் காதுகளை ஒட்டினாற்போல மேல்நோக்கி நேராக உயர்த்தவும். மூச்சை மெதுவாக வெளியே விட்டபடியே இடுப்பை வளைத்து முன்னோக்கி குனிய வேண்டும்.

அவ்வாறு குனியும்போது இடுப்பை மட்டுமே முன்னோக்கி வளைக்க வேண்டுமேயொழிய கால்களை வளைக்காமல் விரைப்பாகவே வைத்துக்கொள்ள வேண்டும்.

இரண்டு உள்ளங்கைகளையும் இரு கால்களின் பக்கவாட்டில் தரையில் ஊன்றவும்.

மூச்சை இயல்பாக விடலாம். அல்லது மூச்சை நன்றாக இழுத்து அடக்கி வைத்தும் கொள்ளலாம்.

15 முதல் 20 வினாடிகள் இதே நிலையில் இருந்துவிட்டு அதன்பின் மூச்சை வெளிவிட்டபடியே மெதுவாக நிமிரவும்.

பத்து அல்லது 20 வினாடி ஓய்வுக்குப்பின் மீண்டும் முன்போலவே செய்யவும்.

இவ்வாறு திரும்ப திரும்ப 7 முதல் 8 தடவை இந்த பயிற்சியை செய்யலாம்.

பயிற்சியின் பலன்கள்

இப்பயிற்சியால் இடுப்பு, தொடை, முழங்கால், கணுக்கால், முதுகு, தோள்பட்டை, கைகள் என அனைத்து உறுப்புகளும் வலிமை பெறுகின்றன.

வெளி உறுப்புகள் மட்டுமல்லாது வயிற்றிலுள்ள உள்ளுறுப்புகளும் இப்பயிற்சியால் நன்கு அழுத்தப்பட்டு பலம் பெறுகின்றன. குறிப்பாக சிறுகுடல், பெருங்குடல், கணையம், கல்லீரல், பித்தப்பை முதலியன வலிமை பெறுகின்றன.

இப்பயிற்சியால் மலச்சிக்கல் நீக்குவதோடு ஜீரணசக்தியும் மேம்படுகின்றன.

பெண்களுக்கு மாதவிடாய் கோளாறுகளையும் சரிசெய்கின்றன.

முக்கிய குறிப்புகள்

கழுத்து, இடுப்பு, முதுகில் பிரச்சனை உள்ளவர்கள் இப்பயிற்சியை தவிர்க்க வேண்டும்.

வயிற்றுப்பகுதியில் அறுவை சிகிச்சை செய்து கொண்டவர்களும் இப்பயிற்சியை தவிர்க்க வேண்டும்.

இதயநோய் உள்ளவர்களும் அதிக அளவில் இரத்த அழுத்த பிரச்சனை உள்ளவர்களும் இப்பயிற்சியை செய்யும்போது மிக கவனமாக பயிற்சி செய்யவேண்டியது அவசியம்.

அர்த்த உத்தானாசனம் – Ardha Uttanasana

ஆரம்பத்தில் சொல்லப்பட்ட “பாதஹஸ்தாசனம்” (Patha Hastasana – Hand to Foot Pose) என்னும் பயிற்சியில் நன்கு தேர்ச்சி பெற்றபின் இந்த உத்தாசனம் பயிற்சியில் ஈடுபட்டால் பழகுவதற்கு எளிதாக இருக்கும். எனவே பாத ஹஸ்தானத்தில் நன்கு தேர்ச்சி பெற்றபின் இதனை பயில்வது சிறப்பு.

ஆனால், இந்த “பாதஹஸ்தாசனம்” செய்வதற்கும் உடல் ஒத்துழைப்பு கொடுக்கவில்லை கடினமாக உள்ளதாக உணர்பவர்கள் ”அர்த்த உத்தானாசனம்” (Ardha Uttanasana – Upward Forward Fold Pose) என்னும் பயிற்சியை செய்துவரலாம்.

”அர்த்த” என்றால் ”பாதி” என்று அர்த்தம். ”அர்த்த உத்தானாசனம்” (Ardha Uttanasana – Upward Forward Fold Pose) என்றால் ”பாதி உத்தானாசனம்” என்று பொருள்.

இந்த பதிவில் விளக்கப்பட்டுள்ள உத்தானாசனம் (Uttanasana) பயிற்சியில் இடுப்பிலிருந்து உடல் இரண்டாக முழுமையாக மடிக்கப்படும்.

ஆனால், இந்த அர்த்த உத்தானாசனம் பயிற்சியில் இடுப்பிலிருந்து உடலை முன்னோக்கி முழுமையாக வளைக்காமல் பாதி அளவில் வளைத்து செய்யும் பயிற்சி என்பதால் இது ”அர்த்த உத்தானாசனம்” (Ardha Uttanasana – Upward Forward Fold Pose) எனப் பெயர் பெற்றது.

உடலை முழுமையாக வளைத்து பயிற்சி செய்யும் உத்தானாசனம் செய்வதற்கு பலருக்கு உடல் எடுத்த எடுப்பிலேயே ஒத்துழைப்பதில்லை ஆதலால் இந்த “அர்த்த உத்தானாசனம்” பயிற்சியை தொடர்ந்து பலநாட்கள் பயிற்சி செய்து அதன்பின் “பாதஹஸ்தாசனம்” சில மாதங்கள் பயிற்சி செய்துவிட்டு அதன்பின்பு “உத்தானாசனம்” செய்ய முயற்சி செய்யலாம்.

“அர்த்த உத்தானாசனம்” பயிற்சியை செய்வது எப்படி என்று திகைக்கிறீர்களா?!!!… கவலைவேண்டாம்… கீழே கொடுக்கப்பட்டுள்ள பேனர் (Banner) மீது உற்சாகத்துடன் ஒரு தட்டுதட்டுங்கள்…. அர்த்த உத்தானாசனம் உங்கள் கண்முன்னால் விரியும்…

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக இடுப்பு, தொடை, முழங்கால், கணுக்கால், முதுகு, தோள்பட்டை, கைகள் என அனைத்து உறுப்புகளும் வலிமை பெறுகின்றன.

உள்ளுறுப்புகளான சிறுகுடல், பெருங்குடல், கணையம், கல்லீரல், பித்தப்பை முதலியன வலிமை பெறுகின்றன. இப்பயிற்சியால் மலச்சிக்கல் நீக்குவதோடு ஜீரணசக்தியும் மேம்படுகின்றன.

பெண்களுக்கு மாதவிடாய் கோளாறுகளையும் சரிசெய்கின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கழுத்து, இடுப்பு, முதுகில் பிரச்சனை உள்ளவர்கள் இப்பயிற்சியை தவிர்க்க வேண்டும்.

வயிற்றுப்பகுதியில் அறுவை சிகிச்சை செய்து கொண்டவர்களும் இப்பயிற்சியை தவிர்க்க வேண்டும்.

இதயநோய், இரத்த அழுத்த பிரச்சனை உள்ளவர்கள் இப்பயிற்சியை செய்யும்போது மிக கவனமாக பயிற்சி செய்யவேண்டியது அவசியம் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “இதயநோய்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Uttanasana – உத்தனாசனம் appeared first on Personality Fitting.

அலைபாயாமல் அமைதியாக இருக்கும் மனதில்தான் சாந்தி நிலவும். சாந்தியும், சமாதானமும் நிலவும் மனதில்தான் ஆரோக்கியமும், ஆனந்தமும் நிலைகொண்டு இருக்கும்.

இதனை கருத்தில் கொண்டே சான்றோர்கள் மனதையும், உடலையும் புலன்களின்பால் அலைபாயாமல் ஒருமுகப்படுத்தி ஒரே நிலையில் சிறிதுநேரம் அமர்ந்திருந்து பயிற்சி செய்யும் முறையை நமக்கு கொடையாக தந்துள்ளனர். அப்பயிற்சியே “யோகாசனம்” எனலாம்.

நாம் உடலுக்கும் மனத்திற்கும் ஆரோக்கியம் தரும் பலவித யோக பயிற்சிகளை தொடர்ந்து பார்த்துவருகிறோம். அந்த வரிசையில் இன்று “பாத ஹஸ்தாசனம்” என்னும் பயிற்சியைப்பற்றி பார்க்க இருக்கின்றோம். வாருங்கள் பார்க்கலாம்.

பாத ஹஸ்தாசனம் – அடிப்படைத் தகவல்கள்

பெயர் – Patha Hastasana.

தமிழ் – பாத ஹஸ்தாசனம்.

சமஸ்கிருதம் – Patha Hastasana.

ஆங்கிலம் – Hand to Foot Pose.

வேறுபெயர்கள் – Standing Forward Bend hands Under Feet Pose,

ஆசனத்தின் நிலை – Standing, Hand to Feet.

பயிற்சியின் கடின தன்மை – Intermediate.

உடல் கோணம் – Forward Bend, stretch, Inversion.

“பாதம் ஹஸ்தம் ஆசனம்” என்பதையே “பாத ஹஸ்தாசனம்” என்கிறோம்.

இதில் “பாதம்” என்பது காலின் பாதங்களைக் குறிப்பது. “ஹஸ்தம்” என்பது உள்ளங்கைகளைக் குறிப்பது.

உடலை வளைத்து கைகளால் கால்பாதங்களை தொடுவதால் இதற்கு “பாத ஹஸ்தாசனம்” (Patha Hastasana) என்று பெயர்.

இனி, இதனை எவ்வாறு பயிற்சி செய்வது என்பதனை பார்ப்போம்.

Patha Hastasana – பாத ஹஸ்தாசனம் – பயிற்சி முறை

இரண்டு கால்களையும் சேர்த்துவைத்துக்கொண்டு நேராக நிற்கவும்.

இரண்டு கைகளையும் காதுகளை ஒட்டினாற்போல மேல்நோக்கி நேராக உயர்த்தவும்.

மூச்சை ஒருதடவை நன்றாக உள்ளுக்கிழுத்து பின் மூச்சை மெதுவாக வெளியே விட்டபடியே மெதுவாக முன்பக்கமாக குனிந்து கைகளால் காலின் பெருவிரல்களை தொடவும். அல்லது கைவிரல்களால் தரையை தொடவும்.

அவ்வாறு தொடும்போது தலை முழங்காலை தொட்டுக்கொண்டிருக்கும்படி வைக்கவும். உடலில் இடுப்பு மட்டுமே வளைய வேண்டுமேயொழிய முழங்கால்கள் மடங்குதல் கூடாது.

எனவே கால்களை வளைக்காமல் விரைப்பாக வைத்துக்கொள்ளவும்.

எடுத்த எடுப்பிலேயே தலை முழங்காலை தொடும் அளவுக்கெல்லாம் பயிற்சி செய்ய முடியாது… ஏனெனில் உங்கள் உடல் அந்த அளவிற்கெல்லாம் வளைந்து கொடுக்காது. எனவே உங்கள் உடல் எந்த அளவிற்கு ஒத்துழைப்பு கொடுக்கிறதோ அந்த அளவிற்கு முயற்சி செய்தால் போதுமானது. உடலில் வலி ஏற்படும் அளவுக்கு அதிகப்படியாக உடலை வருத்துதல் கூடாது. ஆரம்பத்தில் உங்களால் வலி ஏற்படாத அளவுக்கு எவ்வளவு குனிய முடியுமோ அவ்வளவு முயற்சி செய்தால் போதுமானது. மாதங்கள் செல்லச்செல்ல தலை முழங்காலை தொடும் அளவுக்கு உடல் துவளும் தன்மையை பெற்றுவிடும்.

இதே வகையில் “உத்தனாசனம்” என்று மற்றொரு பயிற்சி முறையும் உள்ளது. அதுவும் பார்ப்பதற்கு இதேபோன்று தோற்றமளித்தாலும் இதைவிட கொஞ்சம் கடினமான பயிற்சி.

ஏனெனில், பாதஹஸ்த ஆசனத்திலுள்ளதுபோல கை மற்றும் கைவிரல்களால் பாதம் அல்லது தரையை தொடுவதோடு நிறுத்திக்கொள்ளாமல் இன்னும் நன்கு உடலை வளைத்து உள்ளங்கைகளை தரையில் ஊன்ற வேண்டும். இந்த உத்தனாசனத்தைப்பற்றி தெரிந்துகொள்ள அடுத்து கொடுக்கப்பட்டுள்ள விஷீவல் லிங்க் (visual link preview) பேனர் ஐ சொடுக்கவும்.

சரி,.. இப்போது இந்த பாதஹஸ்த முறையில் பெருவிரலை தொட்டபடி அல்லது தரையை தொட்டபடி 10 வினாடிகள் இருக்கவும். மூச்சை இயல்பாக விடலாம்.

பின்னர் இரண்டு கைகளையும் காதுகளை ஒட்டியபடியே வைத்துக்கொண்டு மூச்சை உள்ளுக்கிழுத்தபடியே மெதுவாக நிமிர்த்து நிற்கவும். பின் மூச்சை வெளிவிட்டபடியே கைகளை கீழே இறக்கவும்.

பத்து அல்லது 20 வினாடி ஓய்வுக்குப்பின் மீண்டும் முன்போலவே செய்யவும்.

இவ்வாறு திரும்ப திரும்ப 7 முதல் 8 தடவை இந்த பயிற்சியை செய்யவும்.

பயிற்சியின் பலன்கள்

இப்பயிற்சியினால் இடுப்பும், வயிற்றின் உள்ளுறுப்புகளும் நன்கு பலமடைகின்றன. கால்களும் நன்கு பலம் பெறுகின்றன. மூளைக்கு புதிய இரத்தம் பாய்ந்து சுறுசுறுப்படைகின்றன.

இப்பயிற்சியால் அதிக அளவு இடுப்புச்சதைகள் குறைவதோடு அதிகப்படியான தொந்தியும் மறைகின்றன.

தொடர் பயிற்சியால் வயிற்றின் உள்ளுறுப்புகள் அழுத்தப்பட்டு பலம் பெறுகின்றன. குறிப்பாக கணையம், பித்தப்பை, கல்லீரல் வலிமை பெறுகின்றன.

அடிவயிறு, குடல்களுக்கு நல்ல இரத்தம் பாய்ந்து ஜீரண சக்தி அதிகரிக்கிறது.

இரத்த ஓட்டத்தை சுறுசுறுப்பாக்குவதோடு வளர்ச்சிதை மாற்றத்தை மேம்படுத்துகிறது.

மேலும் இப்பயிற்சியால் வாய்வு, வயிற்றுவலி, நரம்புக்கோளாறுகள், நீரழிவு முதலிய நோய்கள் நீங்குகின்றன.

முதுகெலும்பு நன்கு நெகிழ்வுத் தன்மையை பெறுவதோடு முதுகெலும்பிலுள்ள நரம்பு தொகுதிகளும் நன்கு பலமடைகின்றன. தொடையெலும்புகளும் நன்கு வலிமை பெறுகின்றன.

பிட்யூட்டரி மற்றும் தைராய்டு சுரப்பிகளுக்கு இரத்தஓட்டம் அதிகரிக்கிறது.

முக்கிய குறிப்புகள்

இதயநோய் மற்றும் அதிக அளவில் இரத்த அழுத்த பிரச்சனை உள்ளவர்கள் இப்பயிற்சியை செய்யும்போது மிக கவனமாக இருக்கவேண்டியது அவசியம்.

கழுத்து, இடுப்பு, முதுகு வலி, முதுகில் பிரச்னை உள்ளவர்கள் இப்பயிற்சியை தவிர்க்க வேண்டும்.

குடலிறக்கம் மற்றம் வயிறு சார்ந்த பிரச்சனை உள்ளவர்கள் கண்டிப்பாக இந்த பயிற்சியை செய்தல் கூடாது. சமீப காலங்களில் வயிற்று பகுதிகளில் அறுவை சிகிச்சை செய்யப்பட்டிருந்தாலும் இந்த ஆசனத்தை தவிர்க்கவேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக இடுப்பு, வயிறு, கால்களும் நன்கு பலம் பெறுகின்றன. மூளைக்கு புதிய இரத்தம் பாய்ந்து சுறுசுறுப்படைகின்றன.

கணையம், பித்தப்பை, கல்லீரல், குடல்கள் வலிமை பெறுகின்றன.

வாய்வு, வயிற்றுவலி, நரம்புக்கோளாறுகள், நீரழிவு முதலிய நோய்கள் நீங்குகின்றன.

பிட்யூட்டரி மற்றும் தைராய்டு சுரப்பிகளுக்கு இரத்தஓட்டம் அதிகரிக்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இதயநோய், இரத்த அழுத்த பிரச்சனை உள்ளவர்கள் இப்பயிற்சியை செய்யும்போது மிக கவனமாக இருக்கவேண்டியது அவசியம் என்பதனை பார்த்தோம்..

கழுத்து, இடுப்பு, முதுகு வலி, முதுகில் பிரச்னை உள்ளவர்கள் இப்பயிற்சியை தவிர்க்க வேண்டும்.

சமீப காலங்களில் வயிற்று பகுதிகளில் அறுவை சிகிச்சை செய்துகொண்டவர்கள், குடலிறக்கம் மற்றும் வயிறு சார்ந்த பிரச்சனை உள்ளவர்கள் கண்டிப்பாக இந்த பயிற்சியை செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “நரம்புக்கோளாறுகள்” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல.. நன்றி!

*******

The post Patha Hastasana – பாத ஹஸ்தாசனம் appeared first on Personality Fitting.

உடற்பயிற்சியானது உடலுக்கு மட்டும் பலம் சேர்த்தால் போதாது மனதிற்கும் வளம் சேர்ப்பதாக இருக்கவேண்டும். அதுவே சிறந்த பயிற்சியாக இருக்க முடியும். அப்படியான பயிற்சிகளில் முதன்மையானது நம்முடைய யோகாசனப்பயிற்சி.

ஏனெனில் இது வெளி உறுப்புகளுக்கு மட்டுமல்ல உள்ளுறுப்புகளுக்கும் பயிற்சியளிப்பது. கூடவே மனதிற்கும்கூட.

யோகாசன பயிற்சிகளில் நூற்றுக்கும் மேற்பட்ட பயிற்சிகள் உள்ளது என்றாலும் அவை எல்லாவற்றிலும் தலையாய பயிற்சியாக விளங்குவது “சிரசாசனமே” (Sirasasanam) ஆகும்.

ஆம்… உண்மையிலேயே இது தலையாய பயிற்சிதான்… தலையின் உதவியால் செய்யப்படுவதால் இது  தலையாய பயிற்சி என்னும் சிறப்பை பெறுகிறது. இது அனைத்து ஆசனங்களின் ராஜா என்று அழைக்கப்படுகிறது.

Sirasasanam – சிரசாசனம் – அடிப்படைத் தகவல்கள்

பெயர் – Sirasasanam.

தமிழில் – சிரசாசனம்.

சமஸ்கிருதம் – Sirasasana.

ஆங்கிலம் – Headstand Pose.

வேறுபெயர்கள் – Salamba Sirasasana, Sirasana.

ஆசனத்தின் நிலை – Forearms, Head and Shoulders, Arm Balances.

பயிற்சியின் கடின தன்மை – advanced.

உடல் கோணம் – Inversion, Stretch, Strength, Balance.

பயிற்சிக்கு முன் தெரிந்து கொள்ள வேண்டியவை

தலைக்கு “சிரசு” என்று ஒரு பெயருமுண்டு. “எண்ஜாண் உடம்புக்கு சிரசே பிரதானம்” என்பது ஔவை மொழி.

தலையை தரையில் ஊன்றி செய்யப்படும் பயிற்சி இதுவென்பதால் இப்பயிற்சிக்கு “சிரசாசனம்” என்று பெயர். இது மிகுந்த எச்சரிக்கையுடனும், விழிப்புணர்வுடனும் செய்யப்பட வேண்டிய ஒரு மேம்பட்ட தலைகீழ் பயிற்சியாகும்.

இந்த சிரசாசனத்திலுள்ள சிறப்பு என்னவென்றால் இது மற்ற அனைத்து ஆசனங்களையும் விட உடலுக்கு அதிக அளவில் நன்மை சேர்ப்பது.

இதன் நன்மைகளைப்பற்றி தெரிந்துகொள்ள வேண்டுமென்றால் நீங்கள் முதலில் நம்முடைய “தலைமையகத்தை”ப்பற்றி நன்கு தெரிந்துகொள்ளவேண்டும்.

தலைமையகத்தை பற்றியும் அதற்குள்ளிருந்து செயல்படும் ஆளுநரைப்பற்றியும் தெரிந்துகொள்ள வேண்டியது அவசியம். நம்முடைய ஆளுநரைபற்றி ஓரளவாவது தெரிந்துகொண்டால்தான் சிரசாசனம் நம் உடலில் ஏற்படுத்தும் நன்மைகளைப்பற்றியும் உங்களால் முழுமையாக புரிந்துகொள்ள முடியும். 

“ஆளுநர்” என்ற உடன் திரு. “ராஜேந்திர விஸ்வநாத் அர்லேகர்” (Rajendra Vishwanath Arlekar) அவர்களை கற்பனை செய்துகொள்ளாதீர்கள். அவர் தமிழ் நாட்டை ஆள்பவர்.

ஆனால் நான் சொல்லும் ஆளுநரோ வீட்டை ஆளுபவர். அதாவது உடல் என்னும் கூட்டை ஆளுபவர்.

ஆம்… நான் குறிப்பிடும் ஆளுநர் வேறுயாருமல்ல உடலின் மொத்த ஆரோக்கியத்திற்கும் காரணமாகவுள்ள “பிட்யூட்டரி” (Pituitary) என்னும் நாளமில்லா சுரப்பி.

இந்த “பிட்யூட்டரி”யானது ஆளுநர் என்றால் அவருக்கு பக்கத்தில் ஒரு துணை ஆளுநரும் இருக்கவேண்டுமல்லவா?

இருக்கிறார்…

அவர் பெயர் பினியல் (Pineal).

இவர்கள் இருவரும் இணைந்து நம் உடலில் நல்லதொரு ஆட்சியை கொடுக்கவில்லை என்றால் அவ்வளவுதான்.. மொத்த உடலும் வீழ்ச்சியை கண்டுவிடும்.

வீழ்ச்சியை சந்திக்கும் அளவிற்கு அப்படி என்னதான்   இருக்கிறது பிட்யூட்டரியில் என்கிறீர்களா?… எல்லாமே இருக்கிறது!!.. வாருங்கள் முதலில் பிட்யூட்டரி என்றால் என்ன என்பது பற்றியும், அதன்பின் Sirasasanam – சிரசாசனம் பற்றியும், இறுதியாக அது நம் உடலுக்கு ஏற்படுத்தும் நன்மைகளைப் பற்றியும் விரிவாக பார்ப்போம்.

Pituitary gland – பிட்யூட்டரி

”எண்சாண் உடம்புக்கு சிரசே பிரதானம்” என்றார் மூதறிஞரான நம் ஔவைப்பாட்டி. அத்துணை சிறப்பு பெற்றது நம் மூளை. ஏனெனில் நம்முடைய உடலின் ஒவ்வொரு அசைவையும் கட்டுப்படுத்துவது மூளையே.

இவ்வுடல் தொடர்ந்து இயங்குவதற்கான அத்தனை கட்டளைகளும் மூளையிலிருந்தே பிறப்பிக்கப்படுகின்றன. கட்டளைகள் மூளையிலிருந்து பிறப்பிக்கப்பட்டாலும் அக்கட்டளைகளை பொறுப்பேற்று செயல்படுத்துவதில் முக்கிய பங்காற்றுபவை உடலிலுள்ள சுரப்பிகள்தான்.

எனவே உடலின் உறுப்புகள் அனைத்தும் ஆரோக்கியமாக சுறுசுறுப்பாக இயங்க வேண்டுமெனில் அதில் சுரப்பிகளின் பங்கும் மிகமிக முக்கியமானது.

சுரப்பிகளில் நாளமுள்ள சுரப்பிகள் (endocrine glands), நாளமில்லா சுரப்பிகள் என இருவகையான சுரப்பிகள் இருந்தாலும் உடலின் வளர்ச்சிதை மாற்றத்திற்கு நாளமில்லா சுரப்பிகளின் பங்களிப்பே அதிக அளவில் உள்ளன.

அதுமட்டுமல்லாது உயிரினங்களின் இனப்பெருக்கம், பாலியல் தூண்டல் முதலியவற்றிற்கும் இதனுடைய பங்களிப்பு மிகமிக அவசியம்.

நம் உடலில் பல நாளமில்லா சுரப்பிகள் உள்ளன. அவையாவன –

• பிட்யூட்டரி (ஹைப்போபைஸிஸ்)
• பினியல் (Pineal)
• தைராய்டு
• பாரா தைராய்டு
• தைமஸ்
• கணையத்திலுள்ள பான்கிரியாஸ் (லாங்கர் ஹான் திட்டுகள்)
• இனப்பெருக்க சுரப்பிகள் (விந்தகம் மற்றும் அண்டச் சுரப்பிகள்)
• அட்ரீனல் சுரப்பி (கார்டெக்ஸ் மற்றும் மெடுல்லா)

இந்த சுரப்பிகள் ஒவ்வொன்றும் உடலில் பலவிதமான இயக்கங்களுக்கு இன்றியமையாதவை என்றாலும் பிட்யூட்டரி (ஹைப்போபைஸிஸ்) சுரப்பிக்கே ”தலைமை சுரப்பி” என்கிற கவுரவ டாக்டர் பட்டம் வழங்கி கவுரவிக்கப்பட்டுள்ளது.

Pituitary

“பிட்யூட்டரி சுரப்பி” (Pituitary Gland) அல்லது “ஹைப்போபைசிஸ்” என்பது நம் மூளையின் அடிப்பகுதியில் பட்டாணி போன்ற வடிவத்தை கொண்டுள்ள ஒரு சிறிய நாளமில்லா சுரப்பி. இதன் எடை வெறும் 0.5 கிராம் (சுமார் அரை கிராம்) மட்டுமே.

வெறும் அளவை வைத்து இதனை குறைவாக எடைபோட்டுவிடாதீர்கள்… கடுகு சிறுத்தாலும் காரம் குறைவதில்லை என்பதுபோல மூர்த்தி சிறியது என்றாலும் கீர்த்தியோ பெரியது.

ஏனெனில் உடலிலுள்ள அத்தனை நாளமில்லா சுரப்பிகளையும் கட்டுப்படுத்துவதும் இயக்குவதும் இதுதான். இதில் எதாவது பாதிப்பு ஏற்பட்டால் பிற அனைத்து நாளமில்லா சுரப்பிகளும் கடுமையாக பாதிக்கப்படும். எனவேதான் இந்த சுரப்பி “பிரதம சுரப்பி” அல்லது  ”தலைமை சுரப்பி” (Master gland) என்று அழைக்கப்படுகிறது.

பிட்யூட்டரி சுரப்பி பாதிப்படைந்தால் உடலிலுள்ள அனைத்து நாளமில்லா சுரப்பிகளின் இயக்கங்களும் பாதிப்புக்குள்ளாவதோடு உடலின் மொத்த இயக்கமும், ஆரோக்கியமும் பாதிப்புக்குள்ளாகும்.

ஏனெனில் இது உடலின் சமநிலையை ஒழுங்குபடுத்தும் ”ஹோமியோஸ்டாஸிஸ்” (Homeostasis) என்னும் ஹார்மோனை உற்பத்தி செய்வதோடு உடலிலுள்ள பிற அனைத்து நாளமில்லா சுரப்பிகளையும் தூண்டக்கூடிய ”டிரோபிக்” வகை ஹார்மோன்களையும் உற்பத்தி செய்கிறது. எனவேதான் இதற்கு நாம் “ஆளுநர்” அந்தஸ்த்தையும் அள்ளி கொடுத்துள்ளோம்.

உடலிலுள்ள அனைத்து நாளமில்லா சுரப்பிகளும் செயல்பட இதுவே தூண்டுதலாக இருப்பதால் இது ”சுரப்பிகளின் தலைவன்” (Master gland) என அழைக்கப்படுகிறது.

பிட்யூட்டரி சுரப்பி ஹார்மோனை குறைவாக சுரந்தால் பசியின்மை, உடலில் சர்க்கரை மற்றும் ரத்த அழுத்த குறைவு, பெண்களுக்கு பூப்படைதல் தள்ளிப்போதல், மாதவிடாய் சுழற்சியில் பாதிப்பு முதற்கொண்டு இன்னும் ஏரளாமான பிரச்சனைகளை சந்திக்க வேண்டியிருக்கும். 

அதேவேளையில் ஹார்மோனை அதிகமாக சுரந்தாலோ இரத்த அழுத்தம், தலைவலி அதிகரிப்பதோடு பார்வைக் குறைபாடும் ஏற்படும். உடல் எடை அதிகரிக்கும். இன்னும் கணக்கிலடங்காத பலவித பாதிப்புகளையும் ஏற்படுத்தும்.

Pineal

Sirasasanam – சிரசாசனம். அதெல்லாம் சரிதான் அதன் பக்கத்திலேயே “துணை ஆளுநர்” போஸ்ட்டில் உட்கார்ந்து இருக்கிறாரே மிஸ்டர் “பினியல்” (Pineal gland). அதனுடைய பணி இன்னா என்கிறீர்களா?

இந்த பினியல் சுரப்பிக்கும் முக்கியமான பொறுப்புகள் ஒதுக்கப்பட்டுள்ளன. எமர்ஜென்ஸி காலங்களில் சில முக்கியமான முடிவுகளை எடுக்கும் அதிகாரம் இதற்கு உள்ளது என்றாலும் இதன் முக்கியமான பணி காலநேரம் அறிந்து ”மெலட்டோனின்” என்னும் ஹார்மோனை சுரக்க செய்வதே.

இந்த ஹார்மோனின் உதவியால்தான் நமக்கு அன்றாடம் தேவைப்படும் தூக்கத்தின் கால அளவு கட்டுப்படுத்தப்படுகிறது.

தூக்கம் இல்லையென்றால் அது நம் ஆரோக்கியத்தில் மிகப்பெரிய தாக்கத்தை ஏற்படுத்துமல்லவா? எனவே இந்த துணை ஆளுநராக “பினியல்” சுரப்பியும் ஆரோக்கியத்தை கட்டிக்காப்பதில் இரவுபகல் பாராமல் கடுமையாக உழைக்கிறார்.

ஆஹா.. கேக்கும்போதே பிரமிப்பாக இருக்கிறதே என்கிறீர்களா? ஆம் இந்த பிரமிப்பை இன்னும் அதிகப்படுத்துவதுதான் நாம் இனி பார்க்கப்போகும் சிரசாசனம்!!

வாவ்… பிரமிப்பை அதிகப்படுத்தும் அளவிற்கு சிரசாசனத்தில் அப்படி என்ன சிறப்பு  இருக்கிறது என்கிறீர்களா?

இருக்கிறது… மேற்குறிப்பிட்டுள்ள பிட்யூட்டரி மற்றும் பினியல் சுரப்பிகளை தொய்வில்லாமல் சிறப்பாக செயலாற்ற தூண்டுவதே இதனுடைய மாபெரும் சிறப்பு.

இன்னாது சிரசாசமானது ஆளுநரையும், துணை ஆளுநரையும் சிறப்பாக செயல்பட தூண்டுகிறதா? அது எப்படி?

அது எப்படி என்பதை அறியவேண்டுமென்றால்.. சிரசாசனம் என்றால் என்ன?.. அதனை எப்படி பயிற்சி செய்வது? என்பதனை முதலில் அறிய வேண்டும்.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்….

சிரசாசனம் – செய்முறை

“ஆசனம்” என்றால் இருக்கை. “சிரசு” என்றால் தலை. தலையை தரையில் ஊன்றி சிறிதுநேரம் இருப்பதால் இதற்கு “Sirasasanam – சிரசாசனம்” என்று பெயர்.

இப்பயிற்சியால் தலை, கழுத்து முதலிய அவயங்களுக்கும் அதனை சார்ந்த அனைத்து உறுப்புகளுக்கும் அழுத்தம் மற்றும் புதிய ரத்தங்கள் பாய்ச்சப்படுகின்றன.

இப்பயிற்சியால் சோர்ந்து போயிருக்கும் தலையிலுள்ள சுரப்பிகளான “பிட்யூட்டரி” மற்றும் “பினியல்” சுரப்பிகள் இரண்டிற்கும் அழுத்தத்துடன் கூடிய புதிய ரத்தங்கள் பாய்ச்சப்படுவதால் சுறுசுறுப்பாக மாறுகின்றன.

இந்த பயிற்சி  செய்யும்போது வயிறு காலியாக இருக்க வேண்டியது அவசியம்.

ஒரு விரிப்பின் மீது ஜமுக்காளத்தை நான்காக மடித்து வைக்கவும்.

அதன் முன்னால் முழங்காலிட்டு அமர்ந்து கொண்டு இரு கைகளின் விரல்களையும் பிணைத்து உள்ளங்கைகள் உங்களை நோக்கி இருக்கும் படி தரையில் அமைக்கவும்.

தலையை அந்த இரு உள்ளங்கைகளுக்கும் இடையில் தரையில் ஊன்றி இரு கைகளையும் தலையின் இருபக்கங்களிலும் முட்டுக்கொடுத்து மூச்சை உள்ளுக்கு இழுத்து நிறுத்திக்கொண்டே இடுப்பு, கால்களை மெதுவாக மேல்நோக்கி தூக்கி உடலை நேராக தலைகீழாக நிறுத்தவும்.

உங்களின் உடல் எடையின் பெரும்பகுதியை தலை சுமக்காமல் உங்களின் இரு கைகளுமே தாங்கும்படி பார்த்துக்கொள்ளுங்கள்.

ஆரம்பகட்டத்தில் நீங்கள் எந்த பிடிமானமும் இல்லாமல் இந்த பயிற்சியை மேற்கொண்டீர்கள் என்றால் “பில்டிங் ஸ்ட்ராங்கு ஆனா பேஸ்மெண்ட் கொஞ்சம் வீக்கு” என்பதுபோல உடல் மொத்தமும் ஒரு பக்கமாக சாய்ந்துவிடும்.

எனவே சரியாக செய்ய பழகும்வரை சுவரின் அருகில் அதாவது இரு சுவர்கள் இணையும் முக்குச்சந்தில் நின்று பயிற்சி மேற்கொள்ள வேண்டியது அவசியம். சில வாரங்கள் தொடர்ந்து பழகிவர அதன்பின் சுவரின் துணையில்லாமலேயே தனியாக நின்று பழகும் திறன் வந்துவிடும்.

இந்த ஆசனத்தில் இருக்கும்போது மூச்சை இயல்பாக விடவும். 3 நிமிடம் முதல் 5 நிமிடம்வரை இந்த ஆசனத்தில் இருந்தால் போதுமானது.

3 அல்லது 5 நிமிடம் கடந்த பின்பு ஒவ்வொரு கால்களாக மெதுவாக கீழே இறக்கி சகஜ நிலைக்கு வரவும்.

இந்த சிரசாசனத்தில் ஈடுபடும்போது கழுத்து, இடுப்பு, கால்கள் என எந்த இடத்தையும் வளைக்காமல் உடல் நேர்கோட்டில் இருக்கவேண்டியது அவசியம். ஆரம்பத்தில் கால்களை மேலே தூக்குவதற்கு கடினமாக இருந்தால் ஒரு நம்பிக்கையான மனிதரின் உதவியை நாடலாம். சில நாட்களில் யாருடைய துணையும் இல்லாமல் தனியாவே பயிற்சி செய்யும் வலிமையை உடல் பெற்றுவிடும்.

Sirasasanam – சிரசாசனம் – பயிற்சியின் பலன்கள்

இந்த Sirasasanam – சிரசாசனம் பயிற்சியினால் நாம் முன்பு பார்த்த பிட்யூட்டரி மற்றும் பினியல் சுரப்பிகள் நன்கு அழுத்தப்படுவதோடு நல்ல இரத்த ஒட்டத்தையும் பெறுமாதலால் பிட்யூட்டரி குறைபாட்டால் ஏற்படும் அனைத்து நோய்களையும் வரவிடாமல் தடுக்கும் ஆற்றல் இந்த ஆசனத்திற்கு உண்டு. இதுவே இதன் சிறப்பு.

மேலும் இப்பயிற்சியால் கழுத்து, தலைகளிலுள்ள அத்தனை உறுப்புகளுமே பலமாகும். முதுகு, முதுகெலும்புகளும் பலம்பெறும்.

தலைவலி, காதுவலி மற்றும் கண் சம்பந்தமான பிரச்சனைகளும் நீங்கும். 

இப்பயிற்சியானது மூளைக்கு இரத்த ஓட்டத்தை அதிகரிப்பதுடன் முதுகு தசைகளை உறுதியாக்கி முதுகு தண்டையும் பலப்படுத்துகிறது.

நரம்பு மண்டலத்தை பலப்படுத்தி, ஹார்மோன் இயக்கத்தை மேம்படுத்தி, நோயெதிர்ப்பு திறனையும் அதிகப்படுத்துகிறது.

நுரைஈரலையும் வளப்படுத்தி மூச்சு சம்பந்தமான பிரச்சனைகள் வராமல் பாதுகாக்கிறது.

அதுமட்டுமல்லாமல் பெண்களுக்கு மாதவிடாய் கோளாறுகளையும் சீர்செய்கிறது.

மாற்று ஆசனம்

யோகாசனம் பயில்பவர்கள் “மாற்று ஆசனம்” என்னும் ஒரு சொற்றொடரை அடிக்கடி கேள்விப்பட்டிருக்கலாம். இப்போது இந்த “மாற்று ஆசனம்” என்பது என்ன என்பதனை பார்ப்போம்….

நீங்கள் யோகாசனங்கள் பயிலும்போது ஒரு குறிப்பிட்ட பயிற்சியில் உங்கள் உடல் ஒரு பக்கமாக வளைக்கப்படுவதாக வைத்துக்கொள்வோம். அல்லது திருகப்படுவதாக வைத்துக்கொள்வோம். அதற்கு அடுத்து செய்யப்படும் ஆசனமானது அதற்கு எதிர்பக்கமாக வளைக்கப்படுவதாக அல்லது திருகப்படுவதாக இருக்கும்படி பார்த்துக்கொள்ள வேண்டும்.

இவ்வாறு செய்தால்தான் அனைத்து உறுப்புகளுக்கும் சரிசமமாக பயிற்சி கொடுத்ததாக அமையும். நரம்பு சுளுக்கு, வலி, தசைப்பிடிப்பு முதலிய பிரச்சனைகள் தலைதூக்காமலும் இருக்கும்.

பொதுவாக யோகாசனங்களில் பெரும்பாலான ஆசனங்கள் இரு பக்கங்களிலும் மாறிமாறி பயிற்சி கொடுப்பதாகவே இருக்கும். ஆனால் சில ஆசனங்களுக்கு மட்டும் அப்படி பயிற்சி செய்வதற்கான வாய்ப்பு அமைவதில்லை.

அப்படியான ஆசனங்களை பயிற்சி செய்து முடித்தவுடன் அதற்கு எதிரிடையான வகையில் உடலை வளைத்து செய்யக்கூடிய ஆசனத்தை தேர்ந்தெடுத்து பயிற்சி செய்வது மிகமிக முக்கியம். அவ்வாறான ஆசனத்தையே “மாற்று ஆசனம்” என்பர்.

மாற்று ஆசனம் என்றால் முந்தைய ஆசனத்திற்கு நேர் எதிரிடையாக, மாற்றாக அதாவது மாறுபட்ட கோணத்தில் உடலை அமைத்து செய்யப்படும் ஆசனம் என்று பொருள்.

அந்த வகையில் இந்த சிரசாசனத்திற்கு மாற்று ஆசனமாக விளங்குவது “விருட்சாசனம்“.

சிரசாசனத்தில் உடல் தலைகீழாக்கப்பட்டு தலை மற்றும் கழுத்துக்கு அழுத்தம் கொடுக்கப்படுவதால் உடலிலுள்ள பெரும்பாலான இரத்தமானது தலை, கழுத்துகளை நோக்கி பாயும். அதற்கு அடுத்த ஆசனமாக விருட்சாசனம் செய்யும்போது சிரசாசனத்துக்கு நேர் எதிராக இரு கால்களுக்கும் மாறிமாறி அதிக அளவு அழுத்தம் கொடுக்கப்படுவதால் சிரசாசனத்தின் மூலமாக தலைக்கு செலுத்தப்பட்டு அங்கு தேங்கி நிற்கும் இரத்தம் மீண்டும் கால்களைநோக்கி இழுக்கப்படும். இதனால் பயிற்சியினால் ஏற்படக்கூடிய சில பக்கவிளைவுகள் தடுக்கப்படும். இதுதான் மாற்று ஆசனத்திற்கான கான்செப்ட்டுங்க.

அதனாலதான் சொல்லுறேன் “சிரசாசனம்” செய்து முடித்தவுடன் அதற்கு அடுத்த ஆசனமாக “விருட்சாசனம்” (Vrikshasana – Tree Pose) செய்யுங்க… அப்படி செய்தால்தான் சிரசாசனத்தின் முழுபலன்களும் உங்களுக்கு கிடைக்கும். சிலவிதமான பக்கவிளைவுகளிலிருந்தும் தப்ப முடியும்.

இதனை கேட்டவுடன் உங்களுக்கு விருட்சாசனத்தை பற்றி அறிந்துகொள்ள ஆர்வம் மேலோங்குகிறதல்லவா…

எனக்கும் உங்களுக்கு சொல்லித்தரவேண்டும் என்னும் ஆர்வம் கொஞ்சம் ஜாஸ்தியாத்தான் இருக்கு.

யாமிருக்க பயமேன்…

அடுத்து கொடுக்கப்பட்டுள்ள “விஷீவல் லிங்க்” (visual link preview) உங்களுக்காகத்தான்… ஜோரா கைதட்டிக்கிட்டு அப்படியே விஷீவல் லிங்க் பேனரிலும் ஒரு தட்டு தட்டுங்க….

இதேபோல வேறு சில ஆசனங்களுக்கும் மாற்று ஆசனங்கள் உள்ளன. அவைகள் எவையென்பதனை அறிந்து அதற்கான விதிமுறைகளை தவறாது கடைப்பிடித்து பயனடையுங்கள்.

எச்சரிக்கை

இப்போதுதான் நீங்கள் யோகா பயிற்சியை ஆரம்பிக்கிறீர்கள் என்றால் எடுத்த எடுப்பிலேயே சிரசாசன பயிற்சியில் ஈடுபட வேண்டாம். வேறு பலவிதமான யோக பயிற்சிகளில் ஈடுபட்டு உடலை நன்கு பண்படுத்தியபின் சிரசாசன பயிற்சியில் ஈடுபடலாம்.

சிரசாசன பயிற்சியில் ஈடுபடுவதற்கு முன்னால் ஓரிரு மாதங்கள் “அர்த்த சிரசாசனம்” என்னும் பயிற்சியில் நன்கு தேர்ச்சிபெற்று அதன்பின் இப்பயிற்சியை மேற்கொள்ளவும்.

“அர்த்த சிரசானம்” பயிற்சியைப்பற்றி அறிய அடுத்து கொடுக்கப்பட்டுள்ள “விஷீவல் லிங்க்” (visual link preview) ஐ தட்டுங்க…. அடுத்த வினாடியே உங்கள் கண்முன்னால் அர்த்த சிரசாசனத்தை நீங்கள் காணலாம்.

சரி,… இனி யார்யாரெல்லாம் இந்த Sirasasanam – சிரசாசனம் பயிற்சி செய்ய கூடாது என்பதனை பார்க்கலாம்.

இரத்த அழுத்த நோய் உள்ளவர்கள் கண்டிப்பாக இந்த பயிற்சியை மேற்கொள்ளக்கூடாது.

உணவு உண்டவுடனோ அல்லது வயிற்றில் உணவு நிரம்பியிருக்கும் சமயத்திலோ இந்த பயிற்சியை செய்யக்கூடாது. இப்பயிற்சியில் ஈடுபடும்போது வயிறு காலியாக இருக்கும்படி பார்த்துக்கொள்ளவும். 

கழுத்துவலி, முதுகுத்தண்டு மற்றும் இடுப்பு சம்பந்தமான கோளாறுகள் உள்ளவர்கள் கண்டிப்பாக சிரசாசன பயிற்சியில் ஈடுபட கூடாது.

முழங்கைகள், தோள்கள், விலா எலும்புகள், மூட்டுகளில் காயம் உள்ளவர்கள் இந்த ஆசனத்தை தவிர்க்க வேண்டும். அறுவை சிகிச்சை செய்துகொண்டவர்களும் இந்த பயிற்சியை தவிர்க்க வேண்டும்.

இரத்த அழுத்தம் மற்றும் கண் அழுத்த நோய்களுடன் பல்வலி, மூட்டுவலி, இதயம், சிறுநீரக கோளாறு மற்றும் குடலிறக்க பிரச்னை உள்ளவர்கள் சிரசாசனம் செய்தல் கூடாது.

ஆஸ்துமா, மூச்சு சம்பந்தமான பிரச்சனையுள்ளவர்கள் இந்த பயிற்சியை கைவிட வேண்டும்.

தலைசுற்றல், தலைவலி, கடுமையான ஒற்றை தலைவலி உள்ளவர்கள் கண்டிப்பாக இந்த ஆசனத்தை செய்தல் கூடாது.

ஏழு வயதுக்குட்பட்ட குழந்தைகளின் மண்டை ஓடுகள் முழுமையாக இணைக்கப்படாமலும், போதுமான அளவு இன்னும் வளர்ச்சி அடையாமலும் இருக்குமாதலால் இந்த ஆசனத்தின்மூலம் பாதிப்படைய அதிகம் வாய்ப்புள்ளதால் 7 வயதுக்கு உட்பட்ட குழந்தைகள் இந்த ஆசனத்தை கண்டிப்பாக செய்தல் கூடாது.

மேலும் அதிக உடல் எடை கொண்டவர்கள் இப்பயிற்சி செய்வதை முற்றிலுமாக தவிர்க்க வேண்டும். கர்ப்பிணி பெண்களும் இப்பயிற்சியில் ஈடுபடுவதை முற்றிலுமாக தவிர்க்க வேண்டும்.

இந்த ஆசனத்தை பயிற்சி செய்யும்போது கழுத்தில் வலி தோன்றினால் உடனடியாக ஆசனம் செய்வதை நிறுத்திவிடவும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கழுத்து, தலைகளிலுள்ள அத்தனை உறுப்புகளுமே பலமாகின்றன. முதுகு, முதுகெலும்புகளும்கூட பலம் பெறுகின்றன.

தலைவலி, காதுவலி மற்றும் கண் சம்பந்தமான பிரச்சனைகளும் நீங்கும். 

இப்பயிற்சியானது மூளைக்கு இரத்த ஓட்டத்தை அதிகரிப்பதுடன் முதுகு தசைகளை உறுதியாக்கி முதுகு தண்டையும் பலப்படுத்துகிறது.

நரம்பு மண்டலத்தை பலப்படுத்தி, ஹார்மோன் இயக்கத்தை மேம்படுத்தி, நோயெதிர்ப்பு திறனையும் அதிகப்படுத்துகிறது.

நுரைஈரலையும் வளப்படுத்தி மூச்சு சம்பந்தமான பிரச்சனைகள் வராமல் பாதுகாக்கிறது.

அதுமட்டுமல்லாமல் பெண்களுக்கு மாதவிடாய் கோளாறுகளையும் சீர்செய்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இரத்த அழுத்த நோய், கழுத்துவலி, முதுகுத்தண்டு மற்றும் இடுப்பு சம்பந்தமான கோளாறுகள் உள்ளவர்கள் கண்டிப்பாக சிரசாசன பயிற்சியில் ஈடுபட கூடாது என்பதனை பார்த்தோம்.

முழங்கைகள், தோள்கள், விலா எலும்புகள், மூட்டுகளில் காயம் உள்ளவர்கள் இந்த ஆசனத்தை தவிர்க்க வேண்டும். அறுவை சிகிச்சை செய்துகொண்டவர்களும் இந்த பயிற்சியை தவிர்க்க வேண்டும்.

கண் அழுத்த நோய்களுடன் பல்வலி, மூட்டுவலி, இதயம், சிறுநீரக கோளாறு மற்றும் குடலிறக்க பிரச்னை உள்ளவர்கள் சிரசாசனம் செய்தல் கூடாது.

ஆஸ்துமா, மூச்சு சம்பந்தமான பிரச்சனையுள்ளவர்கள் இந்த பயிற்சியை கைவிட வேண்டும்.

தலைசுற்றல், தலைவலி, கடுமையான ஒற்றை தலைவலி உள்ளவர்கள் கண்டிப்பாக இந்த ஆசனத்தை செய்தல் கூடாது.

கர்ப்பிணி பெண்களும் இப்பயிற்சியில் ஈடுபடுவதை முற்றிலுமாக தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “ஒற்றை தலைவலி” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Sirasasanam – சிரசாசனம் appeared first on Personality Fitting.

ஆசன பயிற்சியில் பலவருடம் தொடர்ந்து தேர்ச்சி பெற்றவர்களாலேயே சிரசாசனத்தை பிழையின்றி பயில முடியும்.

ஆனால், நாம் இப்போது பார்க்கப்போகும் ஆசனமானது அனைவராலும் எளிதாக பயிற்சி செய்யக்கூடியதாகவே அமைந்துள்ளது.

சிரசாசனம் பயிற்சி செய்ய விருப்பமுள்ளவர்கள் ஆரம்பத்தில் நாம் இப்போது பார்க்கப்போகும் ஆசனத்தில் நன்கு தேர்ச்சிபெற்றபின் சிரசாசனம் செய்ய தொடங்கலாம். இதுவும் சிரசாசனம் போலவேதான் என்றாலும் அதில் பாதி.

நாம் இப்போது பயிற்சி செய்யப்போகும் ஆசனத்தின் பெயர் “அர்த்த சிரசாசனம்” (Half Headstand).

அர்த்த சிரசாசனம் – அடிப்படைத் தகவல்கள்.

பெயர் – Artha sirsasana.

தமிழில் – அர்த்த சிரசாசனம்.

சமஸ்கிருதம் – Artha sirsasana.

ஆங்கிலம் – Half Headstand pose on forearms.

வேறுபெயர்கள் – Artha sirsasana on forearms, Upward Facing Staff Pose.

ஆசனத்தின் நிலை – Prone, Forearms, Head and shoulders, Toe Balances, Arm Balances.

பயிற்சியின் கடின தன்மை – Intermediate.

உடல் கோணம் – Inversion, Stretch, Strength, Forward-Bend.

“அர்த்த” என்பது வடமொழிச்சொல். இதற்கு பாதி என்று பொருள். “சிரசு” என்றால் தலை என்று பொருள். எனவே அர்த்த சிரசாசனம் (Artha Sirsasana) என்றால் “பாதி சிரசாசனம்” என்று பொருள்படும்.

சிரசாசனத்தில் முழு உடலும் மேல்நோக்கியபடி அமைந்திருக்கும். ஆனால் இந்த அர்த்த சிரசாசனத்தில் தலையிலிருந்து இடுப்புவரை மட்டுமே மேல்நோக்கி இருக்கும் எனவேதான் இது பாதி சிரசாசனம் என்னும் பொருள்படும்படி “அர்த்த சிரசாசனம்” என அழைக்கப்படுகிறது.

சரி,.. இனி இதை எவ்வாறு பயிற்சி செய்வது என்பதை பார்ப்போம்.

Artha Sirsasana – அர்த்த சிரசாசனம் – பயிற்சி முறை

கெட்டியான ஜமுக்காளத்தை நான்காக மடித்துப்போட்டு அதன்மேல் மண்டியிட்டு உட்காரவும்.

இரு கைகளின் விரல்களையும் பிணைத்து உள்ளங்கைகள் உங்களை நோக்கியிருக்கும் படி விரிப்பின்மீது அமைக்கவும்.

தலையை அந்த இரு உள்ளங்கைகளுக்கும் இடையில் தரையில் ஊன்றி இரு கைகளையும் தலையின் இரு பக்கங்களிலும் முட்டுக்கொடுத்து மூச்சை உள்ளுக்கு இழுத்து நிறுத்திக்கொண்டே இடுப்பை மேல்நோக்கி உயர்த்தவும்.

இரு கால்களையும் ஒருசேர வைக்கவும். இப்போது உங்கள் உடல் பார்ப்பதற்கு முக்கோண வடிவில் இருக்கும். உங்கள் உடலின் முழு பளுவும் இரு கைகளும், இரு கால்களும் தாங்கியபடி இருக்கவேண்டும். கண்களை மூடிக்கொண்டு மூச்சை சீராக விடவும்.

30 வினாடிகள் இதே நிலையில் இருந்து அதன்பின் கால்களை மடக்கி இயல்புநிலைக்கு வந்து முன்புபோல் மண்டியிட்டு உட்காரவும்.

தரையிலிருந்து தலையை தூக்கும் போது மெதுவாக தூக்கவும். வேகமாக தூக்கினால் சிலருக்கு தலைச்சுற்று ஏற்படலாம்.

சில வினாடிகள் ஓய்வுக்குப்பின் மீண்டும் முன்போல் இதே பயிற்சியை செய்யவும்.

இப்பயிற்சியை திரும்ப திரும்ப 3 முதல் 7 தடவைகள்வரை செய்துவரலாம்.

பயிற்சியின் பலன்கள்

இப்பயிற்சியால் தலைப்பகுதிக்கு இரத்த ஓட்டம் அதிகரிப்பதால் மூளை சுறுசுறுப்பு பெற்று ஞாபகசக்தி அதிகரிக்கிறது. எனவே இது மாணவர்களுக்கான ஒரு சிறந்த பயிற்சியாக கருதப்படுகிறது.

தலைசார்ந்த அனைத்து நோய்களும் நீங்குவதுடன் கண், காது, மூக்கு சார்ந்த பிரச்சனைகள் நீங்குவதுடன் கண்களும் கூர்மையடைகின்றன.

தலை, கழுத்து பகுதிகளில் அமைந்துள்ள பிட்யூட்டரி (Pituitary gland) மற்றும் தைராய்டு (Thyroid gland) சுரப்பிகளுக்கு செல்லும் இரத்தத்தின் அளவு அதிகரிப்பதால் உடலிலுள்ள பிரச்சனைகள் அனைத்தும் அகலுவதுடன் உடலும் சுறுசுறுப்படைகின்றன.

இப்பயிற்சியால் மூளையின் செயல்பாடு அதிகரிப்பதோடு கழுத்து, கை, கால், தோள் மற்றும் முதுகெலும்புகள் வலிமையடைகின்றன.

இருதயம் மற்றும் நுரையீரல்களின் செயல்பாடுகளும் அதிகரிக்கின்றன.

கூந்தல் வளர்ச்சியை அதிகரிப்பதுடன் முடி உதிர்தலை தடுத்து நிறுத்துகின்றன.

முக்கிய குறிப்புகள்

ஆண், பெண் இருபாலரும் இப்பயிற்சியை செய்துவரலாம் என்றாலும் தலையில் அறுவை சிகிச்சை செய்து கொண்டவர்கள், அதிக உடல் எடை உள்ளவர்கள், இரத்த அழுத்த கோளாறு உள்ளவர்கள், கண்நோய், காதுவலி, பல்வலி முதலியவைகளால் அவதியுறுபவர்கள், படபடப்பாக உணர்பவர்கள், கழுத்து மற்றும் முதுகுத்தண்டில் பிரச்சனை உள்ளவர்கள் இப்பயிற்சி செய்வதை தவிர்க்க வேண்டும்.

மேலும் இதய நோய் உள்ளவர்களும் இந்த பயிற்சியை கவனமாக கையாளவேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக தலை, கழுத்து, கண், காது, மூக்கு, கை, கால், தோள் மற்றும் முதுகெலும்புகள் வலிமையடைகின்றன.

தலை, கழுத்து பகுதிகளில் அமைந்துள்ள பிட்யூட்டரி (Pituitary gland) மற்றும் தைராய்டு (Thyroid gland) சுரப்பிகளுக்கு செல்லும் இரத்தத்தின் அளவு அதிகரிப்பதால் உடலிலுள்ள பிரச்சனைகள் அனைத்தும் அகலுவதுடன் உடலும் சுறுசுறுப்படைகின்றன.

இப்பயிற்சியால் மூளையின் செயல்பாடு அதிகரிப்பதோடு, வலிமையடைகின்றன.

இருதயம் மற்றும் நுரையீரல்களின் செயல்பாடுகளும் அதிகரிக்கின்றன.

கூந்தல் வளர்ச்சியை அதிகரிப்பதுடன் முடி உதிர்தலை தடுத்து நிறுத்துகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் தலையில் அறுவை சிகிச்சை செய்து கொண்டவர்கள், அதிக உடல் எடை உள்ளவர்கள், இரத்த அழுத்தம், கண்நோய், இதய நோய், காதுவலி, பல்வலி, கழுத்து மற்றும் முதுகுத்தண்டில் பிரச்சனை உள்ளவர்கள் இப்பயிற்சி செய்வதை தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “முடி உதிர்தல்” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Artha Sirsasana – அர்த்த சிரசாசனம் appeared first on Personality Fitting.

உண்மையில் இந்த ஆசனத்தின் பெயர் மச்சாசனம் அல்ல. “மத்ஸ்யாசனம்” (Matsyasana) என்பதே சரி. “மத்ஸ்யம்” என்பது சம்ஸ்கிருத சொல். இதற்கு “மீன்” (Fish) என்று பொருள். இந்த ஆசனத்தில் அமரும்போது உடலானது மீன் வடிவத்தில் அமைவதால் இதனை “மத்ஸ்யாசனம்” என்கின்றனர்.

தமிழில் சொல்லவேண்டுமென்றால் இதனை “மீன் ஆசனம்” அல்லது “மீன் இருக்கை” என்று குறிப்பிடலாம். ஆனால் இதனை தமிழில் “மச்சாசனம்” (Machasana) என்றே குறிப்பிட்டுவருகின்றோம்.

Machasana – மச்சாசனம் – அடிப்படைத் தகவல்கள்

பெயர் – Machasana.

தமிழில் – மச்சாசனம்.

சமஸ்கிருதம் – Machasana.

ஆங்கிலம் – Fish Pose.

வேறுபெயர்கள் – Fish in Lotus Pose.

ஆசனத்தின் நிலை – Supine, Forearms.

பயிற்சியின் கடின தன்மை – Beginner.

உடல் கோணம் – Back-Bend, Stretch, Inversion, Strength.

பயிற்சிக்கு முன் தெரிந்து கொள்ள வேண்டியவை

இந்த ஆசனம் சர்வாங்காசனத்திற்கு “மாற்று ஆசனம்“.

மாற்று ஆசனம் என்றால் என்ன? அதுபற்றி சிறிது பார்ப்போம்.

பொதுவாக உடலுக்கு ஏதாவது ஒரு உடற்பயிற்சி கொடுக்கிறோம் என்று வைத்துக்கொள்ளுங்கள். அந்தப்பயிற்சியில் முதல்தடவை உடல் இடப்பக்கமாக வளைக்கப்படுவதாக வைத்துக் கொண்டால் இரண்டாவது தடவை அந்த உடல் வலப்பக்கமாக வளைக்கப்படவேண்டும். அப்போதுதான் உடலின் இரு பக்கங்களுக்கும் சரிசமமாக பயிற்சி கொடுத்தததுபோல் ஆகும்.

அதேபோல் இன்னொரு பயிற்சியில் முதல் தடவை உடல் முன் பக்கமாக வளைக்கப்படுவதாக வைத்துக் கொண்டால் இரண்டாவது தடவை அதே உடல் பின் பக்கமாக வளைக்கப்படவேண்டும். இந்த நுட்பம் அனைத்து பயிற்சிகளுக்குமே பொருந்தும்.

இந்த வழிமுறையை சரியாக கடைபிடித்தால்தான் உடலின் அனைத்து உறுப்புகளும் சமசீராக பலன்பெறும். அதுமட்டுமல்லாமல் உடலின் அனைத்து உறுப்புகளும் சமசீராக இயக்கப்பட்டு ஆரோக்கியமும் மேம்படும்.

இதே வழிமுறைதான் யோகாசனப் பயிற்சியிலும் கடைபிடிக்கப்படுகிறது. கடைபிடிக்கப்படுகிறது மட்டுமல்ல கண்டிப்பாக கடைபிடிக்கப்பட வேண்டும் (Strict rule) என்பது விதிமுறை.

விதிமுறைக்கு மாறாக சகட்டுமேனிக்கு ஏதேதோ கண்ணில்பட்ட ஒன்றிரண்டு ஆசனங்களை மானாவாரியாக செய்து கொண்டிருந்தால் தசைப்பிடிப்பு, நரம்புச்சுளுக்கு, பயிற்சியில் ஆர்வமின்மை போன்ற பக்கவிளைவுகளே மிஞ்சும்.

எனவே, நுட்பம் தெரிந்து பயிற்சி செய்தால்தான் யோகாசனப் பயிற்சியின் முழுப்பலனையும், ஆரோக்கியத்தையும், மனமகிழ்ச்சியையும் பெறமுடியும்.

பொதுவாக பெரும்பாலான யோகாசனங்களில் ஒரே ஆசனத்திலேயே உடலின் இரு பக்கங்களிலும் மாறி, மாறி பயிற்சி எடுக்கும்படியாகவே அமைக்கப்பட்டிருக்கும்.

Opposite angle – Opposite position

ஒரு எடுத்துக்காட்டுக்காக சொல்லவேண்டுமென்றால் “கோணாசனம்” (konasana), “திரிகோணாசனம்” (Trikonasana) மற்றும் “வீரபத்ராசனம்” (Virabhadrasana) முதலியவைகளை குறிப்பிடலாம். இப்பயிற்சிகளில் உடலின் இரண்டு பக்கங்களிலும் மாறி மாறி இடுப்பை வளைப்பது மற்றும் இரண்டு கால்களுக்கும் ஒன்றை மாற்றி ஒன்றாக பயிற்சி கொடுப்பதை காணலாம்.

ஆனால், எல்லாவகையான ஆசனங்களும் இப்படி உடலின் இருபக்கங்களுக்கும் பயிற்சி கொடுக்கும்படியான வாய்ப்பு அமைவதில்லை.

மாறாக, உடலின் ஒருபக்கம் மட்டுமே இயக்கப்படுகின்றன.

அப்படியான ஆசனங்கள் செய்யும்போது அதற்கு அடுத்த ஆசனமாக அதற்கு எதிர்நிலையில் பயிற்சி கொடுக்கும் படியான ஆசனத்தை தேர்ந்தெடுத்து பயிற்சி செய்யவேண்டும். 

அதாவது, முதலில் செய்யப்படும் ஆசனத்தில் உடல் எந்த பக்கம் இயக்கப்படுகிறதோ அதற்கு நேர் எதிர்நிலையில் (opposite position) உடல் இயங்கும்படி இரண்டாவதாக செய்யும் ஆசனம் இருக்கவேண்டும். அவ்வாறான ஆசனத்தையே “மாற்று ஆசனம்” என்பர்.

இதுபோல பல ஆசனங்களுக்கு மாற்று ஆசனங்கள் உள்ளன.

எடுத்துக்காட்டாக, “சர்வாங்காசனம்” (Sarvangasana) என்னும் பயிற்சியில் கழுத்து உட்பக்கமாக வளைக்கப்படுவதை நீங்கள் பார்க்கலாம். அத்துடன் மார்பும் உட்புறமாக குவிக்கப்படுகிறது. எனவே இந்த ஆசனம் செய்து முடித்தவுடன் இதற்கு அடுத்த இரண்டாவது ஆசனமாக கழுத்து வெளிப்பக்கமாக வளைக்கப்படும் அதேவேளையில் மார்பும் வெளிப்பக்கமாக விரிவடையும்படி செய்யும் ஆசனத்தை தேர்ந்தெடுத்து செய்தல் வேண்டும்.

இந்த விதிமுறையை கடைபிடிக்க தவறினால் கழுத்துவலி, கழுத்து ஒரு பக்கமாக சுளுக்கிக்கொள்ளுதல், தசைப்பிடிப்பு, பயிற்சியில் போதிய அளவு பலனில்லாமை, உற்சாகக்குறைவு மற்றும் பல்வேறுபட்ட உடல் உபாதைகளும் ஏற்படலாம்.

அப்படி கழுத்து வெளிப்புறமாக வளைக்கப்படும் மற்றும் மார்பை விரிவடைய செய்யும் ஆசனம் என்று பார்த்தோமானால் “மச்சாசனம்” என அழைக்கப்படும் மத்ஸ்யாசனத்தை சொல்லலாம். எனவே இங்கு சர்வாங்காசனத்திற்கு மாற்று ஆசனமாக இருப்பது “மச்சாசனம்” (Machasana) எனலாம்.

அதாவது,… “மாற்று ஆசனம்” என்றால் அதற்கு “பதிலாக” அல்லது அந்த ஆசனத்திற்கு ஒரு “மாற்றாக” செய்யக்கூடிய ஆசனம் என்று பொருள் அல்ல.

ஏற்கனவே செய்யப்பட்ட ஆசனத்தில் உடல் எந்த கோணத்தில் இருந்ததோ அதற்கு நேர் மாறுபட்ட கோணத்தில் (opposite angle) உடலை வைக்கக்கூடிய மாறுபட்ட ஆசனம் என்பதே “மாற்று ஆசனம்” என்பதின் பொருள்.

எனவே, சர்வாங்காசனம் மட்டுமல்லாது விபரீதகரணி, ஹாலாசனம் போன்ற ஆசனங்கள் செய்தபின் அதற்கு அடுத்த ஆசனமாக செய்யப்படவேண்டிய மாற்று ஆசனமான மச்சாசனத்தைப்பற்றி இப்பதிவில் பார்க்க இருக்கின்றோம். வாருங்கள் பார்க்கலாம்.

Artha matsyasana – Half Fish Pose

மச்சாசனம் பத்மாசனத்தில் (Padmasana) அமர்ந்தபடி செய்யப்படுகிறது. எனவே முதலில் இந்த ஆசனத்தை செய்ய பத்மாசனத்தில் நன்கு தேர்ச்சி பெற்றிருக்க வேண்டியது அவசியம்.

பத்மாசனத்தைப்பற்றி அறிந்துகொள்ள கீழே கொடுக்கப்பட்டுள்ள விஷீவல் லிங்கை (visual link preview) ஐ ஒரு தட்டு தட்டுங்க… இங்கிருந்தபடியே பத்மாசனத்திற்குள் எண்டர் ஆகுங்க…

பத்மாசனத்தில் இன்னும் நீங்கள் நன்கு தேர்ச்சி பெறவில்லையெனில் தேர்ச்சிபெறும் வரையில் மச்சாசனத்திற்கு பதிலாக “அர்த்த மச்சாசனம்” (Artha matsyasana) செய்துவரலாம். அர்த்த என்றால் “பாதி” என்று பொருள். “அர்த்த மச்சாசனம்” என்றால் தமிழில் “பாதி மீனாசனம்” அல்லது “அரை மீன் இருக்கை” (Half Fish Pose) என்று பொருள். இதில் பத்மாசனத்தில் அமராமல் இரண்டு கால்களையும் நீட்டிய நிலையில் பயிற்சி செய்யப்படுகின்றன.

மச்சாசனமாகட்டும் அல்லது அர்த்த மச்சாசனமாகட்டும் இதனை பயிற்சி செய்யும்போது வயிற்றில் சிறிதளவு நீர் அல்லது பழரசம் தவிர திடஉணவு, மலசலம் எதுவுமில்லாமல் வெறுமையாக இருத்தல் வேண்டும். 

இனி மச்சாசனத்தை எவ்வாறு பயிற்சி செய்வது என்பதனை பார்ப்போம்.

மச்சாசனம் – செய்முறை

முதலில் பத்மாசன நிலையில் அமரவும். பத்மாசன நிலை கலையாமல் மெதுவாக முழங்கைகளை பின்னால் ஊன்றி மல்லாந்து படுத்து மார்பை உயர்த்தி முதுகை வில்போல் மேல்பக்கமாக வளைத்து தலையின் உச்சி தரையில் படும்படி மெதுவாக ஊன்றவும்.

அதன்பின் கைகளால் கால் கட்டைவிரல்களை பற்றியபடி சிறிது நேரம் இருக்கவும். முழங்கை தரையில் படிந்தபடி இருக்கட்டும். இந்த நிலையில் தலை மற்றும் கழுத்திற்கு அதிகம் அழுத்தம் கொடுக்காமல் உடலின் எடையை முழங்கை தாங்கும்படி பார்த்துக்கொள்ளவும்.

மூச்சை நன்றாக இழுத்து சுவாசிக்கவும். ஆரம்பத்தில் 10 முதல் 15 வினாடிகள் இந்நிலையில் இருந்து அதன்பின் 1 முதல் 2 நிமிடம்வரை நீடிக்கலாம். அவ்வாறு இருக்கும்போது உமிழ்நீரை விழுங்க முயற்சி செய்தல் கூடாது. இந்த நிலையில் இருந்துவிட்டு அதன்பின் இயல்பு நிலைக்கு திரும்பவும்.

சில வினாடிகள் ஓய்வுக்குப்பின் மீண்டும் முன்போல் செய்யவும். இந்த பயிற்சியை திரும்ப திரும்ப 4 முதல் 5 தடவை வரை செய்துவரலாம்.

கால்களை மடக்கி பத்மாசனமிட்டு இப்பயிற்சியை செய்ய முடியாதவர்கள் கால்களை நேராக நீட்டி “அர்த்த மச்சாசனம்” [Half Fish Pose] செய்து வரலாம்.

Machasana – மச்சாசனம் – பயிற்சியின் பலன்கள்

இப்பயிற்சியால் மார்பு விரிவடையும். நுரையீரல் (Lung) வலிமை பெறும். நுரைஈரல் நன்கு விரிவடைவதால் உடலுக்கு அதிக அளவில் ஆக்சிஜன் (Oxygen) கிடைக்கின்றன. இதனால் இரத்தம் சுத்தமாவதோடு உடலில் நோயெதிர்ப்பு சக்தியும் மேம்படுகிறது.

மேலும் நுரைஈரல் சம்பந்தமான சளி (Cold), இருமல் (Cough), ஆஸ்துமா (Asthma), கக்குவான் இருமல் (Whooping Cough) முதலிய அனைத்து நோய்களும் நீங்கும். 

நாம் தினமும் உட்காரும்போது நிமிர்ந்து உட்காருவதில்லை. மாறாக, முதுகு கூன் விழுந்த நிலையில் இருக்கும்படிதான் உட்காருகின்றோம். இதனால் உடலின் உள்ளுறுப்புகள் அடையும் துன்பங்களோ ஏராளம். இந்த அனைத்து பிரச்சனைகளையும் இந்த “மச்சாசனம்” நிவர்த்தி செய்கிறது.

இப்பயிற்சியால் முதுகெலும்பு துவளும் தன்மையை பெற்று இளமை மேலிடும். கூன்விழாது. உடலிலுள்ள அதிகப்படியான ஊளைச்சதைகள் குறையும். கழுத்து, தோள்பட்டைகள் வலிமைபெறும். இடுப்பு, முதுகுப்பகுதிகள் நன்கு பலம்பெறும்.

வயிற்றுத்தசைகள், குடல்கள் வலிமைபெறுவதால் அஜீரணம் (Indigestion), மலச்சிக்கல் (Constipation) நீங்கும். நீரிழிவும் (Diabetes) கட்டுப்படும்.

நாளமில்லாத சுரப்பிகளான கழுத்திலுள்ள தைராய்டு சுரப்பிகள் (Thyroid gland), தலையிலுள்ள பிட்யூட்டரி (Pituitary gland), பினியல் (Pineal) சுரப்பிகள் சுறுசுறுப்படையும். 

பயிற்சியை ஆரம்பித்துவிட்டீர்களா…. அப்படியென்றால் இனி உங்களிடமிருந்து களைப்பு காணாமல் போவதோடு குதூகலமும் குத்தாட்டம்போடும்.

முக்கிய குறிப்புகள்

கழுத்துப்பிடிப்பு பிரச்சனை இருந்தால் அந்த பிரச்சனை நீங்கும்வரை இந்த ஆசனம் செய்வதை தவிர்க்கவேண்டும். மார்பு மற்றும் இதய பகுதிகளில் பிரச்சனை இருந்தாலோ அல்லது அதிக மற்றும் குறைந்த இரத்த அழுத்தம் (High blood pressure) இருந்தாலோ இப்பயிற்சியை தவிர்க்க வேண்டும்.

ஒற்றைத்தலைவலி மற்றும் தூக்கமின்மை பிரச்சனை உள்ளவர்கள் இந்த ஆசனத்தை தவிர்க்கவேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக “நுரையீரல் (Lung) வலிமை பெறும். நுரைஈரல் சம்பந்தமான சளி (Cold), இருமல் (Cough), ஆஸ்துமா (Asthma), கக்குவான் இருமல் (Whooping Cough) முதலிய அனைத்து நோய்களும் நீங்கும்.

வயிற்றுத்தசைகள், குடல்கள் வலிமை பெறுவதால் அஜீரணம் (Indigestion), மலச்சிக்கல் (Constipation) நீங்கும். நீரிழிவும் (Diabetes) கட்டுப்படும்.

நாளமில்லாத சுரப்பிகளான கழுத்திலுள்ள தைராய்டு சுரப்பிகள் (Thyroid gland), தலையிலுள்ள பிட்யூட்டரி (Pituitary gland), பினியல் (Pineal) சுரப்பிகள் சுறுசுறுப்படையும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் “கழுத்துப்பிடிப்பு பிரச்சனை, மார்பு மற்றும் இதய பகுதிகளில் பிரச்சனை இருந்தாலோ அல்லது அதிக மற்றும் குறைந்த இரத்த அழுத்தம் (High blood pressure) இருந்தாலோ இப்பயிற்சியை தவிர்க்க வேண்டும்.

ஒற்றைத்தலைவலி உள்ளவர்கள் இந்த ஆசனத்தை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “ஆஸ்துமா (Asthma)” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Machasana – மச்சாசனம் appeared first on Personality Fitting.

“சர்வம்” என்றால் சகலமும் என்று பொருள்.

“அங்கம்” என்பது உடல் பாகங்களை அதாவது உடல் உறுப்புகளைக் குறிக்கும்.

“ஆசனம்” என்றால் ஒரு நிலையில் உடலை அமரவைப்பது என்று பொருள்படும்.

“சர்வாங்காசனம்” (Sarvangasana) என்றால் உடலிலுள்ள அனைத்து உறுப்புகளும் மேம்படும்படி அமரும் பயிற்சி முறை என்று பொருள்.

இந்த ஒரேயொரு பயிற்சியே உங்கள் மொத்த உடலையும் ஆரோக்கியமாக வைத்திருக்கும்.

உங்களுக்கு இப்போது ஒரு சந்தேகம் ஏற்படலாம். ஒரேயொரு தனிப்பட்ட பயிற்சியானது எப்படி அனைத்து உடல் அவயங்களையும் மேம்படுத்தும் என்பதுதான் அது.

இதனை புரிந்து கொள்ள வேண்டுமெனில் நம் உடலின் உள் மற்றும் வெளி உறுப்புகளின் செயல்பாடுகளைப்பற்றி அறிந்துகொள்வது அவசியம்.

இவ்வுடல் தொடர்ந்து உயிர்வாழ்வதற்கு நீர், காற்று, உணவு அவசியம் என்றாலும் உடலின் அனைத்து உறுப்புகளையும் ஆரோக்கியமாக வைத்துக்கொள்வதில் முக்கிய பங்காற்றுபவை உடலிலுள்ள சுரப்பிகள் (Glands) எனலாம்.

உடலிலுள்ள சுரப்பிகளை இருவகையாக பிரிக்கலாம். அவை “நாளமுள்ள சுரப்பிகள்” (Exocrine gland) மற்றும் “நாளமில்லா சுரப்பிகள்” (Ductless glands or Endocrine glands).

நாளமுள்ள சுரப்பிகள் ”என்சைம்” (enzyme) என்று சொல்லப்படும் நொதிகளை சுரக்கின்றன. இந்த நொதிகளை குழாய் போன்ற நாளங்கள் வழியாக தேவைப்படும் உடல் பாகங்களுக்கு அனுப்புகின்றன. எனவே இவைகளை நாளமுள்ள சுரப்பிகள் என்கின்றோம்.

ஆனால் நாளமில்லா சுரப்பிகளோ ”ஹார்மோன்” (Hormone) என்னும் திரவங்களை சுரக்கின்றன.

ஹார்மோன்கள் என்பது வேதிப்பொருட்களைக் கொண்ட நீர்ம நிலையிலுள்ள புரதங்கள் (Protein) அல்லது ஸ்டீராய்டுகள் (Steroid).

நாளமில்லா சுரப்பிகள் என்பவை நாளமுள்ள சுரப்பிகளைப் போல் நாளங்களின் மூலமாக ஹார்மோன்களை கடத்தாமல் நேரடியாகவே இரத்தத்தில் ஹார்மோன்களை கலக்கச் செய்து விரைவாக உடலை செயல்பட வைக்கின்றன.

மனித உடலிலுள்ள நாளமில்லா சுரப்பிகள்

• பிட்யூட்டரி (ஹைப்போபைஸிஸ்).
• பினியல் (Pineal ).
• தைராய்டு.
• பாரா தைராய்டு.
• தைமஸ்.
• அட்ரீனல் சுரப்பி (கார்டெக்ஸ் மற்றும் மெடுல்லா).
• கணையம் (அ ) பான்கிரியாஸ் (லாங்கர் ஹான் திட்டுகள்).
• இனப்பெருக்க சுரப்பிகள் (விந்தகம் மற்றும் அண்டச் சுரப்பிகள்).

இதில் கணையம் என்னும் சுரப்பியே அளவில் பெரியது என்றாலும் நாளமுள்ள சுரப்பியின் பண்புகளையும் நாளமில்லாத சுரப்பியின் பண்புகளையும் ஒருங்கே பெற்றுள்ளதாதலால் இது “இரட்டைப்பண்பு சுரப்பி” என்னும் விசேஷ பெயரால் அழைக்கப்படுகிறது.

நாளமில்லா சுரப்பிகள் சுரக்கும் திரவங்களானது வெறும் நோய்களை தீர்ப்பது மட்டுமல்லாமல் உடலின் அன்றாட வளர்ச்சி, வளர்ச்சிதை மாற்றம் முதலிய அனைத்து அனிச்சை விஷயங்களையும் நாளமில்லா சுரப்பிகள் உற்பத்தி செய்யும் ஹார்மோன்களே தீர்மானிக்கின்றன.

மேலும் மனதின் உணர்ச்சிகளான அழுகை, சந்தோசம், கோபம் முதலியவைகளையும் ஹார்மோன்களே நிர்வகிக்கின்றன.

இந்த சர்வாங்காசன பயிற்சியானது மேற்குறிப்பிட்டுள்ள 8 வகையான நாளமில்லா சுரப்பிகளில் குறிப்பிட்ட 4 வகையான சுரப்பிகளை சுறுசுறுப்பாக இயங்குபடி செய்கின்றன. அவை பிட்யூட்டரி (pituitary gland) , பினியல் (pineal glands), தைராய்டு (Thyroid), பாரா தைராய்டு (Parathyroid).

எனவே, சர்வாங்காசனாவைப் பற்றி பார்ப்பதற்கு முன்னால் இந்த நான்கு வகையான சுரப்பிகளின் செயல்பாடுகளை ஓரளவாவது தெரிந்து கொண்டால்தான் சர்வாங்காசனப் பயிற்சியின் முக்கியத்துவத்தையும் நம்மால் நன்கு புரிந்துகொள்ள முடியும்.

பிட்யூட்டரி சுரப்பி (Pituitary gland)

இது நம்முடைய தலையில் மூளைப்பகுதியில் அமைந்துள்ளது. மூளையின் அடிப்பகுதியில் “ஹைப்போதலாமஸ்”ஸோடு (Hypothalamus) இணைந்துள்ள இந்த சுரப்பியின் அளவு ஒரு பட்டாணியின் அளவே!!

ஒரு பட்டாணி அளவில் அமைந்துள்ள இந்த சுரப்பியின் எடை வெறும் அரை கிராம் அளவு மட்டுமே.

இந்த சுரப்பியானது பொதுவாக உடலின் சமநிலையை ஒழுங்குபடுத்தும் ”ஹோமியோஸ்டாஸிஸ்” (Homeostasis) என்னும் ஹார்மோனை சுரக்கிறது.

அதுமட்டுமல்லாமல் உடலிலுள்ள பிற அனைத்து நாளமில்லா சுரப்பிகளையும் தூண்டக்கூடிய ”டிராபிக்” (tropic hormone) வகை ஹார்மோன்களையும் இது உற்பத்தி செய்கிறது.

மனித உடலிலுள்ள அனைத்து நாளமில்லா சுரப்பிகளை இயக்குவதும் கட்டுப்படுத்துவதும் மூளையில் அமைந்துள்ள இந்த ”பிட்யூட்டரி” சுரப்பியின் வேலை!..

இந்த சுரப்பி பாதிப்படைந்தால் உடலிலுள்ள அனைத்து நாளமில்லா சுரப்பிகளின் இயக்கங்களும் பாதிக்கப்படும் என்பது உறுதி.

இதன் சுரப்பு அளவில் குறைந்தாலும் கூடினாலும் அது உடல் நலனில் பாதிப்பை ஏற்படுத்தும்.

பிட்யூட்டரி குறைவாக ஹார்மோனை சுரந்தால் பசியின்மை, உடலில் சர்க்கரை மற்றும் ரத்த அழுத்த குறைவு ஏற்படுவதோடு பெண்களுக்கு பூப்படைதல் தள்ளிப்போவதோடு மாதவிடாய் சுழற்சியிலும் பாதிப்பை உண்டாக்கும்.

சுரப்பி அதிகமாக ஹார்மோனை சுரந்தால் இரத்த அழுத்தம், தலைவலி அதிகரிப்பதோடு பார்வைக்குறைபாடும் உண்டாகும். உடல் எடை அதிகரிக்கும். இன்னும் பலவித பாதிப்பையும் ஏற்படுத்தும்.

அனைத்து நாளமில்லா சுரப்பிகளையும் கட்டுப்படுத்தும் தலைமை சுரப்பி ஆதலால் இதில் ஏதாவது பாதிப்பு ஏற்பட்டால் பிற அனைத்து நாளமில்லா சுரப்பிகளும் கடுமையான பாதிப்புக்குள்ளாகும்.

பினியல் சுரப்பி – Pineal glands

இதுவும் நம்முடைய தலையின் மூளைப்பகுதியிலேயே அமைந்துள்ளது. இந்த சுரப்பியானது ”மெலட்டோனின்” (Melatonin) என்னும் ஹார்மோனை சுரக்கிறது. இந்த ஹார்மோன் சூழ்நிலைக்கு ஏற்ப நம்முடைய தூக்கத்தை கட்டுப்படுத்துகிறது.

தைராய்டு சுரப்பி – Thyroid glands

நம் கழுத்துப்பகுதியில் ஒரு சுரப்பி உள்ளது. அதன் பெயர் ”தைராய்டு” (Thyroid gland). மனித உடலில் உள்ள நாளமில்லா சுரப்பிகளில் மிகப் பெரியது தைராய்டுதான். இது உடலுக்கு மிகவும் இன்றியமையாத சுரப்பியாகும்.

இந்த சுரப்பி நம்முடைய கழுத்தின் முன்பகுதியில் குரல்வளைக்கும் கீழ் 4 செ.மீ உயரத்துடனும் 15 முதல் 20 கிராம் எடையுடனும் காணப்படுகின்றன.

நம்முடைய உடலின் முறையான வளர்ச்சிக்கும். உடலில் ஏற்படும் பலவித வளர்ச்சிதை மாற்றத்திற்கும் முக்கிய காரணியாக திகழ்வது தைராய்டு சுரப்பி. எனவே இது உடலின் ”ஆளுமை சுரப்பி” என அழைக்கப்படுகிறது.

இது ”தைராக்சின்” (Thyroxine) என்னும் ஹார்மோனை உற்பத்தி செய்கிறது. இந்த ஹார்மோன் நம் உடலின் திசு வளர்ச்சி, எலும்புகள் வளர்ச்சி, நரம்புகள் வளர்ச்சி, மூளை வளர்ச்சி இவைகளுக்கு துணைபுரிவதோடு நோய்கள் எதுவும் அண்டாமல் உடலை தற்காத்துக்கொள்வதிலும் மிக முக்கியப் பங்காற்றுகின்றன.

மேலும் நாம் சாப்பிடும் உணவிலுள்ள சர்க்கரை, புரதம், கொழுப்பு, முதலியவைகளை சக்தியாக மாற்றும் தன்மையை கல்லீரலுக்கு அளிக்கிறது. நம் உடலின் சீதோஷ்ணத்தை சமநிலை படுத்தும் வேலையையும் இதுவே கவனித்து கொள்கிறது.

நம் உடலின் தலையாய உறுப்புகளான மூளை, இருதயம், சிறுநீரகம், இனப்பெருக்க உறுப்புகளின் ஆரோக்கியங்களிலும் தீவிர பங்காற்றுகிறது.

தைராய்டு சுரப்பு குறைவாக சுரந்தால் பலப்பிரச்சினைகள் உடலில் ஏற்படலாம். அவை கைகால் உளைச்சல், தசைப்பிடிப்பு, உடல்வலி, உடல்பாரம், உடல் பருமன், வறண்ட தோல், பசியின்மை, சோம்பல், தூக்கம், பரபரப்பு, அதிக வியர்வை, முடி கொட்டுதல், மறதி மற்றும் மலச்சிக்கல் ஆகிய உடல் உபாதைகள் காணப்படலாம்.

மேலும் இள வயது பெண்களுக்கு மாதவிடாய் சம்பந்தமான பிரச்சினைகளும் ஏற்படுவதுண்டு. அதாவது அதிக ரத்த போக்குடைய மாதவிடாய் கோளாறு ஏற்படலாம். கருத்தரித்தலிலும் பிரச்னை ஏற்படலாம். பிறக்கும் குழந்தைகளுக்கு உடல் மற்றும் மூளை வளர்ச்சி குறைபாடு ஏற்படலாம்.

ஹார்மோன் அதிகமாக சுரக்கும் பட்சத்தில் அதிக தாகம், அதிக பசி, நடுக்கம், எரிச்சல், இருதய பாதிப்பு, கண்பார்வை குறைபாடு, எடை குறைவு,  மாதவிடாய் குறைவு முதலிய பாதிப்புகள் ஏற்படலாம்.

பாரா தைராய்டு – Parathyroid

தைராய்டு சுரப்பியின் அருகிலேயே பின்புறத்தில் பக்கத்திற்கு இரண்டு என்னும் விகிதத்தில் வட்டவடிவில் நான்கு சிறு திட்டுகளாக அமைந்துள்ளது. இதற்கு ”பாரா தைராய்டு” (Parathyroid) என்று பெயர்.

இது ”பாராதார்மோன்‘‘ (Parathormon) என்னும் ஹார்மோனை உற்பத்தி செய்கிறது. இது மனித உடல் மற்றும் இரத்தத்தில் ”கால்சியம்” மற்றும் ”பாஸ்பரஸின்” அளவை நிர்வகிக்கிறது.

இதிலிருந்து நம் உடலின் மொத்த ஆரோக்கியத்தையும் கட்டிக்காக்கும் பொறுப்பு பிட்யூட்டரி, பினியல், தைராய்டு, பாரா தைராய்டு என்னும் இந்த நான்கு வகையான சுரப்பிகளுக்கு இருப்பதை நம்மால் உணரமுடிகிறது.

மேற்குறிப்பிட்ட இந்த சுரப்பிகள் ஆரோக்கியமாக இருந்தால் நம் உடலும் நலமாக இருக்குமல்லவா?

இந்த நான்கு சுரப்பிகளையும் வளப்படுத்தும் வேலையைத்தான் இந்த “சர்வாங்காசனம்” என்னும் யோக பயிற்சி செம்மையாக செய்து முடிக்கிறது.

எனவேதான்,… இந்தப்பயிற்சி உடலின் மொத்த உறுப்புகளையும் நலப்படுத்தும் பயிற்சியாக இனங்காணப்பட்டுள்ளது. இது எவ்வாறு இந்த சுரப்பிகளை இயக்குகிறது என்பதை பார்ப்பதற்கு முன்னால் இதனை பயிற்சி செய்வது எப்படி என்பதனை முதலில் பார்ப்போம்.

Sarvangasana – சர்வாங்காசனம் – அடிப்படைத் தகவல்கள்

பெயர் – Sarvangasana.

தமிழ் – சர்வாங்காசனம்.

சமஸ்கிருதம் – Sarvangasana.

ஆங்கிலம் – Shoulder stand Pose.

வேறுபெயர்கள் – Salamba Sarvangasana, Kandrasana, Birch Pose.

ஆசனத்தின் நிலை – Supine, Head and Shoulders.

பயிற்சியின் கடின தன்மை – Intermediate.

உடல் கோணம் – Inversion, Stretch, strength, Balance.

Sarvangasana – சர்வாங்காசனம் – செய்முறை

ஒரு கெட்டியான ஜமுக்காளத்தை நான்காக மடித்து தரையில் விரித்துக்கொள்ளுங்கள். அதன்மீது அமர்ந்து கால்களை நேராக நீட்டி மல்லாந்து படுத்து கைகளை பக்கவாட்டில் உடலை தொட்டாற்போல வைத்திருங்கள்.

மூச்சுக்காற்றை வெளியேற்றியபடியே கால்களின் முட்டியை மடக்கி பிருஷ்டம் மற்றும் இடுப்பை மேலே உயர்த்தி இருகைகளாலும் இடுப்பில் முட்டுக்கொடுத்து உள்ளங்கைகளால் தாங்கிப்பிடிக்கவும்.

அதன் பின் மூச்சுக்காற்றை இயல்பாக்கிக்கொண்டு உடலை அசுவாசப்படுத்தி மூச்சுக்காற்றை வெளிவிட்டபடியே உடலை மெதுவாகவும் நளினமாகவும் செங்குத்தாக மேலே உயர்த்தவும். உடலை திடீரென்று ஏற்றி இறக்குவது ஆபத்தை விளைவிக்கும். எனவே பயிற்சியை மிதமான வேகத்தில் செய்யவும்.

தலை, கழுத்து, தோள்கள் மற்றும் முழங்கைகள் மட்டுமே தரையை தொட்டபடி இருக்கவேண்டும்.

முதுகு, இடுப்பு, பிருஷ்டம் மற்றும் கால்கள் நேராக தரைக்கு செங்குத்தாக இருக்கும்படி பார்த்துக்கொள்ள வேண்டும். இருகால்களின் பாதம் மற்றும் விரல்கள் மேல்நோக்கி இருக்க வேண்டும்.

உடலின் எடைகள் முழுவதையும் தலை, கழுத்து மற்றும் தோள்பட்டை தாங்கும்படி பார்த்துக்கொள்ளவும்.

இந்நிலையில் 3 முதல் 5 நிமிடம்வரை இருக்கலாம். மூச்சுக்காற்றை இயல்பாக விடவும். இந்த சமயத்தில் மனதை இங்கும் அங்கும் அலைபாய விடாமல் அதன் முழு கவனமும் உங்கள் உடல்மீதே இருக்க வேண்டியது அவசியம்.

3 அல்லது 5 நிமிட நேரம் அப்படியே இருந்துவிட்டு இடுப்பை மெதுவாக இறக்கி சகஜ நிலைக்கு வரவும். இப்பயிற்சியை 2 முதல் 3 தடவை செய்துவரலாம்.

பயிற்சியின் பலன்கள்

Sarvangasana – சர்வாங்காசனம் பயிற்சி செய்யும்போது உடலின் மொத்த எடையையும் தோள்பட்டை, கழுத்து, தலை இவைகளே தாங்குவதால் சம்பந்தப்பட்ட பகுதியிலுள்ள உள்ளுறுப்புகள் நன்கு வலுவடைகின்றன.

இந்த ஆசனத்தில் உடல் தலைகீழாக்கப்படுவதால் கழுத்திலுள்ள நாளமில்லா சுரப்பிகளான தைராய்டு, பாராதைராய்டு முதலியவவைகள் நன்கு அழுத்தப்பட்டு தூண்டப்படுகின்றன. அதுமட்டுமல்லாமல் தலைப்பகுதியிலுள்ள பிட்யூட்டரி, பினியல் சுரப்பிகளுக்கும் சுத்த இரத்தம் செலுத்தப்பட்டு புத்துணர்வு பெறுகின்றன.

தலை மற்றும் கழுத்திலுள்ள நாளமில்லா சுரப்பிகளுக்கு இப்பயிற்சி நல்லதொரு அழுத்தம் நிறைந்த மசாஜாக இருப்பதால் உடலிலுள்ள சர்வ அங்கங்களுக்கும் இப்பயிற்சி ஆரோக்கியத்தைக் கொடுக்கின்றன.

மேலும் இப்பயிற்சியின்மூலம் குடலிறக்கப்பிரச்சனைகள் ஏற்படாமல் தடுக்கப்படுகிறது. இப்பயிற்சி சுவாசமண்டலம், இரத்தவோட்டமண்டலம், ஜீரணமண்டலம் முதலியன சிறப்பாக பணியாற்ற உதவுகின்றன.

சிறுநீரக கோளாறுகள், கல்லீரல் கோளாறுகள், சர்க்கரை வியாதி, வெரிகோஸ் வெயின் (Varicose veins), குதிகால்வலி மற்றும் பாதநோய்கள் குணமாகும்.

இப்பயிற்சியால் முதுகுத்தண்டும் நன்கு பலம்பெறுகின்றன. மேலும் மூலநோய் நீங்குவதோடு மலச்சிக்கலும் முடிவுக்கு வருகின்றன. உடலிலுள்ள இறந்த காலாவதியான செல்கள் நீக்கப்படுவதால் புதிய செல்கள் உருவாக்கப்பட்டு இளமையை மீட்டுத்தருகிறது.

மாற்று ஆசனம்

இந்த Sarvangasana – சர்வாங்காசனம் செய்து முடித்தவுடன் இதற்கு அடுத்த ஆசனமாக “மச்சாசனத்தை” கண்டிப்பாக செய்ய வேண்டியது அவசியம்.

பொதுவாக யோகாசன பயிற்சியில் முதலில் செய்யப்படும் ஆசனத்தில் எந்தப்பக்கமாக உடல் திருக்கப்படுகிறதோ அல்லது வளைக்கப்படுகிறதோ அதற்கு எதிர்பக்கமாக உடல் திருகப்படும் விதத்தில் அல்லது வளைக்கப்படும் விதத்தில் இரண்டாவதாக பயிற்சி செய்ய தேர்ந்தெடுக்கப்படும் ஆசனம் அமையவேண்டும். இதனை “மாற்று ஆசனம்” என்பர்.

இதுபோல பல ஆசனங்களுக்கு மாற்று ஆசனங்கள் உண்டு. அதனை முழுமையாக அறிந்துகொண்டு முறையாக பயிற்சி செய்யவேண்டும்.

அப்படி தேர்ந்தெடுத்து பயிற்சி செய்தால்தான் தேவையில்லாத தசைப்பிடிப்பு, நரம்பு சுளுக்கிலிருந்து தப்பிக்க முடியும். இது யோகாசனப்பயிற்சியின் பொதுவான விதி.

அந்த வகையில் இந்த சர்வாங்காசனம் பயிற்சியில் கழுத்து உட்பக்கமாக வளைக்கப்படுவதை நீங்கள் பார்க்கலாம். எனவே இந்த ஆசனம் செய்து முடித்தவுடன் இதற்கு அடுத்த இரண்டாவது ஆசனமாக கழுத்து வெளிப்பக்கமாக வளைக்கப்படும் “மச்சாசனத்தை” [மச்சாசனம் – Machasana – Fish Pose] தேர்தெடுத்து பயிற்சி செய்யவேண்டியது மிகமிக அவசியம்.

இவ்வாறு பயிற்சி செய்தால்தான் உடல் எல்லாப்பக்கமும் பிரீயாக ரப்பர்போல் வளையும் தன்மையைப்பெறும். இந்த விதிமுறையை கடைபிடிக்க தவறினால் கழுத்துவலி மற்றும் கழுத்து ஒருபக்கமாக சுளுக்கிக்கொள்ளும் வாய்ப்பு அதிகம்.

மச்சாசனம் பயிற்சி செய்வது எப்படி என்பதனை அறிந்துகொள்ள அடுத்து கொடுக்கப்பட்டுள்ள “விஷீவல் லிங்க்” (visual link preview) என சொல்லப்படும் லிங்க் பேனரை கிளிக்குங்க… அல்லது உங்கள் விரல்களால் அதன்மேல் ஒரு தட்டு தட்டுங்க… அடுத்த வினாடியே மச்சாசனம் உங்கள் கண்கள் முன்னால் விரியும்….

முக்கிய குறிப்புகள்

சர்வாங்காசன பயிற்சியில் கால்களை மேலே தூக்கி செங்குத்தாக இருக்கும்போது உடல் முன்னும் பின்னும் அசையாமல் நேராக வைத்துக்கொள்ள வேண்டியது மிக முக்கியம்.

தலை, கழுத்து, தோள்பட்டை, முதுகு, இடுப்பு இவைகளில் வலிசார்ந்த பிரச்சனைகள் ஏதாவது இருந்தால் சர்வாங்காசனம் பயிற்சி செய்வதை தவிர்க்கவும்.

இரத்த அழுத்தம், இதய நோய், இதய பலவீனம் மற்றும் தலை மூளை பகுதிகளில் பிரச்சனை உள்ளவர்கள் சர்வாங்காசனம் பயிற்சியில் ஈடுபடுதல் கூடாது. வேறு எளிய யோகாசானப் பயிற்சிகள் பயின்று மேற்கூறிய நோய்கள் நீங்கியபின் இப்பயிற்சியை தொடங்கலாம்.

பெண்கள் மாதவிடாய் காலங்களில் மற்றும் கர்ப்ப காலங்களில் இப்பயிற்சியில் ஈடுபடுவதை தவிர்க்கவேண்டும்.

தைராய்டு சுரப்பி பெரிதாகி கழுத்துப்பகுதியில் கொழுப்பு கட்டிபோல் வீங்கி காணப்படுமல்லவா… அப்படியானவர்கள் இந்த பயிற்சியை செய்தல் கூடாது. கல்லீரல் வீக்கம், மண்ணீரல் வீக்கம் காணப்பட்டாலும் இந்த பயிற்சியை தவிர்க்க வேண்டும்.

கண்களில் பிரச்சனை உள்ளவர்களும் இப்பயிற்சியை தவிர்க்க வேண்டும். அதுமட்டுமல்ல இன்னும் ஒன்றையும் இங்கு கவனத்தில் கொள்ள வேண்டும். அது என்னவென்றால் சர்வாங்காசனத்தில் இருக்கும்போது உமிழ்நீரை விழுங்குதல் கூடாது.

சர்வாங்காசனம் மற்றும் மச்சாசனம் ஆகிய இரு பயிற்சிகளுடன் நிறுத்திவிடாமல் இதனுடன் மேலும் சில ஆசனங்களையும் சேர்த்து பயிற்சிசெய்து வருவது மிகமிக அவசியம். இது மேலும் ஆரோக்கியத்தை மேம்படுத்தும்.

பருமனான உடலையும், பெரிய வயிறுகளையும் கொண்டவர்களால் இந்த ஆசனத்தை செய்வது கடினம். அதனையும் மீறி செய்தீர்களென்றால் ஆரோக்கியத்திற்கு பதிலாக கழுத்துவலியே மிஞ்சும்.

அப்படியானவர்கள் கவலைப்படவேண்டியதில்லை. இந்த சர்வாங்காசனத்திற்கு பதிலாக “விபரீதகரணி ஆசனம்” செய்துவரலாம். இந்த சர்வாங்காசனத்தின் பலன்கள் அனைத்தும் விபரீதகரணி ஆசனம் வழியாகவும் பெற முடியும்.

அன்றைய ஆசனப்பயிற்சிகள் நிறைவுபெற்றபின் கடைசி ஆசனமாக “சவாசனம்” (சாந்தி ஆசனம்)  என்னும் உடலை ரிலாக்ஸ் செய்யும் ஆசனத்தை கண்டிப்பாக பயிற்சி செய்த பின்பே அன்றைய பயிற்சியை நிறைவு செய்யவேண்டும்.

இந்த சவாசனம் என சொல்லப்படும் சாந்தி ஆசனத்தைப்பற்றி தெரிந்துகொள்ள வேண்டுமா?!!.. அப்படியென்றால் கீழே கொடுக்கபட்டுள்ள விஷீவல் லிங்க் (visual link preview) ஐ மெதுவாக தட்டுங்க….

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக “தோள்பட்டை, கழுத்து, தலை சம்பந்தப்பட்ட பகுதியிலுள்ள உள்ளுறுப்புகள் நன்கு வலுவடைகின்றன.

நாளமில்லா சுரப்பிகளான தைராய்டு, பாராதைராய்டு, பிட்யூட்டரி, பினியல் சுரப்பிகளுக்கும் சுத்த இரத்தம் செலுத்தப்பட்டு புத்துணர்வு பெறுகின்றன.

இப்பயிற்சி சுவாசமண்டலம், இரத்தவோட்டமண்டலம், ஜீரணமண்டலம் முதலியன சிறப்பாக பணியாற்ற உதவுகின்றன.

குடலிறக்கம், சிறுநீரக கோளாறுகள், கல்லீரல் கோளாறுகள், சர்க்கரை வியாதி, வெரிகோஸ் வெயின் (Varicose veins), குதிகால்வலி மற்றும் பாதநோய்கள் குணமாகும்.

இப்பயிற்சியால் முதுகுத்தண்டும் நன்கு பலம்பெறுகின்றன. மேலும் மூலநோய் நீங்குவதோடு மலச்சிக்கலும் முடிவுக்கு வருகின்றன என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் “தலை, கழுத்து, தோள்பட்டை, முதுகு, இடுப்பு இவைகளில் வலி சார்ந்த பிரச்சனைகள் ஏதாவது இருந்தால் சர்வாங்காசனம் பயிற்சி செய்வதை தவிர்க்க வேண்டும் எனவும் பார்த்தோம்.

இரத்த அழுத்தம், இதய நோய், இதய பலவீனம் மற்றும் தலை மூளை பகுதிகளில் பிரச்சனை உள்ளவர்கள் சர்வாங்காசனம் பயிற்சியில் ஈடுபடுதல் கூடாது.

பெண்கள் மாதவிடாய் காலங்களில் மற்றும் கர்ப்ப காலங்களில் இப்பயிற்சியில் ஈடுபடுவதை தவிர்க்கவேண்டும்.

தைராய்டு சுரப்பி பெரிதாகி கழுத்துப்பகுதியில் கொழுப்பு கட்டிபோல் வீங்கி காணப்படுமல்லவா… அப்படியானவர்கள் இந்த பயிற்சியை செய்தல் கூடாது. கல்லீரல் வீக்கம், மண்ணீரல் வீக்கம் காணப்பட்டாலும் இந்த பயிற்சியை தவிர்க்க வேண்டும்.

கண்களில் பிரச்சனை உள்ளவர்களும் இப்பயிற்சியை தவிர்க்க வேண்டும் என்பதனையும் பார்த்தோம்.

ஆகவே,… நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “சிறுநீரக கோளாறுகள்” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Sarvangasana – சர்வாங்காசனம் appeared first on Personality Fitting.

அதுசரி சூரியனை ஏன் வணங்க வேண்டும்?

நமது வாழ்க்கையில் யாராவது ஒருவர் ஒரு சிறிய உதவி செய்தாலே அவர்களுக்கு நாம் பலமுறை நன்றி செலுத்துகிறோம் அல்லவா…

அதுபோல உலக இயக்கதிற்கு ஆதாரமாகவும், முதன்மையானதாகவும் விளங்குவது சூரியன். நம் உயிர் வாழ்வதற்கு தேவையான அனைத்து அடிப்படை ஆதாரங்களையும்  நமக்கு தந்து உதவுவது சூரியனே..

சூரியன் இல்லையேல் உலக வாழ்க்கை இல்லை. உலகின் அனைத்து உயிர்களுக்கும் அடிப்படை ஆதாரமாக இருக்கக்கூடிய சூரியனுக்கு நாம் நன்றி செலுத்த வேண்டாமா?…

அவ்வாறு நன்றி செலுத்துவதற்கு உருவாக்கப்பட்டதே சூரிய நமஸ்காரம்.

அதுசரி,… சூரியனுக்கு நன்றி தெரிவிக்க வேண்டும் என்றால் ஒரு ”சல்யூட்” கூடவே ஒரு ”பிளைன் கிஸ்” போதாதா?….எதற்காக குனிந்து நிமிர்ந்து உடற்பயிற்சி எல்லாம் செய்ய வேண்டும் என்கிறீர்களா?….

கோபித்துக்கொள்ளாதீர்கள். எல்லாமே உங்கள் நன்மைக்காகத்தான்..

எப்படி என்கிறீர்களா?..

அதிகாலையில் துயிலெழாமல் சோம்பலாகத் தூங்கிக் கொண்டிருக்கும் நம்முடைய குழந்தைகளிடம், காலையிலேயே எழுந்து…, மலசலம் கழித்து…, பல்தேய்த்து…, குளித்து… ”சாமி” கும்பிடவேண்டும். இல்லையேன்றால் ”சாமி கண்ணை குத்தும்” என்று  சும்மா இருக்கும் சாமியை வம்புக்கிழுத்து குழந்தைகளுக்கு அதிகாலையில் எழும்புதல், மலசலம் கழித்தல், பல் துலக்குதல், குளித்தல் முதலிய நல்ல பழக்கவழக்கங்களை கற்றுக்கொடுக்கிறோம் அல்லவா?

அதுபோல அதிகாலையில் துயிலெழாமல் கொட்டாவி விட்டுக் கொண்டும்…, பல் விளக்காமல் பெட் காபி குடித்துக்கொண்டும்…, உடல் சுறுசுறுப்பாக இயங்குவதற்கு உடற்பயிற்சி எதுவும் செய்யாமல் நோய்களை வருவித்துக்கொள்ளும் உங்களைப் போன்றவர்களைத் திருத்தி ”சூரியநமஸ்காரம்” என்கிற பெயரில் சூரியனை வம்புக்கிழுத்து உங்களை உடற்பயிற்சிகள் செய்யவைத்து நோயற்ற வாழ்விற்கு அழைத்து செல்ல ஞானிகளும், சித்தர்களும் கண்டறிந்த ஒரு அற்புதமான வழியே இது எனலாம்.

சரி, இனி சூரிய நமஸ்காரத்தைப்பற்றியும் அதனை கற்றுக்கொள்வதால் ஏற்படும் நன்மைகள் பற்றியும் தெரிந்துகொள்வோம் வாருங்கள்.

சூரிய நமஸ்காரம் – அடிப்படைத் தகவல்கள்

பெயர் – Surya Namaskar.

தமிழ் – சூரிய வணக்கம்.

சமஸ்கிருதம் – Surya Namaskar.

ஆங்கிலம் – Sun Salutation.

வேறுபெயர்கள் –

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – Stretch, Strength, Forward-Bend, Back-Bend, Inversion.

உடலின் உள்ளுறுப்புகளை நன்றாகத் துவளச்செய்து அனைத்து உள்ளுறுப்புகளுக்கும் இரத்த ஓட்டத்தை பாய்ச்சி, பிற கடினமான உடற்பயிற்சிகளைப்போல காயத்தை காயப்படுத்தாமல் தேகத்தை வளப்படுத்தி நோயற்ற வாழ்க்கையை அமைத்துத் தருவதே யோகாசனங்கள் எனலாம்.

அப்படிப்பட்ட தனித்தனியான யோகாசனங்கள் சிலவற்றை ஒருங்கிணைத்து உருவாக்கப்பட்டதே நாம் இப்போது பார்க்கப்போகும் ”சூரியநமஸ்காரம்” ஆகும்.

யோகப்பயிற்சிகளில் சூரிய நமஸ்காரமானது முதன்மையான பயிற்சியாகும். இது பல ஆசனங்களை ஒன்றிணைத்து செய்யப்படும் ஆசனமாகையால் உடலுக்கு அதிக அளவில் நன்மை தரக்கூடியதாகும்.

அதிகாலையிலேயே உடற்பயிற்சி செய்தால் அன்றைய நாள்முழுக்க சுறுசுறுப்பாக இருக்கலாம் என்பதால் அதிகாலையில் உங்களை பயிற்சியில் ஈடுபடுத்தவே இப்பயிற்சி சூரியனோடு சம்பந்தப்படுத்தி பெயர் சூட்டப்பட்டுள்ளது என்பதை கவனத்தில் கொள்ளவும். மற்றபடி சூரியனுக்கும் இப்பயிற்சிக்கும் எந்தவித சம்பந்தமும் இல்லை.

Surya Namaskar – சூரிய நமஸ்காரம் – படிகள்

சூரிய நமஸ்கார பயிற்சியானது 7 வகையான ஆசனங்களை உள்ளடக்கிய மொத்தம் 12 நிலைகளை (படிகளை) கொண்டுள்ளது.

இதில் இடம்பெறும் 7 வகையான ஆசனங்களாவன…

• பிராணமாசனம் (பிராத்தனை ஆசனம்).
• பிறை ஆசனம் (பிறை போன்று உடலை அமைக்கும் ஆசனம்)
• பாத ஹஸ்தாசனம் (கைகளால் பாதங்களை தொடும் ஆசனம்).
• அஸ்வ சஞ்சலனாசனா (குதிரையேற்ற பாவனை).
• பர்வதாசனம் (மலை போன்று உடலை அமைக்கும் ஆசனம்).
• அஷ்டாங்க நமஸ்காரம் (எட்டு அங்கங்களால் நமஸ்கரிக்கும் ஆசனம்).
• புஜங்காசனம் (புஜத்தை பலப்படுத்தும் ஆசனம்).

இதில் முதல் 7 நிலைகளில் (படிகளில்) மேற்குறிப்பிட்டுள்ள 7 வகையான ஆசனங்களை வரிசைக்கிரமாக கொண்ட இது… 8 வது படியில் (நிலையில்) 5 வது படியில் பயிற்சி செய்த பர்வதாசனத்தையும், 9 வது படியில் 4 வது படியில் பயிற்சி செய்த அஸ்வ சஞ்சலனாசனாத்தையும், 10 வது படியில் 3 வது படியில் பயிற்சி செய்த பாத ஹஸ்தாசனத்தையும், 11 வது படியில் 2 வது படியில் பயிற்சி செய்த பிறை ஆசனத்தையும் 12 வது படியில் 1 வது படியில் பயிற்சி செய்த பிராணமாசனத்தையும் கொண்டுள்ளன.

சரி,… இனி சூரியநமஸ்காரம் செய்வது எப்படி என்பதை பார்ப்போம்.

சூரிய நமஸ்காரம் – செய்முறை

Step 1.

Surya Namaskar – சூரிய நமஸ்காரம். பயிற்சியின் முதல் படியில் “பிராணமாசனம்” செய்யவும். அதாவது கால்கள் இரண்டையும் சேர்த்துவைத்து சூரியன் உதிக்கும் திசையான கிழக்கு திசை பார்த்து நிமிர்ந்து நின்றுகொண்டு இரு கைகளையும் மார்புக்கு நேராக வணக்கம் தெரிவிப்பதுபோல் வைக்கவும்.

இதே நிலையில் 5 வினாடி அல்லது 10 வினாடிகள் நிற்கவும்.

கிழக்கு திசைபார்த்து நிற்க வசதி இல்லையெனில் உங்களுக்கு எந்த திசையில் நின்றுகொண்டு பயிற்சி செய்ய வசதி உள்ளதோ அந்த திசையில் நின்றுகொண்டு பயிற்சி செய்யலாம்.. சூரிய பகவான் கோபித்துக்கொள்ளமாட்டார்.

Step 2.

2 வது படியில் “பிறை ஆசனத்தை” செய்யவும்.

எப்படியெனில்,… மூச்சை உள் இழுத்தபடி கைகளை மெதுவாக மேலே உயர்த்தவும். இரு கைகளும் உங்களின் இரு காதுகளை ஓட்டியபடி இருக்கவும். அப்படியே வில் போல் உங்கள் முதுகை மெதுவாக சிறிதளவு பின்னால் வளைக்கவும். இதே நிலையில் 5 வினாடி அல்லது 10 வினாடிகள் நிற்கவும்.

Step 3.

3 வது படியில் “பாத ஹஸ்தாசனம்” செய்யவும்.

எப்படியெனில்,… மூச்சை மெதுவாக வெளியே விட்டபடி கைகளை உயர்த்தியபடியே அப்படியே மெதுவாக முன்னோக்கி வளைந்து இரு கைகளின் நடுவிரலால் இரு கால்களின் பெருவிரலை தொடவும். (உங்களால் முடிந்தால் தரையை தொடலாம்.) கால்கள் நேராக இருக்க வேண்டும். வளைக்கக் கூடாது.

முதலில் இதனை செய்வதற்கு கடினமாக இருக்கலாம். அதற்காக உடலை அதிகம் துன்புறுத்த வேண்டாம். சிறிது சிறிதாக முயற்சி செய்ய ஓரிரு மாதங்களில் இந்நிலை எளிதாகக் கைகூடும். இதே நிலையில் 5 வினாடி அல்லது 10 வினாடிகள் நிற்கவும்.

Step 4.

மூச்சை உள்ளிழுத்தபடி வலது காலை பின்னோக்கி முடிந்தவரை நீட்டவும். இரண்டு கைகளை இடது காலுக்கு இணையாக ஊன்றவும். தலையை மேல் நோக்கிப் பார்க்கவும். இதே நிலையில் 5 வினாடி அல்லது 10 வினாடிகள் இருக்கவும்.

Step 5.

மூச்சை வெளியே விட்டபடி மெதுவாக வலது காலுக்கு இணையாக இடது காலையும் பின்னோக்கி நீட்டி உங்கள் உடலை மெதுவாக உயர்த்தி உள்பக்கமாக வில் போல் வளையுங்கள். இதே நிலையில் 5 வினாடி அல்லது 10 வினாடிகள் இருக்கவும்.

Step 6.

மூச்சினை உள் இழுத்தபடி உடம்பை முன்னோக்கி தள்ளி தரையில் மெதுவாக படுக்கவும். கால் விரல்கள், கால் முட்டி, மார்பு ஆகியவை தரையை தொட்டபடி இருக்க வேண்டும். இடுப்பை மட்டும் சற்று உயர்வாக வைக்கவும். இப்பொழுது மூச்சை மெதுவாக வெளியே விடவும். இதே நிலையில் 5 வினாடி அல்லது 10 வினாடிகள் இருக்கவும்.

Step 7.

மூச்சை உள்ளிழுத்தபடி மெதுவாக கையை ஊன்றியபடியே தலையை முன்னோக்கி தள்ளி அப்படியே தலையை உயர்த்தி முதுகை எவ்வளவு வளைக்கமுடியுமோ அவ்வளவு வளைத்து மேலே பார்க்கவும்.

இதே நிலையில் 5 வினாடி அல்லது 10 வினாடிகள் இருக்கவும்.

Step 8.

மூச்சை வெளியே விட்டபடி தலையை கீழிறக்கி நேராக கொண்டுவந்து கைகளை அதே இடத்தில் ஊன்றியபடியே வைத்து மார்புப்பகுதி மற்றும் இடுப்புப்பகுதியை பின்னோக்கி மெதுவாக இழுத்து மேல்நோக்கி உயர்த்தவும். இதே நிலையில் 5 வினாடி அல்லது 10 வினாடிகள் இருக்கவும்.

Step 9.

மூச்சை மெதுவாக உள்ளிழுத்தபடி வலது காலை 2 அடி முன்னால் கொண்டுவந்து முட்டியை மடக்கியபடி வைக்கவும். தலையை மேல்நோக்கி பார்க்கும்படி வைக்கவும். இதே நிலையில் 5 வினாடி அல்லது 10 வினாடிகள் இருக்கவும்.

Step 10.

மூச்சை மெதுவாக விட்டபடி வலது காலுக்கு இணையாக இடதுகாலையும் கொண்டுவந்து இடுப்பையும், முதுகையும் மெதுவாக மேலே தூக்கி குனிந்தபடியே இரு கைகளின் நடுவிரலால் இரு கால்களின் பெருவிரலை தொடவும். (உங்களால் முடிந்தால் தரையை தொடலாம்). கால்கள் நேராக இருக்க வேண்டும். வளைக்கக் கூடாது. இதே நிலையில் 5 வினாடி அல்லது 10 வினாடிகள் இருக்கவும்.

Step 11.

மூச்சை உள்ளே இழுத்தபடி கைகளை நீட்டிய படியே மெதுவாக நிமிர்ந்த நிலைக்கு வரவும். இரு கைகளும் உங்களின் இரு காதுகளை ஓட்டியபடி இருக்கவும். அப்படியே வில் போல் உங்கள் முதுகை மெதுவாக சிறிதளவு பின்னால் வளைக்கவும். இதே நிலையில் 5 வினாடி அல்லது 10 வினாடிகள் நிற்கவும்.

Step 12.

மீண்டும் உடம்பை நேராக நிமிர்த்தி கைகளை கீழிறக்கி வணக்கம் செய்யும் நிலைக்கு வரவும். இதே நிலையில் 5 வினாடி அல்லது 10 வினாடிகள் நிற்கவும்.

அதன்பின் கைகளை கீழிறக்கி சகஜநிலைக்கு வரவும்.

சூரியநமஸ்காரம் நிறைவு பெற்றது. 

10 முதல் 15 விநாடிகள் ஓய்வு எடுத்தபின் மீண்டும் முதலிலிருந்து கடைசிவரை வரிசைகிரமமாக செய்யவும். இவ்வாறு 5 முதல் 15 நிமிடங்கள் வரை அல்லது 5 சுற்றுகள் அவரவர் உடல்நிலைக்கு தகுந்தவாறு திரும்ப திரும்ப செய்து வரலாம்.

சூரியநமஸ்காரம் – பின்பற்ற வேண்டிய விதிமுறைகள்

Surya Namaskar – சூரிய நமஸ்காரம் காலை, மாலை இருநேரங்களிலும் செய்யலாம். மாலையில் உடல் நன்றாக வளைந்து கொடுக்கும்.

காலையும், மாலையும் மலசலம் கழித்த பின்பே இப்பயிற்சியில் ஈடுபடவேண்டும். வயிறு காலியாக இருக்க வேண்டும். சிறிது வெந்நீர் அருந்திவிட்டு பயிற்சியை தொடங்கவேண்டும். குளிரூட்டப்படாத பழரசமும் அருந்தலாம்.

பயிற்சி முடித்த உடன் குளிக்கக் கூடாது. குளிர்ச்சியான நீர் அருந்துதல் கூடாது. பயிற்சி முடிந்தவுடன் உடல் சூடாக இருக்குமாதலால் அப்போது குளிர்ந்த நீர் குடித்தால் திடீரென நிகழும் வெப்ப மாறுபாட்டால் நரம்பு மண்டலம் (Nervous System) மிகவும் பாதிப்படையும். எனவே பயிற்சி முடிந்து 10 நிமிடம் கழித்தே வெந்நீர் உட்கொள்ள வேண்டும். அரைமணி நேரம் கழித்து உணவு உட்கொள்ளலாம். குளிக்கலாம்.

சூரிய நமஸ்காரம் – பயிற்சி செய்யும் முறைகள்

பயிற்சி செய்யும்போது நிதானமாகவும், மெதுவாகவும் செய்யவும். இது உடற்பயிற்சி அல்ல ”யோகாசனப் பயிற்சி” என்பதை நினைவில் கொள்ளவும்.

முதலில் நீங்கள் சூரியநமஸ்காரம் செய்ய தொடங்கும்போது எடுத்த எடுப்பிலேயே மிக சரியாக செய்யமுடியாது. ஏனெனில், உடம்பு சரியாக வளைத்து கொடுக்காது. எவ்வளவு வளைந்துக் கொடுக்கிறதோ அவ்வளவு செய்தால் போதும்.

சிறிது சிறிதாக முயற்சி எடுக்க… சில மாதங்களில் உடல் முழு அளவில் ஒத்துழைப்பு கொடுக்கும். அதைவிடுத்து ஒரேநாளில் சரியாக செய்துவிட வேண்டும் என்று உடலை அதிகம் துன்புறுத்தினால் தசைப்பிடிப்பு ஏற்பட்டு அதிக சிரமத்திற்கு ஆளாக நேரிடும்.

உடற்பயிற்சிக்கும் யோகாசனப் பயிற்சிக்கும் நிறைய வேறுபாடுகள் உள்ளன. உடற்பயிற்சி என்பது உடலின் வெளி உறுப்புகளுக்கு பயிற்சி கொடுப்பது. எனவே அது வேகமாகவும் கடினமாகவும் செய்யப்படுகிறது. ஆனால் யோகாசனப்பயிற்சி உடலின் உள் உறுப்புகளுக்கும், நரம்பு மண்டலங்களுக்கும் பயிற்சிக்கொடுப்பது. மென்மையான உள்ளுறுப்புகளை இதமாக மசாஜ் செய்துவிடுவதே இதன் நோக்கம். எனவே ஒவ்வொரு அசைவுகளும் குறைந்த வேகத்துடன் நிதானமாகவே இருக்க வேண்டும்.

சிலர் ”சூரியநமஸ்காரம்” மற்றும் ”யோகாசனப்” பயிற்சிகளை எவ்வளவு வேகமாக செய்யவேண்டுமோ அவ்வளவு வேகமாக செய்ய வேண்டுமென்றும், இரத்தம் சொட்ட சொட்ட …சாரி …வியர்வை சொட்ட சொட்ட பயிற்சி எடுத்தால்தான் முழுப்பலன் கிடைக்கும் என்று பதிவிடுவதை காணமுடிகிறது. பாவம் இவர்கள் யோகாசனப் பயிற்சியைப் பற்றிய அடிப்படை அறிவே இல்லாதவர்கள் என்றே சொல்லவேண்டும்.

யோகாசனப்பயிற்சியை உருவாக்கி நமக்குத் தந்த முனிவர்கள் எந்த இடத்திலும் வேகமாக உடலை அளவுக்கு அதிகமாக வருத்தி பயிற்சியில் ஈடுபடவேண்டும் என்று குறிப்பிடவில்லை. மனதையும், உடலையும் எந்தவித பரபரப்பும் இல்லாமல் கீழ்மூச்சு மேல் மூச்சு வாங்காமல் ஒரே சீராக மூச்சு விட்டபடி நிதானமாக பயிற்சியில் ஈடுபடும்படியே வலியுறுத்துகிறார்கள்.

எனவே யோகாசனப் பயிற்சியை நிதானமாகவும், பொறுமையாகவும் செய்யுங்கள்.

பயிற்சி செய்கிறேன் என்று சொல்லி ”காக்கா வலிப்பு” வந்தவன்போல் கை,கால்களை வெட்டி வெட்டி  இழுப்பதோ அல்லது ”பிரபுதேவா டான்ஸ்” ஆடுவது போல பயிற்சியில் ஈடுபடுவதையோ  தவிர்க்கவும். வேகமாக செய்வதற்கு இது ஒன்றும் உடற்பயிற்சி அல்ல.

மனதையும், மென்மையான உள்ளுறுப்புகளையும், நாளமில்லா சுரப்பிகளையும், நரம்பு மண்டலங்களையும் ஒருசேர இயக்கி, இதமாக மசாஜ் செய்து, அதன்மூலம் ரத்தஓட்டத்தை சீராக உடல்முழுக்க பாய்ச்சி, அதன் மூலம் நோய் எதிர்ப்பு சக்தியையும், மனமகிழ்ச்சியையும் பெறுவதே இப்பயிற்சியின் நோக்கம் என்பதை நினைவில் நிறுத்தி நிதானமாக இப்பயிற்சியை மேற்கொள்ளவும்.

பயிற்சியின் பலன்கள்

“Surya Namaskar – சூரிய நமஸ்காரம்” என்னும் இந்த பயிற்சியை தொடர்ந்து செய்துவர உடலின் நெகிழ்வுத்தன்மையை மேம்படுத்துகிறது. தசைகளை வலுப்படுத்துகிறது. மூட்டுகளை வலுப்படுத்துகிறது. நரம்புமண்டலத்தை தூண்டுகிறது. வளர்ச்சிதை மாற்றத்தை அதிகரித்து உடல் எடையை அதிகரிக்கிறது.

தைராய்டு (Thyroid Gland), பாராதைராய்டு (Parathyroid Gland) சுரப்பிகளை சிறப்பாக வேலைசெய்ய தூண்டுவதால் நோய் எதிர்ப்புசக்தி அதிகரிக்கிறது.

உடலிலுள்ள அதிகப்படியான கொழுப்புகளை கரையச்செய்வதோடு… தொந்தி கணபதிக்கே சவால் விட்டுநிற்கும் உங்களின் தொப்பையையும் குறைக்கிறது.

இருதய ஆரோக்கியத்தை பராமரித்து சீரான இரத்த ஓட்டத்தை ஏற்படுத்தி இரத்தக்கொதிப்பை கட்டுப்படுத்துகிறது.

நுரையீரல், சிறுநீரகம் சிறப்பாக செயல்படும். நோயெதிர்ப்பு சக்தியை அதிகரித்து ஒட்டுமொத்த ஆரோக்கியத்தை மேம்படுத்துகிறது.

ஜீரண சக்தி மேம்படும். மலச்சிக்கல் நீங்கும்.

இளமை, அழகு, முகப்பொலிவு, நோய்நொடி இல்லாத வனப்பான தேகம் கிடைப்பது உறுதி.

ஆரம்பத்தில் இந்த பயிற்சி செய்வதற்கு கொஞ்சம் சிரமமாக இருக்கலாம். ஆனால் தொடர்ந்து செய்து கொண்டுவர உடம்பில் ஆரோக்கியமும், புத்துணர்ச்சியும், சுறுசுறுப்பும் எற்பட்டு தொடர்ந்து இப்பயிற்சி செய்ய உங்களுக்கு ஆர்வம் ஏற்படுவதை உங்களால் உணரமுடியும்.

முக்கிய குறிப்புகள்

காய்ச்சல், இருமல் முதலிய உடல்நலக்குறைவு உள்ளவர்கள் கண்டிப்பாக இப்பயிற்சியில் ஈடுபடாமல் இருக்கவேண்டும். அவசரம் வேண்டாம்… நலம் பெற்ற பின் பயிற்சியை தொடங்கலாம்.

வயிற்று வலி, வயிற்றுபோக்கு, உடல்வலி போன்ற பிரச்சனைகள் இருந்தால் பயிற்சியை தவிர்க்க வேண்டும்.

முதுகெலும்பில் பிரச்னை உள்ளவர்கள், ஒற்றை தலைவலி, உயர் இரத்த அழுத்தம், இதயநோய், வலிப்பு நோய், வயிற்றுப்புண், குடல் இறக்கம், கருப்பை இறக்கம் உள்ளவர்கள் இப்பயிற்சியில் ஈடுபடுதல் கூடாது.

பெண்கள் கர்ப்பமாக இருக்கும் காலங்களில் இப்பயிற்சியினை செய்தல் கூடாது. அதுமட்டுமல்லாது, மாதவிடாய் காலங்களிலும் பயிற்சியினை தவிர்க்கவேண்டும். பொதுவாகவே ஆசனங்களின் விதிமுறைகளின்படி தலைகீழாகவோ அல்லது பின்னோக்கி வளைந்தோ செய்யப்படும் ஆசனங்களை மாதவிடாய் காலங்களில் பெண்கள் செய்தல்கூடாது என்பது விதிமுறை.

எனவே, மாதவிடாய் காலங்களில் பெண்கள் சூரிய நமஸ்கார பயிற்சியையும் தவிர்த்தல் வேண்டும்.

பயிற்சிக்கு முன் தெரிந்து கொள்ள வேண்டியவை

சூரிய நமஸ்கார பயிற்சியை முடித்தவுடன் தொடர்ந்து சில யோகாசனப் பயிற்சிகளையும் செய்து வரலாம். ஆனால் மிக முக்கியமான விஷயம் என்னவென்றால் கடைசி ஆசனமாக கண்டிப்பாக ”சவாசனம்”. செய்யவேண்டும். இது மிக மிக முக்கியம்.

”சவம்” என்றால் பிணம். அதாவது பிணம்போல் உடலை தளர்வாக எந்தவித விறைப்புத் தன்மையும் இல்லாமல் வைத்து படுத்திருக்க வேண்டுமாதலால் ”சவாசனம்” என பெயர்பெற்றது.

சூரிய நமஸ்காரம், யோகாசனம் செய்யும் நீங்கள் இறுதி ஆசனமாக சவாசனம் செய்யாமல் பயிற்சியை முடித்தால் நீங்கள் இதுவரை செய்த மொத்த பயிற்சியும் வீண் என்பதை புரிந்து கொள்ளவும். எனவே கடைசி பயிற்சியாக சவாசனத்தை கண்டிப்பாக செய்யவும். சவாசனம் செய்வது எப்படி என்பதை ”யோகாசனம்-யோகா-அறிமுகம்” என்ற தலைப்பின் கீழ் பதிவிடப்பட்டுள்ளது. கண்டிப்பாகப் பார்வையிடவும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக தசைகளை வலுப்படுத்துகிறது. மூட்டுகளை வலுப்படுத்துகிறது. நரம்புமண்டலத்தை தூண்டுகிறது. வளர்ச்சிதை மாற்றத்தை அதிகரித்து உடல் எடையை அதிகரிக்கிறது.

தைராய்டு (Thyroid Gland), பாராதைராய்டு (Parathyroid Gland) சுரப்பிகளை சிறப்பாக வேலைசெய்ய தூண்டுவதால் நோய் எதிர்ப்புசக்தியை அதிகரிக்கிறது.

இரத்தக்கொதிப்பை கட்டுப்படுத்துகிறது. நுரையீரல், சிறுநீரகம் சிறப்பாக செயல்படும்.

ஜீரண சக்தி மேம்படும். மலச்சிக்கல் நீங்கும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் “காய்ச்சல், இருமல் உள்ளவர்கள் இப்பயிற்சியில் ஈடுபடாமல் இருக்கவேண்டும்.

வயிற்று வலி, வயிற்றுபோக்கு, உடல்வலி போன்ற பிரச்சனைகள் இருந்தால் பயிற்சியை தவிர்க்க வேண்டும்.

முதுகெலும்பில் பிரச்னை உள்ளவர்கள், ஒற்றை தலைவலி, உயர் இரத்த அழுத்தம், இதயநோய், வலிப்பு நோய், வயிற்றுப்புண், குடல் இறக்கம், கருப்பை இறக்கம் உள்ளவர்கள் இப்பயிற்சியில் ஈடுபடுதல் கூடாது.

பெண்கள் கர்ப்பமாக இருக்கும் காலங்களிலும் மாதவிடாய் காலங்களிலும் பயிற்சியினை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கருப்பை இறக்கம்” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Surya Namaskar – சூரிய நமஸ்காரம் appeared first on Personality Fitting.