“அர்த்த” என்றால் சமஸ்கிருதத்தில் “பாதி” அல்லது “அரை” என்று பொருள். இந்த அர்த்த சக்ராசனத்தை (Ardha Chakrasana) பயிற்சி செய்யும்போது உடல் பார்ப்பதற்கு முழு வட்டமாக இல்லாமல் “பாதி வட்டம்” அதாவது அரை வட்ட சக்கரம்போல் காட்சி தருவதால் இதற்கு “அர்த்த சக்ராசனம்” (Ardha Chakrasana) என்று பெயர். அதனாலேயே இதனை ஆங்கிலத்தில் “பாதி வீல் போஸ் – Half Wheel Pose” என அழைக்கின்றனர்.

அர்த்த சக்ராசனம் – Half Wheel Pose

மனம் மற்றும் உடலின் ஆரோக்கியத்திற்கு மிகவும் துணை நிற்பது இந்த “அர்த்த சக்ராசனம்” எனலாம்.

இது உடலுக்கு அதிக அளவில் நன்மை தரக்கூடிய ஆசனம்தான் என்றாலும் அதிவேகமாக இந்த ஆசனத்தை பயிற்சி செய்ய முற்பட வேண்டாம். நிதானமாகவும், மெதுவாகவும் இப்பயிற்சியை செய்யவும்.

வேகமாக செய்ய முற்பட்டால் வயிற்றுதசைகளும், முதுகு தசைகளும் பிடித்துக்கொள்ளும்.

இந்த பயிற்சியில் முதுகுப்பகுதி பின்பக்கமாக வட்டமாக வளைவதால் சிலருக்கு பயிற்சி செய்வது கடினமாக இருப்பதோடு பயிற்சியின் போது தலை கனமாக உணர்தல் அல்லது தலைசுற்றுதல் போன்ற அசௌகரியங்கள் ஏற்பட்டு நிதானம் தவறி ஒருபக்கமாக சாய்ந்து விழுந்துவிடவும் அதிக வாய்ப்புள்ளது.

எனவே, நிதானமாக பயிற்சியை மேற்கொள்ளவும்.

Half Wheel – அர்த்த சக்ராசனம் – அடிப்படைத் தகவல்கள்

பெயர் – Ardha Chakrasana.

தமிழில் – அர்த்த சக்ராசனம்.

சமஸ்கிருதம் – Ardha Chakrasana.

ஆங்கிலம் – Half Wheel Pose.

வேறு பெயர்கள் –

ஆசனத்தின் நிலை – Supine, Arm Balances.

பயிற்சியின் கடின தன்மை – Intermediate.

உடல் கோணம் – Back-Bend, Inversion, Strength, Balance.

சரி, இனி இந்த ஆசனத்தை எவ்வாறு பயிற்சி செய்வது என்பதனை பார்ப்போம்… வாருங்கள்.. அர்த்த சக்ராசனம் (Ardha Chakrasana) செய்து சக்தி பெறுவோம். உடலை வளைத்து உவகை கொள்வோம்…

அர்த்த சக்ராசனம் – செய்முறை

நான்காக மடித்து விரிக்கப்பட்டுள்ள ஜமுக்காளத்தின்மீது உடல் மற்றும் கால்களை தளர்வாக வைத்தபடி மல்லாந்து நேராக படுக்கவும்.

பின் இரு கால்களையும் மடக்கி இரு கால்களுக்கும் இடையில் ஒன்றரை அடி இடைவெளி இருக்கும்படி பிருஷ்டத்தின் பக்கத்தில் வைத்து உள்ளங்கைகளை முறையே இரு காதுகளின் பக்கவாட்டில் தரையில் ஊன்றவும். கைவிரல்களை பாதங்களை பார்த்திருக்கும்படி அமைக்கவும்.

பின் மெதுவாக மூச்சை உள்ளுக்கு இழுத்துக்கொண்டே இடுப்பு மற்றும் வயிற்றுப்பகுதியை மேலே மெதுவாக தூக்கி உடலை அரைகோள வடிவில் கொண்டுவரவும்.

இப்போது உங்கள் இரு உள்ளங்கைகள் மற்றும் கால்களின் பாதங்கள் மட்டுமே தரையில் படித்த நிலையில் இருக்கும். எனவே கைகளும் கால்களும் உங்கள் உடல் எடையை சரிசமமாக தாங்கும்படி பார்த்துக்கொள்ளவும். இந்நிலையில் தலை கீழே தொங்கிய நிலையில் இருத்தல் வேண்டும்.

இதே நிலையில் 10 லிருந்து 15 வினாடிகள் இருக்கவும். இயல்பாக சுவாசிக்கவும்.

பின் உடலை மெதுவாக கீழே இறக்கி பழைய நிலைக்கு கொண்டுவரவும். சில வினாடி ஓய்வுக்குப்பின் மீண்டும் இப்பயிற்சியை செய்யவும்.

திரும்ப திரும்ப மூன்றிலிருந்து ஐந்து தடவை இப்பயிற்சியை செய்யவும்.

பயிற்சியின் பலன்கள்

ஆரம்பத்தில் சொன்னதுபோல இது மனதையும் உடலையும் உறுதி செய்யும் (Half Wheel Pose – Ardha Chakrasana) சிறப்பான ஆசனம்.

இப்பயிற்சியால் கால்கள், கைகள், மணிக்கட்டுகளிலுள்ள கொழுப்புகள் கரைந்து மேற்கண்ட உறுப்புகள் விசேஷ பலத்தை பெறுகின்றன. தோள்களும் கவர்ச்சியான தோற்றத்தை பெறுகின்றன. இப்பயிற்சியால் எலும்புகளும் வலு பெறுகின்றன.

இடுப்பு தசைகள் நன்கு பலம் பெறுவதொடு நெடுநாட்களாக உங்களை வாட்டிவந்த அஜீரண கோளாறுகளும், மலச்சிக்கலும் ஒழிந்துபோகும்… அதுமட்டுமா,.. தொடர்ந்து பயிற்சி செய்துவர தொப்பையும் தொலைந்து போகும்.

அச்சச்சோ… “மணிபர்ஸ்” தொலைந்து போய்விட்டதே என்று தேடுவதைப்போல… அச்சச்சோ… “தொப்பை” தொலைந்து போய்விட்டதே என்று தேடவேண்டியதில்லை. சனியன் ஒழிந்தது என்று நிம்மதியாக இருக்கலாம் என்றால் பார்த்துக்கொள்ளுங்களேன்.

முதுகு தண்டிலுள்ள அத்தனை நரம்புகளும் தூண்டப்படுவதோடு முதுகெலும்பானது துவளும் தன்மையையும் பெறுவதால் நீடித்த இளமையைக் கொடுக்கும். முதுகு கூன் விழுந்திருந்தால் அதனையும் நிமிரச் செய்யும் திறன் படைத்தது.

இப்பயிற்சி வயிற்றுப்பகுதியில் சேரும் அதிகப்படியான சதை மற்றும் கொழுப்பு படிமத்தை கரைக்கிறது. உடலில் தங்கி நிற்கும் கெட்ட நீர்களை வெளியேற்றுகிறது. சிறுநீரகத்திற்கும் புத்துணர்வூட்டுகிறது.

இடுப்பு, வயிறு, பிருஷ்டம், தொடை ஆகியவற்றிலுள்ள தேவையற்ற சதைகளை கரைத்து உடலை அழகான வடிவத்திற்கு கொண்டுவருகிறது.

இதயம், நுரையீரல், மார்பு மற்றும் சுவாச சம்பந்தமான உறுப்புகள் அனைத்திற்கும் நன்கு பலம் சேர்ப்பதோடு சுவாசக்குழாய் பாதைகளை சுத்தப்படுத்தவும் இப்பயிற்சி பேருதவி புரிகிறது. இதனால் ஆஸ்துமா போன்ற மூச்சு சம்பந்தமான நோய்களுக்கு சிறந்த ஒரு தீர்வாக அமையும்.

பெண்களுக்கு கருப்பை கோளாறுகளை சரிசெய்வதோடு மாதவிலக்கு பிரச்சனைகளுக்கும் ஒரு நல்ல தீர்வை கொடுக்கிறது.

இப்பயிற்சியை தொடர்ந்து செய்துவருவதால் எதிர்காலத்தில் குடல் இறக்கம் வராமல் தடுக்கமுடியும்.

மொத்தத்தில் சொல்லப்போனால் தைராய்டு கோளாறுகளை நிவர்த்தி செய்து நோய் எதிர்ப்பு சக்தியை அதிகரித்து உடலுக்கு நல்லதொரு வளர்சியை கொடுக்கும் சிறப்பான பயிற்சி இது.

முக்கிய குறிப்புகள்

இப்பயிற்சியை கண்டிப்பாக கழுத்து, முதுகு மற்றும் வயிற்றுப்பகுதிகளில் அறுவை சிகிச்சை செய்துகொண்டவர்கள் செய்தல் கூடாது.

தலைவலி, தலைசுற்றல், குடலிறக்கம், உள்ளவர்கள் இப்பயிற்சியை செய்தல் கூடாது. கர்ப்பிணி பெண்களும் இதனை கண்டிப்பாக பயிற்சி செய்தல் கூடாது.

கண்நோய் உள்ளவர்கள் இப்பயிற்சியை தவிர்த்தல் வேண்டும். கண்புரை அறுவை சிகிச்சையை மேற்கொண்டவர்கள் கண்கள் சரியாகும் வரை இப்பயிற்சியை தவிர்த்தல் வேண்டும். கண் அழுத்த நோய் உள்ளவர்கள் இப்பயிற்சியை கண்டிப்பாக தவிர்த்தல் வேண்டும்.

இதயநோய், இரத்த அழுத்தம் உள்ளவர்கள் தகுந்த பயிற்சியாளரின் மேற்பார்வையில் பயிற்சியை மேற்கொள்ள வேண்டியது அவசியம்.

பிறையாசனம் – Pirai Asana

எடுத்த எடுப்பிலேயே இந்த ஆசனத்தை செய்வது என்பது பலருக்கு கடினமானது. ஏனெனில் பலருக்கு இது மயக்கம், தலைசுற்றல் முதலிய அசௌகரியங்களை ஏற்படுத்தலாம். அப்படியானவர்கள் “பிறையாசனம்” (Pirai Asana) என்று ஒன்று உள்ளது. அந்த பிறையாசனத்தில் நன்கு தேர்ச்சி பெற்ற பின்பு இந்த அர்த்த சிரசாசனத்தை செய்தால் மேற்குறிப்பிட்ட அசௌகரியங்களை தவிர்க்கலாம்.

பிறையாசனத்தைப்பற்றி தெரிந்துகொள்ள வேண்டுமல்லவா… தெரிந்துகொள்ள கீழே கொடுக்கப்பட்டுள்ள பேனர் (Banner) மீது ஒரு தட்டு தட்டுங்கள்… மூன்றாம் பிறையை மட்டுமல்ல… முழு சந்திரனையே பார்க்கலாம்.

>> பிறையாசனம் – Pirai Asana <<

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக கால்கள், கைகள், மணிக்கட்டுகள், தோள்கள், இடுப்பு தசைகள், எலும்புகள் விசேஷ பலத்தை பெறுகின்றன. சிறுநீரகம், இதயம், நுரையீரல், மார்பு மற்றும் சுவாச சம்பந்தமான உறுப்புகள் அனைத்திற்கும் புத்துணர்வூட்டுகிறது. ஆஸ்துமா, தைராய்டு கோளாறுகள் நிவர்த்தியாகிறது. குடல் இறக்கம் வராமல் தடுக்க முடியும்.

அஜீரண கோளாறுகளும், மலச்சிக்கலும் தொப்பையும் தொலைந்துபோகும்.

முதுகு கூன் விழுந்திருந்தால் அதனையும் நிமிரச் செய்யும் திறன் படைத்தது.

இடுப்பு, வயிறு, பிருஷ்டம், தொடை ஆகியவற்றிலுள்ள தேவையற்ற சதைகளை கரைக்கிறது.

பெண்களுக்கு கருப்பை கோளாறுகளை சரிசெய்வதோடு மாதவிலக்கு பிரச்சனைகளுக்கும் ஒரு நல்ல தீர்வை கொடுக்கிறது என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கழுத்து, முதுகு மற்றும் வயிற்றுப்பகுதிகளில் அறுவை சிகிச்சை செய்துகொண்டவர்களும், கண்புரை அறுவை சிகிச்சையை செய்துகொண்டவர்களும் செய்தல் கூடாது.

தலைவலி, தலைசுற்றல், கண்நோய், கண் அழுத்த நோய், இதயநோய், இரத்த அழுத்தம், குடலிறக்கம் உள்ளவர்களும் கர்ப்பிணி பெண்களும் இதனை கண்டிப்பாக பயிற்சி செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கண்நோய்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Half Wheel – அர்த்த சக்ராசனம் appeared first on Personality Fitting.

இந்த மன்மதனைப்பற்றி அனைவருமே காமனாக தெரிந்து வைத்திருப்பீர்கள்.

மன்மதனின் ஆயுதம் எதுவென்று தெரியுமல்லவா?!… (மன்மதனின் ஆயுதம் என்ற உடனேயே “கத்திசண்டை”யை கற்பனை செய்துகொள்ளாதீர்கள்)

காமனின் ஆயுதம் “கரும்புவில்”…

(இப்போது கரும்புவில்லை தூக்கி கடாசிவிட்டு “வானவில்லை” வைத்திருப்பதாக கேள்வி)

அதில் தொடுப்பதற்காக வரிசையாக அடுக்கி வைக்கப்பட்டுள்ள சில மலர்க்கணைகள்.

இந்த இரண்டும்தான் மன்மதனுடைய ஆயுதங்கள்…

ஆனால்,… இந்த இரண்டையும் வைத்துக்கொண்டு இவன் பண்ணுகிற அட்ராசிட்டி வேலைகள் இருக்கிறதே… அப்பப்பா…

தனுராசனம்

பண்டைய காலங்களில் சிட்டிசன்களை காதல் வலையில் மட்டுமே சிக்க வைத்துக் கொண்டிருந்தவனுக்கு என்னாச்சோ தெரியவில்லை… தற்போது சில நூறு வருடங்களாகவே காதலர்களை ரோமியோக்களாக மாற்றி காம வலையில் வீழ்த்திக்கொண்டிருக்கின்றான்….

அதுகூட பரவாயில்லை… ஆனால், இப்போதோ அண்மைக்காலங்களில் அந்த ரோமியோக்களையும் காமியோக்களாக மாற்றி “போக்சோ”வில் (POCSO) உள்ளே தள்ளுவதையே வாடிக்கையாக வைத்திருக்கின்றான்…

அத்தோடு நிறுத்திக்கொள்ளாமல் “வானவில் சேட்டை”கள் வேறு… (செத்தாண்டா சேகரு) கரும்புவில் வைத்திருந்த கையில் இப்போது இருப்பதோ “வானவில்”…

அதுசரி,.. இரும்பு அடிக்கிற இடத்துல “ஈ”க்கு என்ன வேலை என்பது போல் யோகாசனம் படிக்கும் இடத்தில் மன்மதனின் சேட்டைகளை பற்றி பேச வேண்டிய அவசியம் என்ன?! என கேக்கிறீர்களா?

அவசியம் இருக்கிறது…

இந்த தனுராசனத்தை நீங்கள் பயிற்சி செய்து கொண்டிருக்கும்போதே மன்மத ராசா கரும்பு வில்லில் மலர்கணைகளை தொடுத்தப்படியே செய்யும் சேட்டைகளை நீங்களே அனுபவபூர்வமாக பார்க்கலாம்…

சரி… மன்மதனின் காதல் சேட்டைகளைப்பற்றி பயிற்சியின் போது நீங்களே நேரடியாக பார்த்து தெரிந்து கொள்ளுங்கள். இப்போது நாம் “தனுராசனம்” பற்றி மட்டும் பார்ப்போம்.

Dhanurasana – தனுராசனம் – அடிப்படைத் தகவல்கள்

பெயர் – Dhanurasana.

தமிழில் – தனுராசனம்.

சமஸ்கிருதம் – Dhanurasana.

ஆங்கிலம் – Bow Pose.

வேறுபெயர்கள் – Dhanur asana.

ஆசனத்தின் நிலை

• Prone
• Abdomen
• Hand-To-Feet

பயிற்சியின் கடின தன்மை – Biginner.

உடல் கோணம் – Back-Bend, Stretch.

தனுசு என்றால் ”வில்”. இந்த ஆசனத்தில் இருக்கும்போது நம்முடைய உடல் வில் போன்ற அமைப்பில் இருப்பதால் இது ”தனுராசனம்” (Dhanurasana) என பெயர் பெற்றது.

இது மிகவும் அற்புதமான ஆசனம். சந்தோஷங்களை அள்ளித்தரும் ஆசனம்.

வாருங்கள் தனுராசனத்தின் அற்புதங்களை அறிந்துகொள்வோம்.

பயிற்சிக்கு முன் தெரிந்து கொள்ள வேண்டியவை

இந்த பயிற்சியை நீங்கள் இன்றே பிள்ளையார் சுழி போட்டு தொடங்கிவிட்டால் போதும்… அடுத்த வினாடியே உங்களிடமிருந்து முதுமை முகம்காட்ட விரும்பாமல் தொங்க போட்டுக்கொண்டே வெளியேறிவிடும்… அந்த வெற்றிடத்தை நிரப்ப இளமை “தந்தனத்தோம்”…. “திந்தனத்தோம்” என பாடிக்கொண்டே புறவாசல் வழியாக உள்ளே புகுந்துவிடும்.

ஆம்,… இந்த பயிற்சியின் மூலம் உங்களின் முதுகுத்தண்டு நன்கு துவளும் தன்மையைப் பெறும். இதனால் இளமை மேலிடும். சுறுசுறுப்பு பெருகும். முதுகு கூன் விழுவதிலிருந்து தடுக்கப்படும். உடலின் உள்ளுறுப்புகளான இதயம், நுரையீரல் முதலியன வலுப்பெறும்.

இவ்வளவு நன்மைகளைக் கொண்டுள்ளதாலேயே இது எனக்கு மட்டுமல்ல ஆசன பயிற்சிகளில் ஈடுபடும் அனைவருக்கும் மிகவும் பிடித்தமான ஆசனமும் கூட.

ஆனால்,… சில ”துடிப்பான” இளைஞர்கள் இந்த ஆசனத்தை செய்து முடிக்கும் தருவாயில் அமைதியான காலைப்போழுதை “பிசுபிசுக்க” வைத்து ”வடை போச்சே” என்று பீல் பண்ண வேண்டிய சூழ்நிலையை ஏற்படுத்திவிடுகிறது…

ஏனென்றால்,… “சிவனே என்று எம்பாட்டுக்கு நான் தூங்கிக்கிட்டு இருந்தேன்… பயிற்சி செய்கிறேன்… முயற்சி செய்கிறேன்னு…. என்னை ஏண்டா தட்டி எழுப்புன” என்று எங்கிருந்தோ ஒரு குரல்வந்து உங்கள் காதில் ரீங்காரமிடுவதை உங்களால் உணர முடியும்… ஹி.. ஹிஹி…

இது ஆண்மையை அதிகரிக்கச் செய்யும் அற்புதமான ஆசனம் என்றாலும்கூட இதை பயிற்சி செய்து முடிக்கும் வரையில் கை, கால்களை வைத்துக்கொண்டு கொஞ்சம் கட்டுப்பாட்டுடன் இருக்க வேண்டியது அவசியம். இல்லை என்றால் “வடைபோச்சே” கதைதான்… கூடவே சேலம் “செல்வராஜ் சித்த வைத்திய சாலை”க்கு சென்று தாத்தாவின் ஆலோசனைகளைப் பெறவேண்டி இருக்கும்… அம்புட்டுதான் சொல்வேன்…

சரி… இனி தனுராசனத்திற்கு வருவோம்… தனுராசனத்தினால் மார்பு வலிமை பெறும். ஆண்மையை பலப்படுத்துவதுடன் பாலியல் சார்ந்த அனைத்து உறுப்புகளையும் வலுப்படுத்தும், கூன் முதுகை நிமிரச்செய்து இளமையைக் கொடுக்கும்.

தனித்துவம் வாய்ந்த இந்த தனுராசனத்தை எப்படி பயிற்சி செய்வது என்பதனைப் பார்ப்போம்.

தனுராசனம் – செய்முறை

விரிப்பின்மீது கவிழ்ந்த நிலையில் நேராக படுக்கவும். கைகள் இரண்டையும் உடலை ஒட்டினாற்போல் பக்கவாட்டில் வைத்துக் கொள்ளவும். அதன்பின் இரு கால்களையும் மடக்கி இடது கையால் இடது கணுக்காலையும், வலது கையால் வலது கணுக்காலையும் பிடித்துக்கொள்ளவும். மார்பு பகுதி, கழுத்து, தலை முதலியவற்றை மேல்நோக்கி தூக்கி முதுகை வில்போல் வளைக்கவும்.

குறிப்பாக வயிற்றுப்பகுதி, இடுப்பு தரையில் படும்படியும், வயிறு இடுப்பு தவிர்த்து உடலின் பிற உறுப்புகள் அப்படியே வில்போல் வளைந்து இருக்கும்படியும் உடலை அமைத்துக்கொள்ளுங்கள். இந்நிலையில் இருக்கும்போது மூச்சை அடக்குதல் கூடாது. இயல்பாக மூச்சு விடுங்கள்.

இந்நிலையில் 10 முதல் 30 வினாடிகள் இருக்கவும். பின் மெதுவாக சாதாரண நிலைக்கு வரவும். பின் 10 அல்லது 15 வினாடி ஓய்வுக்கு பின் மீண்டும் இப்பயிற்சியை மேற்கொள்ளவும்.

இதேபோல் திரும்ப திரும்ப 5 அல்லது 6 தடவை இந்த ஆசனத்தை பயிற்சி எடுக்கவும்.

பயிற்சியின் பலன்கள்

இந்த Dhanurasana – தனுராசனம் ஒரு அற்புதமான ஆசனம். இதனை தொடர்ந்து செய்துவர வயிறு சம்பந்தப்பட்ட அனைத்து நோய்களும் நீங்கும். அஜீரணமும், மலச்சிக்கலும் நீங்கும்.

மார்பு விரிந்து பலம் பெறும். கை, கால், இடுப்பு அத்தனையும் பலம் பெறும். முதுகு வலி வராமல் பாதுகாப்பு கொடுக்கும்.

மார்புச்சளி, சைனஸ், ஆஸ்துமா, ஈசினோபீலியா, இருமல் போன்ற பிரச்சனைகளை நீக்கும்.

சிறுநீரகம் சுறுசுறுப்பாக வேலை செய்யும். சிறுநீரக கோளாறு அகலும். முதுகுவலி நீங்கும். தொப்பை, ஊளைச்சதை முற்றிலும் குறையும். இளமையும், சுறுசுறுப்பும் உண்டாகும். வளர்ச்சிதை மாற்றத்தை மேம்படுத்தும். ஆண்மை பெருகும். குன்றாத அழகும், மங்காத அறிவும் உண்டாகும்.

மாற்று ஆசனம்

யோகாசனப் பயிற்சியில் “மாற்று ஆசனம்” என்னும் பதம் அடிக்கடி பயன்படுத்தப்பட்டு வருவதை நீங்கள் கேட்டிருக்கலாம்..

ஆசன பயிற்சியில் ஈடுபடும் ஒவ்வொருவரும் அதில் வரக்கூடிய “மாற்று ஆசனம்” என்றால் என்ன என்பதனை தெரிந்து வைத்துக்கொள்ளுதல் மிக மிக அவசியமாகும்.

“மாற்று ஆசனம்” என்றால் “மாறுபட்ட ஆசனம்” என்பது பொருள்.

அதாவது ஒரு ஆசனம் செய்யும்போது உடல் எந்த கோணத்தில் இருக்கின்றதோ அதற்கு மாறுபட்ட கோணத்தில் அதற்கு அடுத்து செய்யும் ஆசனம் இருக்கவேண்டும்.

அதாவது, தனுராசனத்தை எடுத்துக்கொண்டால் உடல் வெளிப்புறமாக வளைவதைக் காணலாம். அதாவது முதுகெலும்பானது வில் போல் வெளிப்பக்கமாக வளைகிறது.

இதற்கு அடுத்து செய்யும் ஆசனத்திலும் முதுகு வெளிப்புறமாக வளைக்கப்பட்டால் முதுகெலும்பு சோர்வடையலாம். தொடர்ந்து ஒவ்வொரு ஆசனத்திலும் முதுகெலும்பு வெளிப்புறமாகவே வளைக்கப்பட்டு கொண்டிருந்தால் எலும்பு தேய்மானம், நரம்பு சுளுக்கு, சதைகள் கன்றிப்போதல், பயிற்சியின் முடிவில் வலி, பயிற்சியில் ஆர்வமின்மை… இன்னும் பல பிரச்சனைகள், பக்கவிளைவுகள் ஏற்படலாம்.

எனவே, முதல் ஆசனத்தில் உடல் வெளிப்புறமாக வளைக்கப்பட்டால் அடுத்து செய்யும் இரண்டாவது ஆசனத்தில் உடல் உள்புறமாக வளைக்கப்பட வேண்டும். 3 வதாக செய்யப்படும் ஆசனத்தில் உடல் வலப்பக்கமாக மட்டும் திருகப்பட்டால் 4 வதாக செய்யப்படும் ஆசனத்தில் உடல் இடப்பக்கமாக திருகப்படவேண்டும். 5 வதாக செய்யப்படும் ஆசனமானது கால்கள் இரண்டும் மடிக்கப்பட்டு உட்கார்ந்து செய்யப்படும் ஆசனம் எனில் 6 வதாக செய்யப்படும் ஆசனம் கால்கள் இரண்டும் நீட்டப்பட்ட நிலையில் செய்யப்படும் ஆசனமாக இருத்தல் வேண்டும்.

அப்படி செய்யப்பட்டால்தான் அந்த பயிற்சி பக்கவிளைவுகள் எதுவும் ஏற்படுத்தாத ஆரோக்கியமான பயிற்சியாக அமையும். இதனையே “மாற்று ஆசனம்” என்பர்.

அந்த வகையில் இந்த தனுராசனத்திற்கு மாற்று ஆசனமாக (உடலை மாறுபட்ட கோணத்தில் வைக்கும்… அதாவது,… தனுராசனத்தில் உடல் அமைக்கப்பட்டதிற்கு நேர் எதிரிடையாக… அதாவது,… உட்பக்கமாக உடல் வளையும் வகையில்) அமைவது “ஹாலாசனம்” மற்றும் “பச்சிமோத்தாசனம்” ஆகும்.

தனுராசனத்தின் சிறந்த மாற்று ஆசனமான “ஹாலாசனம்” மற்றும் “பச்சிமோத்தாசனம்” பற்றி அறிந்துகொள்ள ஆசையா!!.. அப்படியென்றால் கீழே கொடுக்கப்பட்டுள்ள பேனர் (Banner) ஐ உங்கள் சுண்டுவிரல்களால் மெல்லமா தட்டுங்க…

>> பச்சிமோத்தாசனம் – Paschimottanasana <<

முக்கிய குறிப்புகள்

இந்த தனுராசனம் ஒரு அற்புதமான ஆசனம்தான் என்றாலும், அனைவருக்கும் பயிற்சி செய்வதற்கு ஏற்ற ஆசனம் அல்ல.

சமீபத்தில் வயிறு மற்றும் முதுகில் அறுவை சிகிச்சை செய்து கொண்டவர்கள் இந்த ஆசனத்தை செய்தல் கூடாது.

இதயநோயாளிகள் இதனை பயிற்சி செய்வதை தவிர்க்க வேண்டும்.

அடிக்கடி தலைசுற்றல், ஒற்றை தலைவலியால் அவதியுறுபவர்கள் இந்த ஆசனத்தை முயற்சி செய்ய வேண்டாம்.

முதுகெலும்பு, முழங்கால்கள், இடுப்பு இவைகளில் காயம் உள்ளவர்கள் இதனை பயிற்சி செய்தல் கூடாது.

உயர் அல்லது குறைந்த ரத்த அழுத்தம் உள்ளவர்கள், குடலிறக்கத்தால் அவதிப்படுபவர்கள், வயிற்றில் புண் உள்ளவர்கள் இந்த பயிற்சியை செய்தல் கூடாது.

இந்த பயிற்சியில் ஆணுறுப்பு மற்றும் விதைகள் தரையோடு தரையாக நன்றாக அழுத்தப்படும் என்பதால் விரைவாதம், விதைவீக்கம் உள்ளவர்கள் இப்பயிற்சியை தவிர்க்கவும்.

பெண்கள் மாதவிடாய் காலங்களில் இப்பயிற்சியை தவிர்க்கவும். கர்ப்பமான பெண்களும் இப்பயிற்சி செய்வதை தவிர்த்தல் வேண்டும். குழந்தை பெற்ற பின்பு 3 மாதங்கள் வரையில் இந்த ஆசனம் செய்வதை தவிர்க்க வேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக அஜீரணமும், மலச்சிக்கலும் நீங்குகின்றன.

மார்பு, கை, கால், இடுப்பு அத்தனையும் பலம் பெறும். முதுகு வலி வராமல் பாதுகாப்பு கொடுக்கும்.

மார்புச்சளி, சைனஸ், ஆஸ்துமா, ஈசினோபீலியா, இருமல் போன்ற பிரச்சனைகளை நீக்கும்.

சிறுநீரக கோளாறு அகலும். தொப்பை, ஊளைச்சதை முற்றிலும் குறையும். ஆண்மை பெருகும் எனவும் பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் அடிக்கடி தலைசுற்றல், ஒற்றை தலைவலியால் அவதியுறுபவர்கள், இதயநோயாளிகள், வயிறு மற்றும் முதுகில் அறுவை சிகிச்சை செய்து கொண்டவர்கள் இந்த ஆசனத்தை செய்தல் கூடாது.

முதுகெலும்பு, முழங்கால்கள், இடுப்பு இவைகளில் காயம் உள்ளவர்கள் இதனை பயிற்சி செய்தல் கூடாது.

உயர் அல்லது குறைந்த ரத்த அழுத்தம் உள்ளவர்கள், குடலிறக்கத்தால் அவதிப்படுபவர்கள், வயிற்றில் புண் உள்ளவர்கள் இந்த பயிற்சியை செய்தல் கூடாது என்பதனையும் பார்த்தோம்.

இந்த பயிற்சியில் ஆணுறுப்பு மற்றும் விதைகள் தரையோடு தரையாக நன்றாக அழுத்தப்படும் என்பதால் விரைவாதம், விதைவீக்கம் உள்ளவர்கள் இப்பயிற்சியை தவிர்க்கவும்.

பெண்கள் மாதவிடாய் காலங்களில் இப்பயிற்சியை தவிர்க்கவும். கர்ப்பமான பெண்களும் இப்பயிற்சி செய்வதை தவிர்த்தல் வேண்டும். குழந்தை பெற்ற பின்பு 3 மாதங்கள் வரையில் இந்த ஆசனம் செய்வதை தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “விதைவீக்கம்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Dhanurasana – தனுராசனம் appeared first on Personality Fitting.

ஆனால், அதே வேளையில் அனைவராலும், அனைத்து வயதினராலும் எளிதாக செய்யக்கூடிய ஆசனங்களும் நிறைய இருக்கின்றன.

எனவே வயதானவர்கள் மற்றும் உடல் நெகிழ்ந்து கொடுக்கும் தன்மை குறைவாக இருப்பவர்கள் கடின ஆசனங்களை பயில முயற்சி செய்து பல உடல் பிரச்சனைகளை வருவித்துக் கொள்வதை விட மிக எளிதாக இருக்கும் யோகாசனங்களை தேர்ந்தெடுத்து பயிற்சி செய்துவருவதே சிறப்பு.

நோயற்ற ஆரோக்கிய வாழ்க்கையை விரும்புபவர்கள் தினந்தோறும் காலை அல்லது மாலை அல்லது இரு வேளைகளும் சில எளிய வகையான ஆசனங்களை தேர்ந்தெடுத்து அவற்றை தொடர்ந்து பயிற்சி செய்து வரலாம். அப்படியான ஒரு எளிய ஆசனத்தைப் பற்றித்தான் இந்த பதிவில் பார்க்க இருக்கின்றோம்.

ஆம்,… நாம் இப்போது குழந்தைகள், பெண்கள், வயதானவர்கள் என அனைவராலும் எளிதில் பயிற்சி செய்யும் விதமாக அமைந்துள்ள எளிய ஆசனமான ”அர்த்த புஜங்காசனம்” (Aardha Bhujangasana) பற்றிதான் இப்பதிவில் பார்க்க இருக்கின்றோம்…

வாருங்கள் பார்க்கலாம்…

Ardha Bhujangasana – அடிப்படைத் தகவல்கள்

பெயர் – Ardha Bhujangasana.

தமிழில் – அர்த்த புஜங்காசனம்.

சமஸ்கிருதம் – Ardha Bhujangasana.

ஆங்கிலம் – Half Cobra Pose.

வேறுபெயர்கள்

• Salamba Bhujangasana.
• Sphinx Pose.
• Baby Cobra Pose.
• Niravalasana.
• Yin yoga Sphinx Pose.

ஆசனத்தின் நிலை – Prone, Forearms, Abdomen.

பயிற்சியின் கடின தன்மை – Beginner.

உடல் கோணம் – Back-Bend.

“புஜம்” என்றால் தோள்பட்டையை சுற்றியுள்ள பகுதிகளைக் குறிக்கும் சொல். ஆசனம் செய்யும்போது இடுப்புக்கு மேல் உள்ள உடலின் பளு முழுவதையும் புஜமே தாங்குவதால் அதற்கு “புஜங்காசனம்” என்று பெயர்.

ஆனால்,.. இங்கு நாம் பார்த்துக் கொண்டிருப்பது புஜங்காசனம் அல்ல. மாறாக “அர்த்த புஜங்காசனம்” பற்றி பார்த்துக் கொண்டிருக்கின்றோம்.

“புஜங்காசனம்” பற்றி தெரிந்துகொள்ள கீழே கொடுக்கப்பட்டுள்ள “விஷீவல் லிங்க்” (visual link) என்னும் தொடுக்கை உங்கள் விரல்களால் சொடுக்கவும்…

Ardha Bhujangasana – அர்த்த புஜங்காசனம் பெயர்காரணம்

“அர்த்த” என்றால் “பாதி” என்று பொருள். புஜங்காசனத்தைப்போல உடலின் பளு முழுவதையும் புஜம் தாங்குவதில்லை. பகுதியைத்தான் புஜம் தாங்குகின்றன. மீதி பாதியை வயிறு தாங்குகின்றன. எனவே பாதி பளுவை மட்டுமே புஜம் தாங்குவதால் இதற்கு “பாதி புஜங்காசனம்” அதாவது “அர்த்த புஜங்காசனம்” (Ardha Bhujangasana) என பெயர் பெறுகிறது.

ஆனால், இந்த “அர்த்த புஜங்காசனம்” என்னும் பெயருக்கு வேறு ஒரு கதையும் சொல்லப்படுகிறது. வடமொழியில் “புஜங்கம்” என்பது ஊர்ந்து செல்லும் பாம்பைக் குறிக்கிறது என்றும் இந்த ஆசனத்தில் அமரும்போது நம் கழுத்து, தலை முதலியனவற்றின் அமைப்பு பார்ப்பதற்கு நல்லபாம்பு படம் எடுப்பதுபோல தோற்றமளிப்பதால் இதற்கு “அர்த்த புஜங்காசனம்” என்று பெயர் வந்ததாகவும் சொல்லப்படுகிறது. ஆனால் இந்த பாம்பு கதைகளெல்லாம் சரியானதாகப்படவில்லை. இது பின்னாளில் நம்மவர்கள் ஏற்படுத்திய புனைவு கதைகளாக இருக்கலாம். ஏனெனில் கடவுள்களின் தோள்மீது (புஜம் மீது) படம் எடுத்து நிற்பதால் அந்த பாம்பை மட்டும்தான் வடமொழியில் “புஜங்கன்” என அழைக்கிறார்களாம். புதருக்குள் செல்லும் பாம்புகளுக்கெல்லாம் புஜங்கன் என்று பெயரில்லையாம். எனவே புதருக்குள் செல்லும் பாம்பு மட்டுமே நிஜம் என்பதாலும். புஜத்திற்கு மேல் படம் எடுத்து நிற்கும் பாம்புகளெல்லாம் வெறும் கற்பனை கதாபத்திரங்கள் என்பதால்… கற்பனை கதைகளை புறந்தள்ளி நாம் நிஜத்தை மட்டுமே இங்கு பார்க்க இருப்பதால் “அர்த்த புஜங்காசனம்” பெயருக்கு கூறப்படும் கற்பனை புனைவு பாம்பு கதையை புறம்தள்ளி விடுவோம்.

அர்த்த புஜங்காசனம் – செய்முறை

முதலில் ஒரு விரிப்பில் இரு கால்களையும் ஒன்று சேர்ந்தாற்போல நேராக நீட்டி குப்புற படுக்கவும். இரு கைகளையும் தோள்பட்டைக்கு இணையாக கிடைமட்டமாக வைக்கவும்.

பின் இரு கைகளின் உள்ளங்கைகளையும் தலையின் அருகில் இரு பக்கங்களிலும் வைத்து கழுத்தை நிமிர்த்தி தலையை மெதுவாக மேலே தூக்கவும். வயிற்றிலிருந்து தலைவரை உடல் மேலெழும்பியபடி இருக்கவேண்டும்.

முழங்கை மற்றும் உள்ளங்கைகள் தரையில் படிந்தபடி இரு கைகளும் ” ட”  வடிவத்தில் இருக்க வேண்டும். இரு கால்களின் மேல் பாதங்களும் தரையில் படர்ந்தபடி இருக்க வேண்டும். இந்த ஆசனத்தில் 15 முதல் 20 வினாடிகள் இருந்து பழைய நிலைக்கு திரும்பவும்.

இந்த ஆசனத்தை 5 அல்லது 6 தடவை பயிற்சி செய்யவும்.

பயிற்சியின் பலன்கள்

”அர்த்த புஜங்காசனம்” (Ardha Bhujangasana) என்னும் இந்த ஆசனமானது சுவாசக்கோளாறு, ஆஸ்துமா உட்பட மார்பு சம்பந்தப்பட்ட அனைத்து பிரச்சனைகளையும் சீர் செய்வதோடு மலச்சிக்கலையும் நிவர்த்தி செய்யும் வல்லமை கொண்டது.

இது முதுகெலும்பையும், தோள்பட்டையையும் வலுவாக்கும். மார்பு மற்றும் வயிறு பலம் பெறும். சுவாசக்கோளாறுகளை சரி செய்யும். மலச்சிக்கல் விலகும்.

பெண்களுக்கு மாதவிடாய் கோளாறுகள் நீங்கும்.

சிறிய இடையை விரும்பும் பெண்கள் அவசியம் செய்ய வேண்டிய ஆசனம் இது. ஏனென்றால் எவ்வளவு பெரிய “தடி” இடையாக இருந்தாலும் அதை “பிடி” இடையாக மாற்றும் திறன் இதற்கு உண்டு.

இதனுடன் எளிமையான வேறு சில ஆசனங்களையும் சேர்த்து பயிற்சி செய்து வர “பிடி” இடையும் “கொடி” இடையாக மாற அதிக வாய்ப்பு உண்டு.

எது எப்படியோ… ஒவ்வொரு தடவையும் ஆசனப் பயிற்சியை நிறைவு செய்யும்போது கடைசி ஆசனமாக ”சவாசனம்”  கண்டிப்பாக செய்ய வேண்டும் என்பதனை கவனத்தில் கொள்ளுங்கள்.

முக்கிய குறிப்புகள்

இந்த ஆசனம் அடிவயிற்றுப் பகுதிகளில் அதிக அழுத்தத்தை ஏற்படுத்துவதால் கர்ப்பிணி பெண்கள் கண்டிப்பாக இந்த ஆசனத்தை செய்தல்கூடாது.

சமீபத்தில் முதுகுதண்டு, இதயம், வயிறு, இடுப்பு ஆகிய பகுதிகளில் அறுவை சிகிச்சை செய்துகொண்டவர்கள் இந்த ஆசனத்தை செய்தல்கூடாது.

முதுகெலும்பு வட்டு விலகல் (Herniated Disc / Slip Disc), ஸ்பான்டிலைடிஸ் (Spondylitis) மற்றும் கடுமையான முதுகு காயம் உள்ளவர்கள் இந்த ஆசனத்தை தவிர்க்கவேண்டும்.

வயிற்றுப்புண் (Peptic Ulcer), குடல்காசநோய் (Intestinal TB) மற்றும் குடலிறக்கம் (Hernia) உள்ளவர்கள் இந்த ஆசனத்தை செய்தல் கூடாது.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக சுவாசக்கோளாறு, ஆஸ்துமா நிவர்த்தியாகும்.

இது முதுகெலும்பையும், தோள்பட்டையையும் வலுவாக்கும். மார்பு மற்றும் வயிறு பலம் பெறும். மலச்சிக்கல் விலகும்.

பெண்களுக்கு மாதவிடாய் கோளாறுகளும் நீங்கும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் முதுகுதண்டு, இதயம், வயிறு, இடுப்பு ஆகிய பகுதிகளில் அறுவை சிகிச்சை செய்துகொண்டவர்கள் இந்த ஆசனத்தை செய்தல்கூடாது.

முதுகெலும்பு வட்டு விலகல் (Herniated Disc / Slip Disc), ஸ்பான்டிலைடிஸ் (Spondylitis) மற்றும் கடுமையான முதுகு காயம் உள்ளவர்கள் இந்த ஆசனத்தை தவிர்க்கவேண்டும்.

கர்ப்பிணி பெண்கள் கண்டிப்பாக இந்த ஆசனத்தை செய்தல்கூடாது.

வயிற்றுப்புண் (Peptic Ulcer), குடல்காசநோய் (Intestinal TB) மற்றும் குடலிறக்கம் (Hernia) உள்ளவர்கள் இந்த ஆசனத்தை செய்தல் கூடாது என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “குடல்காசநோய்” பற்றிய அடிப்படை விஷயங்களை பார்க்கலாம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுத்து நிறுத்தும். வந்தபின்பு அல்ல… நன்றி!

*******

The post Ardha Bhujangasana – அர்த்த புஜங்காசனம் appeared first on Personality Fitting.

எனவே இழந்த ஆரோக்கியத்தை மீண்டும் திரும்ப பெறவேண்டுமெனில் உழைப்புக்கு பதிலாக வேறு ஏதாவது மாற்று ஏற்பாடு செய்ய வேண்டியுள்ளது. இங்கேதான் நமக்கு கைகொடுக்க வருகிறது உடற்பயிற்சி.

பரபரப்பும் மன அழுத்தமும் மலிந்துகிடக்கும் இவ்வேளையில் வெறும் உடலுக்கு மட்டும் பயிற்சி அளிப்பதோடு நிறுத்திவிடாமல் மனதிற்கும் பயிற்சியளிக்க வேண்டியிருப்பதால் இக்கட்டான இந்த சூழ்நிலையில் நமக்கு கைகொடுக்க வருகிறது யோகாசன பயிற்சிகள்.

யோகாசன பயிற்சியில் பல கடினமான பயிற்சிகள் இருந்தாலும் ஆரம்பக்கட்ட பயிற்சியாளர்கள் பயிற்சி செய்வதற்கென சில எளிமையான பயிற்சிகளும் உள்ளன. முதன்முதலாக பயிற்சியில் ஈடுபடுபவர்கள் அப்படியான எளிமையான ஆசனங்களை தேர்ந்தெடுத்து பயிற்சி செய்வது சிறப்பு. அவற்றில் ஒன்றுதான் நாம் இப்போது பார்க்கப்போகும் “பிறையாசனம்” (Pirai Asana) என்னும் பயிற்சியாகும்.

இந்த பயிற்சி செய்யும்போது நம்முடைய உடல் வடிவம் “மூன்றாம் பிறை” போன்ற வடிவில் காணப்படுவதால் இது “பிறையாசனம்” என பெயர் பெற்றது.

வாருங்கள் பிறையாசனம் பயிற்சி செய்யும் விதத்தை தெரிந்து கொள்ளலாம்.

பிறையாசனம் – அடிப்படைத் தகவல்கள்

பெயர் – Pirai Asana.

தமிழில் – பிறையாசனம்.

சமஸ்கிருதம் – Pirai Asana.

ஆங்கிலம் – Arc of the Moon Pose.

வேறுபெயர்கள் –

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – Back-Bend, Stretch.

Pirai Asana – பிறையாசனம் – செய்முறை

இரு கால்களுக்கிடையேயும் சுமார் இரண்டு அடி இடைவெளி இருக்கும்படி கால்களை அகட்டி வைத்துக்கொண்டு நேராக நிற்கவும். பின் இரு கைகளையும் தலைக்கு மேலாக நேராக உயர்த்தவும்.

அதன்பின் கைகளையும் உடலையும் மூச்சை உள்ளுக்கிழுத்தபடியே பின்னால் மெதுவாக வளைக்கவும். இந்நிலையில் உள்ளங்கை மேலே பார்த்தபடி இருக்கட்டும். 20 வினாடிகள் இதே நிலையில் இருக்கவும். மூச்சை இயல்பாக விடவும்.

சுமார் 20 வினாடிகள் கழித்து உடலை நேராக்கவும். சில வினாடிகள் ஓய்வுக்குப்பின் மீண்டும் முன்போலவே உடலை பின்னோக்கி வளைத்து பயிற்சி எடுக்கவும்.

இந்த ஆசனத்தை இரண்டு அல்லது மூன்று தடவை பயிற்சி செய்யவும்.

இதற்கு மாற்று ஆசனமாக விளங்குவது “பாத ஹஸ்தாசனம்“ (Patha Hastasana). எனவே பிறையாசன பயிற்சி முடிந்தவுடன் அடுத்த ஆசனமாக பாதஹஸ்த்த ஆசனம் செய்தல் வேண்டும்.

பாதஹஸ்த்த ஆசனம் செய்வது எப்படி என்று ஆறிய ஆர்வமான இருக்கின்றது அல்லவா?!!…

உங்களுக்காகவே அடுத்து கொடுக்கப்பட்டுள்ள “விஷீவல் லிங்க்” (visual link preview) ஐ கிளிக்குங்க… பாத ஹஸ்தாசனத்துக்குள்ள என்டர் ஆகுங்க…

பயிற்சியின் பலன்கள்

இந்த பிறையாசன பயிற்சியால் முதுகுவலி, கழுத்துவலி நீங்குவதோடு முதுகுத்தண்டு நன்கு நெகிழும் தன்மையை பெறுகிறது. இருதயம் மற்றும் நுரைஈரலிலுள்ள தசைகள் நன்கு இழுக்கப்பட்டு இரத்த ஓட்டத்தைப் பெறுவதால் இரு உறுப்புகளும் நன்கு வலிமையை பெறுகின்றன.

இப்பயிற்சியால் உடம்பின் இரத்த அழுத்தம் சீராகிறது. சுவாசமண்டலத்தின் இயக்கம் மேம்படுகிறது. முதுகெலும்பு வளையும் தன்மையை பெறுகிறது. இதனால் முதுகு மற்றும் இடுப்பு பலம் பெறுகின்றன.

உடலிலுள்ள அத்தனை நாடிநரம்புகளும் தூண்டப்படுவதால் அனைத்து உறுப்புகளுக்கும் சுத்தமான இரத்தம் பரவி உடல் புத்துணர்ச்சி பெறுகிறது. இளமை மேலிடும். கூன்முதுகு நிமிரும்.

மார்புக்கூடுகள் விரிந்து நுரையீரல், சுவாச உறுப்புகள் சுறுசுறுப்படைந்து பலம் பெறுவதால் ஆஸ்துமா பிரச்சனையிலிருந்து விரைவில் விடுபடமுடியும்.

மேலும், இப்பயிற்சி இடுப்புக்கு நல்ல வனப்பையும், வலிமையையும் அளிக்கக்கூடியது.

முக்கிய குறிப்புகள்

நம்மால் எவ்வளவு பின்னால் உடலை வளைக்க முடியுமோ அவ்வளவு வளைத்தால் போதுமானது. முதுகில் வலி ஏற்படும் அளவில் உடலை வளைத்தல்கூடாது.

ஆரம்பத்தில் இதனை பயிற்சி செய்ய கடினமானதாக இருக்கலாம். தொடர்ந்து பயிற்சி செய்ய எளிதானதாக மாறும்.

இந்த ஆசனம் பயிலும்போது கால்மூட்டுகள் வளையாமல் இருக்கவேண்டியது அவசியம்.

கழுத்து பிரச்சனை மற்றும் தோள் வலி, முதுகுவலி, இடுப்புவலி, கால்வலி உள்ளவர்கள் இந்த பயிற்சி செய்வதை தவிர்க்கவேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக முதுகுவலி, கழுத்துவலி நீங்குவதோடு முதுகுத்தண்டு நன்கு நெகிழும் தன்மையை பெறுகிறது.

இப்பயிற்சியால் கூன் விழுந்த முதுகு நிமிரும்.

மார்புக்கூடுகள் விரிந்து நுரையீரல், சுவாச உறுப்புகள் சுறுசுறுப்படைந்து பலம் பெறுவதால் ஆஸ்துமா பிரச்சனையிலிருந்து விரைவில் விடுபடமுடியும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் கழுத்து பிரச்சனை மற்றும் தோள் வலி, முதுகுவலி, இடுப்புவலி, கால்வலி உள்ளவர்கள் இந்த பயிற்சி செய்வதை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கழுத்துவலி” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Pirai Asana – பிறையாசனம் appeared first on Personality Fitting.

உண்மையில் இந்த ஆசனத்தின் பெயர் மச்சாசனம் அல்ல. “மத்ஸ்யாசனம்” (Matsyasana) என்பதே சரி. “மத்ஸ்யம்” என்பது சம்ஸ்கிருத சொல். இதற்கு “மீன்” (Fish) என்று பொருள். இந்த ஆசனத்தில் அமரும்போது உடலானது மீன் வடிவத்தில் அமைவதால் இதனை “மத்ஸ்யாசனம்” என்கின்றனர்.

தமிழில் சொல்லவேண்டுமென்றால் இதனை “மீன் ஆசனம்” அல்லது “மீன் இருக்கை” என்று குறிப்பிடலாம். ஆனால் இதனை தமிழில் “மச்சாசனம்” (Machasana) என்றே குறிப்பிட்டுவருகின்றோம்.

Machasana – மச்சாசனம் – அடிப்படைத் தகவல்கள்

பெயர் – Machasana.

தமிழில் – மச்சாசனம்.

சமஸ்கிருதம் – Machasana.

ஆங்கிலம் – Fish Pose.

வேறுபெயர்கள் – Fish in Lotus Pose.

ஆசனத்தின் நிலை – Supine, Forearms.

பயிற்சியின் கடின தன்மை – Beginner.

உடல் கோணம் – Back-Bend, Stretch, Inversion, Strength.

பயிற்சிக்கு முன் தெரிந்து கொள்ள வேண்டியவை

இந்த ஆசனம் சர்வாங்காசனத்திற்கு “மாற்று ஆசனம்“.

மாற்று ஆசனம் என்றால் என்ன? அதுபற்றி சிறிது பார்ப்போம்.

பொதுவாக உடலுக்கு ஏதாவது ஒரு உடற்பயிற்சி கொடுக்கிறோம் என்று வைத்துக்கொள்ளுங்கள். அந்தப்பயிற்சியில் முதல்தடவை உடல் இடப்பக்கமாக வளைக்கப்படுவதாக வைத்துக் கொண்டால் இரண்டாவது தடவை அந்த உடல் வலப்பக்கமாக வளைக்கப்படவேண்டும். அப்போதுதான் உடலின் இரு பக்கங்களுக்கும் சரிசமமாக பயிற்சி கொடுத்தததுபோல் ஆகும்.

அதேபோல் இன்னொரு பயிற்சியில் முதல் தடவை உடல் முன் பக்கமாக வளைக்கப்படுவதாக வைத்துக் கொண்டால் இரண்டாவது தடவை அதே உடல் பின் பக்கமாக வளைக்கப்படவேண்டும். இந்த நுட்பம் அனைத்து பயிற்சிகளுக்குமே பொருந்தும்.

இந்த வழிமுறையை சரியாக கடைபிடித்தால்தான் உடலின் அனைத்து உறுப்புகளும் சமசீராக பலன்பெறும். அதுமட்டுமல்லாமல் உடலின் அனைத்து உறுப்புகளும் சமசீராக இயக்கப்பட்டு ஆரோக்கியமும் மேம்படும்.

இதே வழிமுறைதான் யோகாசனப் பயிற்சியிலும் கடைபிடிக்கப்படுகிறது. கடைபிடிக்கப்படுகிறது மட்டுமல்ல கண்டிப்பாக கடைபிடிக்கப்பட வேண்டும் (Strict rule) என்பது விதிமுறை.

விதிமுறைக்கு மாறாக சகட்டுமேனிக்கு ஏதேதோ கண்ணில்பட்ட ஒன்றிரண்டு ஆசனங்களை மானாவாரியாக செய்து கொண்டிருந்தால் தசைப்பிடிப்பு, நரம்புச்சுளுக்கு, பயிற்சியில் ஆர்வமின்மை போன்ற பக்கவிளைவுகளே மிஞ்சும்.

எனவே, நுட்பம் தெரிந்து பயிற்சி செய்தால்தான் யோகாசனப் பயிற்சியின் முழுப்பலனையும், ஆரோக்கியத்தையும், மனமகிழ்ச்சியையும் பெறமுடியும்.

பொதுவாக பெரும்பாலான யோகாசனங்களில் ஒரே ஆசனத்திலேயே உடலின் இரு பக்கங்களிலும் மாறி, மாறி பயிற்சி எடுக்கும்படியாகவே அமைக்கப்பட்டிருக்கும்.

Opposite angle – Opposite position

ஒரு எடுத்துக்காட்டுக்காக சொல்லவேண்டுமென்றால் “கோணாசனம்” (konasana), “திரிகோணாசனம்” (Trikonasana) மற்றும் “வீரபத்ராசனம்” (Virabhadrasana) முதலியவைகளை குறிப்பிடலாம். இப்பயிற்சிகளில் உடலின் இரண்டு பக்கங்களிலும் மாறி மாறி இடுப்பை வளைப்பது மற்றும் இரண்டு கால்களுக்கும் ஒன்றை மாற்றி ஒன்றாக பயிற்சி கொடுப்பதை காணலாம்.

ஆனால், எல்லாவகையான ஆசனங்களும் இப்படி உடலின் இருபக்கங்களுக்கும் பயிற்சி கொடுக்கும்படியான வாய்ப்பு அமைவதில்லை.

மாறாக, உடலின் ஒருபக்கம் மட்டுமே இயக்கப்படுகின்றன.

அப்படியான ஆசனங்கள் செய்யும்போது அதற்கு அடுத்த ஆசனமாக அதற்கு எதிர்நிலையில் பயிற்சி கொடுக்கும் படியான ஆசனத்தை தேர்ந்தெடுத்து பயிற்சி செய்யவேண்டும். 

அதாவது, முதலில் செய்யப்படும் ஆசனத்தில் உடல் எந்த பக்கம் இயக்கப்படுகிறதோ அதற்கு நேர் எதிர்நிலையில் (opposite position) உடல் இயங்கும்படி இரண்டாவதாக செய்யும் ஆசனம் இருக்கவேண்டும். அவ்வாறான ஆசனத்தையே “மாற்று ஆசனம்” என்பர்.

இதுபோல பல ஆசனங்களுக்கு மாற்று ஆசனங்கள் உள்ளன.

எடுத்துக்காட்டாக, “சர்வாங்காசனம்” (Sarvangasana) என்னும் பயிற்சியில் கழுத்து உட்பக்கமாக வளைக்கப்படுவதை நீங்கள் பார்க்கலாம். அத்துடன் மார்பும் உட்புறமாக குவிக்கப்படுகிறது. எனவே இந்த ஆசனம் செய்து முடித்தவுடன் இதற்கு அடுத்த இரண்டாவது ஆசனமாக கழுத்து வெளிப்பக்கமாக வளைக்கப்படும் அதேவேளையில் மார்பும் வெளிப்பக்கமாக விரிவடையும்படி செய்யும் ஆசனத்தை தேர்ந்தெடுத்து செய்தல் வேண்டும்.

இந்த விதிமுறையை கடைபிடிக்க தவறினால் கழுத்துவலி, கழுத்து ஒரு பக்கமாக சுளுக்கிக்கொள்ளுதல், தசைப்பிடிப்பு, பயிற்சியில் போதிய அளவு பலனில்லாமை, உற்சாகக்குறைவு மற்றும் பல்வேறுபட்ட உடல் உபாதைகளும் ஏற்படலாம்.

அப்படி கழுத்து வெளிப்புறமாக வளைக்கப்படும் மற்றும் மார்பை விரிவடைய செய்யும் ஆசனம் என்று பார்த்தோமானால் “மச்சாசனம்” என அழைக்கப்படும் மத்ஸ்யாசனத்தை சொல்லலாம். எனவே இங்கு சர்வாங்காசனத்திற்கு மாற்று ஆசனமாக இருப்பது “மச்சாசனம்” (Machasana) எனலாம்.

அதாவது,… “மாற்று ஆசனம்” என்றால் அதற்கு “பதிலாக” அல்லது அந்த ஆசனத்திற்கு ஒரு “மாற்றாக” செய்யக்கூடிய ஆசனம் என்று பொருள் அல்ல.

ஏற்கனவே செய்யப்பட்ட ஆசனத்தில் உடல் எந்த கோணத்தில் இருந்ததோ அதற்கு நேர் மாறுபட்ட கோணத்தில் (opposite angle) உடலை வைக்கக்கூடிய மாறுபட்ட ஆசனம் என்பதே “மாற்று ஆசனம்” என்பதின் பொருள்.

எனவே, சர்வாங்காசனம் மட்டுமல்லாது விபரீதகரணி, ஹாலாசனம் போன்ற ஆசனங்கள் செய்தபின் அதற்கு அடுத்த ஆசனமாக செய்யப்படவேண்டிய மாற்று ஆசனமான மச்சாசனத்தைப்பற்றி இப்பதிவில் பார்க்க இருக்கின்றோம். வாருங்கள் பார்க்கலாம்.

Artha matsyasana – Half Fish Pose

மச்சாசனம் பத்மாசனத்தில் (Padmasana) அமர்ந்தபடி செய்யப்படுகிறது. எனவே முதலில் இந்த ஆசனத்தை செய்ய பத்மாசனத்தில் நன்கு தேர்ச்சி பெற்றிருக்க வேண்டியது அவசியம்.

பத்மாசனத்தைப்பற்றி அறிந்துகொள்ள கீழே கொடுக்கப்பட்டுள்ள விஷீவல் லிங்கை (visual link preview) ஐ ஒரு தட்டு தட்டுங்க… இங்கிருந்தபடியே பத்மாசனத்திற்குள் எண்டர் ஆகுங்க…

பத்மாசனத்தில் இன்னும் நீங்கள் நன்கு தேர்ச்சி பெறவில்லையெனில் தேர்ச்சிபெறும் வரையில் மச்சாசனத்திற்கு பதிலாக “அர்த்த மச்சாசனம்” (Artha matsyasana) செய்துவரலாம். அர்த்த என்றால் “பாதி” என்று பொருள். “அர்த்த மச்சாசனம்” என்றால் தமிழில் “பாதி மீனாசனம்” அல்லது “அரை மீன் இருக்கை” (Half Fish Pose) என்று பொருள். இதில் பத்மாசனத்தில் அமராமல் இரண்டு கால்களையும் நீட்டிய நிலையில் பயிற்சி செய்யப்படுகின்றன.

மச்சாசனமாகட்டும் அல்லது அர்த்த மச்சாசனமாகட்டும் இதனை பயிற்சி செய்யும்போது வயிற்றில் சிறிதளவு நீர் அல்லது பழரசம் தவிர திடஉணவு, மலசலம் எதுவுமில்லாமல் வெறுமையாக இருத்தல் வேண்டும். 

இனி மச்சாசனத்தை எவ்வாறு பயிற்சி செய்வது என்பதனை பார்ப்போம்.

மச்சாசனம் – செய்முறை

முதலில் பத்மாசன நிலையில் அமரவும். பத்மாசன நிலை கலையாமல் மெதுவாக முழங்கைகளை பின்னால் ஊன்றி மல்லாந்து படுத்து மார்பை உயர்த்தி முதுகை வில்போல் மேல்பக்கமாக வளைத்து தலையின் உச்சி தரையில் படும்படி மெதுவாக ஊன்றவும்.

அதன்பின் கைகளால் கால் கட்டைவிரல்களை பற்றியபடி சிறிது நேரம் இருக்கவும். முழங்கை தரையில் படிந்தபடி இருக்கட்டும். இந்த நிலையில் தலை மற்றும் கழுத்திற்கு அதிகம் அழுத்தம் கொடுக்காமல் உடலின் எடையை முழங்கை தாங்கும்படி பார்த்துக்கொள்ளவும்.

மூச்சை நன்றாக இழுத்து சுவாசிக்கவும். ஆரம்பத்தில் 10 முதல் 15 வினாடிகள் இந்நிலையில் இருந்து அதன்பின் 1 முதல் 2 நிமிடம்வரை நீடிக்கலாம். அவ்வாறு இருக்கும்போது உமிழ்நீரை விழுங்க முயற்சி செய்தல் கூடாது. இந்த நிலையில் இருந்துவிட்டு அதன்பின் இயல்பு நிலைக்கு திரும்பவும்.

சில வினாடிகள் ஓய்வுக்குப்பின் மீண்டும் முன்போல் செய்யவும். இந்த பயிற்சியை திரும்ப திரும்ப 4 முதல் 5 தடவை வரை செய்துவரலாம்.

கால்களை மடக்கி பத்மாசனமிட்டு இப்பயிற்சியை செய்ய முடியாதவர்கள் கால்களை நேராக நீட்டி “அர்த்த மச்சாசனம்” [Half Fish Pose] செய்து வரலாம்.

Machasana – மச்சாசனம் – பயிற்சியின் பலன்கள்

இப்பயிற்சியால் மார்பு விரிவடையும். நுரையீரல் (Lung) வலிமை பெறும். நுரைஈரல் நன்கு விரிவடைவதால் உடலுக்கு அதிக அளவில் ஆக்சிஜன் (Oxygen) கிடைக்கின்றன. இதனால் இரத்தம் சுத்தமாவதோடு உடலில் நோயெதிர்ப்பு சக்தியும் மேம்படுகிறது.

மேலும் நுரைஈரல் சம்பந்தமான சளி (Cold), இருமல் (Cough), ஆஸ்துமா (Asthma), கக்குவான் இருமல் (Whooping Cough) முதலிய அனைத்து நோய்களும் நீங்கும். 

நாம் தினமும் உட்காரும்போது நிமிர்ந்து உட்காருவதில்லை. மாறாக, முதுகு கூன் விழுந்த நிலையில் இருக்கும்படிதான் உட்காருகின்றோம். இதனால் உடலின் உள்ளுறுப்புகள் அடையும் துன்பங்களோ ஏராளம். இந்த அனைத்து பிரச்சனைகளையும் இந்த “மச்சாசனம்” நிவர்த்தி செய்கிறது.

இப்பயிற்சியால் முதுகெலும்பு துவளும் தன்மையை பெற்று இளமை மேலிடும். கூன்விழாது. உடலிலுள்ள அதிகப்படியான ஊளைச்சதைகள் குறையும். கழுத்து, தோள்பட்டைகள் வலிமைபெறும். இடுப்பு, முதுகுப்பகுதிகள் நன்கு பலம்பெறும்.

வயிற்றுத்தசைகள், குடல்கள் வலிமைபெறுவதால் அஜீரணம் (Indigestion), மலச்சிக்கல் (Constipation) நீங்கும். நீரிழிவும் (Diabetes) கட்டுப்படும்.

நாளமில்லாத சுரப்பிகளான கழுத்திலுள்ள தைராய்டு சுரப்பிகள் (Thyroid gland), தலையிலுள்ள பிட்யூட்டரி (Pituitary gland), பினியல் (Pineal) சுரப்பிகள் சுறுசுறுப்படையும். 

பயிற்சியை ஆரம்பித்துவிட்டீர்களா…. அப்படியென்றால் இனி உங்களிடமிருந்து களைப்பு காணாமல் போவதோடு குதூகலமும் குத்தாட்டம்போடும்.

முக்கிய குறிப்புகள்

கழுத்துப்பிடிப்பு பிரச்சனை இருந்தால் அந்த பிரச்சனை நீங்கும்வரை இந்த ஆசனம் செய்வதை தவிர்க்கவேண்டும். மார்பு மற்றும் இதய பகுதிகளில் பிரச்சனை இருந்தாலோ அல்லது அதிக மற்றும் குறைந்த இரத்த அழுத்தம் (High blood pressure) இருந்தாலோ இப்பயிற்சியை தவிர்க்க வேண்டும்.

ஒற்றைத்தலைவலி மற்றும் தூக்கமின்மை பிரச்சனை உள்ளவர்கள் இந்த ஆசனத்தை தவிர்க்கவேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக “நுரையீரல் (Lung) வலிமை பெறும். நுரைஈரல் சம்பந்தமான சளி (Cold), இருமல் (Cough), ஆஸ்துமா (Asthma), கக்குவான் இருமல் (Whooping Cough) முதலிய அனைத்து நோய்களும் நீங்கும்.

வயிற்றுத்தசைகள், குடல்கள் வலிமை பெறுவதால் அஜீரணம் (Indigestion), மலச்சிக்கல் (Constipation) நீங்கும். நீரிழிவும் (Diabetes) கட்டுப்படும்.

நாளமில்லாத சுரப்பிகளான கழுத்திலுள்ள தைராய்டு சுரப்பிகள் (Thyroid gland), தலையிலுள்ள பிட்யூட்டரி (Pituitary gland), பினியல் (Pineal) சுரப்பிகள் சுறுசுறுப்படையும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் “கழுத்துப்பிடிப்பு பிரச்சனை, மார்பு மற்றும் இதய பகுதிகளில் பிரச்சனை இருந்தாலோ அல்லது அதிக மற்றும் குறைந்த இரத்த அழுத்தம் (High blood pressure) இருந்தாலோ இப்பயிற்சியை தவிர்க்க வேண்டும்.

ஒற்றைத்தலைவலி உள்ளவர்கள் இந்த ஆசனத்தை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “ஆஸ்துமா (Asthma)” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Machasana – மச்சாசனம் appeared first on Personality Fitting.

“புஜம்” என்றால் தோள்பட்டையை சுற்றியுள்ள பகுதிகளைக் குறிக்கும் சொல். இந்த ஆசனம் செய்யும்போது இடுப்புக்கு மேல் உள்ள தேகத்தின் எடை முழுமையையும் புஜமே தாங்குவதாலும், இந்த ஆசனத்தின் மூலம் புஜம் விஷேச பலத்தை பெறுவதாலும் இதற்கு “புஜங்காசனம்” (Bhujangasana – Cobra Pose) என்று பெயர்.

ஆனால், இந்த “புஜங்காசனம்” என்னும் பெயர்க் காரணத்திற்கு வேறு ஒரு கதையும் சொல்லப்படுகிறது. வடமொழியில் “புஜங்கம்” என்பது ஊர்ந்து செல்லும் பாம்பைக் குறிக்கிறதாம். இந்த ஆசனத்தில் அமரும்போது நம் மார்பு, கழுத்து, தலை முதலியனவற்றின் அமைப்பு “நல்லபாம்பு” படம் எடுத்து நிற்பது போல தோற்றமளிப்பதால் இதற்கு “புஜங்காசனம்” என்று பெயர் வந்ததாகவும் சொல்லப்படுகிறது. ஆனால் இந்த பாம்பு கதைகளெல்லாம் சரியானதாகப்படவில்லை. இது பின்னாளில் நம்மவர்கள் ஏற்படுத்திய புனைவு கதைகளாக இருக்கலாம். ஏனெனில் கடவுளர்களின் தோள்மீது (புஜம் மீது) ஊர்ந்து செல்வதால் அந்த பாம்பை மட்டும்தான் வடமொழியில் “புஜங்கன்” என அழைக்கிறார்களாம். புதருக்குள் செல்லும் பாம்புகளுக்கெல்லாம் “புஜங்கன்” என்று பெயரில்லையாம். எனவே புதர்களுக்கு இடையே செல்லும் பாம்பு மட்டுமே நிஜம் என்பதாலும், புஜத்திற்கு மேல் ஊர்ந்து கொண்டிருப்பதாக சொல்லும் பாம்புகளெல்லாம் வெறும் கற்பனை கதாபாத்திரங்கள் என்பதால்… கற்பனை கதைகளை புறந்தள்ளி நாம் நிஜத்தை மட்டுமே இங்கு பார்க்க இருப்பதால் புஜங்காசனம் பெயருக்கு கூறப்படும் கற்பனை புனைவு பாம்பு கதையை புறம்தள்ளி விடுவோம்.

ஆனால், இந்த ஆசனத்தில் நம்முடைய உடல் இருக்கும்போது பார்ப்பதற்கு நல்லபாம்பு படம் எடுப்பது போன்ற தோற்றத்தில் அமைந்திருப்பதால் “நல்லபாம்பு ஆசனம்” என்று பொருள்படும்படி ஆங்கிலத்தில் “Cobra Pose” என்றே அழைக்கப்படுகிறது.

புஜங்காசனம் – அடிப்படைத் தகவல்கள்

பெயர் – Bhujangasana.

தமிழ் – புஜங்காசனம்.

சமஸ்கிருதம் – Bhujangasana.

ஆங்கிலம் – Cobra Pose.

வேறுபெயர்கள் – Serpent Pose.

ஆசனத்தின் நிலை – Prone, Abdomen

பயிற்சியின் கடின தன்மை – Beginner.

உடல் கோணம் – Back-Bend.

இந்த புஜங்காசனத்தில் “அர்த்த புஜங்காசனம்” என்றும் ஒரு பயிற்சி உள்ளது. “அர்த்த” என்றால் பாதி என்று அர்த்தம். “அர்த்த புஜங்காசனம்” என்றால் “பாதி புஜங்காசனம்” என்று பொருள். பெயருக்கேற்ப புஜங்காசனத்தைவிட இதனை பயிற்சி செய்வது எளிதானது.

எனவே, புஜங்காசனம் செய்வது கடினமாக இருப்பதாக உணர்பவர்கள் முதலில் இந்த அர்த்த புஜங்காசனத்தை பயிற்சிசெய்து கைகள் மற்றும் தோள்பட்டைகள் நன்கு பலம் பெற்றபின் “புஜங்காசனம்” பயிற்சியை தொடங்கலாம்.

இந்த “அர்த்த புஜங்காசனம்” பயிற்சியை எவ்வாறு பயிற்சி செய்வது என்பதனை அறிந்துகொள்ள கீழேயுள்ள பேனர் லிங்க் ஐ கிளிக் செய்து அறிந்துகொள்ளலாம்.

சரி,… இனி மார்புகளுக்கும் புஜங்களுக்கும் வலிவு சேர்க்கும் ஆசனமான புஜங்காசனத்தை எவ்வாறு பயிற்சி செய்வது என்பதனைப் பார்ப்போம்.

Bhujangasana – புஜங்காசனம் – செய்முறை

முதலில் குப்புற படுத்துக் கொள்ளவும். கால்களை இணைத்து நேராக வைத்துக்கொள்ளவும். உள்ளங்கால்கள் மேல்நோக்கி இருக்கும்படி வைக்கவும். தலைமுதல் கால்வரை ஒரே நேர்கோட்டில் இருக்க வேண்டும்.

இரண்டாவதாக, இரண்டு முழங்கைகளையும் மடித்து இடுப்பிற்கு அருகில் தரையில் ஊன்றவும்.

அதன்பின் இடுப்பு தரையில் படிந்திருக்க இடுப்பிற்கு மேல் மார்பு, கழுத்து, தலை இவைகளை தரையிலிருந்து மூச்சினை மெதுவாக உள்ளுக்கு இழுத்தவாறே மேல்நோக்கி உயர்த்தவும்.

இந்த நிலையில் சில வினாடிகள் அப்படியே இருக்கவும். மூச்சை இயல்பாக விடவும்.

பின் மார்பையும், தலையையும் மூச்சை மெதுவாக வெளியில் விட்டபடி கீழே கொண்டு வந்து தரையை தொடவும். கைகளை தலைக்கு மேல் நேராக நீட்டவும். சில வினாடிகள் ஓய்வுக்கு பின் மீண்டும் முன்போல் செய்யவும்.

இந்த பயிற்சியை 5 அல்லது 6 தடவை திரும்ப திரும்ப செய்யவும்.

பயிற்சியின் பலன்கள்

இந்த புஜங்காசன பயிற்சியானது ஆண், பெண் என இரு பாலருக்கும் வலிமை சேர்க்கும் பயிற்சி என்றே சொல்லவேண்டும். இதனை பெண்கள் தொடர்ந்து செய்துவர நல்ல கட்டுக்கோப்பான மார்பையும், உடல் வனப்பையும் பெறமுடியும்.

இதனை தொடர்ந்து பயிற்சி செய்து வர முதுகுவலி நீங்குவதோடு தொப்பையும் கரையும். மேலும் இது மார்பை விரிவடைய செய்வதோடு இதயம் நுரையீரலை பலப்படுத்தி, ஆஸ்துமாவையும் குணமாக்கும்.

பெண்களுக்கு மாதவிடாய் கோளாறுகள், மலட்டுத்தன்மை மற்றும் வெள்ளைப்படுதல் பிரச்சனையையும் குணப்படுத்தும்.

முதுகெலும்பு நன்கு வளையும் தன்மையைப் பெறும். மார்பு நன்கு விரிவடையும். விலா எலும்புகள் உறுதியாகும். கூன் விழுந்த முதுகு நேராகும். முதுகுவலி, கழுத்துவலி குணமாகும்.

கழுத்து எலும்பு தேய்ந்து விட்டதாகச் சொல்லி சிலர் ”கழுத்து பட்டை” கட்டிக்கொண்டு வலம் வருகிறார்கள் அல்லவா, இந்த ஆசனத்தை தொடர்ந்து செய்து வந்தால் பட்டைக்கே  பட்டை நாமம் போட்டு விடலாம்.

மேலும், இந்த பயிற்சியை தொடர்ந்து செய்துகொண்டுவர இருதயம், நுரையீரல் பலமடையும். ஆஸ்துமா, நுரையீரல் அழற்சி, இதய கோளாறுகள் நீங்கும். ஜீரணசக்தியை அதிகரிப்பதோடு வயிற்றிலுள்ள கொழுப்பையும் கரைக்கும். நன்கு பசி உண்டாகும்.

முக்கிய குறிப்புகள்

இந்த ஆசனமானது இடுப்பு, முழங்கால்கள், விலா எலும்புகள், தோள்கள், முழங்கைகள், மணிக்கட்டுகளின் மூட்டுகளில் அழுத்தத்தை ஏற்படுத்துவதால் மேற்கண்ட உறுப்புகளில் எதாவது வலிகளோ காயங்களோ இருக்கும் பட்சத்தில் இந்த ஆசனத்தை செய்தல்கூடாது.

அதிக இரத்த அழுத்தம் உள்ளவர்களும், அதிக அளவில் குடல்வாயு பிரச்சனையால் வாடுபவர்களும், ஆஸ்துமா பிரச்னை உள்ளவர்களும் இந்த ஆசனத்தை செய்ய முன்வர வேண்டாம்.

வயதானவர்கள் மற்றும் கர்ப்பிணி பெண்கள் இந்த ஆசனத்தை தவிர்க்க வேண்டும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக முதுகுவலி நீங்குவதோடு தொப்பையும் கரையும். மேலும் இது மார்பை விரிவடைய செய்வதோடு இதயம் நுரையீரலை பலப்படுத்தி, ஆஸ்துமாவையும் குணமாக்குகிறது. நுரையீரல் அழற்சி (நிமோனியா), இதய கோளாறுகள் நீங்கும்.

பெண்களுக்கு மாதவிடாய் கோளாறுகள், மலட்டுத்தன்மை மற்றும் வெள்ளைப்படுதல் பிரச்சனையையும் குணப்படுத்தும்.

முதுகெலும்பு நன்கு வளையும் தன்மையைப் பெறும். விலா எலும்புகள் உறுதியாகும். கூன் விழுந்த முதுகு நேராகும். முதுகுவலி, கழுத்துவலி குணமாகும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் இடுப்பு, முழங்கால்கள், விலா எலும்புகள், தோள்கள், முழங்கைகள், மணிக்கட்டுகளின் மூட்டுகளில் அழுத்தத்தை ஏற்படுத்துவதால் மேற்கண்ட உறுப்புகளில் எதாவது வலிகளோ காயங்களோ இருக்கும் பட்சத்தில் இந்த ஆசனத்தை செய்தல்கூடாது.

இரத்த அழுத்தம் உள்ளவர்களும், குடல்வாயு பிரச்சனையால் வாடுபவர்களும், ஆஸ்துமா பிரச்னை உள்ளவர்களும் இந்த ஆசனத்தை செய்ய முன்வர வேண்டாம் என்பதனையும் அறிந்தோம்.

வயதானவர்கள் மற்றும் கர்ப்பிணி பெண்கள் இந்த ஆசனத்தை தவிர்க்க வேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “நுரையீரல் அழற்சி (நிமோனியா)” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Bhujangasana – புஜங்காசனம் appeared first on Personality Fitting.

அதுசரி சூரியனை ஏன் வணங்க வேண்டும்?

நமது வாழ்க்கையில் யாராவது ஒருவர் ஒரு சிறிய உதவி செய்தாலே அவர்களுக்கு நாம் பலமுறை நன்றி செலுத்துகிறோம் அல்லவா…

அதுபோல உலக இயக்கதிற்கு ஆதாரமாகவும், முதன்மையானதாகவும் விளங்குவது சூரியன். நம் உயிர் வாழ்வதற்கு தேவையான அனைத்து அடிப்படை ஆதாரங்களையும்  நமக்கு தந்து உதவுவது சூரியனே..

சூரியன் இல்லையேல் உலக வாழ்க்கை இல்லை. உலகின் அனைத்து உயிர்களுக்கும் அடிப்படை ஆதாரமாக இருக்கக்கூடிய சூரியனுக்கு நாம் நன்றி செலுத்த வேண்டாமா?…

அவ்வாறு நன்றி செலுத்துவதற்கு உருவாக்கப்பட்டதே சூரிய நமஸ்காரம்.

அதுசரி,… சூரியனுக்கு நன்றி தெரிவிக்க வேண்டும் என்றால் ஒரு ”சல்யூட்” கூடவே ஒரு ”பிளைன் கிஸ்” போதாதா?….எதற்காக குனிந்து நிமிர்ந்து உடற்பயிற்சி எல்லாம் செய்ய வேண்டும் என்கிறீர்களா?….

கோபித்துக்கொள்ளாதீர்கள். எல்லாமே உங்கள் நன்மைக்காகத்தான்..

எப்படி என்கிறீர்களா?..

அதிகாலையில் துயிலெழாமல் சோம்பலாகத் தூங்கிக் கொண்டிருக்கும் நம்முடைய குழந்தைகளிடம், காலையிலேயே எழுந்து…, மலசலம் கழித்து…, பல்தேய்த்து…, குளித்து… ”சாமி” கும்பிடவேண்டும். இல்லையேன்றால் ”சாமி கண்ணை குத்தும்” என்று  சும்மா இருக்கும் சாமியை வம்புக்கிழுத்து குழந்தைகளுக்கு அதிகாலையில் எழும்புதல், மலசலம் கழித்தல், பல் துலக்குதல், குளித்தல் முதலிய நல்ல பழக்கவழக்கங்களை கற்றுக்கொடுக்கிறோம் அல்லவா?

அதுபோல அதிகாலையில் துயிலெழாமல் கொட்டாவி விட்டுக் கொண்டும்…, பல் விளக்காமல் பெட் காபி குடித்துக்கொண்டும்…, உடல் சுறுசுறுப்பாக இயங்குவதற்கு உடற்பயிற்சி எதுவும் செய்யாமல் நோய்களை வருவித்துக்கொள்ளும் உங்களைப் போன்றவர்களைத் திருத்தி ”சூரியநமஸ்காரம்” என்கிற பெயரில் சூரியனை வம்புக்கிழுத்து உங்களை உடற்பயிற்சிகள் செய்யவைத்து நோயற்ற வாழ்விற்கு அழைத்து செல்ல ஞானிகளும், சித்தர்களும் கண்டறிந்த ஒரு அற்புதமான வழியே இது எனலாம்.

சரி, இனி சூரிய நமஸ்காரத்தைப்பற்றியும் அதனை கற்றுக்கொள்வதால் ஏற்படும் நன்மைகள் பற்றியும் தெரிந்துகொள்வோம் வாருங்கள்.

சூரிய நமஸ்காரம் – அடிப்படைத் தகவல்கள்

பெயர் – Surya Namaskar.

தமிழ் – சூரிய வணக்கம்.

சமஸ்கிருதம் – Surya Namaskar.

ஆங்கிலம் – Sun Salutation.

வேறுபெயர்கள் –

ஆசனத்தின் நிலை – Standing.

பயிற்சியின் கடின தன்மை – Beginner.

உடல் கோணம் – Stretch, Strength, Forward-Bend, Back-Bend, Inversion.

உடலின் உள்ளுறுப்புகளை நன்றாகத் துவளச்செய்து அனைத்து உள்ளுறுப்புகளுக்கும் இரத்த ஓட்டத்தை பாய்ச்சி, பிற கடினமான உடற்பயிற்சிகளைப்போல காயத்தை காயப்படுத்தாமல் தேகத்தை வளப்படுத்தி நோயற்ற வாழ்க்கையை அமைத்துத் தருவதே யோகாசனங்கள் எனலாம்.

அப்படிப்பட்ட தனித்தனியான யோகாசனங்கள் சிலவற்றை ஒருங்கிணைத்து உருவாக்கப்பட்டதே நாம் இப்போது பார்க்கப்போகும் ”சூரியநமஸ்காரம்” ஆகும்.

யோகப்பயிற்சிகளில் சூரிய நமஸ்காரமானது முதன்மையான பயிற்சியாகும். இது பல ஆசனங்களை ஒன்றிணைத்து செய்யப்படும் ஆசனமாகையால் உடலுக்கு அதிக அளவில் நன்மை தரக்கூடியதாகும்.

அதிகாலையிலேயே உடற்பயிற்சி செய்தால் அன்றைய நாள்முழுக்க சுறுசுறுப்பாக இருக்கலாம் என்பதால் அதிகாலையில் உங்களை பயிற்சியில் ஈடுபடுத்தவே இப்பயிற்சி சூரியனோடு சம்பந்தப்படுத்தி பெயர் சூட்டப்பட்டுள்ளது என்பதை கவனத்தில் கொள்ளவும். மற்றபடி சூரியனுக்கும் இப்பயிற்சிக்கும் எந்தவித சம்பந்தமும் இல்லை.

Surya Namaskar – சூரிய நமஸ்காரம் – படிகள்

சூரிய நமஸ்கார பயிற்சியானது 7 வகையான ஆசனங்களை உள்ளடக்கிய மொத்தம் 12 நிலைகளை (படிகளை) கொண்டுள்ளது.

இதில் இடம்பெறும் 7 வகையான ஆசனங்களாவன…

• பிராணமாசனம் (பிராத்தனை ஆசனம்).
• பிறை ஆசனம் (பிறை போன்று உடலை அமைக்கும் ஆசனம்)
• பாத ஹஸ்தாசனம் (கைகளால் பாதங்களை தொடும் ஆசனம்).
• அஸ்வ சஞ்சலனாசனா (குதிரையேற்ற பாவனை).
• பர்வதாசனம் (மலை போன்று உடலை அமைக்கும் ஆசனம்).
• அஷ்டாங்க நமஸ்காரம் (எட்டு அங்கங்களால் நமஸ்கரிக்கும் ஆசனம்).
• புஜங்காசனம் (புஜத்தை பலப்படுத்தும் ஆசனம்).

இதில் முதல் 7 நிலைகளில் (படிகளில்) மேற்குறிப்பிட்டுள்ள 7 வகையான ஆசனங்களை வரிசைக்கிரமாக கொண்ட இது… 8 வது படியில் (நிலையில்) 5 வது படியில் பயிற்சி செய்த பர்வதாசனத்தையும், 9 வது படியில் 4 வது படியில் பயிற்சி செய்த அஸ்வ சஞ்சலனாசனாத்தையும், 10 வது படியில் 3 வது படியில் பயிற்சி செய்த பாத ஹஸ்தாசனத்தையும், 11 வது படியில் 2 வது படியில் பயிற்சி செய்த பிறை ஆசனத்தையும் 12 வது படியில் 1 வது படியில் பயிற்சி செய்த பிராணமாசனத்தையும் கொண்டுள்ளன.

சரி,… இனி சூரியநமஸ்காரம் செய்வது எப்படி என்பதை பார்ப்போம்.

சூரிய நமஸ்காரம் – செய்முறை

Step 1.

Surya Namaskar – சூரிய நமஸ்காரம். பயிற்சியின் முதல் படியில் “பிராணமாசனம்” செய்யவும். அதாவது கால்கள் இரண்டையும் சேர்த்துவைத்து சூரியன் உதிக்கும் திசையான கிழக்கு திசை பார்த்து நிமிர்ந்து நின்றுகொண்டு இரு கைகளையும் மார்புக்கு நேராக வணக்கம் தெரிவிப்பதுபோல் வைக்கவும்.

இதே நிலையில் 5 வினாடி அல்லது 10 வினாடிகள் நிற்கவும்.

கிழக்கு திசைபார்த்து நிற்க வசதி இல்லையெனில் உங்களுக்கு எந்த திசையில் நின்றுகொண்டு பயிற்சி செய்ய வசதி உள்ளதோ அந்த திசையில் நின்றுகொண்டு பயிற்சி செய்யலாம்.. சூரிய பகவான் கோபித்துக்கொள்ளமாட்டார்.

Step 2.

2 வது படியில் “பிறை ஆசனத்தை” செய்யவும்.

எப்படியெனில்,… மூச்சை உள் இழுத்தபடி கைகளை மெதுவாக மேலே உயர்த்தவும். இரு கைகளும் உங்களின் இரு காதுகளை ஓட்டியபடி இருக்கவும். அப்படியே வில் போல் உங்கள் முதுகை மெதுவாக சிறிதளவு பின்னால் வளைக்கவும். இதே நிலையில் 5 வினாடி அல்லது 10 வினாடிகள் நிற்கவும்.

Step 3.

3 வது படியில் “பாத ஹஸ்தாசனம்” செய்யவும்.

எப்படியெனில்,… மூச்சை மெதுவாக வெளியே விட்டபடி கைகளை உயர்த்தியபடியே அப்படியே மெதுவாக முன்னோக்கி வளைந்து இரு கைகளின் நடுவிரலால் இரு கால்களின் பெருவிரலை தொடவும். (உங்களால் முடிந்தால் தரையை தொடலாம்.) கால்கள் நேராக இருக்க வேண்டும். வளைக்கக் கூடாது.

முதலில் இதனை செய்வதற்கு கடினமாக இருக்கலாம். அதற்காக உடலை அதிகம் துன்புறுத்த வேண்டாம். சிறிது சிறிதாக முயற்சி செய்ய ஓரிரு மாதங்களில் இந்நிலை எளிதாகக் கைகூடும். இதே நிலையில் 5 வினாடி அல்லது 10 வினாடிகள் நிற்கவும்.

Step 4.

மூச்சை உள்ளிழுத்தபடி வலது காலை பின்னோக்கி முடிந்தவரை நீட்டவும். இரண்டு கைகளை இடது காலுக்கு இணையாக ஊன்றவும். தலையை மேல் நோக்கிப் பார்க்கவும். இதே நிலையில் 5 வினாடி அல்லது 10 வினாடிகள் இருக்கவும்.

Step 5.

மூச்சை வெளியே விட்டபடி மெதுவாக வலது காலுக்கு இணையாக இடது காலையும் பின்னோக்கி நீட்டி உங்கள் உடலை மெதுவாக உயர்த்தி உள்பக்கமாக வில் போல் வளையுங்கள். இதே நிலையில் 5 வினாடி அல்லது 10 வினாடிகள் இருக்கவும்.

Step 6.

மூச்சினை உள் இழுத்தபடி உடம்பை முன்னோக்கி தள்ளி தரையில் மெதுவாக படுக்கவும். கால் விரல்கள், கால் முட்டி, மார்பு ஆகியவை தரையை தொட்டபடி இருக்க வேண்டும். இடுப்பை மட்டும் சற்று உயர்வாக வைக்கவும். இப்பொழுது மூச்சை மெதுவாக வெளியே விடவும். இதே நிலையில் 5 வினாடி அல்லது 10 வினாடிகள் இருக்கவும்.

Step 7.

மூச்சை உள்ளிழுத்தபடி மெதுவாக கையை ஊன்றியபடியே தலையை முன்னோக்கி தள்ளி அப்படியே தலையை உயர்த்தி முதுகை எவ்வளவு வளைக்கமுடியுமோ அவ்வளவு வளைத்து மேலே பார்க்கவும்.

இதே நிலையில் 5 வினாடி அல்லது 10 வினாடிகள் இருக்கவும்.

Step 8.

மூச்சை வெளியே விட்டபடி தலையை கீழிறக்கி நேராக கொண்டுவந்து கைகளை அதே இடத்தில் ஊன்றியபடியே வைத்து மார்புப்பகுதி மற்றும் இடுப்புப்பகுதியை பின்னோக்கி மெதுவாக இழுத்து மேல்நோக்கி உயர்த்தவும். இதே நிலையில் 5 வினாடி அல்லது 10 வினாடிகள் இருக்கவும்.

Step 9.

மூச்சை மெதுவாக உள்ளிழுத்தபடி வலது காலை 2 அடி முன்னால் கொண்டுவந்து முட்டியை மடக்கியபடி வைக்கவும். தலையை மேல்நோக்கி பார்க்கும்படி வைக்கவும். இதே நிலையில் 5 வினாடி அல்லது 10 வினாடிகள் இருக்கவும்.

Step 10.

மூச்சை மெதுவாக விட்டபடி வலது காலுக்கு இணையாக இடதுகாலையும் கொண்டுவந்து இடுப்பையும், முதுகையும் மெதுவாக மேலே தூக்கி குனிந்தபடியே இரு கைகளின் நடுவிரலால் இரு கால்களின் பெருவிரலை தொடவும். (உங்களால் முடிந்தால் தரையை தொடலாம்). கால்கள் நேராக இருக்க வேண்டும். வளைக்கக் கூடாது. இதே நிலையில் 5 வினாடி அல்லது 10 வினாடிகள் இருக்கவும்.

Step 11.

மூச்சை உள்ளே இழுத்தபடி கைகளை நீட்டிய படியே மெதுவாக நிமிர்ந்த நிலைக்கு வரவும். இரு கைகளும் உங்களின் இரு காதுகளை ஓட்டியபடி இருக்கவும். அப்படியே வில் போல் உங்கள் முதுகை மெதுவாக சிறிதளவு பின்னால் வளைக்கவும். இதே நிலையில் 5 வினாடி அல்லது 10 வினாடிகள் நிற்கவும்.

Step 12.

மீண்டும் உடம்பை நேராக நிமிர்த்தி கைகளை கீழிறக்கி வணக்கம் செய்யும் நிலைக்கு வரவும். இதே நிலையில் 5 வினாடி அல்லது 10 வினாடிகள் நிற்கவும்.

அதன்பின் கைகளை கீழிறக்கி சகஜநிலைக்கு வரவும்.

சூரியநமஸ்காரம் நிறைவு பெற்றது. 

10 முதல் 15 விநாடிகள் ஓய்வு எடுத்தபின் மீண்டும் முதலிலிருந்து கடைசிவரை வரிசைகிரமமாக செய்யவும். இவ்வாறு 5 முதல் 15 நிமிடங்கள் வரை அல்லது 5 சுற்றுகள் அவரவர் உடல்நிலைக்கு தகுந்தவாறு திரும்ப திரும்ப செய்து வரலாம்.

சூரியநமஸ்காரம் – பின்பற்ற வேண்டிய விதிமுறைகள்

Surya Namaskar – சூரிய நமஸ்காரம் காலை, மாலை இருநேரங்களிலும் செய்யலாம். மாலையில் உடல் நன்றாக வளைந்து கொடுக்கும்.

காலையும், மாலையும் மலசலம் கழித்த பின்பே இப்பயிற்சியில் ஈடுபடவேண்டும். வயிறு காலியாக இருக்க வேண்டும். சிறிது வெந்நீர் அருந்திவிட்டு பயிற்சியை தொடங்கவேண்டும். குளிரூட்டப்படாத பழரசமும் அருந்தலாம்.

பயிற்சி முடித்த உடன் குளிக்கக் கூடாது. குளிர்ச்சியான நீர் அருந்துதல் கூடாது. பயிற்சி முடிந்தவுடன் உடல் சூடாக இருக்குமாதலால் அப்போது குளிர்ந்த நீர் குடித்தால் திடீரென நிகழும் வெப்ப மாறுபாட்டால் நரம்பு மண்டலம் (Nervous System) மிகவும் பாதிப்படையும். எனவே பயிற்சி முடிந்து 10 நிமிடம் கழித்தே வெந்நீர் உட்கொள்ள வேண்டும். அரைமணி நேரம் கழித்து உணவு உட்கொள்ளலாம். குளிக்கலாம்.

சூரிய நமஸ்காரம் – பயிற்சி செய்யும் முறைகள்

பயிற்சி செய்யும்போது நிதானமாகவும், மெதுவாகவும் செய்யவும். இது உடற்பயிற்சி அல்ல ”யோகாசனப் பயிற்சி” என்பதை நினைவில் கொள்ளவும்.

முதலில் நீங்கள் சூரியநமஸ்காரம் செய்ய தொடங்கும்போது எடுத்த எடுப்பிலேயே மிக சரியாக செய்யமுடியாது. ஏனெனில், உடம்பு சரியாக வளைத்து கொடுக்காது. எவ்வளவு வளைந்துக் கொடுக்கிறதோ அவ்வளவு செய்தால் போதும்.

சிறிது சிறிதாக முயற்சி எடுக்க… சில மாதங்களில் உடல் முழு அளவில் ஒத்துழைப்பு கொடுக்கும். அதைவிடுத்து ஒரேநாளில் சரியாக செய்துவிட வேண்டும் என்று உடலை அதிகம் துன்புறுத்தினால் தசைப்பிடிப்பு ஏற்பட்டு அதிக சிரமத்திற்கு ஆளாக நேரிடும்.

உடற்பயிற்சிக்கும் யோகாசனப் பயிற்சிக்கும் நிறைய வேறுபாடுகள் உள்ளன. உடற்பயிற்சி என்பது உடலின் வெளி உறுப்புகளுக்கு பயிற்சி கொடுப்பது. எனவே அது வேகமாகவும் கடினமாகவும் செய்யப்படுகிறது. ஆனால் யோகாசனப்பயிற்சி உடலின் உள் உறுப்புகளுக்கும், நரம்பு மண்டலங்களுக்கும் பயிற்சிக்கொடுப்பது. மென்மையான உள்ளுறுப்புகளை இதமாக மசாஜ் செய்துவிடுவதே இதன் நோக்கம். எனவே ஒவ்வொரு அசைவுகளும் குறைந்த வேகத்துடன் நிதானமாகவே இருக்க வேண்டும்.

சிலர் ”சூரியநமஸ்காரம்” மற்றும் ”யோகாசனப்” பயிற்சிகளை எவ்வளவு வேகமாக செய்யவேண்டுமோ அவ்வளவு வேகமாக செய்ய வேண்டுமென்றும், இரத்தம் சொட்ட சொட்ட …சாரி …வியர்வை சொட்ட சொட்ட பயிற்சி எடுத்தால்தான் முழுப்பலன் கிடைக்கும் என்று பதிவிடுவதை காணமுடிகிறது. பாவம் இவர்கள் யோகாசனப் பயிற்சியைப் பற்றிய அடிப்படை அறிவே இல்லாதவர்கள் என்றே சொல்லவேண்டும்.

யோகாசனப்பயிற்சியை உருவாக்கி நமக்குத் தந்த முனிவர்கள் எந்த இடத்திலும் வேகமாக உடலை அளவுக்கு அதிகமாக வருத்தி பயிற்சியில் ஈடுபடவேண்டும் என்று குறிப்பிடவில்லை. மனதையும், உடலையும் எந்தவித பரபரப்பும் இல்லாமல் கீழ்மூச்சு மேல் மூச்சு வாங்காமல் ஒரே சீராக மூச்சு விட்டபடி நிதானமாக பயிற்சியில் ஈடுபடும்படியே வலியுறுத்துகிறார்கள்.

எனவே யோகாசனப் பயிற்சியை நிதானமாகவும், பொறுமையாகவும் செய்யுங்கள்.

பயிற்சி செய்கிறேன் என்று சொல்லி ”காக்கா வலிப்பு” வந்தவன்போல் கை,கால்களை வெட்டி வெட்டி  இழுப்பதோ அல்லது ”பிரபுதேவா டான்ஸ்” ஆடுவது போல பயிற்சியில் ஈடுபடுவதையோ  தவிர்க்கவும். வேகமாக செய்வதற்கு இது ஒன்றும் உடற்பயிற்சி அல்ல.

மனதையும், மென்மையான உள்ளுறுப்புகளையும், நாளமில்லா சுரப்பிகளையும், நரம்பு மண்டலங்களையும் ஒருசேர இயக்கி, இதமாக மசாஜ் செய்து, அதன்மூலம் ரத்தஓட்டத்தை சீராக உடல்முழுக்க பாய்ச்சி, அதன் மூலம் நோய் எதிர்ப்பு சக்தியையும், மனமகிழ்ச்சியையும் பெறுவதே இப்பயிற்சியின் நோக்கம் என்பதை நினைவில் நிறுத்தி நிதானமாக இப்பயிற்சியை மேற்கொள்ளவும்.

பயிற்சியின் பலன்கள்

“Surya Namaskar – சூரிய நமஸ்காரம்” என்னும் இந்த பயிற்சியை தொடர்ந்து செய்துவர உடலின் நெகிழ்வுத்தன்மையை மேம்படுத்துகிறது. தசைகளை வலுப்படுத்துகிறது. மூட்டுகளை வலுப்படுத்துகிறது. நரம்புமண்டலத்தை தூண்டுகிறது. வளர்ச்சிதை மாற்றத்தை அதிகரித்து உடல் எடையை அதிகரிக்கிறது.

தைராய்டு (Thyroid Gland), பாராதைராய்டு (Parathyroid Gland) சுரப்பிகளை சிறப்பாக வேலைசெய்ய தூண்டுவதால் நோய் எதிர்ப்புசக்தி அதிகரிக்கிறது.

உடலிலுள்ள அதிகப்படியான கொழுப்புகளை கரையச்செய்வதோடு… தொந்தி கணபதிக்கே சவால் விட்டுநிற்கும் உங்களின் தொப்பையையும் குறைக்கிறது.

இருதய ஆரோக்கியத்தை பராமரித்து சீரான இரத்த ஓட்டத்தை ஏற்படுத்தி இரத்தக்கொதிப்பை கட்டுப்படுத்துகிறது.

நுரையீரல், சிறுநீரகம் சிறப்பாக செயல்படும். நோயெதிர்ப்பு சக்தியை அதிகரித்து ஒட்டுமொத்த ஆரோக்கியத்தை மேம்படுத்துகிறது.

ஜீரண சக்தி மேம்படும். மலச்சிக்கல் நீங்கும்.

இளமை, அழகு, முகப்பொலிவு, நோய்நொடி இல்லாத வனப்பான தேகம் கிடைப்பது உறுதி.

ஆரம்பத்தில் இந்த பயிற்சி செய்வதற்கு கொஞ்சம் சிரமமாக இருக்கலாம். ஆனால் தொடர்ந்து செய்து கொண்டுவர உடம்பில் ஆரோக்கியமும், புத்துணர்ச்சியும், சுறுசுறுப்பும் எற்பட்டு தொடர்ந்து இப்பயிற்சி செய்ய உங்களுக்கு ஆர்வம் ஏற்படுவதை உங்களால் உணரமுடியும்.

முக்கிய குறிப்புகள்

காய்ச்சல், இருமல் முதலிய உடல்நலக்குறைவு உள்ளவர்கள் கண்டிப்பாக இப்பயிற்சியில் ஈடுபடாமல் இருக்கவேண்டும். அவசரம் வேண்டாம்… நலம் பெற்ற பின் பயிற்சியை தொடங்கலாம்.

வயிற்று வலி, வயிற்றுபோக்கு, உடல்வலி போன்ற பிரச்சனைகள் இருந்தால் பயிற்சியை தவிர்க்க வேண்டும்.

முதுகெலும்பில் பிரச்னை உள்ளவர்கள், ஒற்றை தலைவலி, உயர் இரத்த அழுத்தம், இதயநோய், வலிப்பு நோய், வயிற்றுப்புண், குடல் இறக்கம், கருப்பை இறக்கம் உள்ளவர்கள் இப்பயிற்சியில் ஈடுபடுதல் கூடாது.

பெண்கள் கர்ப்பமாக இருக்கும் காலங்களில் இப்பயிற்சியினை செய்தல் கூடாது. அதுமட்டுமல்லாது, மாதவிடாய் காலங்களிலும் பயிற்சியினை தவிர்க்கவேண்டும். பொதுவாகவே ஆசனங்களின் விதிமுறைகளின்படி தலைகீழாகவோ அல்லது பின்னோக்கி வளைந்தோ செய்யப்படும் ஆசனங்களை மாதவிடாய் காலங்களில் பெண்கள் செய்தல்கூடாது என்பது விதிமுறை.

எனவே, மாதவிடாய் காலங்களில் பெண்கள் சூரிய நமஸ்கார பயிற்சியையும் தவிர்த்தல் வேண்டும்.

பயிற்சிக்கு முன் தெரிந்து கொள்ள வேண்டியவை

சூரிய நமஸ்கார பயிற்சியை முடித்தவுடன் தொடர்ந்து சில யோகாசனப் பயிற்சிகளையும் செய்து வரலாம். ஆனால் மிக முக்கியமான விஷயம் என்னவென்றால் கடைசி ஆசனமாக கண்டிப்பாக ”சவாசனம்”. செய்யவேண்டும். இது மிக மிக முக்கியம்.

”சவம்” என்றால் பிணம். அதாவது பிணம்போல் உடலை தளர்வாக எந்தவித விறைப்புத் தன்மையும் இல்லாமல் வைத்து படுத்திருக்க வேண்டுமாதலால் ”சவாசனம்” என பெயர்பெற்றது.

சூரிய நமஸ்காரம், யோகாசனம் செய்யும் நீங்கள் இறுதி ஆசனமாக சவாசனம் செய்யாமல் பயிற்சியை முடித்தால் நீங்கள் இதுவரை செய்த மொத்த பயிற்சியும் வீண் என்பதை புரிந்து கொள்ளவும். எனவே கடைசி பயிற்சியாக சவாசனத்தை கண்டிப்பாக செய்யவும். சவாசனம் செய்வது எப்படி என்பதை ”யோகாசனம்-யோகா-அறிமுகம்” என்ற தலைப்பின் கீழ் பதிவிடப்பட்டுள்ளது. கண்டிப்பாகப் பார்வையிடவும்.

நோய்களை தெரிந்துகொள்வோம்

நாம் ஒவ்வொரு பதிவின் முடிவிலும் சம்பந்தப்பட்ட ஆசனங்கள் குணப்படுத்தும் பலவிதமான நோய்களில் ஒரு குறிப்பிட்ட நோயைப்பற்றியான அடிப்படை விஷயங்களை பார்த்து வருகின்றோம்.

இந்த பயிற்சியின் மூலமாக கிடைக்கும் பலன்களாக தசைகளை வலுப்படுத்துகிறது. மூட்டுகளை வலுப்படுத்துகிறது. நரம்புமண்டலத்தை தூண்டுகிறது. வளர்ச்சிதை மாற்றத்தை அதிகரித்து உடல் எடையை அதிகரிக்கிறது.

தைராய்டு (Thyroid Gland), பாராதைராய்டு (Parathyroid Gland) சுரப்பிகளை சிறப்பாக வேலைசெய்ய தூண்டுவதால் நோய் எதிர்ப்புசக்தியை அதிகரிக்கிறது.

இரத்தக்கொதிப்பை கட்டுப்படுத்துகிறது. நுரையீரல், சிறுநீரகம் சிறப்பாக செயல்படும்.

ஜீரண சக்தி மேம்படும். மலச்சிக்கல் நீங்கும் என பார்த்தோம்.

அதேபோல எந்தெந்த நோய்கள் மற்றும் உடல் பிரச்சனைகள் உள்ளவர்கள் இந்த பயிற்சியை செய்தல்கூடாது என்ற வகையில் “காய்ச்சல், இருமல் உள்ளவர்கள் இப்பயிற்சியில் ஈடுபடாமல் இருக்கவேண்டும்.

வயிற்று வலி, வயிற்றுபோக்கு, உடல்வலி போன்ற பிரச்சனைகள் இருந்தால் பயிற்சியை தவிர்க்க வேண்டும்.

முதுகெலும்பில் பிரச்னை உள்ளவர்கள், ஒற்றை தலைவலி, உயர் இரத்த அழுத்தம், இதயநோய், வலிப்பு நோய், வயிற்றுப்புண், குடல் இறக்கம், கருப்பை இறக்கம் உள்ளவர்கள் இப்பயிற்சியில் ஈடுபடுதல் கூடாது.

பெண்கள் கர்ப்பமாக இருக்கும் காலங்களிலும் மாதவிடாய் காலங்களிலும் பயிற்சியினை தவிர்க்கவேண்டும் என்பதனையும் பார்த்தோம்.

நோய்களை தெரிந்துகொள்வோம் வரிசையில் மேற்குறிப்பிட்ட நோய்களில் “கருப்பை இறக்கம்” பற்றிய அடிப்படை விஷயங்களை தெரிந்து கொள்வோம் வாருங்கள்.

*******

இத படிங்க முதல்ல – Read this first…

நோய்கள் வந்தபின் யோக சிகிச்சையால் பலன் கிடைக்குமா?

Can yoga therapy be beneficial after the onset of a disease?

பொதுவாக ஒவ்வொரு ஆசனங்களைப்பற்றி குறிப்பிடும்போது அதனை எவ்வாறு பயிற்சி செய்வது என்பதனை விளக்கியபின்பு அந்த ஆசனங்களை தொடர்ந்து பயிற்சி செய்வதால் ஏற்படும் பலன்கள் பகுதியில் சில குறிப்பிட்ட கடுமையான நோய்களைக்கூட அதாவது இரத்த அழுத்தம், இதய நோய்கள், மூட்டுவலிகள், வயிற்றில் உள்ள வேதனைதரும் பலவிதமான நோய்களைக்கூட இந்த ஆசனங்கள் குணப்படுத்தும் என்று கோடிட்டு காட்டப்படுகிறதல்லவா?

உண்மையில் அந்த ஆசனங்களில் சொல்லப்பட்டுள்ளதுபோல சம்பந்தப்பட்ட நோய்களை அந்த ஆசனங்கள் குணப்படுத்துமா என்றால்… குணப்படுத்துவதில்லை…

சாதாரண உடல் பிரச்சனைகளை குணப்படுத்தும். மறுப்பதற்கில்லை. ஆனால் நவீன மருத்துவத்திற்கே சவால்விடுகின்ற கடுமையான நோய்களை குணப்படுத்துவதில்லை என்பதே உண்மை.. குணப்படுத்துவதில்லை என்பது மட்டுமல்ல அதன் பாதிப்புகளை மேலும் அதிகப்படுத்திவிடுகின்றன என்பதுவும் மறுக்க முடியாத உண்மை.

அதாவது நோய்கள் வந்தபின்பு குணப்படுத்துவதில்லை. மாறாக வரும்முன்பாகவே சம்பந்தப்பட்ட நோய்கள் வராமல் உடலை பாதுகாக்கும். எதிர்ப்பு சக்தியை உடலுக்கு கொடுக்கும் அவ்வளவே!…

எவ்வாறெனில்,… ஒவ்வொரு ஆசனங்களும் ஒவ்வொரு குறிப்பிட்ட உறுப்புகளுக்கு அழுத்தம் கொடுத்து சுத்தமான இரத்தத்தை பாய்ச்சி அந்தந்த உறுப்புகளை ஆரோக்கியமாக வைத்திருக்கும். இதனால் நோய்கள் வராமல் முன்கூட்டியே உடலை பாதுகாக்கும்.

எனவே உங்களுக்கு நவீன மருத்துவத் துறைக்கே சவால் விடுகின்ற கடுமையான நோய்கள் உடலில் இருக்கும் பட்சத்தில் அதனை யோகாசன பயிற்சியால் குணப்படுத்தப் போகிறேன் என்று கோதாவில் இறங்கி மேலும் பல சிக்கல்களை ஏற்படுத்திவிடாதீர்கள்…

ஏற்கனவே உங்கள் உடலில் இருந்துகொண்டு வேதனை அளித்து கொண்டிருக்கும் பாதிப்புகளான இரத்த அழுத்தம், இதயம், நுரையீரல், கணையம், மூளை சார்ந்த பிரச்சனைகள், கடுமையான மூட்டுவலிகள், முதுகு வலிகள் மற்றும் வயிற்றில் உள்ள பலவிதமான நோய்களை முறையான மருத்துவ சிகிச்சைகள்மூலம் குணப்படுத்தியபின் அந்த குறிப்பிட்ட நோய் மீண்டும் ஏற்படாமல் உடலை பாதுகாப்பதற்கும் உடலின் நோய் எதிர்ப்புசக்தியை அதிகரிப்பதற்கும் யோகாசன பயிற்சியை மேற்கொண்டுவரலாம்.

அதாவது, உங்களுக்கு புரியும் படி சொல்லவேண்டுமென்றால் நோய்கள் வருவதற்கு முன்பே குறிப்பிட்ட ஆசனத்தை செய்துவருவதால் சம்பந்தபட்ட கடுமையான விளைவுகளை தரும் நோய்களை வராமலே தடுக்கலாம். வந்தபின்பு அல்ல… நன்றி!

*******

The post Surya Namaskar – சூரிய நமஸ்காரம் appeared first on Personality Fitting.